Connect with Us

Marrëveshja Basha-Kryemadhi/ Zbulohen postet e LSI

Politikë

Marrëveshja Basha-Kryemadhi/ Zbulohen postet e LSI

Publikuar

-

Marrëveshja Basha-Kryemadhi/ Zbulohen postet e LSI

Sot Lulzim Basha dhe Monika Kryemadhi kanë firmosur marrëveshjen e tyre publikisht, disa pika të cilat ua paraqitën shqiptarëve për të justifikuar daljen në dy koalicione me vete dhe për të treguar se ata ishin bashkë nesër për sy e për faqe.

Kjo sepse tjetër është ajo që dëgjuan shqiptarët dhe tjetër është ajo që kanë firmosur Basha dhe Kryemadhi për postet ministrore që do të ndajnë nëse bëhet realitet ëndrra e tyre e pushtetit.

Po kush janë karriget qeveritare që përfiton Kryemadhi nga marëveshja me Lulzim Bashën?

Ministria e Brendshme dhe posti i zv.kryeministrit

Sipas burimve zyrtare nga PD, Monika Kryemadhit i është premtuar nga Lulzim Basha posti ministres së Brendshme dhe zv.kryeministrKryemadhi reagon pas sulmit të grevistes/ Thirrje Ramës: Largoji duart nga gratë e Fierites.

Pra Kryemadhi do të jetë numri dy i qeverisë dhe do të mbajë postin e ministres së Brendshme, një dëshirë e paraqitur publikisht nga Monika Kryemadhi kohët e fundit dhe duket se është forcuar shumë shpesh dhe nga presidenti Ilir Meta i cili është raportuar se këto muaj ka bërë takime me elementë të botës së krimit, sa në Durrës, në Korçë e në Vlorë, me banditë e kriminelë që ndoshta Meta i takon për t’iu premtuar se nesër ministria e Brendshme, në rast se Luli fiton do të jetë në duart e Monikës dhe ata duhet të jenë të qetë.

Ministria e Shëndetësisë

Një ministri tjetër që do marrë LSI është Ministria e Shëndetësisë. Petrit Vasili, ministri i paditur nga PD-ja në Prokurori gjatë kohës kur Gazment Bardhi ishte ministër i Drejtësisë gjatë bashkëqeverisjes me Edi Ramën, do të marrë në rast fitorje, postin e ministrit të Shëndetësisë.

LEXO EDHE:  Basha kërkon tradhtarët brenda partisë

Petrit Vasili është dhe vetë me profesion mjek, nga ana tjetër ka dhe lidhje okulte me agjenci të ndryshme dhe subjekte që furnizojnë me produkte farmaceutike spitalet.

Ministria e Mjedisit

Një emër i tretë, por dhe post tashmë i dakortësuar midis Lulzim Bashës dhe Monika Kryemadhit është ai i ministrit të Bujqësisë, i cili pritet ti besohet Luan Ramës.

Ministria e Arsimit

Ministrinë e Arsimit mësohet se do e marrë Edmond Panarit, i cili më hërët gjatë kohës së PS-LSI ka drejtuar ministrinë e Bujqësisë e cila në fakt drejtohej nga i famshmi Vojo Bregu.

U largua nga LSI/ Zbulohet pozicioni i ri që do marrë Edmond Panariti

Ministrinë e  Kluturës Rinisë dhe Sporteve

Ministrinë e  Kulturës Rinisë dhe Sporteve e cila pritet të pësojë ndryshim, duke patur parasysh kauzat që përdor LSI-ja për rininë apo mbështetjen nga rinia, LSI mund të vendosi në drejtimin e saj, dy emra të rëndësishëm siç mund të jenë Klajda Gjosha apo emri i Erisa Xhixhos.

