Seria A
Plas te Napoli/ Gatuzo dhe Inzinje tërbohen pas ndeshjes, sherr dhe mes tyre
Sasuolo u ka ngrirë buzëqeshjen në fytyrë lojtarëve të Napolit mbrëmjen e sotme. Insinje përmbysi shifrat në minutën e 90, por 4 minuta më vonë, Kaputo barazon shifrat në 3-3.
Ky rezultat i çmendur ka bërë që të tërbohen te Napoli. Gatuzo menjëherë ka përplasur përtokë xhaketën e tij, ndërsa kapiteni Lorenco Insinje godet me shkelm tabelat në korridorin e hyrjes për në dhomat e zhveshjes.
Por dyshes në fjalë nuk i kanë mbajtur nervat as kundrejt njëri-tjetrit. Sipas asaj që raportojnë mediat italiane, Gatuozo se dhe sulmuesi i të kaltërve kanë pasur një zënkë pas vërshëllimës së 3-fishtë të gjyqtarit.
Gjithashtu Insinje ka ëshuar britma edhe në drejtim të shokëve të skuadrës, të cilët u treguan të pakujdesshëm dhe i falën një penallti Sasuolos në sekondat e fundit të takimit.
La indignación de Gennaro Gattuso tras el empate al último minuto del #Sassuolo 3-3 #Nápoli pic.twitter.com/ic9VWk4TWH
— @gurudelfutbol (@gurudelfutbol1) March 3, 2021
Seria A
Lajm i madh nga Italia/ Ja kur rikthehet tifozët në stadiume
Lajme pozitive nga Italia, për sa i përket rikthimit të tifozëve në stadium. Një hap i vogël drejt normalitetit: nga 1 maji i ardhshëm, në Serinë A do të kthehet publiku në stadiumet që janë në zonën e verdhë.
Sipas Ansa-s, do të lejohet hyrja e publikut në impiantet e hapura deri në një maksimum prej 1.000 spektatorësh dhe ato të mbyllura deri në 500 për të gjitha aktivitetet sportive që kanë interes kombëtar. Gjithsesi pritet që në ditët në vijim të ketë një zyrtarizim nga qeveria në lidhje me këtë lajm.
Masa pritet të hyjë në fuqi në javën e 34 të kampionatit italian, që do të hapet nga ndeshja mes Veronë dhe Specias në Bentegodi. Inter do të luajë në Krotone, Milani do të sfidojë Beneventon.
Të dielën do të vazhdohet me Lacio-Xhenoa, Napoli-Kaljari, Sasuolo-Atalanta, Bolonja-Fiorentina, Udineze-Juve, Sampdoria-Roma dhe Torino-Parma.
Seria A
Gjest i madh nga Mandzukic, heq dorë nga rroga e muajit mars… se nuk ka luajtur
Sulmuesi i Milanit, Mario Manxukiç, ka bërë një gjest prej kampioni të vërtetë, teksa ka hequr dorë nga paga e tij për muajin mars, për shkak se nuk ishte i disponuëshëm në këtë periudhë, për shkak të një dëmtimi. Si pasojë, të gjitha të ardhurat e këtij muaji do të kalojnë për bamirësi.
Ky vendim është komplimentuar edhe nga presidenti i Milanit, Paolo Skaroni, i cili vlerëson etikën dhe profesionalizmin e kroatit dhe respektin e tij për klubin kuqezi. “Një gjest i jashtëzakonshëm. Klubi do të ketë kështu mundësinë për të mbështetur më tej Fondacionin Milan”, u shpreh ndër të tjera Skaroni. Rroga e muajit mars e Manxukiç është afro 300 mijë euro. Kroati ka firmosur kontratë 6 mujore me kuqezinjtë, e cila shkon në total 1.8 milionë euro.
Seria A
Hajdutët i hyjnë në shtëpi, Smalling hap kasafortën dhe u jep pasurinë me duart e tij
Kur Roma po festonte kualifikimin pasi shkoi në gjysmëfinalen e Europa League pas përballjes me Ajaksin, një surprizë e pakëndshme erdhi për Chris Smalling. Tre grabitës kanë hyrë në shtëpinë e mbrojtësit dhe e detyruan që të hap kasafortë për t’i marrë disa ora rolex dhe sende me vlerë.
Ngjarja ka ndodhur në mesnatën e sotme dhe policia është thirrur në orën 5 të mëngjesit, duke mbërritur menjëherë në vendngjarje. Smalling ishte i shokuar nga ajo që ndodhi, por gjendja e mbrojtësit të Romës është nën kontroll tanimë. Ky futbollist nuk ishte pjesë e skuadrës në ndeshjen kundër Ajaksit për shkak të një problemi muskulor.
