Connect with Us

SHBA/ Dhoma e Përfaqësuesve miraton paketën e re të ndihmës financiare për Covid-19

Bota

SHBA/ Dhoma e Përfaqësuesve miraton paketën e re të ndihmës financiare për Covid-19

Publikuar

-

Dhoma e Përfaqësuesve miratoi paketën e re të ndihmës financiare për pandeminë e Covid-19 të presidentit Joe Biden me vlerë prej 1.9 trilionë dollarësh, që synon të ndihmojë bizneset, qeveritë dhe miliona amerikanë të dëmtuar nga pasojat e pandemisë së koronavirusit.

Ligjvënësit votuan në linja partiake në Dhomën e Përfaqësuesve të kontrolluar nga demokratët. Paketa u miratua me 219 vota kundrejt 212 sa ishin kundër. Miratimi i saj e ka vënë presidentin Biden në rrugën për fitoren e tij të parë të madhe legjislative që nga marrja e detyrës më 20 janar.

Paketa e ndihmës do të duhet të miratohet në senatin 100 anëtarësh të ndarë në mënyrë të barabartë ndërmjet demokratëve dhe republikanëve dhe nënpresidentja demokrate, Kamala Harris, ka votën vendimtare.

Demokratët, të cilët kanë epërsi të ngushtë në Dhomën e Përfaqësuesve, argumentuan se paketa është e nevojshme për të ringjallur ekonominë dhe për të luftuar pandeminë COVID-19, që u ka marrë jetën më shumë se 510 mijë amerikanëve. Republikanët kundërshtojnë koston e lartë të projektligjit.

Paketa mbulon kostot e vaksinave dhe pajisjeve të tjera mjekësore dhe siguron 1 mijë e 400 dollarë pagesa të drejtpërdrejta për shumicën e amerikanëve. Ajo siguron gjithashtu lehtësime financiare emergjente për qeveritë lokale dhe shtetërore, si dhe sektorët e biznesit të dëmtuar nga pasojat ekonomike të pandemisë, të tilla si industritë e restoranteve dhe linjave ajrore.

LEXO EDHE:  Covid ndalon festimet në Itali/ Lehtësohen masat e shtetrrethimit

Paketa do të mbulojë edhe shpenzimet për përfitimet e papunësisë dhe lehtësime taksash për amerikanët me të ardhura të ulta dhe familjet me fëmijë, si dhe ofron ndihmë për bizneset e vogla.

Rritja e pagës minimale federale nga 7,25 dollarë në 15 dollarë në orë, është propozuar nga demokratët në versionin përfundimtar të paketës, por nuk ka gjasa të kalojë në senat. Ekspertja e rregullave parlamentare të Senatit tha të enjten se, sipas rregullit, propozimi duhet të hiqet nga projekt-ligji.

Vendimi nga ekspertja e rregullave parlamentare të Senatit, Elizabeth MacDonough i detyroi demokratët të kërkojnë rrugë të tjera që propozimi i pagës minimale të miratohet përballë një kundërshtimi të ashpër republikan.

Kryetarja e Dhomës së Përfaqësuesve, Nancy Pelosi, tha të premten se Demokratët nuk do të heqin dorë nga rritja e pagës minimale federale.

“Nëse nuk kalon për shkak të rregullave të Senatit, ne do të ngulim këmbë… nuk do të ndalemi derisa shumë shpejt ta kalojmë pagën minimale prej 15 dollarësh”, tha ajo në një konferencë me gazetarë./VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Kancelarja gjermane Merkel viziton Uashingtonin në korrik

Publikuar

-

Nga

Kancelarja gjermane Merkel viziton Uashingtonin në korrik

Presidenti amerikan Joe Biden do të presë kancelaren gjermane Angela Merkel në Uashington më 15 korrik në një vizitë që mund të jetë e fundit në detyrë në Shtetet e Bashkuara pas gati 16 vitesh në krye të ekonomisë më të madhe të Evropës.

Njoftimi u bë të premten në ditën e parë të takimit të nivelit të lartë të G-7-ës në Britani. Zoti Biden ka pritur në Uashington dy udhëheqës të tjerë botërorë që kur mori detyrën, ata të Japonisë dhe Koresë së Jugut.

