Connect with Us

Nga ILDKPKI në organin e akuzës/ Prokurori me patundshmëri dhe miliona në bono thesari

Vetingu

Nga ILDKPKI në organin e akuzës/ Prokurori me patundshmëri dhe miliona në bono thesari

Publikuar

-

Për prokurorin e Kavajës Gëzim Çopa, hetimet-Vetting kanë nisur në Dhjetor të vitit 2020.

Çopa ka hyrë në sistemin e drejtësisë si oficer i Policisë Gjyqësore në Tiranë dhe më pas ka kaluar në Inspektoriatin e Lartë të Deklarimit të Pasurive si inspektor dhe më tej sekretar i përgjithshëm.

Në vitin 2015 është emëruar prokuror në Pukë dhe një vit më vonë është transferuar në Kavajë. Në aspektin profesional Çopa nuk rezulton të jetë lakuar as negativisht apo pozitivisht.

Sa i përket pasurisë, ai deklaron disa patundshmëri, si trojem tokë, arë, garazhe dhe banesa. Bëhet fjalë për prona të trashëguara por edhe të blera ndër vite. Të ardhurat e tij burojnë, sigurisht nga paga e tij, nga paga e bashkëshortes që ka ushtruar profesionin e oficeres së kredisë dhe më pas ka punuar në Postën Shqiptare në Tiranë.

Gjithashtu të ardhura deklaron edhe nga qiraja e një shtëpie të blerë në Tiranë. Pavarësisht pastundshmërive të tëra dhe parave të fituara nga shitja e disa prej tyre, prokurori deklaron edhe disa kredi, që më e madhja shkon në 40 000 euro.

Më poshtë po sjellim pasurinë e deklaruar nga prokurori Gëzim Çopa.

Viti 2005
Dy shtëpi banimi në fshat që kushtojnë 10 000 dollarë dhe 30 000 dollarë.
Tpkë bujqësore, 12 000 m2, ku zotëron 25 %.
Llogari me vlerë 3 000 000 lekë.
Makinë 6 000 dollarë.
Të ardhura të subjektit deklarues si opgj, në Tiranë, 520 800 lekë.
Qira nga shtëpia, 36 000 dollarë.

Viti 2009 (Deklarata fillestare)
Pemishte me truall 5 678 m2, nga e cila 300 m2 truall dhe banesë 90 m2 ndrëtuar në vitin 1950. Trashëguar nga prindërit.
Shtëpi me sipërfaqe 432 m2, truall 600 m2, ndërtuar në vitin 1996 me vlerë 40 000 dollarë.
Tokë bujqësore 3 682 m2 nga e cila janë 300 m2 truall dhe 56 m2 ndërtim në Durrës, blerë në vitin 2002 për 480 000 lekë.
Ap banimi 174 m2 dhe dy garazhe blerë në vitin 2008 për 130 000 euro. Burimi: Shitur tokë arë 2 717 m2, në të cilën është fusha e mini futbollit dhe lokali me sipërfaqe 1 400 m2 për 95 000 euro dhe me kredi 35 000 euro.
Tokë bujqësore dhe ullishte 3 500 m2.
Tokë arë 2 000 m2.
Tokë arë dhe pemëtore 2007 m2.
Tokë bujqësore 2 717 m2, blerë në vitin 2003.
Depozitë bankare 7 000 000 lekë.
Autoveturë Golf 4 me vlerë 500 000 lekë.
Llogari bankare 5 000 euro.
Të ardhura të subjektit deklarues si opgj, në Tiranë, 25 000 lekë.
Të ardhura të bashkëshortes si oficere kredie, 35 000 lekë.
Kredi 40 000 euro. Pa shlyer 38 700 euro.
Detyrim për blerje ap me vlerë 5 000 euro.
Pasuria e bashkëshortes
Tokë bujqësore 2 000 m2 në fshatin Rinia.
Depozitë bankare, 3 000 000 lekë.
Autoveturë Golf 2 me vlerë 300 000 lekë.
Depozitë bankare, 500 000 lekë.
Viti 2009 (Deklarata vjetore)
Blerë garazh 21.2 m2 me vlerë 18 000 euro. Paguar 8 000 euro.
Bono thesari me vlerë 7 000 000 lekë.
Tërhequr nga llogaria bankare 7 000 000 lekë dhe 5 000 euro.
Gjendje kesh 600 000 lekë.
Llogaria e pagës me vlerë 458 484 lekë.
Të ardhura të subjektit deklarues si inspector në ILDKPKI, 1 205 535 lekë.
Të ardhura të bashkëshortes si oficere kredie, 1 053 887 lekë.
Të ardhura nga shitja e bonove të thesarit, 584 312 lekë.
Kredi 40 000 euro. Pa shlyer 37 100 euro.
Detyrim për blerjen e garazhit, 10 000 euro.
Shpenzime për shkollën e djalit, 1 200 euro.
Shlyerje (nuk e thotë se ndaj kujt), 3 000 euro.
Pakësim i depozitës bankare të bashkëshortes, 1 000 000 lekë.
Mbyllur depozita e bashkëshortes me vlerë 500 000 lekë.

Viti 2010
Shtuar tokë truall me sip 28 104 m2.
Llogari page, 540 000 lekë.
Gjendje kesh në emër të bashkëshortes 150 000 lekë.
Të ardhura të subjektit deklarues si inspektor në ILDKPKI, 1 387 623 lekë.
Të ardhura të bashkëshortes si Drejtore e Drejtorisë së shërbimeve mbështetëse në filialin e Postës Shqiptare, 728 000 lekë.
Interesa nga bono thesari, 511 129 lekë.
Interesa nga llogaria e bashkëshortes, 120 000 lekë.
Të ardhura nga pensioni i nënës, 48 396 lekë.
Kredi në shumën 45 000 euro. Pa shlyer 37 676 euro.
Shlyerje detyrimi për arsimin e dy djemve, 4 098 euro.
Pakësim i depozitës së bashkëshortes me 1 000 000 lekë.

