Connect with Us

Lista- Tirana kthehet në fushëbetejë mes PS-PD/ Këta janë emrat surprizë të opozitës që i bashkohen Ramës

Politikë

Lista- Tirana kthehet në fushëbetejë mes PS-PD/ Këta janë emrat surprizë të opozitës që i bashkohen Ramës

Publikuar

-

Tirana, që është edhe qarku më i madh, nga zgjedhjet e ardhshme të 25 prillit do të dalin 36 deputetë. Aty do të përqendrohet edhe beteja më e madhe mes dy kampeve Partisë Socialiste dhe Partisë Demokratike për të marrë sa më shumë deputetë, kjo për faktin se në kryeqytet ku është përqendruar pjesa më e madhe e popullsisë ka shumë votues që i përkasin zonës gri, pra të pavendosur.

Për të pasur sa më shumë sukses listat e partive duhet të jetë tejet e fortë, duke përfshirë emra me ndikim në parti. Ministra, ish-ministra, zyrtarë dhe deputetë që duan të rizgjidhen po synojnë që të futen në vendet e sigurta të listës së Tiranës. Nga 36 mandatet në Tiranë, si nga PS, ashtu dhe nga PD vendi i 14-të në listë mund të cilësohet si i sigurt. Vendosja poshtë këtij numri jep sinjalin e rrezikimit të fitimit të mandatit.

Në zgjedhjet parlamentare të 2017-ës, Partia Socialiste në Tiranë mori 18 deputetë. Socialistët pretendojnë të mbajnë këtë rezultat, madje dhe ta shtojnë nisur nga fakti se në këto zgjedhje Tirana do të ketë një deputet më shumë për shkak ndryshimit që iu bë ndarjes së mandateve në shkallë vendi.

Në qarkun e Tiranës, Rama mendohet se do të shpërblejë në vende të sigurta besnikët, si: Vasilika Hysi, Klotilda Bushka, Arben Pëllumbi, Pandeli Majko, Eljo Hysko dhe ministren Ogerta Manastirliu.

Mes emrave të rinj që do të jenë në listën e Tiranës janë  drejtori i ujësjellësit, Alqi Bllako në njësinë 1 dhe drejtoresha e IKMT, Dallëndyshe Bici në zonën e Kamzës.

Listës së Tiranës ia janë shtuar ministret që do futen për herë të parë në garat zgjedhore si Belinda Balluku dhe Etilda Gjonaj, të cilat prej kohësh po punojnë në zonën e ish-Kombinatit dhe të ish-Fushës së Aviacionit.

Gjithashtu kësaj liste i shtohet emri i Elisa Spiropalit, e cila është kryetarja e PS-së për kryeqytetin dhe po punon në zonën e Vorës dhe të Kamzës. Natyrisht Spiropali dhe Bushati si dy drejtues lokalë të PS-së do të kenë një vend të sigurt në listat për deputetë.

LEXO EDHE:  Meta për Anti-KÇK-në e Ramës/ Nuk luftohet krimi me fushata

Në Tiranë do të jetë një emër i ri si ai i Fidel Yllit që ikën nga qarku i Durrësit, ndërsa sërish ministri Arben Ahmetaj do të jetë sërish në këtë qark, duke mos pasur më në ngarkim Kavajën. Ky qytet i është lënë zv.ministrit Etjen Xhafaj, një emër i ri në listat e PS-së.

Listës së socialistëve i shtohet edhe Mimi Kodheli, e cila në zgjedhjet e shkuara kandidoi në qarkun e Kukësit.

Fatmir Xhafaj, ish-ministri i Brendshëm pritet të përfshihet sërish në listë, ashtu si dhe Blerina Gjylameti, Ulsi Manja, Sadri Abazi dhe Xhemal Qefalia.

Por surpriza në këto lista janë afrimi i deputetëve të opozitës parlamentare. Mësohet se në listën e kryeqytetit pritet të jetë Reme Lala, që dikur u zgjodh si deputete e Dibrës nën siglën e PDIU-së së Shpëtim Idrizit, por që mandatin e bashkoi me mazhorancën.

Gjithashtu edhe deputeti Ylli Shehi që dikur ishte me LSI-në mendohet të jetë pjesë e listave të socialistëve. Që të dy mendohet se do të jenë përfshirë në vendet e listës ku e kanë të sigurt mandatin e deputetit. Tashmë e gjithë vëmendja e kandidatëve që po punojnë për Tiranën është përqendruar më tepër te vendimi që do të marrë Rama dhe kryesia e PS-së për miratimin e listës përfundimtare të kandidatëve ku duan një vend të sigurt në zgjedhjet e 25 e prillit.

