Connect with Us

Dobësimi i Golfstrimit kërcënon sistemin e klimës në Atlantikun Verior

Bota

Dobësimi i Golfstrimit kërcënon sistemin e klimës në Atlantikun Verior

Publikuar

-

Dobësimi i Golfstrimit kërcënon sistemin e klimës në Atlantikun Verior

Të dhënat nga një numër i madh projektesh studimore për oqeanet nxjerrin në pah, se në dekadat e fundit Rrymat Qarkulluese Meridionale të Atlantikut (AMOC) kanë humbur dukshëm fuqinë.

Rryma e njohur si Golfstrim edhe në periudhat e rritjes së nivelit të ujit përgjatë dimrit sjell temepratura të moderuara në ishujt Kanal drejt Irlandës dhe Britanisë së Madhe deri në Holandë, në perëndim të Gjermanisë e më tej në Skandinavi.

“Sistemi Golfstrim (…) vë në lëvizje gati 20 milionë metër kub ujë në sekondë, sasi kjo që është pothuajse njëqind herë më e madhe nga ajo e rrymës së Amazonës, thotë Stefan Rahmstorf, duke shpjeguar domethënien e saj për sistemin e klimës. Studiuesi në Institutin e Kërkimeve Shkencore për Klimën (PIK) në Potsdam është iniciatori i këtij studimi dhe bashkëautor i tij. Studimi u publikua më 25 shkurt 2021 në revistën shkencore „Nature Geosience”.

Në rast se AMOC humbet fuqinë, mund të ndryshojë radikalisht edhe dukuria e dytë dominante e klimës në Atlantikun Verior: Rryma atlantiko-veriore në thellësinë e ujit.

Infografik Karte Golfstrom ENG

Kjo rrymë nis atje, ku përfundon rryma e Golfstrimit, në Oqeanin Arktik në Islandë.

Përfocuar nga rrjedhat që vijnë prej Oqeanit Arktik në Groenlandë dhe në Kandanë Perëndimore ajo transporton rregullisht ujë të ftohtë dhe me pak kripë në thellësi përgjatë dy kontinenteve amerikane deri në Oqeanin Antarktik.

LEXO EDHE:  Koreja e Veriut me mesazhe të përziera për bisedimet me Shtetet e Bashkuara

Por ç’ndodh nëse rrymat në sipërfaqe dhe në thellësi ndryshojnë? 

Instituti i Potsdamit PIK prej kohësh tërheq vëmendjen, se një prishje e këtij sistemi i shkaktuar prej ndryshimit të klimës, mund të ketë pasoja të paparashikueshme për natyrën dhe njeriun. Me shkrirjen e akullnajave të Groenlandës dhe me shtimin e reshjeve në oqean do të shtohet uji pa kripë. Kjo bën që të depërtojë më pak ujë i ftohtë në thellësi, pra rryma amerikane në thellësi humbet fuqinë.

Çfarë sistemi klime do ta zëvendësojë sistemin ekzistues? Si mund të ndikojnë ndryshimet masive të sistemit të rrymave ndaj faunës dhe florës së oqeaneve? A do të ndryshojnë zonat rajonale të klimës? Mundet natyra dhe njeriu të përshtaten shpejt ndaj këtyre ndryshimeve? Të gjitha këto pyetje shtrojnë studiuesit. Tani për tani ata parashikojnë që në një të ardhme të afërt përgjatë brigjeve veriore të SHBA-së mund të ndodhin shpesh përmbytje dhe në Europë mund të ketë më shumë mot me ekstreme.

Qysh tani metereologët vërejnë shenjat e ndryshimeve në stinë të caktuara. Studiuesit e klimës në PIK e lidhin të ftohtit e vërejtur vitet e fundit në Atlantikun Verior me dobësimin e rrymës së Golfstrimit./DW

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

SHBA e BE për sulmin në Deçan/ “Pranë popullit kosovar në këto momente të vështira”

Publikuar

-

Nga

Përfaqësues të Shteteve të Bashkuara të Amerikës dhe Bashkimit Evropian kanë dënuar sulmin që ndodhi më 26 nëntor në Deçan, ku si pasojë e të shtënave me armë zjarri u vranë tri persona dhe u plagos edhe një tjetër.

