Connect with Us

A ka shenja për fundin e pandemisë së koronavirusit?

Bota

A ka shenja për fundin e pandemisë së koronavirusit?

Publikuar

-

Ndërkohë që shumë druajnë për mutacionet dhe një valë të tretë, në mbarë botën po ulen shifrat e infeksioneve. A po humbet virusi forcën apo masat e marra po japin efekt?

Me fillimin e pranverës edhe durimi tek shumë njerëz ka një fund: Ata duan një perspektivë, se kur do të shfuqizohet lockdown-i gradualisht, kur do të mund të vaksinohen dhe kur do të marrë fund kjo pandemi.

Diskutime të tilla morën hov edhe nga fjalët që qarkulluan, sikur OBSH pret një fund të shpejtë të pandemisë së koronavirusit. Drejtori i OBSH-së për Europën, belgu Hans Henri Kluge, në një intervistë për radion daneze citohet të ketë thënë, se për pak muaj do të jetë përballuar pandemia”.

Por vetë drejtori i OBSH-së thotë, se e kanë keqkuptuar. Pas debatesh të ashpra në qarqet e ekspertëve dhe në rrjetet sociale, Kluge bëri të qartë për televizionin gjerman ZDF, se ai “nuk e ka thënë kurrë këtë”. Ai thekson, se ajo që ka thënë është, se askush nuk mund të parashikojë, se kur do të jetë përballuar pandemia.

“Do të thoja – si një hipotezë analize – se në fillim të 2022 ne do ta kemi lënë pas pandeminë”, sqaron më tej drejtori, por Kluge thotë në ZDF, se beson, që nuk do të jenë më të nevojshme masat e bezdishme.

Virologët gjermanë paralajmërojnë të mos zbuten masat kufizuese

Në qarqet shkencore citati i drejtorit të OBSH-së, Kluge, shkaktoi habi. Në twitter virologu gjerman Christian Drosten nga Charité në Berlin i hodhi poshtë të gjitha hamendësimet, se virusi është dobësuar: “Jo, ndërkohë nuk ka shenja dobësimi tek asnjëri nga mutacionet e njohura. Ky do të ishte vetëm një spekulim”, thotë Drosten.

Virologu i Charité-së në fillim të janarit në një podcast për radion NDR shpjegoi, se do të zgjasë shumë derisa virusi të bëhet endemik, pra që ai do të mbetet si virus, por mund të shfaqet i lokalizuar.

Më 2021 gjendja me koronavirusin mund të bëhet edhe më e rrezikshme, tha për revistën „Spiegel” virologu i Charité-së.

Edhe epidemiologu Karl Lauterbach mendon ngjashëm dhe i paralajmëron politikanët që te mos nxitojnë me zbutjen e masave. Kryeministri i bavarisë në radion Bayrische Rundfunk duke iu referuar konsultimit mes landeve dhe federatës tha, se tani nuk duhet të biem në një lloj „dehje për hapjen”.

Tendenca e shifrave të infeksioneve

Numri i infeksioneve të konfirmuara me SARS CoV-2 në fund të shkurtit në mbarë botën ishte rreth 114 milionë.

Rreth 2,5 milionë të infektuar kanë humbur jetën, mbi 64,4 milionë janë shëruar.

Parë në shifra absolute këto të dhëna janë tronditëse dhe në vende të veçanta virusi po vazhdon të bëjë kërdinë. Kësaj i shtohet edhe shqetësimi i krijuar prej mutacioneve që përshpejtojnë një valë të tretë.

Por parë në planin global po vërehet një lloj çtensionimi befasues. Sipas OBSH-së në mbarë botën shifrat e infeksioneve që prej dy muajsh po bien dukshëm, madje qartazi më shpejt nga sa ishte parashikuar.

Në mes të janarit çdo ditë infektoheshin 700.000 vetë, ndërkohë infektohen diçka më shumë se gjysma. Edhe numri i vdekjeve me ose prej COVID-19 brrenda një muaji pothuajse është përgjysmuar.

LEXO EDHE:  Gjermania ndalon një shoqatë naziste

Sado me kujdes Sekretari i Përgjithshëm i OBSH-së Tedros Adhanom Ghebreyesus i konsideroi shifrat në rënie si një „shenjë shprese”: „Kjo tendencë na kujton, se edhe pse ne sot diskutojmë për vaksinat, COVID-19 me masat e provuara të shëndetit publik mund të mposhtet dhe të mbahet nën kontroll një virus. Në fakt kjo është pikërisht ajo që kanë bërë shumë vende.”

Përse bien shifrat e infeksioneve në mbarë botën?