Këto janë të paktën pesë poste ministrore që pritet të marrë LSI nga qeveria e nesërme. Gjithashtu përfliten edhe institucione të tjera të rëndësishme siç janë drejtoritë e përgjithshme në varësi të ministrisë Financave apo stuktura në tatime, dogana dhe instiucione të tjera e agjenci të qeverisë shqiptare./CNA.al

PD dhe LSI firmosin sot marrëveshjen e koalicionit për zgjedhjet e 25 prillit

Dokumenti-Marrëveshja PD-LSI/ Zbardhen detaje

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Politikë

Ishin nisur drejt Gjermanisë me test Covid-i të falsifikuar/ Procedohen penalisht 2 shtetas në Rinas

Publikuar

-

Nga

Në vijim të kontrolleve të shtuara për parandalimin dhe goditjen e paligjshmërisë,  është marrë informacion që persona të ndryshëm po përdorin teste të COVID-19, të falsifikuara pjesërisht dhe totalisht.

Nisur nga kjo situatë është bërë një kontroll dhe verifikim më i hollësishëm i dokumentacionit dhe i testeve të COVID-19, në bashkëpunim dhe me klinikat mjekësore që lëshojnë këto teste.

Si rezultat i kontrolleve janë evidentuar dhe goditur dy raste, konkretisht:

Gjatë përpunimit të të dhënave të pasagjerëve që udhëtonin drejt Gjermanisë është dyshuar se shtetasi Gj. D., 45 vjeç, banues në Fushë-Mamurras, Laç, ka paraqitur një test të falsifikuar të COVID-19. Pasi është komunikuar me klinikën përkatëse ka rezultuar se testi që kishte paraqitur ky shtetas ishte i falsifikuar.

LEXO EDHE:  Protesta/ Rama: Duhet t’i kërkojmë ndjesë studentëve

LEXO EDHE:  "Referendum?"/ Basha përkrah Metën: Është pjesë e platformës, e kam kërkuar prej vitesh

Gjithashtu, gjatë përpunimit të të dhënave të pasagjerëve që udhëtonin drejt Athinës është dyshuar se shtetasja P. M., 43 vjeçe, banuese ne fshatin Kostur, Has, ka paraqitur një test të falsifikuar të COVID-19. Pasi është komunikuar me klinikën përkatëse ka rezultuar se testi që kishte paraqitur kjo shtetase ishte i falsifikuar.

Në përfundim të veprimeve të para hetimore, të dy shtetasit e lartpërmendur janë proceduar në gjendje të lirë për veprën penale “Falsifikimi i formularëve, i vulave ose i stampave”./CNA.al

LEXO TE PLOTE

Politikë

“Ndryshimin e keni në dorë ju”/ Basha thirrje nga makina, shqiptarëve

Publikuar

-

Nga

Në një video-mesazh nga makina kreu i Partisë Demokratike, Lulzim Basha, iu bëri thirrje të gjithë shqiptarëve të votojnë masivisht numrin 9 më 25 prill, që sipas tij, të vijë ndryshimi në Shqipëri.

Teksa ishte rrugës për në takimin e radhës elektoral, Basha theksoi se ai ka një plan konkret për nxjerrjen e vendit nga kriza ekonomike.

Mes të tjerash ai tha se do nxjerrë të ardhurat nga xhepi i oligarkëve për t’i çuar te xhepat e shqiptarëve.

“Ky është një muaj sprove i dyfishtë, për gjendjen ku ndodhet vendi dhe për sakrificën e agjërimit. Ekonomia është tema kryesore që më ka shoqëruar gjatë gjithë këtyre ditëve e javëve. Ne kemi një plan konkret, i cili do të zbatohet dhe do të bëjë të mundur që ekonomia shqiptare të fillojë të lëvizë përsëri, ta marrë veten. Ju e dini që plani ynë godet gabimet dhe dështimet e keqmenaxhimit të këtyre 8 viteve.
Devijimi i të ardhurave nga xhepat e oligarkëve, te xhepat e njerëzve, duke nisur nga rritja e pagave, pensioneve.

Pensionistët shqiptarë sot janë më të mjeruarit në Ballkan. Po kështu edhe hapa të tjerë që do të përmirësojnë ndjeshëm cilësitë e jetës, mirëqenien, sipërmarrjen e vogël, biznesin prodhues, të gjithë që do ta gjejnë veten te paketa jonë fiskale, që është vetëm hapi i parë drejt rritjes ekonomike. Ju e dini që kundërshtari politik nuk përgjigjet nëse i ka mbajtur premtimet, pasi në të vërtetë ai nuk ka bërë asgjë. Ne kemi punuar për të ardhur te ju me një program realist. I njohim, i prekim, i ndjejmë problemet tuaja. Prandaj në këtë fushatë nuk kemi ardhur me premtime, por me zotime.