Sekretarja e Shtypit e Shtëpisë së Bardhë Jen Psaki tha se zoti Biden dhe zonja Merkel “do të diskutojnë angazhimin e tyre për bashkëpunim të ngushtë në një sërë sfidash të përbashkëta, përfshirë luftën ndaj pandemisë së COVID-19, masat ndaj rrezikut të ndryshimit të klimës dhe nxitjen e mirëqenies ekonomike dhe sigurisë ndërkombëtare, bazuar në vlerat tona të përbashkëta demokratike. ”

Një mospërputhje mbi përfundimin e gazsjellësit Nord Stream 2 prej 11 miliardë dollarësh që transporton gazin rus në Evropë ka acaruar marrëdhëniet në një kohë kur Berlini dhe Uashingtoni duan të rindërtojnë marrëdhëniet pas mandatit të ish-Presidentit amerikan, Donald Trump.

LEXO EDHE:  Financial Times: Pse po shtohen lëvizjet ‘anti-vaksinë’ gjatë një pandemie?
LEXO EDHE:  Covid ndalon festimet në Itali/ Lehtësohen masat e shtetrrethimit

Shtetet e Bashkuara hoqën dorë nga sanksionet muajin e kaluar ndajkompanisë shtetërore ruse të energjisë Gazprom, duke i dhënë Berlinit dhe Uashingtonit tre muaj kohë për të zgjidhur mosmarrëveshjen.

Kancelarja Merkel ka thënë se do të japë dorëheqjen pas zgjedhjeve kombëtare të shtatorit, pavarësisht nga rezultatet e partisë së saj Demokristiane.

Udhëtimi është planifikuar vetëm disa ditë pas një afati të 10 korrikut për Evropën dhe Shtetet e Bashkuara për të zgjidhur një mosmarrëveshje gati 17-vjeçare mbi subvencionet e qeverisë për kompanitë Airbus dhe Boeing.

Zyrtarët e Bashkimit Evropian dhe Shteteve të Bashkuara janë optimistë për arritjen e një marrëveshjeje përpara se tarifat e pezulluara aktualisht të kthehen në fuqi më 11 korrik./ VOA

LEXO TE PLOTE

Bota

SHBA thirrje G-7 ta mbajë Kinën përgjegjëse

Publikuar

-

Nga

SHBA thirrje G-7 ta mbajë Kinën përgjegjëse

Shtetet e Bashkuara kanë në plan të nxisin vendet aleate që të kritikojnë publikisht Kinën mbi praktikat e punës së detyruar ndërsa grupi i shtatë vendeve më të industrializuara të botës vazhdon ditën e dytë të takimit në Angli.

Udhëheqësit e G-7 gjithashtu do të prezantojnë një plan për infrastrukturën që synon të konkurrojë përballë përpjekjeve të Pekinit në botën e zhvilluar.

Presidenti Joe Biden po përpiqet të bindë udhëheqësit e demokracive që marrin pjesë në takimin e G-7 që të paraqesin një front më të bashkuar për të konkurruar ekonomikisht me Kinën gjatë shekullit në vazhdim.

LEXO EDHE:  Si testohen vaksinat për të siguruar që ato janë të sigurta dhe efektive?

LEXO EDHE:  Ndodhemi në pikun e valës së Covid!/ Tritan Kalo apel të fortë qytetarëve: Jo vetëmjekim!

Shtëpia e Bardhë thotë se Presidenti Biden dëshiron që udhëheqësit e G-7 të dalin me një zë të vetëm kundër praktikave të punës së detyruar që vënë në shënjestër myslimanët ujgurë dhe pakicat e tjera etnike. VOA

LEXO TE PLOTE

Bota

SHBA/ Prokurori i Përgjithshëm zotohet të luftojë përpjekjet kundër të drejtës së votes

Publikuar

-

Nga

SHBA, Prokurori i Përgjithshëm zotohet të luftojë përpjekjet kundër të drejtës së votes

Prokurori i Përgjithshëm i Shteteve të Bashkuara Merrick Garland paralajmëroi të premten se Departamenti i Drejtësisë do të kundërshtonte me forcë përpjekjet e shteteve amerikane për të vendosur kufizime të reja në të drejtat e votës për shumë amerikanë, veçanërisht afrikano-amerikanët dhe pakicat e tjera.

“Jemi duke shqyrtuar ligjet e reja që kërkojnë të frenojnë qasjen, dhe aty ku shohim shkelje, nuk do të hezitojmë të veprojmë”, tha zoti Garland në një fjalim në Departamentin e Drejtësisë në të cilin ai njoftoi se agjencia e tij do të dyfishojë stafin e saj për zbatimin e të drejtave të votimit gjatë 30 ditëve të ardhshme.