Viti 2011
Shtuar bono thesari me vlerë 3 000 000 lekë.
Pakësuar gjendja e llogarisë rrjedhëse, -540 000 lekë.
Pakësuar gjendja kesh -750 000 lekë.
Gjendje, kursime në shumën 200 000 lekë.
Të ardhura të subjektit deklarues në ILDKPKI, 1 319 713 lekë.
Të ardhura të bashkëshortes si Drejtore e Drejtorisë së shërbimeve mbështetëse në filialin e Postës Shqiptare, 728 000 lekë.
Interesa nga bono thesari, 683 000 lekë.
Interesa nga llogaria e bashkëshortes, 34 000 lekë.
Të ardhura nga pensioni i nënës, 48 396 lekë.
Kredi në shumën 45 000 euro. Pa shlyer 36 445 euro.
Shlyerje detyrimi për arsimin e dy djemve, 4 602 euro.
Mbyllur llogaria e bashkëshortes dhe kaluar në bono thesari shuma 1 000 000 lekë.

LEXO EDHE:  Plagosja e sekretarit të PD-së në Kavajë/ Duma tregon si nisi konflikti

Viti 2012
Llogari bankare 21 000 euro, krijuar nga shitja e tokës.
Të ardhura nga bono thesari, 684 353 lekë.
Të ardhura të subjektit deklarues në ILDKPKI, 1 267 309 lekë.
Të ardhura të bashkëshortes si Drejtore e Drejtorisë së shërbimeve mbështetëse në filialin e Postës Shqiptare, 780 000 lekë.
Të ardhura nga pensioni i nënës, 520 000 lekë.
Kredi në shumën 45 000 euro. Pa shlyer 36 445 euro.
Shlyerje detyrimi për arsimin e dy djemve, 4 671 euro.

Viti 2013
Shitur tokë bujqësore 1 750 m2, me vlerë 210 000 euro.
Shtuar bono thesari në 22 000 000 lekë.
Llogari me vlerë 2 000 000 lekë.
Blerë makinë Audi 22 000 euro. Shitur pas një aksidenti në shumën 990 000 lekë.
Llogari bankare 3 000 000 lekë.
Të ardhura të subjektit deklarues në ILDKPKI, 249 000 lekë.
Të ardhura të bashkëshortes nga Posta Shqiptare, 746 778 lekë.
Të ardhurat nga interesat e bonos së thesarit, 1 607 000 lekë.
Të ardhura nga interesa bankare 49 000 lekë.
Kredi në shumën 45 000 euro. Pa shlyer 33 660 euro.
Shlyer detyrimi për garazhin 10 000 euro.

Viti 2014
Të ardhura të subjektit deklarues në ILDKPKI, 170 000 lekë.
Të ardhura të bashkëshortes nga Posta Shqiptare, 124 000 lekë.

Viti 2015
Të ardhura të subjektit deklarues si prokuror në Pukë, 168 000 lekë.
Të ardhura të bashkëshortes nga Posta Shqiptare, 136 000 lekë.
Të ardhura nga paga e djalit në OSSHE, 144 998 lekë.
Të ardhura nga obligacionet 423 000 lekë.
Të ardhura (nuk e thotë nga ), 94 300 lekë.
Kredi 40 000 euro. Pa shlyer 30 156 lekë.
Kredi marrë nga djali 1 000 000 lekë. Pa shlyer 844 000 lekë.

Viti 2006
Pakësuar llogaria me 1 000 000 lekë.
Të ardhura të subjektit deklarues si prokuror në Kavajë, 1 001 916 lekë.
Të ardhura të bashkëshortes nga Posta Shqiptare, 804 180 lekë.
Të ardhura nga paga e djalit si jurist në OSSHE, 869 900 lekë.
Interesa nga obligacionet, 846 000 lekë.
Të ardhura…612 000 lekë.
Kredi 40 000 euro. Pa shlyer 28 486 lekë.
Sigurim jetë 1 040 euro.
Overdraft 250 000 lekë.
Kredi konsumatore në emër të bashkëshortes, në shumën 310 000 lekë. Pa shlyer 248 000 lekë.
Kredi marrë nga djali 1 000 000 lekë. Pa shlyer 926 000 lekë.

Viti 2017
Shitur tokë, 200 m2 me vlerë 300 000 lekë.
Shitur makina Mercedez Benz, 7 500 euro.
Pakësuar llogaria me 1 000 000 lekë.
Gjendja kesh 2 000 euro.
Të ardhura të subjektit deklarues si prokuror në Kavajë, 1 001 916 lekë.
Të ardhura të bashkëshortes nga Posta Shqiptare, 903 500 lekë.
Shpërblim bashkëshortes nga angazhimi në Komitetin e Kontrollit SHKK “Alber kredi”, 55 250 lekë.
Të ardhura nga paga e djalit si jurist në OSSHE, 869 900 lekë.
Të ardhura… 490 000 lekë.
Interesa nga obligacionet, 846 000 lekë.
Të ardhura nga qiraja e banesës në Tiranë, 1 050 euro.
Kredi 40 000 euro. Pa shlyer 26 501 lekë.
Sigurim jetë 1 040 euro.
Kredi konsumatore në emër të bashkëshortes, në shumën 310 000 lekë. Pa shlyer 106 000 lekë.
Kredi marrë nga djali 1 000 000 lekë. Pa shlyer 816 000 lekë.