Ndryshimin që të gjithë kërkoni e keni në dorë ju, vetëm ju mund ta bëni atë realitet. Unë e di që ju jeni të etur për ndryshim, pasi gjendja ekonomike është shumë e keqe, pavarësisht ku jetoni, në qytet, apo në fshat. Ju them se tani është koha të bëhemi të gjithë bashkë për ndryshim, pra secili të marrë përgjegjësinë me votë për të ndryshuar fatin e vet dhe të familjes së vet. 25 prilli nuk bëhet për mua, as për Ramën, por për ju qytetarë. A do të kemi edhe 4 vite të tjera të ngecur, ku fëmijët tuaj të mbeten pa shkollim.

Duhet një qeveri që është në krahun tuaj, një politikë me fytyrë njerëzore. Për këtë, duhet të përgjigjeni ju me votë më 25 prill. Vetëm ju keni mundësinë të ndryshoni Shqipërinë dhe fatin e saj. Ndaj ju kërkoj ta shndërroni në një votë masive 25 prillin, duke votuar numrin 9, në mënyrë pas 26 prillit të përveshim mëngët dhe t’i futemi punës për ta bërë Shqipërinë evropiane”, tha Basha.

LEXO TE PLOTE

Politikë

“PD-PS, parti kasetash, të trembura nga ballafaqimi”/ Ardian Kollozi “shuplakë”, dyshes Rama-Basha

Publikuar

-

Nga

Kandidati për deputet i Bindjes Demokratike në Vlorë, numri një i listës, Ardian Kollozi në një intervistë për CNA.al, ka shenjëstruar dy partitë e mëdha PD dhe PS me në krye Lulzim Bashën dhe Edi Ramën.

Sipas të njëjtit, të dyja po bëjnë një fushatë, që nuk ka lidhje me Vlorën dhe qytetarët e saj.

Situata në Vlorë po ecën relativisht qetë dhe pa shqetësime të mëdha. Dy partitë e mëdha janë duke zhvilluar fushatën e tyre në skenat respektive, që nuk kanë të bëjnë dhe nuk kanë lidhje me qytetin edhe me qytetarët.

Ndërkohë që ne kemi vendosur që intensivisht dhe me entuziasëm të shkojmë të kontaktojmë çdo qytetar vlonjat, t’i shpjegojmë se kush është Bindja Demokratike, se çfarë përfaqësojmë, se kush janë kandidatët dhe pse ne kemi vendosur të dalim në garë”, është shprehur Kollozi.

Bindja Demokratike në Vlorë, ka për qëllim, sipas Kollozit, që ta sfidojë realitetin që ofrojnë dy partitë e mëdha, ku një kërkon stanjacionin dhe tjetra rrotacionin.

LEXO EDHE:  Basha kërkon tradhtarët brenda partisë

LEXO EDHE:  Basha: Arsyeja se pse duhet të mblidhemi nesër në 11

Pse kemi vendosur të sfidojmë këtë realitet dhe kush është qëllimi jonë që nuk është as më pak e as më shumë, ndryshimi. Ndryshim, i cili nuk është ofertuar dhe nuk është në qëllimet e dy partive të mëdha. Njëra kërkon stanjacionin dhe tjetra rrotacionin që as njëra dhe as tjetra nuk janë për qytetarët e Vlorës dhe të gjithë Shqipërisë”, është shprehur më tej Kollozi.

Ndër të tjera ai ka komentuar situatën parazgjedhore në Vlorë, ku sipas tij nuk ka ballafaqime alternativash, por vetëm kaseta të bëra gati.

“Situata parazgjedhore është ajo e fushatave të fundit, që në fakt lë shumë për të dëshiruar. Një fushatë tipike, pa ballafaqime alternativash, me kaseta të bëra gati, secili në parcelën e vet, pa përfshirë qytetin dhe qytetarët në fushatën elektorale”, ka thënë Kollozi./CNA.al

LEXO TE PLOTE