Emrat për listat e PS që pritet të kandidojnë në Tiranë:

Elisa Spiropali

Ervin Bushati

Alqi Bllako

Dallëndyshe Bici

Pandeli Majko

Arben Ahmetaj

Belina Balluku

Etilda Gjonaj

Fatmir Xhafaj

Ulsi Manja

Blerina Gjylameti

Xhemal Qefalia

Ogerta Manastirliu

Vasilika Hysi

Klotilda Bushka

Mimi Kodheli

Arben Pëllumbi

Eljo Hysko

Etjen Xhafaj

Fidel Ylli

Sadri Abazi

Besnik Bare

Reme Lala

Ylli Shehu

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Ishin nisur drejt Gjermanisë me test Covid-i të falsifikuar/ Procedohen penalisht 2 shtetas në Rinas

Publikuar

-

Nga

Në vijim të kontrolleve të shtuara për parandalimin dhe goditjen e paligjshmërisë,  është marrë informacion që persona të ndryshëm po përdorin teste të COVID-19, të falsifikuara pjesërisht dhe totalisht.

Nisur nga kjo situatë është bërë një kontroll dhe verifikim më i hollësishëm i dokumentacionit dhe i testeve të COVID-19, në bashkëpunim dhe me klinikat mjekësore që lëshojnë këto teste.

Si rezultat i kontrolleve janë evidentuar dhe goditur dy raste, konkretisht:

Gjatë përpunimit të të dhënave të pasagjerëve që udhëtonin drejt Gjermanisë është dyshuar se shtetasi Gj. D., 45 vjeç, banues në Fushë-Mamurras, Laç, ka paraqitur një test të falsifikuar të COVID-19. Pasi është komunikuar me klinikën përkatëse ka rezultuar se testi që kishte paraqitur ky shtetas ishte i falsifikuar.

LEXO EDHE:  Replikat me Ramën/ Meta shkon të qetësohet në bregdet

LEXO EDHE:  Meta për Anti-KÇK-në e Ramës/ Nuk luftohet krimi me fushata

Gjithashtu, gjatë përpunimit të të dhënave të pasagjerëve që udhëtonin drejt Athinës është dyshuar se shtetasja P. M., 43 vjeçe, banuese ne fshatin Kostur, Has, ka paraqitur një test të falsifikuar të COVID-19. Pasi është komunikuar me klinikën përkatëse ka rezultuar se testi që kishte paraqitur kjo shtetase ishte i falsifikuar.

Në përfundim të veprimeve të para hetimore, të dy shtetasit e lartpërmendur janë proceduar në gjendje të lirë për veprën penale “Falsifikimi i formularëve, i vulave ose i stampave”./CNA.al

LEXO TE PLOTE

Politikë

“Ndryshimin e keni në dorë ju”/ Basha thirrje nga makina, shqiptarëve

Publikuar

-

Nga

Në një video-mesazh nga makina kreu i Partisë Demokratike, Lulzim Basha, iu bëri thirrje të gjithë shqiptarëve të votojnë masivisht numrin 9 më 25 prill, që sipas tij, të vijë ndryshimi në Shqipëri.

Teksa ishte rrugës për në takimin e radhës elektoral, Basha theksoi se ai ka një plan konkret për nxjerrjen e vendit nga kriza ekonomike.

Mes të tjerash ai tha se do nxjerrë të ardhurat nga xhepi i oligarkëve për t’i çuar te xhepat e shqiptarëve.

“Ky është një muaj sprove i dyfishtë, për gjendjen ku ndodhet vendi dhe për sakrificën e agjërimit. Ekonomia është tema kryesore që më ka shoqëruar gjatë gjithë këtyre ditëve e javëve. Ne kemi një plan konkret, i cili do të zbatohet dhe do të bëjë të mundur që ekonomia shqiptare të fillojë të lëvizë përsëri, ta marrë veten. Ju e dini që plani ynë godet gabimet dhe dështimet e keqmenaxhimit të këtyre 8 viteve.
Devijimi i të ardhurave nga xhepat e oligarkëve, te xhepat e njerëzve, duke nisur nga rritja e pagave, pensioneve.