Ka mjaft arsye që përmenden për rënien e dukshme të numrit global të infeksioneve që përdoren si argumenta për qasjen e mëtejshme. E qartë është se kjo nuk ka të bëjë vetëm me vaksinën, sepse deri tani është vaksinuar vetëm një pjesë e vogël e popullsisë globale.

Sigurisht që rregullat e distancës dhe të higjenës në shumë vende japin efekt. Kjo bën që të mund të fillojë ngadalë zbutja e masave për ndalimin e kontakteve.

Në disa vende si SHBA apo në Brazil ndërkohë janë infektuar shumë njerëz, gjë që ka bërë që të avancojë imunizimi bazë i popullsisë. Me një mënyrë me shumë humbje në SHBA gradualisht po krijohet një lloj imuniteti i tufës, nëse mbledh së bashku rastet e reja të regjistruara dhe shifrën e hamendësuar të rasteve të paregjistruara.

Disa studiues janë të mendimit, se koronavirusi në një afat të mesëm përmes mutacioneve do të dobësohet, edhe pse tani për tani një parashikim i tillë mund të duket si i çuditshëm.

Ne me stë shkurtit studiuesit në SHBA në universitetet e Atlantës dhe Pensilvanisë nën drejtimin e biologes Jennie Lavine botuan në revistën shkencore Science një studim që tërhoqi shumë vëmendjen. Në të ato parashikonin, që mutacionet shumë shpejt do të bëhen „endemike”, pra duke mbetur të lokalizuara. Në këtë mënyrë virusi do të humbasë vrullin e infektimit dhe po ashtu vaksinimi do ta përshpejtojë këtë proces.

Edhe pandemitë e gripit janë zhdukur papritur. Këtë parashikim e konfirmon edhe epidemiologu Klaus Stöhr, i cili ka drejtuar programin e OBSH-së Global-Influenza dhe ka qenë atje koordinator i studimeve shkencorre për SARS. Përvojat me gripin në të kaluarën, sipas Stöhr kanë treguar qartë, se ecuria e infeksioneve me shumë gjasë mund të bjerë papritur.

Gjatë pandemisë së gripit të rëndë aziatik më 1957, prej nga humbën jetën deri në katër milion njerëz si dhe gripit të Hongkongut më 1968 me rreth tre milionë të vdekur, gripi u zhduk shpejt dhe papritur, ashtu siç edhe u shfaq.
Gjatë valës së dytë të gripit spanjoll pas fundit të Luftës së Parë Botërore pati më shumë viktima. Gjatë kësaj pandemie në vitet 1918/19 dhe 1920 mendohet se kanë humbur jetën mbi 50 milionë njerëz. Vala e tretë u shua shumë shpejt, por virusi mbeti. Edhe sot virusi H1N1shfaqet në formë të dobësuar gjatë një gripi të zakonshëm.

A do të jetë koronavirusi një mysafir i përhershëm pa qeder?

Një ecuri të ngjashme mund të ketë edhe virusi SARS-CoV-2: Me gjasë koronavirusi do të mbetet dhe do të shfaqet vetëm i lokalizuar. Nëse ai dobësohet prej mutacioneve, humbet edhe efektin shkatërrimtar.

Derisa të arrihet konsolidimi i tendencës positive globale, do të duhet të përballohet situata e vështirë mes kufizimit të kontakteve dhe zbutjes së mundshmë të masave kufizuese./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Rreth 200 afganë që kanë ndihmuar forcat amerikane evakuohen në Shtetet e Bashkuara

Publikuar

-

Nga

Rreth 200 afganë që kanë ndihmuar forcat amerikane evakuohen në Shtetet e Bashkuara

Rreth 200 afganë që kualifikohen për statusin e imigrantit special (SIV) mbërritën me një avion special në Shtetet e Bashkuara të premten si pjesë e një operacioni për të evakuuar ata që i dhanë ndihmë qeverisë amerikane.

Zyrtarët e Shtëpisë së Bardhë e njoftuan Operacionin Refugjatët e Aleatëve më 14 korrik, duke thënë se do të evakuonin përkthyesit afganë dhe të tjerë që ndihmuan qeverinë amerikane gjatë luftës, së bashku me familjet e tyre, të cilët tani kanë frikë nga hakmarrja e talebanëve.

Zëvendës Këshilltari i Sigurisë Kombëtare Russ Travers u tha gazetarëve se sjellja e tyre në SHBA “përmbush angazhimin e Shteteve të Bashkuara dhe nderon shërbimin e guximshëm të këtyre afganëve në ndihmën për të mbështetur misionin tonë”.

Fluturimi drejt sigurisë

Zyrtarët amerikanë thanë se me udhëtimin e parë erdhën rreth 200 persona me statusin special SIV dhe anëtarët e familjes së tyre. Rreth 700 të tjerë që kanë përfunduar procesin do të evakuohen në javët e ardhshme.

