Politikë
Ca të nënës e ca të njerkës/ Dyfytyrësia e Bashës për anulimin e PPP-ve
Kryetari i PD, Lulzim Basha zhvilloi sot një takim me përfaqësues të Shoqatës së Energjisë së Rinovueshme ndërsa shpjegoi planin e tij për energjinë.
Basha gjithmonë është shprehur se do të anullojë koncesionet, do anulojë PPP-të. Ndërkohë që sot, Basha tha që ka takuar përfaqësues të Shoqatës së Energjisë së Rinovueshme dhe mjafton një kërkim i thjeshtë, për të parë kush janë personat që ka takuar Luli. Do sjellim vetëm dy prej tyre.
Me një kërkim të thjeshtë, del që dy prejpersonave që kanë qeë sot në tryezë me Bashën, janë përfitues të PPP-ve. Ndërkohë që Basha thotë ditë e natë,se do të anullojë PPP-të, këta persona që ka takuar sot, dy prej tyre janë kompani që kanë marrë HEC-edhe njerëz që kanë marrë PPP.
Tani Basha do i anullojë PPP-të apo do qendrojë me kompanitë që i shkojnë pas interesit të tij. Atyre do ua lerë e të tjerave do t’ia anullojë?
Nuk mund të ketë dy standarde, ka vetëm një standard. Por, cili është mesazhi që po jep Basha, që ca do jenë të nënë e ca të njerkës?
Politikë
“Spitali i Fierit si thesi i miellit për zgjedhje”/ Shehi: Rama nuk e do vendin në BE, Veliaj Kryehajdut
Kreu i LZHK-së dhe kandidati për deputet në listat e Tiranës, Dashamir Shehi, ka ngritur akuzat se kryeministri Edi Rama nuk e do vendin në Bashkimin Evropian, pasi pretendon se ka prirje autokrate.
Një një reagim për faqen “Brryli Broadway”, ku iu përgjigj pyetjeve edhe të ndjekësve, Shehi e krahasoi Spitalin turk të Fierit si thesin për blerje votash në zgjedhje.
“Spitali turk i Fierit është si thesi i miellit për zgjedhje. Ne kemi nevojë për ide, e financim të ideve tona. Për ne shqiptarët Evropa është politikë, demokraci, është shtet ligjor, për gjeneratat e reja Evropa është përpektivë. Evropa duhet të jetë tezë definitive. Duhet të sillemi në mënyrë evropiane. Të bëjmë ligje që i afrohen BE dhe t’i zbatojmë. Të kemi një kulturë politike që BE të mos na shohë me dyshim, se askush nuk e fut dikë të dyshimtë në oborrin e tij. Rama nuk e do Evropën, pasi e pengon në pushtetin absolut. Sovraniste si Erdogani, Putini apo ky i Hungarisë, i bezdis Evropa këta. Larg Evropës është kjo puna e patronazishtëve, a ndodh në ndonjë vend të Evropës, jo por këtu po”, u shpreh ai.
Duke komentuar të rinjtë në politikë, Dashamir Shehi deklaroi se kryebashkiaku i Tiranës Erion Veliaj është shembulli më i keq i të rinjvë të korruptuar.
“Puna e vjedhjes është genetike, vjen nga shumë faktore. Nuk e quaj meritë personale faktin që s’kam vjedhur, disa e quajnë budallëk. Nuk kam pishmanllëk për modestinë time materiale. Pashë një foto të vjetër të MJAFT-it, kishin dalë më Kadarenë para 15 vitesh. Mjafto të shohësh këtë foto për të kuptuar sa iluzion është pastërtia e rinisë në politikë, shihi sot ata janë kryehajdutë, shih kryetarin e Bashkisë sot dhe vartësit e tij. I ndershmi në politik të madhe është ai që është ulur në karrige të madhe dhe është çuar i ndershëm”, theksoi kryetari i LZHK-së./ CNA.al
Politikë
Kryemadhi refuzon ambasadorët/ Nuk shkon në takimin për zgjedhjet në Elbasan
Ambasadori i BE-së Luigi Soreca, ambasadorja franceze Elisabeth Barsacq dhe ambasadori gjerman Peter Zingraf, do të mbajnë një takim me kandidatët për deputetë të këtij qarku, në zgjedhjet e 25 prillit.
Mësohet se takimi do të mbahet ditën e nesërme dhe të pranishëm do të jenë numri 2 i PS-së Taulant Balla, Gazment Bardhi i Partisë Demokratike dhe Rudina Hajdarin e Nismës “Thurje”.
Por bëhet me dije se në këtë takim nuk do të shkojë Monika Kryemadhi, e cila kandidon në këtë qark nën siglën e LSI-së.
Sipas mediave, ajo ka refuzuar të shkojë në takimin me ambasadorët pa dhënë asnjë arsye për mosprezencën e saj./ CNA.al
Politikë
LSI rënie drastike/ Ja kush parti pritet të fitojë me 25 prill në Elbasan
Nëse qytetarët do të votonin sot në qarkun e Elbasanit, sipas sondazhit të Piepolit PS do të merrte 52-56 % të votave e përkthyer në 8-9 mandate.
Koalicioni PD-Aleanca për Ndryshim do të merrte 37-41 % të votave e përkthyer në 4-6 mandate.
LSI ka rënë me 0.5% krahasuar me matjen më 7 prill.
Ndërkohë që Rudina Hajdari e renditur e para në qarkun e Elbasanit nën siglën e partisë ‘Nisma Thurje’ nuk do mund të merrte një mandat nëse zgjedhjet do të zhvilloheshin sot, edhe pse pritet të marrë deri në 2.5% të votave.