Pensionistët shqiptarë sot janë më të mjeruarit në Ballkan. Po kështu edhe hapa të tjerë që do të përmirësojnë ndjeshëm cilësitë e jetës, mirëqenien, sipërmarrjen e vogël, biznesin prodhues, të gjithë që do ta gjejnë veten te paketa jonë fiskale, që është vetëm hapi i parë drejt rritjes ekonomike. Ju e dini që kundërshtari politik nuk përgjigjet nëse i ka mbajtur premtimet, pasi në të vërtetë ai nuk ka bërë asgjë. Ne kemi punuar për të ardhur te ju me një program realist. I njohim, i prekim, i ndjejmë problemet tuaja. Prandaj në këtë fushatë nuk kemi ardhur me premtime, por me zotime.

Ndryshimin që të gjithë kërkoni e keni në dorë ju, vetëm ju mund ta bëni atë realitet. Unë e di që ju jeni të etur për ndryshim, pasi gjendja ekonomike është shumë e keqe, pavarësisht ku jetoni, në qytet, apo në fshat. Ju them se tani është koha të bëhemi të gjithë bashkë për ndryshim, pra secili të marrë përgjegjësinë me votë për të ndryshuar fatin e vet dhe të familjes së vet. 25 prilli nuk bëhet për mua, as për Ramën, por për ju qytetarë. A do të kemi edhe 4 vite të tjera të ngecur, ku fëmijët tuaj të mbeten pa shkollim.

Duhet një qeveri që është në krahun tuaj, një politikë me fytyrë njerëzore. Për këtë, duhet të përgjigjeni ju me votë më 25 prill. Vetëm ju keni mundësinë të ndryshoni Shqipërinë dhe fatin e saj. Ndaj ju kërkoj ta shndërroni në një votë masive 25 prillin, duke votuar numrin 9, në mënyrë pas 26 prillit të përveshim mëngët dhe t’i futemi punës për ta bërë Shqipërinë evropiane”, tha Basha.

LEXO TE PLOTE

Politikë

“PD-PS, parti kasetash, të trembura nga ballafaqimi”/ Ardian Kollozi “shuplakë”, dyshes Rama-Basha

Publikuar

-

Nga

Kandidati për deputet i Bindjes Demokratike në Vlorë, numri një i listës, Ardian Kollozi në një intervistë për CNA.al, ka shenjëstruar dy partitë e mëdha PD dhe PS me në krye Lulzim Bashën dhe Edi Ramën.

Sipas të njëjtit, të dyja po bëjnë një fushatë, që nuk ka lidhje me Vlorën dhe qytetarët e saj.

Situata në Vlorë po ecën relativisht qetë dhe pa shqetësime të mëdha. Dy partitë e mëdha janë duke zhvilluar fushatën e tyre në skenat respektive, që nuk kanë të bëjnë dhe nuk kanë lidhje me qytetin edhe me qytetarët.

Ndërkohë që ne kemi vendosur që intensivisht dhe me entuziasëm të shkojmë të kontaktojmë çdo qytetar vlonjat, t’i shpjegojmë se kush është Bindja Demokratike, se çfarë përfaqësojmë, se kush janë kandidatët dhe pse ne kemi vendosur të dalim në garë”, është shprehur Kollozi.

Bindja Demokratike në Vlorë, ka për qëllim, sipas Kollozit, që ta sfidojë realitetin që ofrojnë dy partitë e mëdha, ku një kërkon stanjacionin dhe tjetra rrotacionin.

LEXO EDHE:  “Për të gjithë ata që besojnë ende tek Basha”/ Rama mesazh demokratëve

LEXO EDHE:  Meta për Anti-KÇK-në e Ramës/ Nuk luftohet krimi me fushata

Pse kemi vendosur të sfidojmë këtë realitet dhe kush është qëllimi jonë që nuk është as më pak e as më shumë, ndryshimi. Ndryshim, i cili nuk është ofertuar dhe nuk është në qëllimet e dy partive të mëdha. Njëra kërkon stanjacionin dhe tjetra rrotacionin që as njëra dhe as tjetra nuk janë për qytetarët e Vlorës dhe të gjithë Shqipërisë”, është shprehur më tej Kollozi.

Ndër të tjera ai ka komentuar situatën parazgjedhore në Vlorë, ku sipas tij nuk ka ballafaqime alternativash, por vetëm kaseta të bëra gati.

“Situata parazgjedhore është ajo e fushatave të fundit, që në fakt lë shumë për të dëshiruar. Një fushatë tipike, pa ballafaqime alternativash, me kaseta të bëra gati, secili në parcelën e vet, pa përfshirë qytetin dhe qytetarët në fushatën elektorale”, ka thënë Kollozi./CNA.al

LEXO TE PLOTE