Politikë
U dëmtua nga tërmeti/ Rama nxjerr pamjet: Ja si do të jetë materniteti në Tiranë
Kryeministri Edi Rama ka publikuar mëngjesin e sotëm një video nga puna për ndërtimin e maternitetit të vjetër të Tiranës, i cili u dëmtua nga tërmeti i 26 nëntorit.
Përmes videos, Rama ka treguar se si do të jetë godina e re e ‘Mbretëreshës Geraldinë’. Ai thekson se janë ndërtuar nga themelet edhe 3 maternitete të tjera në vend.
“MIRËMËNGJES
dhe me fillimin e investimit të shumëpritur për zgjerimin dhe rindërtimin e plotë të maternitetit të vjetër të Tiranës pas dëmtimeve nga tërmeti, teksa janë duke u ndërtuar nga themelet edhe 3 maternitete të tjera në vend, ju uroj një ditë të mbarë”, shkruan Rama./CNA.al
Politikë
Pse nuk bashkëpunon me Berishën?/ Rama: Me Saliun politika është…
Kryeministri Edi Rama e ka cilësuar ish-kryeministrin Sali Berisha si një lider, ndonëse pretendon se është lider me karakter të mbrapshtë.
Duke marrë shkas nga kjo deklaratë, Rama është pyetur se përse nuk bashkëpunon me Berishën, por kreu i qeverisë tha se politika do ishte e patejkalueshme.
Kryeministri u ndal edhe te ftesa e tij për bashkëpunim me Lulzim Bashën, për të cilën deklaroi në Vizion Plus se e shikon si një domosdoshmëri për nevojat e vendit.
“Faleminderit shumë! Me Saliun, politika është e patejkalueshme. Ndërsa me një forcë si PD, që do të dalë nga zgjedhjet në opozitë, më e pranishme në Kuvend sesa në 2017 sepse prania e LSI në Kuvend do të jetë shumë më e reduktuar, domosodoshmëria për të bashkëpunuar.
Është një domosdoshmëri që vjen nga nevoja e vendit sot, që po del nga një situatë e jashtëzakonshme. Jemi përpara një mundësie të jashtëzakonshme për të transformuar në realitet projekte të jashtëzakonshme. Kërcënimi i vetëm për këto është politika, marrëzia e politikës”, u shpreh Rama./ CNA.al
Politikë
Basha “josh” socialistët: Ju jeni motrat dhe vëllezërit tanë, do jem kryeministër i të gjithëve
Kreu i PD, Lulzim Basha përmes një video-mesazhi në Facebook u kërkoi të gjithë socialistëve t’i besojnë atij.
Ai tha se misioni është i përbashkët, duke i garantuar se nëse i jepet besimi, do të jetë kryeministër i të gjithëve, pa dallim.
“Ju jeni motrat dhe vëllezërit tanë, ne jemi një komb, një familje, ne përballemi me të njëjta probleme, ne të gjithë bashkë kemi një mision, një dëshirë, një aspiratë, ta bëjmë të ardhmen e fëmijëve tanë më të mirë. Unë ju garantoj se do të jem kryeministër i të gjithë shqiptarëve. Ne do të kujdesimi për të gjithë” tha Basha.
Gjithashtu Basha njoftoi se nesër do të ketë një tur të gjatë nga Saranda në Tropojë.
“Jam rrugës për në Sarandë dhe nesër do të nis një tur nga Saranda. Do të vazhdojë nga Jugu në Veri, nga Sarandë në Tropojë. Është diçka që mezi po e pres, do të jetë një ditë shumë e gjatë por do të jetë shumë e bukur” tha ai./CNA.al
Politikë
Universiteti Politeknik bëhet blu/ Basha nxjerr pamjet nga sheshi “Nënë Tereza”
Universiteti Politknik në sheshin “Nënë Tereza” në Tiranë është mbuluar mbrëmjen e sotme nga ngjyra blu me logon e PD.
Kreu i PD-së Lulzim Basha ka publikuar në “Facebook” videon me pamjet e mbrëmjes së sotme të korpusit, një nga ndërtesat simbol të Tiranës.
“
Nga Sheshi Nënë Tereza #Voto9PD #ShqipëriaFITON”, shkruan Basha./CNA.al