Ata do të dërgohen në Fort Lee, një bazë ushtarake në Virxhinia, ku do të kalojnë rreth një javë duke iu nënshtruar kontrolleve mjekësore dhe duke përfunduar dokumentet para se të zhvendosen. Ata që kanë lidhje familjare do të vendosen pranë tyre, të tjerët do të sistemohen përmes Programit të Pranimeve të Refugjatëve të Departamentit të Shtetit.

Sipas Departamentit të Shtetit, grupi i parë i refugjatëve i është nënshtruar testimit për COVID-19. Nëse dikush teston pozitiv, ata do të karantinohen para udhëtimit.

“Ne kemi ofruar vaksina në Kabul për ata që janë të interesuar, dhe gjithashtu do t’i ofrojmë ato vaksina edhe në Fort Lee,” tha Ambasadorja Tracey Jacobson me grupin koordinues të Departamentit të Shtetit për Afganistanin.

LEXO EDHE:  Mbi 1.5 milion persona të prekur nga koronavirusi/ Pothuajse 90,000 jetë të humbura në gjithë botën

Vlerësohet se rreth 2,500 shtetas afganë të kualifikuar dhe ende të mbetur në Afganistan do të evakuohen përfundimisht në SHBA.

LEXO EDHE:  Basha lidhje direkte nga Gjermania/ Po përgatis programin, do të shpëtoj Shqipërinë

Përshpejtimi i evakuimit të afganëve është një përparësi, tha Karine Jean-Pierre, zëvendës sekretare e shtypit, gjatë një konferencë të enjten në Shtëpinë e Bardhë.

“Presidenti vendosi një objektiv të qartë. Ne do të fillojmë zhvendosjen e aplikantëve të kualifikuar dhe familjeve të tyre para fundit të këtij muaji,” tha ajo.

“Kjo është një përpjekje e pandalur e qeverisë në mbarë botën, siç mund ta imagjinoni të gjithë, dhe ne synojmë të përmbushim synimin e presidentit”.

Më shumë se 70,000 afganë janë zhvendosur deri tani

Autorizimi origjinal për statusin e imigrantit special SIV u nënshkrua në ligj në vitin 2008 nga Presidenti i atëhershëm George W. Bush dhe kishte për qëllim t’u jepte qytetarëve irakianë siguri në Shtetet e Bashkuara. Që atëherë, qeveria ka vendosur më shumë se 70,000 afganë me statusin SIV në Shtetet e Bashkuara.

Departamenti i Shtetit thotë se të tjerët në rrezik të ndëshkimit talebanë – përfshirë udhëheqëset e të drejtave të grave, aktiviste, gazetarë, mbështetës të të drejtave të njeriut dhe të tjerë – mund të apelojnë në ambasadën amerikane në Kabul, e cila mund të bëjë rekomandime për Programin e Pranimit të Refugjatëve.

Programi i zhvendosjes SIV pritet të vazhdojë pasi trupat amerikane të përfundojnë tërheqjen e tyre nga lufta më e gjatë në historinë e vendit. Deri më 1 shtator, tha ushtria, trupat e mbetura amerikane në Afganistan pritet të përqendrohen në ruajtjen e Ambasadës Amerikane dhe aeroportit të Kabulit./voa

LEXO TE PLOTE

Bota

Presidenti Biden shpall masat e reja për frenimin e COVID-19

Publikuar

-

Nga

Presidenti Biden shpall masat e reja për frenimin e COVID-19

Ndërsa varianti Delta i virusit që shkakton COVID-19 përhapet me shpejtësi në të gjithë vendin, Presidenti amerikan Joe Biden ka njoftuar se punonjësit civilë të qeverisë federale duhet të vaksinohen ose t’i nënshtrohen testimeve të rregullta dhe të mbajnë maska. Po ashtu mbajtja e maskës do të kërkohet për të gjithë punonjësit dhe vizitorët në shumë ndërtesa federale.

Presidenti Biden foli të enjten nga Dhoma Lindore e Shtëpisë së Bardhë.

“Me vendimin tim, nën drejtimin tim, i gjithë personeli federal dhe vizitorët në ndërtesat federale do të duhet të bëjnë të njëjtën gjë. Siç e kam thënë që në fillim, mbajtja e maskës nuk është deklaratë politike, ka të bëjë me mbrojtjen e vetes dhe mbrojtjen e të tjerëve. Maska është mbrojtje kundër përhapjes së COVID-19. Por nuk ka dyshim që vaksinat janë mbrojtja më e mirë kundër sëmundjes së rëndë nga COVID-19 “, tha Presidenti Biden.