“Ne po shqyrtojmë gjithashtu ligjet dhe praktikat aktuale për të përcaktuar nëse ata diskriminojnë votuesit afrikano-amerikanë dhe votuesit e tjerë me ngjyrë”, tha zoti Garland, duke shtuar se shqetësim i veçantë është hulumtimi që tregon se votuesit jo të bardhë presin “shumë më gjatë” sesa homologët e tyre të bardhë për të hedhur votat e tyre.

Zoti Garland kritikoi kontrollet e fundit republikane të votave të numëruara dhe të çertifikuara në mënyrë të përsëritur të hedhura në zgjedhjet e nëntorit 2020, duke thënë se ato rrezikojnë integritetin e procesit të votimit dhe minojnë besimin e publikut në zgjedhje.

Departamenti i Drejtësisë së fundmi i dërgoi një letër një ligjvënësi të lartë republikan në Arizona duke i shprehur shqetësim në lidhje me ligjshmërinë e një kontrolli pas-zgjedhor në qarkun më të madh të shtetit, tha zoti Garland. Si përgjigje, republikanët pezulluan planet për të rikonfirmuar votat si pjesë e procesit të auditimit.

Prokurori i përgjithshëm gjithashtu shprehu shqetësim në lidhje me një “rritje dramatike të kërcënimeve të dhunshme” kundër administratorëve dhe punonjësve zgjedhorë, duke u zotuar që Departamenti i Drejtësisë do të hetojë dhe ndjekë penalisht çdo shkelje të ligjit federal.

Zyrtarët zgjedhorë republikanë dhe anëtarët e familjeve të tyre në Xhorxhia, për shembull, janë sulmuar me mesazhe kërcënuese nga mbështetësit e ish-Presidentit Donald Trump, muaj pasi ai humbi këtë shtet dhe gjithashtu zgjedhjet.

“Kërcënime të tilla dëmtojnë procesin tonë zgjedhor dhe shkelin një mori ligjesh federale”, tha zoti Garland.

Fjalimi i zotit Garland sinjalizon shkallën në të cilën Departamenti i Drejtësisë nën Presidentin Joe Biden ka ngritur rëndësinë e të drejtave civile dhe të drejtat e votës, pasi ish-Presidenti Trump për vite me radhë denoncoi sistemin zgjedhor si të manipuluar dhe këmbënguli se e vetmja mënyrë për të humbur zgjedhjet ishte nëse manipulohej.

Zoti Garland u tha ligjvënësve këtë javë se kërkesa për buxhetin e departamentit për vitin fiskal 2022 përfshin rritjen më të madhe ndonjëherë në fonde për përpjekjet e të drejtave civile: 177.2 milionë dollarë mbi nivelin e shpenzimeve të vitit 2021, sipas shifrave të Departamentit të Drejtësisë.

Fjalimi vjen ndërsa ligjvënësit republikanë në të gjithë vendin kanë prezantuar qindra projektligje këtë vit që kritikët thonë se e bëjnë më të vështirë për shumë votues të hedhin votat e tyre – veçanërisht votuesit nga pakicat dhe të moshuarit – dhe mund të ndikojë negativisht në perspektivat e demokratëve për të mbajtur kontrollin e Dhomës së Përfaqësuesve dhe Senatit në vitin 2022.

Shumë nga këto dispozita – të projektuara për të kufizuar votimin me postë, votimin e hershëm dhe risitë e tjera që rezultuan në pjesëmarrje rekord gjatë pandemisë së koronavirusit – u nxitën nga ligjvënësit republikanë që i bëjnë jehonë pretendimeve të pabazuara të ish-Presidentit Trump se zgjedhjet presidenciale të vitit 2020 ishin vjedhur përmes manipulimit të gjerë.

Që nga fundi i majit, ligjvënësit kanë paraqitur të paktën 389 projekt-ligje kufizuese në 48 shtete në seancat legjislative gjatë vitit 2021, me 14 shtete që kaluan 22 ligje të reja këtë vit, sipas qendrës së drejtësisë Brennan, me prirje të majtë, në Universitetin e Nju Jorkut.

Me 61 projektligje që po kalojnë përmes legjislaturave të shteteve, Qendra Brennan paralajmëroi muajin e kaluar se Shtetet e Bashkuara “janë duke tejkaluar periudhën më të fundit të shtypjes së konsiderueshme të votuesve – vitin 2011”.

LEXO EDHE:  Financial Times: Pse po shtohen lëvizjet ‘anti-vaksinë’ gjatë një pandemie?

