Politikë
Një sqarim për doktor Berishën/ Ramës i njohim Olsin dhe Lulit kunatin
Ish-kryeministri i vendit Sali Berisha dje ka bërë një dalje publike në Syri TV, ku shpalli Lulin misionar dhe i dha çdo mbështeje të pakufijshme atij që vetë e zgjodhi në krye të PD dhe shpesh e quan si dështim.
Berisha në një nga qëndrimet e tij theksoi se Edi Ramës shqiptarët ia njohin vëlla Olsin, ndërsa tha se për vëllain e Lulit po t’i pyesje ata në studio askush nuk ia dinte emrin dhe ky ishte një ndryshim shumë i madh.
Po, në fakt doktori ka të drejtë, emrin e vëllait të Lulit shumë pak njerëz e dinë, ai është person që ka mundur të ketë distancë nga punët politike e publike të të vëllait. Kjo edhe sepse i bën hije dikush tjetër, ai është kunati.
Olsi është vëllai famoz i Ramës, por Erjon Isufi kunati famoz i Lulit, Doktor?
Olsi është drejtor tek klubi të futbollit Partizani, mund të ketë bërë gjithçka që ju thoni nën pushtetin e të vëllait që e ka kryeministër.
Po kunati i Lulit doktor, që ka dhjetë apo njëqind fishuar xhiron, të punësuarit, kompanitë, ka zgjeruar bizneset e tij tek oligarkët, është akuzuar se ka shitur mandate deputetësh, nga bashkëpunëtorët më të ngushtë të Sali Berishës, si mundi me Lulin në opozitë?
Të gjitha i ka bërë me vëllain e Olsit në pushtet dhe po t’i hysh thellë-thellë kunati del më mirë me balancë se Olsi. Mund të themi dhe që Olsi i fsheh, po ky kunati kaq shumë fiton e zgjeron bizneset kur në Shqipëri po falimentojë e s’kanë bukë të hanë?
Prandaj doktorit herë tjetër mirë është që në studio ti kujtojnë kunatin, vilat dhe vjehrrin, jo vëllain e Bashës, se është si tip kollovari ky Luli. Dhe që të jemi të vërtetë do themi që Ramës i njohim vëllain, Lulit i njohim kunatin./CNA.al
Politikë
Maliqi mesazh Ramës/ Rilindasit që bëjnë fushatë vrimave, e dinë ç’i pret pas 25 Prillit
Kandidati për deputet i Partisë Lëvizja Socialiste për Integrim, në qarkun e Beratit, Lefter Maliqi nëpërmjet një postimi në rrjetet sociale thekson se në çdo shtëpi e oborr po bashkohen me këtë forcë si e vetmja rrugë për të shpëtruar Shqipërinë.
Ndër të tjera Maliqi theksoj se Partia Socialiste bën fushatë “vrimave” pasi përballë qytetarëve nuk kanë guxim.
“Në çdo shtëpi, në çdo oborr, lëndinë e mal, të gjithë na bashkohen si shansi i vetëm për të shpëtuar Shqipërinë dhe shqiptarët. Rilindasit bejnë fushatë ‘vrimave’ sepse ballë për ballë me qytetarët kanë marrë atë që meritojnë. Secili nga mavitë po nxiton ti shpëtojë asaj që e pret pas 25 Prillit. Votoni nr 6 LSI – Votoni nr 7 Lefter Maliqi! Fitorja e Opozitës së Bashkuar nis nga Berati!”- shkruan Maliqi.
Politikë
Video-Rama rikthehet si aktor/ Batuta me “policin”: Po ika unë ju mori lumi
Kryeministri Edi Rama ka ardhur sërish si aktor mbrëmjen e sotme për qytetarët, pas rolit të tij në filmin e Ermal Mamaqit “I Love Tropoja”.
Por sot ai ka luajtur një skeç humori për emisionin “Binjakët” e vëllezërve Romeo dhe Donald Veshaj, në Vizion Plus.
Donald Veshaj ka luajtur rolin e shoferit të kreut të qeverisë, por ky i fundit, i bezdisur nga fotot dhe videot e shoferit të tij ka kërkuar të dalë vetë në timon për të shëtitur nëpër Vlorë.
Sapo Rama ka hipur në vendin e shoferit, vëllai tjetër, Romeo, i veshur si polic ka ndaluar e tyre. Kur ai ka parë kryeministrin është emocionuar dhe ka telefonuar sallën operative.