Viti 2018
Blerë makinë Volvo XC 60 me vlerë 13 500 euro.
Pakësuar llogaria me 8 000 000 lekë.
Shitur 1 000 m2 tokë, për 25 000 euro.
Gjendje kesh 300 000 lekë.
Të ardhura të subjektit deklarues si prokuror në Kavajë, 1 001 916 lekë.
Të ardhura të bashkëshortes nga Posta Shqiptare, 900 228 lekë.
Shpërblim bashkëshortes nga angazhimi në Komitetin e Kontrollit SHKK “Alber kredi”, 123 250 lekë.
Të ardhura nga paga e djalit si jurist në OSSHE, 869 900 lekë.
Të ardhura… 273 000 lekë.
Interesa nga obligacionet, 846 000 lekë.
Të ardhura nga qiraja e banesës në Tiranë, 287 000 lekë.
Të ardhura të djalit nga puna në një kompani në USA, 55 000 dollarë.
Kredi 40 000 euro. Shlyer.
Sigurim jetë 1 040 euro.
Llogari rrjedhëse e bashkëshortes, 171 173 lekë.
Kredi konsumatore në emër të bashkëshortes, në shumën 310 000 lekë. Shlyer.
Kredi marrë nga djali 1 000 000 lekë. Shlyer.
Kredi e marrë nga djali 2 000 000 lekë. Pa shlyer 1 853 000 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Konflikti i interesit/ Ish-Avokatja e Shtetit dhe bashkëshorti të pandarë në gjykatë

Publikuar

-

Nga

Në nëntor të vitit 2015, qeveria shqiptare u dënua nga Gjykata Evropiane e të Drejtave të Njeriut të paguajë vlerën mbi 2 milionë euro për tri familje të shpronësuara nga regjimi komunist.

Në çështjen e njohur si Sharra dhe të tjerë kundër Shqipërisë, paditës ishte avokati Envi Hicka dhe studio ligjore Haxhia dhe Hajdari, ndërkohë në gjyq shteti shqiptar mbrohej nga avokatja e shtetit, Alma Hicka.

Sipas Komisionit të Pavarur të Kualifikimit, KPK, i cili vendosi ta shkarkonte nga detyra si gjyqtare Alma Hickën, ky nuk është rasti i vetëm ku ajo është gjendur në konflikt interesi me bashkëshortin gjatë periudhës që drejtonte Avokaturën e Shtetit.

Në 60 çështje të komunikuara në janar të vitit 2014 kundër Shqipërisë në Strasburg, 15 prej tyre përfaqësoheshin nga studio ligjore Haxhia dhe Hajdari, me ortak bashkëshortin e saj.

E pyetur nga Komisioni i Pavarur i Kualifikimit gjatë procesit të rivlerësimit, Hicka ka mohur se gjyqet ku është përballur si palë paditëse me bashkëshortin dhe studion e tij ligjore përbënin konflikt interesi.

“Kurdoherë, në ushtrimin e çdo funksioni kam respektuar të gjitha detyrimet ligjore në fuqi në Republikën e Shqipërisë,” ka deklaruar Hicka në përgjigje të një pyetësori të dërguar nga KPK gjatë hetimit administrativ.

Alma Hicka ka qenë gjyqtare nga viti 2003 dhe në vitin 2013 u emërua Avokate e Shtetit, detyrë që e mbajti deri në vitin 2018. Pas dorëheqjes nga posti i Avokates së Përgjithshme të Shtetit, Hicka u emërua nga Këshilli i Lartë Gjyqësor, KLGJ, gjyqtare në Gjykatën e Tiranës.

Trupi gjykues që rivlerësoi Alma Hickën ishte i kryesuar nga Etleda Çiftja, me relatore Xhensila Pinen dhe anëtare Firdes Shulin.

Vendimi i arsyetuar për subjektin nuk u zbardh sipas parashikimeve ligjore, brenda 30 ditëve pas përfundimit të seancës dëgjimore. Ai bë publik me 15 korrik – 74 ditë pas afatit maksimal dhe vetëm pasi BIRN i kërkoi llogari KPK-së për vonesën.

Në një përgjigje me shkrim, KPK u shfajësua se vonesa kishte ardhur si rrjedhojë e ngarkesës së lartë të komisionerëve.

Amnistia për drejtuesit e CEZ

Përveç rasteve ku Alma Hicka ka përfaqësuar vendin në kushtet e konfliktit të interesit në Gjykatën Europiane për të Drejtat e Njeriut në Strasburg, KPK evidenton edhe një rast tjetër që rrjedh nga ushtrimi administrativ i funksionit të saj.

Sipas KPK-së, në rolin e saj si avokate e shtetit, Hicka është përgjegjëse për formulimin e nenit 9 të marrëveshjes midis Shqipërisë dhe kompanisë çeke të energjisë CEZ, për zgjidhjen e gjyqit të arbitrzhit pas shtetëzimit të kompanisë së shpërdarjes së energjisë elektrike OSHEE, në vitin 2013.

CEZ Grup bleu kompaninë shtetërore të shpërndarjes së energjisë elektrike në Shqipëri më 2009 duke paguar 102 milionë euro për 76 për qind të aksioneve, ndërsa premtoi të investonte 200 milionë euro brenda katër viteve. Pavarësisht premtimeve për investime, kompania çeke e thelloi gropën e borxheve të sistem energjetik dhe në janar 2013 humbi licencën pas një konflikti me qeverinë shqiptare.

Në maj 2013, CEZ iu drejtua Gjykatës së Arbitrazhit UNCITRAL me një padi kundër Republikës së Shqipërisë, duke e akuzuar atë për heqje arbitrare të licencës. Qeveria e djathtë e drejtuar nga Sali Berisha u bë gjithashtu gati për arbitrazh, por me ardhjen në pushtet të kryeministit Edi Ramë në vitin 2013, qasja ndaj konfliktit me CEZ ndryshoi kurs, duke shkuar drejt një zgjidhjeje me marrëveshje.

Marrëveshja i kushtoi buxhetit të shtetit 95 milionë euro, ndërkohë që e djathta në opozitë e cilësoi atë “si aferën më të madhe korruptive në vend”.