Nga sulmi me armë zjarri në drejtim të një autobusi që po bartte nxënës në relacionin Gjakovë-Deçan, vdiq shoferi i autobusit dhe dy nxënës, ndërsa mbeti i plagosur edhe një nxënës. Sulmi ndodhi në fshatin Gllogjan të Deçanit.

I ngarkuari me punë në Ambasadën e Shteteve të Bashkuara të Amerikës në Kosovë, Nicholas J. Giacobbe i ka shprehur ngushëllime familjeve të viktimave.

“I shokuar nga sulmi i dhunshëm ndaj nxënësve në Gllogjan. Autoritetet po punojnë që të sjellin autorët e krimit para drejtësisë së më parë. Ngushëllime të thella për familjet e viktimave dhe i uroj shërim të shpejtë të lënduarit”, shkroi ai në Twitter.

Ndërkaq në reagimin që ka bërë Zyra e Bashkimit Evropian në Kosovë, është thënë që shpresojnë se i dyshuari të sillet sa më shpejt para drejtësisë.

“Të shokuar dhe thellësisht të pikëlluar nga sulmi i neveritshëm drejt autobusit të nxënësve. Bashkimi Evropian në Kosovë shpreson se keqbërësi do të sillet shpejt para drejtësisë. Mendimet dhe lutjet tona janë me viktimat dhe familjet e tyre. Ne urojmë shërim të shpejt për të plagosurin”, tha Zyra e BE-së përmes një postimi në Twitter.

LEXO EDHE:  Temperaturat pësojnë rritje/ Ja si do jetë moti në vijim

LEXO EDHE:  Rriten tensionet për luftë!/SHBA nis drejt Koresë ...!

Më 27 nëntor, Naim Sahiti, zëdhënës i Spitalit të Pejës ka konfirmuar për Radion Evropa e Lirë se i plagosuri është operuar dhe tani është jashtë rrezikut për jetë.



“I është hequr plumbi gjatë orëve të mbrëmjes (më 26 nëntor). Tash është gjatë procesit të trajtimit pas-operativ, por gjendja e tij është shumë e mirë”, tha Sahiti.

Mbrëmjen e 26 nëntorit, kryeprokurori Blerim Isufaj ka thënë para mediave se hetimet janë duke u zhvilluar në disa pista, porse ende nuk ka ndonjë të dyshuar.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë./REL

Nga ana tjetër, edhe përfaqësuesi i Lartë i Bashkimit Evropian për Punët e Jashtme dhe Politikat e Sigurisë, Josep Borrell, nëpërmjet një statusi në rrjete sociale shprehet se ndihet i tmerruar nga sulmi i ndodhur.

Ai shprehet se me mendje dhe zemër është pranë viktimave dhe familjeve të tyre dhe se përgjegjësit duhet të vihen para drejtësisë.

“Jam pranë të gjithë popullit kosovar në këto momente të vështira”, shkruan Borell./CNA.al

LEXO TE PLOTE

Kosova & Rajoni

Sulmi ndaj autobusit me nxënës në Kosovë/ Ndizen qirinj në nder të viktimave

Publikuar

-

Nga

Kryetari i Komunës së Deçanit, Bashkim Ramosaj i ka ftuar qytetarët e Kosovës që të mblidhen në orën 16:00 në qendër të qytetit, për të ndezur qirinj në shenjë proteste dhe solidarizimi, për ngjarjen e rëndë që ndodhi ditën e djeshme, ku një autobus me nxënës u sulmua me armë dhe si pasojë mbetën të vdekur 3 persona.

 “Të dashur qytetarë të komunës së Deçanit, Ju ftoj që sot, në ora 16:00, të takohemi në qendër të qytetit, për të ndezur qirinjë në shenjë proteste dhe solidarizimi me familjet që mbrëm tragjikisht humbën më të dashurit e tyre!”, shkruan Ramosaj në një postim në “Facebook”.