Kur Rama i tha se duhej të largohej, Romeo i kërkoi të mos ikte nga qeveria. Ky skeç është shoqëruar me batuta dhe me momente humoristike, duke na e rikthyer kreun e qeverisë edhe njëherë si aktor.
Bashkëbisedimi i plotë:
Rama: Po ça bën o burr, akoma me këto, je në terezi mo , mbylle atë, po maskën ku e ke maskën, merr mo maskën
Donaldi: Më fal, shefi më fal.
Rama: Mbylle atë mbylle, po çfarë tipi je ti mo burrë.
Donaldi: Më fal, të lutem më fal.
Rama: Po çe ke këtë fiksim me këtë videoselfi mo?
Donaldi: Po trendi i momentit.
Rama: E di, çke hajde dil mbrapa se do t’i jap vetë makinës!
Donaldi: Pse? Do t’i japësh ti makinës, pse ka ndodhur diçka e keqe?
Rama: Jo nuk ka ndodhur asgjë
Donaldi: Pse je mërzitur, çfarë ka ndodhur?
Rama: Hajde mo mbrapa po të them, dua të shof Vlorën vetëm unë, aty në timon si e ndjenë Vlorën Hajde.
Donaldi: Do t’i japësh vetëm makinës?
Rama: Do ti jap vetë makinës, ec!
Donaldi: Ok, ok!
Rama: Uhhhh. Atë Dua Lipën ku e ke atë, dua Dua Lipën unë.
Donaldi ndërkohë bën videoselfi.
Rama: Dëgjo lëre atë video mos më bezdis tani, lëre!
Donaldi: O pasha, pasha!
Rama: O do më lësh të shijoj Vlorën?
Donaldi: Jam në vendin tënd tani.
Kryeministrin e ndalon polici (Romeo)
Rama: Po ky çfarë do ky tani?
Donaldi: Ooo polici!
Romeo: A mund ta ulësh pak maskën?
Rama ngre maskën.
Rama: Është ai!
Donaldi: Po s’jemi nis akoma mo burrë.
Rama: Po çfarë ke mo burrë?
Romeo: 12-ta si më dëgjon?
Qendra Operative: Të dëgjoj, të dëgjoj !
Romeo: Kam ndaluar një njeri të madh!
Qendra Operative: Ndonjë analist?
Romeo: Më të madh, më të madh, ngrije.
Qendra Operative: Ndonjë biznesmen?
Romeo: Më të madh, më të madh, ngrije
Qendra Operative: Ndonjë deputet?
Romeo: Opo ngrije akoma, ngrije.
Qendra Operative: Ministër?
Romeo: Më të madh po të them.
Qendra Operative: Po Ramën s’e ke ndaluar pra.
Romeo: Po ça thua o të keqen vëllai, ky Ramën e ka shofer!
Rama: Po çfarë thua mo do na leshë të ikim tani se kam dalë për të parë Vlorën njëherë vetëm o burrë tani.
Romeo: Prit pak, mos ik, e di që gjendja e tanishme të ka mërzitur.
Rama: Ça është kjo mo?
Romeo: Prit pak, mos ik!
Rama: Ore do iki të shoh Vlorën, je në vete apo jo?
Romeo: A për të parë Vlorën?
Rama: Po pse për çfarë?
Romeo: Aaa ok!
Rama: Po po ika unë ju mori lumi ju, je në terezi apo jo, po ik tani.
Romeo: A ok!/ CNA.al
Politikë
Video – Rama në timon/ I ndodh “e papritura” në Vlorë
Kryeministri Edi Rama shpeshherë na ka surprizuar duke ardhur për publikun në mënyra të ndryshme, si politikan, si piktor, madje edhe si aktor.
Një debat të gjerë Rama krijoi me shfaqjen e tij si aktor në filmin “I Love Tropoja”, ku ai kishte rolin e dajës së Ermal Mamaqit, personazhit kryesor.
Por mbrëmjen e sotme Rama ka ardhur sërish me një skeç humori, por këtë herë për emisionin “Binjakët” të vëllezërve Veshaj.
Gjatë skeçit të humorit, Rama del në timon për të ngarë makinën dhe për të bërë xhiro nëpër Vlorë.
Por në një moment i del njëri prej vëllezërve Veshaj, i veshur si polic dhe e ndalon, por emocionehet kur sheh kryeministrin dhe i kërkon të mos ikë.
E gjithë kjo është një pjesë humoristike, e cila është transmetuar mbrëmjen e sotme në Vizion Plus. Për më tepër, ndiqni videon e mëposhtme./ CNA.al