LEXO EDHE:  Plagosja e sekretarit të PD-së në Kavajë/ Duma tregon si nisi konflikti

LEXO EDHE:  Nga investimi në lokal tek puna në drejtësi/ Pasuria e gjyqtarit që u kërcënua në seancë

Komisioni i Pavarur i Kualifikimit vëren se neni 9 i kësaj marrëveshje, i garantonte amnisti ndaj ndjekjes penale drejtuesve të CEZ në Shqipëri, dy prej të cilëve ishin në hetim në atë kohë në lidhje me skandalin e mbledhjes së borxhit të kompanisë, që njihet gjithashtu si çështja CEZ-DIA.

Sipas KPK-së Hicka ishte në konlikt interesi për shkak se bashkëshorti i saj më herët e kishte përfaqësuar kompaninë CEZ në një gjyq kundër Drejtorisë së Tatimeve.

“Qënia e personit të lidhur e subjektit rivlerësues, bashkëshortit z. E. H. si përfaqësues i shoqërisë “CEZ” sh. a., në çështje gjyqësore me palë ndërgjyqëse paditës Drejtorinë e Tatimeve Tiranë dhe i paditur CEZ sh.a., bën pjesë në rastet e konfliktit të interesit kundrejt subjektit rivlerësues”, konstaton KPK.

Hicka e ka kundërshtuar këtë konstatim të Komisionit duke pretenduar se nuk ka pasur rol vendimmarrës, por vetëm këshillues.

“Nuk ka asnjë dispozitë ligjore, por as edhe ndonjë logjikë njerëzore, që të shoh një lidhje interesi në këtë çështje,” është shprehur Hicka.

“As unë as bashkëshorti im në asnjë moment as përpara as pas fillimit. […]nuk kemi pasur asnjë interes, as të fshehtë, as të hapur, as pasuror dhe as të ndonjë lloji tjetër për këtë çështje”, ka deklaruar ajo para Komisionit.

Trupi gjykues vlerëson se, pavarësisht se përfaqësimi ligjor nga ana e bashkëshortit të Hickës është kryer në një periudhë të mëparshme kohore të caktimit të subjektit rivlerësues në grupin ndërinstitucional të punës që ka negociar marrëveshjen me CEZ, kjo bie në rastet e konfliktit të interesit, duke passjellë gjendjen e konfliktit ndërmjet detyrës publike dhe interesit privat të subjektit rivlerësues.

Nga hetimi ka rezultuar se gjyqtarja Alma Hicka nuk rezulton të ketë vetëdeklaruar gjendjen e konfliktit të interesit apo dhe të ketë njoftuar për këtë qëllim institucionin epror, Ministrin e Dretësisë – ashtu si parashikohet në ligj.

Problemet me pasurinë

Trupi gjykues i KPK-së e vlerësoi pozitivisht Hickën për pastërtinë e figurës dhe profesionalizmin; megjithatë, gjetjet për pasurinë e subjekit janë konsideruar shkarkuese për subjektin e rivlerësimit

Ashtu si ILDKPKI, edhe Komisioni konstaton probleme në kriterin e pasurisë. Në vendim thuhet se Hicka ka kryer deklarim të pasaktë për një apartament me sipërfaqe 120.3 m2 në Tiranë për çmimin 90 mijë euro dhe një automjet për shumën 23 mijë e 900 euro, si dhe nuk ka pasur burime të mjaftueshme për krijimin e tyre.

Si burime për krijimin e këtyre pasurive, Hicka ka deklaruar ndër të tjera edhe dy hua të marrë prej prindërve të saj, një në vlerën 5 milionë lekë për apartamentin në vitin 2015 dhe tjetrën në shumën 1.8 milionë lekë për makinën në vitin 2010.

Sipas KPK, subjekti nuk ka mundur të provojë të ardhurat e nënës së saj si tregtare ambulante dhe ka rezultuar me balancë negative në shumën 4.8 milionë lekë për huanë 5 milionë lekë dhe 3.4 milionë lekë për makinën.

Gjithashtu, në analizën financiare për blerjen e apartamentit, nuk janë përfshirë edhe të ardhurat e pretenduara të përfituara nga dhënia me qira e një apartamenti tjetër nga bashkëshorti, pasi nuk është provuar se ai zotëronte të drejta reale mbi atë pasuri./BIRN

LEXO TE PLOTE

Vetingu

Nga apartamenti i fshehur tek firma fiktive dhe vjedhja e 50 000 eurove/ Sokol Ngresi gjyqtari, që njeh vetëm skandale

Publikuar

-

Nga

Zbulohet apartamenti i padeklaruar i Sokol Ngresit/ KPK fshehu dokumentin kompromentues

Gjyqtari i Gjykatës së Apelit të Vlorës Sokol Ngresi do të rikthehet sërish para Kolegjit të Posaçëm të Apelimit, për të dhënë llogari për pasurinë e fshehur dhe jo vetëm.

Me datë 26.07.2021, pra javës që vjen Ngresi, do të duhet të justifikojë pasurinë të cilën nuk e ka deklaruar.

Në seancën kaluar të datës 7 Korrik 2021, Ngresi tentoi të justifikohej se ankimi për të ishte kryer jashtë afatit ligjor.

Por, bazuar në nenin 450 të Kodit të Procedurës Civile, KPA e përbërë  me kryesuese, Albana Shtyllën, relatore: Ina Ramën, dhe anëtarë: Natasha Mulaj, Rezarta Schuetz, Sokol Çomo, vendosi që lidhur me këtë kërkesë do të deklarohej në vendimin përfundimtar për çështjen.

