Lëvizja Socialiste për Integrim, e cila shquhet për vjedhje të votave, po çudit mbarë opinionin publik, gjoja me denoncime, po për vjedhje votash.

LSI e cila konsiderohet si simbol i zarfit dhe i krimit, sot  kur mban ende të njëjtën lëkurë hiqet si mbrojtëse e votave.

“Ujku qimen e ndërron, por zakonin se harron”, thotë populli. Fjalë e urtë kjo, që i shkon për shtat LSI-së, e cila po drejtohet ende nga i njëjti “ujk”, që më herët është kapur me presh në duar.

Sot i njëjti, nxjerr “kukullat” e tij, gjoja të denoncojnë krime zgjedhore dhe hap portal në faqe të Presidencës për të denoncuar po të ashtuquajturat krime zgjedhore.

Për më tepër kërcënon edhe me prerje duarsh, ndërsa një person i  afërt me të, po përdor paratë e kompanisë së bashkëshortes së tij, të denoncuar më herët nga kreu i PD Lulzim Basha, për të blerë jo vetëm vota, por edhe makina për “të fortët”.

Vetëm pak ditë më parë, policia kapi një drejtues të LSI-së në Pukë,  me mbi pesë milionë lekë në makinë dhe me një listë me 28 emra shoqëruar me një fletë votimi demonstrative për të votuar LSI.

Vasil Shabani u arrestua nga Policia, ndërsa nën hetim është vënë kryetari i LSI në Pukë, D.S. Ndërkohë, nga kryetarja ligjore e LSI-së, Monika Kryemadhi nuk pati asnjë reagim.

Por, bëmat dhe skandalet e LSI-së me vjedhjet e votave janë të hershme. Kujtojmë skandalet e vitit 2017.

Në zgjedhjet parlamentare të vitit 2017, pas denoncimit për vjedhje të votave nga kreu i PDIU, Shpëtim Idrizi, KQZ hapi 64 kuti votimi dhe pas rinumërimit, rezultoi se LSI kishte vjedhur më shumë vota nga të gjitha partitë politike.

Po në të njëjtat zgjedhje, një ditë para votimeve , përfaqëues të LSI-së u kapën nga Policia me shuma të mëdha parash në makinë dhe një listë votuesish. Policia raportoi emrin e I.B. të LSI-së, i cili u kap në flagrancë tek Ura e Mesit në Shkodër.

Nga Shkodra pazare me votat nga LSI u kontstuan në Korçë, në zgjedhjet e vitit 2017. Policia zuri në flagrancë një grup të rinjsh duke shpërndarë para në këmbim të votave, ditën e votimit të 25 Qershorit. Kujtojmë se në polici u shoqërua kryetari i grupit të këshilltarëve të LSI në Këshillin Bashkiak të Korçës, P.M. I njëjti siç raportohet nga media ishte arrestuar edhe në vitin 2013 për blerje votash për LSI-në.

Po ditën e zgjedhjeve të 25 Qershorit 2017, nga policia u godit një tjetër grup i LSI-së, që po shpërndante para dhe ushqim në këmbim të votave.

Pazare me votat në 2017, që mbajnë firmën e LSI, janë konstatuar edhe në  Delvinë, ku sërish u kap një grup që po shpërndante para në këmbim të votave.

Gjeografia e shit-blerjes së votave nga LSI në zgjedhjet e vitit 2017 është shtrirë edhe në Berat, ku u përfshinë disa funksionare të LSI-së.

Janë edhe shumë e shumë raste të tjera, ku LSI  është  akuzuar për vjedhje votash.

Pra, ekskluziviteti i vetëm i LSI –së, është shit-blerja e votave. Nëse turpi dhe krimi zgjedhor do të kishin formë, simbol do të ishte LSI./CNA.al

Kur na ndajnë vetëm pak ditë nga zgjedhjet e 25 Prillit, në një intervistë për CNA.al, kandidati i Bindjes Demokratike në Vlorë, Ardian Kollozi ka dhënë një mesazh për qytetarët.

“Mesazhi i drejtëpërdrejtë, është një ftesë e sinqertë. Me një grup njerëzish, që mendoj se është koha për të ndryshuar në mënyrë të shpejtë , në mënyrë të plotë, në mënyrë të thellë dhe të gjithanshme politikbërjen dhe konceptin e saj.

Ftesa jonë është të mbështesin Bindjen Demokratike, sepse është oferta e vetme në vizionin tonë që garanton pikërisht atë që shoqëria sot kërkon”, është shprehur Kollozi.