LEXO EDHE:  SHBA, hetim penal ndaj ish-Presidentit Trump në shtetin Xhorxhia

LEXO EDHE:  Ndërprerja e mandatit për dy deputetët/ Ngjela tregon arsyen



Policia e Kosovës në raportin për sulmin makabër ka bërë me dije se se shoferi ka vdekur në vendin e ngjarjes, derisa dy nxënësit kanë vdekur në spital./CNA.al

LEXO TE PLOTE

Kosova & Rajoni

LSDM pranoi dorëheqjen e Zoran Zaev

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Organet drejtuese të partisë maqedonase, Lidhja Social Demokrate (LSDM), kanë miratuar dorëheqjen e Zoran Zaevit nga kreu i partisë, pas një debati që ka zgjatur deri në orët e para të ditës së shtunë.

Shumica e anëtarëve të kryesisë së gjerë të partisë kishin kërkuar tërheqjen e dorëheqjen, por Zaevi ishte i këmbëngulës në vendimin, të cilin e kishte paralajmëruar më 31 tetor pas disfatës së thellë të LSDM-së në zgjedhjet lokale.

“Nga dita e shtunë fillon procedura për organizimin e zgjedhjeve brendapartiake, në të cilat do të mund të kandidojë kushdo që i plotëson kushtet e parapara me statutin e partisë”, ka deklaruar zëdhënësja e LSDM-së, Bogdanka Kuzeska.

Kryetari i ri i partitë pritet të emërohet më 12 dhjetor në zgjedhjet e brendshme partiake, ndërsa ai do të jetë edhe mandatar për formimin e Qeverisë së re të Maqedonisë së Veriut, meqë Zoran Zaev ka paraqitur dorëheqje edhe nga drejtimi i ekzekutivit, por ajo ende nuk është miratuar në Kuvend, meqë Zaev së pari synon të sigurojë shumicën parlamentare, të cilën e ka humbur pas largimit nga Qeveria të lëvizjes Besa.

Në Kuvend, partitë në pushtet dhe ato në opozitë kanë nga 60 deputetë. Zaev para anëtarëve të kryesisë së LSDM-së ka shprehur besimin se socialdemokratët, që janë në koalicion me Bashkimin Demokratik për Integrim (BDI) të Ali Ahmetit, kanë numrat e nevojshëm dhe se pret që koalicioni qeverisës të zgjerohet edhe me deputetë të tjerë.

LEXO EDHE:  Ndërprerja e mandatit për dy deputetët/ Ngjela tregon arsyen

LEXO EDHE:  SHBA, hetim penal ndaj ish-Presidentit Trump në shtetin Xhorxhia



Ndërkohë, partia Alternativa me katër deputetë, që konsiderohet si kyçe për forcimin e shumicës parlamentare të LSDM-së dhe BDI-së, ende nuk ka vendosur nëse përfundimisht do të jetë pjesë e Qeverisë. Kjo parti ka vendosur të vazhdojë bisedimet për programin e Qeverisë, përfshirjen e disa kërkesave në të, siç është ajo për zgjidhjen, e siç thonë, rasteve të montuara gjyqësore, por edhe në ndarjen e përgjegjësive për çështje tjera.

“Do të dëgjojmë edhe versionin e tyre për të parë nëse ka vullnet për një program të përbashkët dhe nëse partnerët qeveritarë do të heqin dorë nga forca e pushtetit për të arritur një balancë në ndarjen e përgjegjësive. Alternativa nuk nxitet nga orekset për pushtet dhe marrja e pozitave në qeveri. Ne duam të flasim më shumë për mënyrat për të dalë nga kjo krizë sesa për postet që do të marrim”, ka deklaruar zëdhënësi i partisë Alternativa, Orhan Murtezani.

Partia VMRO-DPMNE, që është në opozitë, pas fitores në zgjedhjet lokale, më 11 tetor kishte paraqitur mocionin e mosbesimit të qeverisë, por në momentin e fundit një deputet nënshkrues në listën e mocionit nuk ishte paraqitur në seancë, çka bëri që mocioni të dështojë.

VMRO-DPMNE-ja konsideron se Qeveria e udhëhequr nga Zaevi, pas zgjedhjeve lokale nuk ka legjitimitet, andaj zgjidhjen nga kriza parlamentare e sheh në mbajtjen e zgjedhjeve të parakohshme parlamentare./REL

LEXO TE PLOTE