Gjatë paraqitjes së shkaqeve të ankimit, Komisioneri Publik, Florjan Ballhysa, vlerësoi se subjekti i rivlerësimit ka kryer deklarim të pasaktë dhe të pamjaftueshëm të pasurisë dhe ka mungesë të burimeve të ligjshme të pasurisë. Komisioneri Publik kërkoi ndryshimin e vendimit nr. 324, datë 11.12.2020, të Komisionit të Pavarur të Kualifikimit, dhe shkarkimin nga detyra të subjektit të rivlerësimit Sokol Ngresi.

KPA reagon për pasurinë e padeklaruar

Lidhur me disa denoncime, ku pretendohet për një pasuri të padeklaruar nga ana e subjektit të rivlerësimit, Komisioneri Publik, Florjan Ballhysa rezervoi të drejtën të shprehet derisa subjekti i rivlerësimit të mbajë qëndrimin e tij dhe trupi gjykues të deklarohet nëse do t’i pranojë në cilësinë e provës këto denoncime.

Por gjyqtari Ngresi ka kundërshtuar shkaqet e ankimit të Komisionerit Publik dhe lidhur me denoncimet deklaroi se kontrata e pronësisë e pretenduar është e falsifikuar dhe e montuar.

Nga ana tjetër KPA ka pranuar në cilësinë e provës denoncimet në adresë të gjyqtarit Sokol Ngresi, me arsyetimin se kanë elemente mbi të cilat duhet hetuar.

KPA ka vendosur  t’i kërkojë informacion përshkrues dhe akte shoqëruese shoqërisë A.Construction lidhur me kontratën nr. ***, datë 26.02.2014, mandatet e arkëtimit të pretenduara në denoncim si të nënshkruara prej subjektit të rivlerësimit, si dhe informacion mbi statusin aktual ligjor të pasurisë së përshkruar në kontratë, gjendjen fizike dhe pronësinë mbi të.

Të kërkojë informacione shtesë sqaruese nga Agjencia Shtetërore e Kadastrës Drejtoria Vendore Vlorë.

T’i kërkojë informacion ILDKPKI-së për mënyrën dhe praktikën e ndjekur nga ky institucion për vënien në dispozicion të modeleve të deklaratave periodike subjekteve deklarues, për periudhën 2007 deri 2010.

T’i kërkojë informacion shoqërisë *** shkp në lidhje me një kontratë noteriale lidhur ndërmjet kësaj kompanie dhe subjektit të rivlerësimit Sokol Ngresi, prishjen e saj dhe kthimin palëve ne gjendjen e mëparshme.

Si i shpëtoi KPK apartamenti i fshehur?

CAN.al ka siguruar në mënyrë ekskluzive një kontratë për blerjen e një apartamenti nga gjyqtari Ngresi,  së bashku me mandatet që faktojnë kryerjen e pagesave për blerjen e tij.

LEXO EDHE:  Hetimet për fushatën e Trump/ Raporti i Muller: Nuk ka përfshirje të Rusisë

LEXO EDHE:  Vjedhja industriale e votave/ Pasuria e prokurorit, që amnistoi të dyshuarit nga hetimet

Në fakt një gjë e tillë duhej të ishte zbuluar nga shkalla e parë e Vettingut, përkatësisht Komisioni i Pavarur i Kulifikimit, pasi pretendohet se kryejne hetime të mirëfillta dhe të detajuara.

Ose hetimet janë kryer dhe KPK e ka fshehur qëllimisht këtë kontratë.

Bëhet fjalë për apartament me sipërfaqe 113,43 m2, ndodhur në qytetin e Vlorës, të blerë nga gjyqtari Sokol Ngresi në vitin 2014, nga shoqëria “AFA Konstruksion” sh.p.k.,  në vlerën 68,000 euro

Sipas kontratës, rezulton se ky gjyqtar, në datën 26.02.2014 kur ka lidhur kontratën e porosisë ka paguar njërin këst prej 8,000 (tetëmijë) eurosh.

Nga mandatet e arkëtimit rezulton se janë kryer edhe pagesa të tjera, përkatësisht në vlerat 6,000 (gjashtë mijë) euro në dt. 27.05.2014 dhe 6,000 (gjashtë mijë) euro në dt. 29.09.2014.

Mandatet mbajnë firmën e vetë gjyqtarit, me nënshkrim origjinal, por pavarësisht kësaj, nuk janë deklaruar në asnjë moment nga ana e tij.

Tre skandalet

Emri i gjyqtarit Sokol Ngresi është i lidhur me tre skandale

I pari ka të bëjë me një firmën fiktive të hedhur nga gjyqtari Sokol Ngresi, në një vendim gjyqësor në emër të një gjyqtari tjetër që nuk ndodhej në Shqipëri, në çështjen civile me nr.683 vendimi, i datës 23.12.2005,

Për më tepër gjyqtari Ngresi fajin ia ka hedhur sekretares gjyqësore, e cila rezultonte punëtore mirëmbajtje në emërtesë.

Në  relacion e Ministrisë së Drejtësisë, e cila kërkonte dhe shkarkimin e Ngresit,  thuhej se dy gjyqtarët e tjerë, Gjinovefa Gaba dhe Sokol Ngresi, kanë firmosur fiktivisht për praninë e gjyqtarit relator.

I dyti ka të të bëjë me vendimin gjyqësorë të marrë nga gjyqtari i Apelit, Sokol Ngresi, i cili ka lënë të lirë biznesmenin Arben Gropa, allias Vangjel Zijaj, që shfrytëzoi rastin të arratisej.

Qëllimi i këtij arrestimi ishte bërë me qëllim ekstradimin e tij  drejt Italisë, ndërkohë pas disa ditësh Gjykata e Apelit Vlorë nëpërmjet Sokol Ngresit, ka vendosur të lirojë Arben Gropën. Gjatë kësaj kohe ndaj Gropës, po zhvillohej një proces gjyqësor në Fier, për miratimin ose jo të kërkesës së autoriteteve italiane për ekstradimin e Gropës.