Kollozi është shprehur i bindur se qytetarët e gjithë Shqipërisë do të votojnë numrin 4 dhe kandidatët e Bindjes Demokratike.

“Të jenë të sigurt që çdonjëri, që do t’iu besojë dhe do t’i delegojë përfaqësimin Bindjes Demokratike dhe kandidatëve të saj, ka deleguar vullnetin e tij tek një ekip, që nuk do lërë më asnjë përpjekje dhe me vullnet të hekurt do të realizojë atë që shqiptarët presin, ndryshimin”, është shprehur më tej, Kollozi.

Bindja Demokratike, sipas tij, do të jemi forcë përcaktuese qeverisëse.

“Nuk do të lejojmë që asnjë nga dy partitë e mëdha të marrë 71 vota, natyrisht as ne nuk jemi me atë që do ti fitojmë ne zgjedhjet, por, nuk do të lejojmë që asnjë nga forcat e mëdha të marrin 71 vota. Numrat tanë do jenë përcaktues në maxhorancën e re dhe ne do të përcaktojmë, do determinojmë, do të kondicionojmë ndryshimin falë mbështetjes së gjithë qytetarëve të Vlorës dhe gjithë Shqipërisë”, ka thënë Kollozi.

Ndër të tjera, kandidati i Bindjes Demokratike në Vlorë, Ardian Kollozi, ka folur për situatën ekonomike të qytetarëve të Vlorës dhe pasojat.

“Shqetësimet janë ato si kudo, vështirësia ekonomike, e cila është shtuar dhe e theksuar edhe për shkak të pandemisë. Fakti, se Vlora pavarësisht mundësive edhe potencialit të madh edhe sot nuk krijon dot standart dhe mirëqënie për qytetarët e vet. Tani alternativa e vetme për fat të keq qëndron emigrimi. Ka investime në Vlorë dhe janë të mirëpritura por edhe asgjë nuk ndryshon për qytetarët e Vlorës, sepse siç duket Qeveria socialiste është duke e konceptuar Vlorën si një aset, si një mundësi zhvillimi, por jo për vlonjatët”, ka thënë ai.

Sipas tij në këtë pikë, shkon për shtat shprehja, “Vlora është e lirë pa vlonjatët”./CNA.al

Lëvizja Socialiste për Integrim, nëpërmjet kandidatit për deputet në Korçë, Endrit Braimllari, ka dalë në media duke denoncuar, “krime zgjedhore”.

LSI, e cila e ka ekskluzivitet vjedhjen e votave, gjë që u vërtetua dhe me rastin e fundit të evidentuar nga policia, po denoncon krime zgjedhore.

Braimllari ka folur me emra, duke denoncuar disa drejtorë në Korçë, të cilët i etiketon si “banda e Niko Peleshit”.

Ndërkohë, një zyrtar i afërt pranë Presidentit Ilit Meta, po përdor paratë e kompanisë së bashkëshortes së tij të denoncuar më herët nga kreu i PD Lulzim Basha,po blejnë jo vetëm vota por edhe makina për “të fortët”.

Ndërkaq Endrit Braimllari, del me denoncime dhe etiketime.

Sipas tij, Niko Peleshi, ka urdhëruar hajdutët e tij të institucioneve publike të shkojnë shtëpi më shtëpi me para, duke ofruar leje legalizimi, kontrata pune fiktive, ndihmë sociale selektive dhe partiake dhe mbështetjen e institucioneve në kundërshtim me ligjin.

“Kam një mesazh shumë të qartë për hajdutët e Niko Peleshit, do me kenë ballë për ballë me 25 prill por dhe pas 25 prillit për të bërë transparencë në opinion publik por dhe për të vënë drejtësi në vend.

Petrika TollkuçI, drejtori i FSDKSH, peshkaqeni i farmacistëve në Korçë, që shfrytëzon restorantin e tij ‘Rosica’ për pastrim parash dhe për blerje votash. Ilir Bajlozi, Drejtor i Institutit të Sigurimeve Shoqërore.

Po shfrytëzon pozicionin e tij publik në funksion të Niko Peleshit. Nuk munden, të rinjtë dhe të rejat korçare të punojnë për larë paratë dhe borxhet e kumarit të Ilir Bajlozit. Artur Qeramixhiu drejtor i OSHEE në Korçë.

Përdor pozicionin e tij publik në funksion të fushatës, duke urdhëruar elektricistët të votojne rilindjen me lista por dhe të bëjnë lidhje selektive të energjisë në Korçë në kundërshtim me ligjin”, ka denoncuar Braimllari.

Pra, LSI, na del në variantin, kur “hajduti” bërtet japeni hajdutin”./CNA.al