Qeveria federale punëson më shumë se 4 milionë amerikanë, përfshirë mbi 2 milionë punonjës civilë federalë, thuhet në një deklaratë të Shtëpisë së Bardhë.

LEXO EDHE:  Homologu i Bushatit: Reforma në Drejtësi të bëhet realitet

LEXO EDHE:  Gjermania ndalon një shoqatë naziste

Të njëjtat standarde do të zbatohen për kontraktorët federalë, shtoi zoti Biden.

Presidenti tha gjithashtu se po i kërkon Departamentit të Mbrojtjes të shqyrtojë se si dhe kur ta shtojë vaksinën e Covidit në listën e vaksinave të detyrueshme për personelin e ushtarak.

Sindikatat që përfaqësojnë punëtorët federalë po tregohen të përmbajtur anë reagimet e tyre.

“Ne presim që hollësitë e çdo ndryshimi në kushtet te punës, përfshirë ato që lidhen me vaksinat COVID-19 dhe protokollet e lidhura me to, të negociohen siç duhet me njësitë tona para se të zbatohen,” tha Everett Kelley, kreu i Federatës Amerikane të Punonjësve të Qeverisë, sindikata më e madhe e punonjësve federalë, që përfaqëson një fuqi punëtore prej 700,000 vetësh.

“Detyrimi i njerëzve për një procedurë mjekësore nuk është mënyra amerikane e të vepruarit dhe është një shkelje e qartë e të drejtave civile, pavarësisht se si e justifikon atë,” tha Larry Cosme, president i Shoqatës Federale të Zyrtarëve të Zbatimit të Ligjit, e cila përfaqëson 30,000 vetë në 65 agjenci./voa

LEXO TE PLOTE

Bota

Masat anti-Covid/ Testi i detyrueshëm për ata që kthehen në Gjermani

Publikuar

-

Nga

Numri i infektimeve të sjella në Gjermani nga udhëtimet jashtë vendit po rritet, njofton Instituti Robert Koch. Qeveria gjermane po shtrëngon frenat nga frika e valës së katërt të pandemisë së Coronës.

Rregullat e reja për hyrje në Gjermani kanë për qëllim frenimin e përhapjes së virusit Corona prej pushuesve jashtë vendit. Sipas një projekt-urdhërese nga Ministria federale e Shëndetësisë, personat e pavaksinuar në veçanti duhet të jenë të përgatitur për detyrime të reja për testim. “Vala tjetër e numrit të lartë të infektimeve që pritet, sipas parashikimeve aktuale, duhet të shtyhet sa më shumë që të jetë e mundur.” Kabineti i qeverisë federale do të vendosë mbi draftin të premten (30.07), e vendimi duhet të hyjë në fuqi të dielën.

Dëshmia për teste, vaksinim dhe shërim

Në parim, sipas draftit të fundit, në të ardhmen të gjithë personat mbi 12 vjeç që vijnë në Gjermani duhet të kenë një test negativ, apo një certifikatë se janë shëruar nga Covid-19 apo janë vaksinuar. Ndërsa për personat që vijnë nga një zonë me variante shqetësuese të virusit, vlen rregulli që të gjithë duhet të kenë një test negativ, pavarësisht vaksinimit apo shërimit. Në listën e vendeve me mutacione të virusësve janë aktualisht Brazili dhe Afrika e Jugut.

LEXO EDHE:  Gjermania ndalon një shoqatë naziste

Infektimet jashtë vendit

LEXO EDHE:  “Beteja me Covid nuk është e pamundur”/ Përmirësohet gjendja e myftiut të Shkodrës

Infektimet me virusin Corona, të cilat ndoshta kanë ndodhur gjatë udhëtimit, kanë ndikuar edhe në rritjen e numrit të infektimeve në Gjermani, njofton Instituti Robert Koch (RKI). Sipas raportit të fundit për situatën, Spanja, Turqia dhe Holanda janë ndër vendet prej nga kthehen më së shumti persona të infektuar. Pasojnë Kroacia dhe Greqia. Por numri më i madh i infektimeve vazhdon të ndodhë brenda Gjermanisë, thonë autoritetet e RKI. Fjala është për të paktën 81 përqind e personave të infektuar. Në periudhën prej 28 qershorit deri më 25 korrik janë raportuar 3.662 raste të infektimeve jashtë vendit.

Në raport thuhet se variantet e virusit të klasifikuar si shqetësuese mbizotërojnë ndërkohë në Gjermani dhe në vendet e tjera të Evropës. Në Gjermani numri më i madh i të infektuarve është nga virusi Delta. Sipas RKI, incidenca shtatë-ditore në Gjermani aktualisht po rritet, veçanërisht tek fëmijët, adoleshentët dhe të rriturt, në grupet e moshave nga 10 deri 34 vjeç./DW

LEXO TE PLOTE