CNA.al mëson se inspektimi ka përfunduar me procedim disiplinor ndaj gjyqtarit Sokol Ngresi.

Skandali i tretë ka të bëjë me 50 000 euro, për të cilat Ngresi ka çuar në burg dadon e shtëpisë me pretendimin se ia ka vjedhur ajo.

Nga burime të saj CNA.al mëson se Ngresi, përveçse e ka akuzuar punonjësen e shtëpisë, ai dyshohet se e shfrytëzonte edhe në të zezë.

Skandali përforcohet më shumë pasi nuk dihet burimi i 50 000 erove që gjyqtari mbante në shtëpi dhe se përse nuk i kishte deklaruar në institucionet bankare.

Tashmë me apartamentin e ffshehur radhiten katër skandale që lidhen me emrin e gjyqtarit Sokol Ngresi./CNA.al

LEXO TE PLOTE

Aktualitet

5 dosjet që rrezikojnë të ‘fundosin’ Besim Hajdarmatajn: Lidhja me kapon e bixhozit dhe përplasja me Theo Jacobs

Publikuar

-

Nga

Nga Adriatik Doçi

Kolegji i Posaçëm i Apelimit do të vendosë përfundimisht në datën 29 korrik 2021 për fatin e prokurorit të Tiranës, Besim Hajdarmataj. Vendimi për shkarkimin ose konfirmimin në detyrë të prokurorit të dosjeve të ‘nxehta’, të cilat kanë përfshirë në polemika kampet politike të Tiranës, do të merret nga trupa gjykuese e përbërë nga Rezarta Schuetz, Ardian Hajdari, Ina Rama, Albana Shtylla dhe Sokol Çomo. Besim Hajdarmataj arriti të kalonte shkallën e parë të Vetingut në mënyrë të diskutueshme në 16 tetor 2019. Por, Vendimi u kundërshtua nga përfaqësuesit e SHBA-BE në Operacionin Ndërkombëtar të Monitorimit, të cilët në 4 dhjetor 2019, përmes një raporti të detajuar, i rekomanduan Komisionerit Publik që ankimonte vendimin në Kolegjin e Posaçëm të Apelimit, duke kërkuar shkarkimin nga detyra të Besim Hajdarmatajt.

Dhe ashtu ndodhi. Në 20 dhjetor 2019, Komisioneri Publik Darjel Sina pranoi rekomandimin e ONM-së, duke i kërkuar Kolegjit të Posaçëm të Apelimit shkarkimin nga detyra të Hajdarmatajt, kryesisht për mbylljen e dosjeve të drogës dhe bixhozit. Procesi gjyqësor për çështjen e ish-kreun e Prokurorisë së Krimeve të Rënda, Besim Hajdarmataj, përfundoi ditën e djeshme në Kolegjin e Apelimit. Në seancën e fundit, Komisioneri Publik, Darjel Sina, paraqiti këtë dokument me konkluzione të siguruar nga Raport Tv, përmes të cilit i qëndron kërkesës për shkarkimin e Hajdarmatajt nga detyra, me argumentin se ka mbyllur 5 dosje droge dhe bixhozi në mënyrë të dyshimtë dhe në konflikt interesi, se nuk justifikon një pjesë të pasurisë dhe se në tërësi ka cënuar besimin e publikut nga drejtësia. Hajdarmatajt akuzohet edhe për miqësi dhe udhëtime me avion me një personazh të botës së krimit, pjesë e biznesit të bixhozit, të cilit i ka mbyllur një nga dosjet.

“Nga shqyrtimi dhe debati gjyqësor i fakteve dhe i rrethanave të rezultuara nga vlerësimi i pesë (5) çështjeve penale, rezultoi se subjekti i rivlerësimit, herë në cilësinë e prokurorit të ngarkuar për përfaqësimin e ndjekjes penale, e herë në cilësinë e drejtuesit të Prokurorisë, paraqet mangësi në aspektin e njohurive ligjore, mangësi në interpretimin dhe zbatimin e drejtë të ligjit material e atij procedural penal, në ndihmë të hetimeve, si dhe në drejtim të ndërmarrjes logjikisht të një hetimi shterues e të plotë penal. Në cilësinë e Drejtuesit të Prokurorisë, subjekti i

rivlerësimit ka dështuar të përdorë instrumentet e duhura ligjore në drejtim të përgjegjësisë, rolit mbështetës dhe mbikëqyrës të kompetencave udhëzuese të Drejtuesit të Prokurorisë. Këto mangësi vërehen në më shumë se në një rast, për disa çështje penale, të cilat, për nga natyra e tyre, paraqesin rëndësi dhe ndikim të lart në besimin që duhet të gëzojnë organet e drejtësisë nga ana e publikut.

Subjekti i rivlerësimit nuk provoi që, me të ardhura të ligjshme të tij apo të personave të tjerë të lidhur me të, të mbulojë shpenzimet dhe kursimet e deklaruara në deklaratat periodike vjetore dhe ato të deklaruara gjatë hetimit administrativ, duke mos provuar të kundërtën e shkaqeve të ankimit, për pasuritë në pronësi apo në përdorim të tij… Rrethanat e dala nga procesi i rivlerësimit të subjektit janë të mjaftueshme për të vlerësuar që subjekti i rivlerësimit dështoi të kalonte testin e moscenimit të besimit të publikut në sistemin e drejtësisë”, thuhet në raport.

Nga ana e tij, Prokurori Hajdarmataj dhe avokatja e tij Romina Zano kundërshtuan të gjitha konkluzionet e Komisionerit Publik si të pabaza, të padrejta dhe jo proporcionale. Në përfundim, Hajdarmataj kërkoi nga Kolegji i Apelimit që të konfirmohej në detyrë. Por do të jetë Kolegji i Vetingut, i cili do të vendosë nëse Besim Hajdarmataj do të largohet apo do të vijë të shërbejë në drejtësi. Vendimi i Kolegjit është përfundimtar dhe ka efekt të menjëhershëm.