LEXO EDHE:  Miratohet në Kuvend ligji për amnistinë/ Ja kush përfiton lirimin nga burgu

Republikanët kanë mbrojtur ligjet e reja si të nevojshme për t’i bërë zgjedhjet më të sigurta dhe transparente. Hans von Spakovsky, një bashkëpunëtor i vjetër ligjor me Fondacionin konservator Heritage, tha se ligjet e fundit që zoti Garland kritikoi kërkojnë të “rregullojnë dobësitë që ekzistojnë në sistemin tonë zgjedhor”.

“Nuk janë diskriminuese dhe, në kundërshtim me keqinterpretimet e tij, mbrojnë drejtësinë dhe integritetin e procesit zgjedhor për të gjithë votuesit”, tha zoti Spakovsky në një email.

Demokratët i shohin masat si përpjekje të fshehura jo mirë për të shtypur të drejtat e votës së pakicave, duke u kushtuar ndoshta atyre vota në zgjedhjet e mesmandatit të vitit 2022. Dhe ata kanë dyfishuar përpjekjet në javët e fundit për të kaluar dy projektligje për të drejtat e votimit në Kongres.

I pari është një projektligj gjithëpërfshirës reformues i njohur si “Ligji për Njerëzit”. Paketa gjithëpërfshirëse kërkon një seri reformash, duke përfshirë të drejtat e zgjeruara të votimit, krijimin e komisioneve të pavarura të rindarjes së zonave, zgjedhjet e financuara me fonde publike dhe rregullat e reja për mbajtësit e posteve federale.

Projekt-ligji i dytë, Ligji i Përparimit të të Drejtave të Votimit John Lewis, rikthen një dispozitë kryesore të Ligjit të të Drejtave të Votimit të vitit 1965, i cili zgjeroi shumë të drejtën për të marrë pjesë në zgjedhje dhe vlerësohet gjerësisht si një ligj monumental për të drejtat civile.

Kjo dispozitë u kërkonte shteteve me një histori diskriminimi kundër afro-amerikanëve që të merrnin miratimin nga Departamenti i Drejtësisë ose gjykata federale në Uashington përpara se të ndryshonin procedurat e tyre të votimit. Por Gjykata e Lartë e hodhi poshtë këtë dispozitë në vitin 2013, duke çuar në atë që zoti Garland e quajti një “rritje dramatike të përpjekjeve legjislative” që e bën më të vështirë për miliona amerikanë të votojnë.

Zoti Garland, një ish-gjyqtar federal emërimi i të cilit në vitin 2016 në Gjykatën e Lartë u bllokua nga republikanët në Senat, tha se vendimi i gjykatës së lartë i vitit 2013 eliminoi “mjetin më efektiv të departamentit për të mbrojtur të drejtat e votës gjatë gjysmës së shekullit të kaluar”.

Ai i kërkoi Kongresit të miratojë Ligjin e Përparimit të të Drejtave të Votimit John Lewis, duke thënë se ai do t’i jepte departamentit mjetet e nevojshme për të zbatuar ligjet e të drejtave të votimit.

Projekt-ligji, i emërtuar sipas Ligjvënësit të ndjerë John Lewis, ikonë e të drejtave civile, do të vendoste kritere të reja për të përcaktuar se cilat shtete duhet të marrin miratimin nga Departamenti i Drejtësisë përpara se të ndryshojnë ligjet e tyre të votimit.

Por legjislacioni, si “Ligji për njerëzit”, mbetet i bllokuar në Senatin e ndarë në mënyrë të barabartë, me vetëm një republikan deri më tani që mbështet masën. Për të kaluar, projektligji kërkon mbështetjen e të paktën 10 republikanëve për t’i dhënë fund një procesi bllokimi të votimit.

Javën e kaluar Presidenti Joe Biden, duke shënuar 100 vjetorin e një masakre racore në Tulsa, Oklahoma, i bëri thirrje Kongresit të kalojë masat e të drejtave të votimit, duke thënë se Ligji i Përparimit të të Drejtave të Votimit John Lewis ofron “mjete të reja ligjore për të luftuar sulmin e ri mbi të drejtën për të votuar”.

Por këtë javë, udhëheqësi republikan i Senatit, Mitch McConnell doli kundër projekt-ligjit John Lewis, duke shuajtur shpresat për miratimin e tij të menjëhershëm.

“Nuk ka asnjë kërcënim për Ligjin për të Drejtat e Votimit; është tashmë e kundraligjshme të diskriminohet në votim mbi bazën e racës, dhe kështu që unë mendoj se është e panevojshme”, tha zoti McConnell të martën. VOA

LEXO TE PLOTE