Pesë dosjet që rrezikojnë Hajdarmatajn

Gjatë procesit në Komisionin e Pavarur të Kualifikimit dhe sidomos në Kolegjin e Apelimit, Besim Hajdarmataj është akuzar për mbylljen në mënyrë të dyshimtë të disa dosjeve të rëndësishme që ka pasur në dorë, duke mos kryer hetime, duke interpretuar gabimisht ligjin, duke shmangur përgjegjësinë etj. Mbyllja e dosjeve përbën edhe bazën e rekomandimit të Operacionit Ndërkombëtar të Monitorimit për shkarkimin e Besim Hajdarmatajt nga detyra. Prokurori Hajdarmatajt, për secilën dosjes, ka gjetur gjithnjë një alibi, për ta mbyllur ose dërguar në një prokurori tjetër.

1. Në vitin 2010, kur Besim Hajdarmatajt drejtonte Prokurorinë e Kurbinit, sipas ONM dhe Komisionerit Publik, ka mbyllur dosjen e një grupi që ushtronte veprimtari në fushën e bixhozit, për shkak se prokurori kishte lidhje dhe miqësi me kokën e grupit. Grupi prej 15 vetash ka ndaluar dhe kërcënuar 5 punonjës të Njësisë së Mbikëqyrjes të Lojërave të Fatit, duke u marrë me forcë 5 makineri APEX. Për gati 1 vit e 3 muaj, Hajdarmataj nuk ka krye asnjë hetim dhe në fund ka mbyllur dosjen, me arsyetimin se “në rastin konkret, pasi janë bërë hetime, nuk është bërë e mundur të provohet ekzistenca e faktit dhe, për këto arsye, procedimi penal nuk mund të vazhdojë më tej, por çështja duhet të pushohet”. Por, sipas ONM dhe Komisionerit prokurori ka bërë cilësim gabuar në regjistrimin e veprës penale, nuk ka kryer veprime hetimore të mjaftueshme, nuk është pyetur i kallëzuari, nuk ka bërë verifikime për veprimtari të tjera të kokës së grupit, nuk janë verifikuar tabulatet telefonike etj. Jo vetëm kaq, por ONM pretendon se Hajdarmataj kishte lidhje me protagonistin kryesor të dosjes së bixhozit, një personazh me probleme të theksuara ligjore dhe i skeduar për disa vepra penale. Kur është pyetur në lidhje me këtë personazh, Hajdarmataj ka pohuar se “…u sqaroj se me këtë shtetas nuk kam asnjë lidhje, nuk kam ndonjë raport shoqëror dhe nuk kam pasur marrëdhënie familjare apo të tjera, thjesht e njoh si person”. Por, nga hetimi ka rezultuar se prokurori ka shkëmbyer mesazhe me personazhin problematik që i mbylli dosjen, madje kishin udhëtuar bashkë me avion.

2. Sipas ONM dhe Komisionerit, në vitin 2017, kur drejtonte Prokurorinë e Krimeve të Rënda, Besim Hajdarmataj ka dërguar për hetim në Prokurorinë e Përmetit dosjen e kapjes së 11 650 kg kanabis në Përmet. Komisioni i Vetingut ka konstatuar se Prokuroria e Krimeve të Rënda nuk kishte kryer një hetim proaktiv për të identifikuar anëtarët e drejtuesit e grupit të strukturuar kriminal, të cilët po drejtonin një operacion shumë të madh të trafikut të lëndës narkotike. Por, sipas KPK-së Hajdarmataj ishte drejtues i prokurorisë dhe si i tillë nuk mund t’i atribuohet kjo shmangie e hetimit. Por, ndryshe nga shkalla e parë e Vetingut, Komisioneri Publik, konkludon se “Për rastin konkret, duket se subjekti i rivlerësimit nuk ka ushtruar me përgjegjshmëri detyrat e tij funksionale dhe mekanizmat që ligji i ka mundësuar për të mbikëqyrur ecurinë dhe përfundimin e çështjes, nisur dhe nga rëndësia që paraqiste ajo”.

LEXO EDHE:  Në panik Salianji/ Shpërthen ndaj gazetares

LEXO EDHE:  Plagosja e sekretarit të PD-së në Kavajë/ Duma tregon si nisi konflikti

3. Në vitin 2016, kur drejtonte Prokurorinë e Krimeve të Rënda, Besim Hajdarmataj ka transferuar pas dy viteve në Prokurorinë e Shkodrës një dosje të rëndësishme droge. Komisioni i Vetingut i shkallës së parë ka konstatuar se “duke pasur parasysh rëndësinë tepër të madhe të çështjes në fjalë dhe sasinë e madhe të lëndës narkotike të gjetur, duket se subjekti i rivlerësimit nuk ka përmbushur detyrat e tij mbikëqyrëse, duke toleruar mosveprimin fillestar (që zgjati për dy vjet)…”. Megjithatë, lëvizja e dosjes, sipas KPK-së nuk mund ta ngarkojë me përgjegjësi Hajdarmataj si drejtues. Por, ndryshe mendojnë, ONM dhe Komisioneri Publik. Sipas tyre, për dy vite nuk është kryer asnjë hetim. “Në cilësinë e drejtuesit, subjekti, vetëm pas një viti, ka vendosur të zëvendësojë prokurorin e ngarkuar, me argumentimin që ka konstatuar zvarritje të hetimeve dhe nevojën për ecurinë e tyre, megjithëse, sikurse ka pranuar në parashtrimet e tij para Komisionit, ka qenë i vetëdijshëm për seriozitetin, problematikat dhe rëndësinë e çështjes në hetim. Komisioneri Publik vlerëson se gjetjet e identifikuara, të përsëritura, janë të tilla që mundësojnë vlerësimin mbi kriterin e aftësisë profesionale, në vlerësimin tërësor të çështjes, bazuar në ligjin e zbatueshëm dhe në jurisprudencën e Kolegjit”, thuhet në dosjen e ankimimit.

4. Në vitin 2016, Besim Hajdarmataj ka dërguar për kompetencë hetimore në Prokurorinë e Durrësit një tjetër dosje droge, duke operuar më të njëjtën mënyrë. Komisioni i Vetingut i Shkallës së Parë ka konkluduar se “vendimi për shpalljen e moskompetencës dhe kalimin e akteve në Prokurorinë pranë Gjykatës së Rrethit Gjyqësor, Durrës, në 2016, i përpiluar nga drejtuesi i Prokurorisë, z. B. Hajdarmataj, është hartuar nga ana formale në përputhje me ligjin procedural penal”. Por, ndryshe mendon Komisioneri Publik, i cili thotë se “Për nga sasia e drogës së sekuestruar, personave të përfshirë, mangësive të konstatuara, nuk duket bindëse ndryshimi i cilësimit të veprave penale nga ana e subjektit të rivlerësimit. Nuk rezulton që të jenë dokumentuar hetime mbi lëvizjet financiare të të dyshuarve apo të jenë monitoruar telefonatat e tyre, me qëllim identifikimin e personave të tjerë të implikuar apo të konkludohej nëse rasti kishte karakter ndërkombëtar. Fakti që gjykata dënoi të pandehurit për një vepër penale të një rrezikshmërie më të ulët, si: “Prodhim dhe shitje e bimëve narkotike”, ashtu siç argumenton, ndër të tjera, dhe subjekti, nuk justifikon mungesën e hetimeve nga ana e Prokurorisë, pasi gjykatës nuk iu vu në dispozicion asnjë element apo provë tjetër, në bazë të së cilës ajo mund të vendoste ndryshe”.

5. Në vitin 2013, kur Besim Hajdarmataj drejtonte Prokurorinë e Durrësit, i ka hequr nga duart një dosjes të rëndësishme një prokuroreje, duke e transferuar çështjen në Elbasan, me argumentin se distanca mes Durrësit dhe Elbasanit është më e shkurtër se sa distanca mes Durrësit dhe Elbasanit. Edhe për Komisionin e Vetingut të shkallës së parë, ky argument i prokurorit është i dobët dhe nuk qëndron. Por, KPK-ja ka konkluduar se “se nuk ka kompetencë për të hyrë në themel të çështjes mbi atë që gjykatat më të larta kanë vendosur”. Por ndryshe, kanë arsyetuar ONM dhe Komisioneri Publik, të cilët theksojnë se “Subjekti i rivlerësimit, duke marrë çështjen nga prokurorja e ngarkuar dhe duke ndërmarrë vendimin final të shpalljes së moskompetencës, praktikisht, ka ngarkuar veten si prokuror i çështjes, duke marrë përsipër hetimin dhe të metat e tij. Për më tepër vlen të përmendet se nga subjekti, në cilësinë e drejtuesit të Prokurorisë, nuk rezulton të jetë administruar vendim për zëvendësimin e prokurorit, gjë që bie ndesh dhe me vetë parashikimet ligjore… Arsyetimi i subjektit është i paplotë dhe i paqartë, në drejtim të nevojës që çështja të trajtohej nga ana e tij, në kushtet kur tashmë hetimi kishte filluar dhe prokurorja që kishte përcaktuar ndërkohë dhe hapat e mëtejshëm për ecurinë e tyre. Baza ligjore e referuar nga subjekti në arsyetimin e vendimit për transferimin e çështjes, me atë të dispozitivit, është e ndryshme… Gjithashtu, argumentimi se qytetit i Elbasanit është më afër Tiranës se Durrësi, është jo bindës, i papajtueshëm me rrethanat dhe faktet, pasi në Prokurorinë e Durrësit janë transferuar plot raste të moskompetencës së Prokurorisë së Tiranës me bazë ligjore nenin 78 të K. Pr. Penale. Në mënyrë të pakuptimtë, ky arsyetim aplikohet në fazën përfundimtare të hetimit”.

Përplasja me Theo Jacobs

Vëzhguesi i famshëm ndërkombëtar Theo Jacobs, gjatë seancës së parafundit në Kolegjin e Apelimit, i tha në sy Besim Hajdarmatajt se për çdo dosje të analizuar, ai e hidhe topin tek të tjerët, për të justifikuar mungesën e hetimit, mbylljen apo transferimin e çështjeve në prokurori të tjera, Por, vazhduesi ndërkombëtar the se kjo nuk është në lojë. “Prokurorët kanë qenë nën mbikëqyrjen tuaj dhe nuk u bë asgjë. Ky është një turp! Ju e keni justifikuar me pavarësinë e prokurorëve, por pavarësia është për të kryer punën. Ndërsa ju e përdorni pavarësinë e prokurorëve edhe kur ata nuk bëjnë asgjë. Ju e hidhni topin çdo herë. Kjo nuk është lojë. Sasi me 800 kg apo disa tonë cannabis sativa nuk është lojë. Nëse nuk i keni gjetur dot autorët, duhet t’i kërkonit”, tha Theo Jacobs. Ndërkaq, prokurori Besim Hajdarmatajt i konsideroi pyetjet e Theo Jacobs si komente. Hajdarmataj ka pohuar se nuk ka pasur miqësi me të kallëzuar për çështjen e bixhozit, të cilit i mbylli dosjen. Prokurori ka pohuar se Theo Jacobs dhe Komisioneri nuk kanë data të sistemit TIMS për udhëtimin e tij me këtë person që i mbylli dosjen. Hajdaramataj mbrojti gjithashtu të gjitha veprimet e tij në raport me dosjes e drogës.(Shqiptarja.com)

LEXO TE PLOTE