LEXO PA REKLAMA!

SHKARKO APP

Meta kujton tragjedinë e 70 viteve më parë/ 25 prilli do të jetë Dita e Triumfit të Demokracisë

26 Shkurt 2021, 09:15, Politikë CNA
Meta kujton tragjedinë e 70 viteve më parë/ 25 prilli do të

Presidenti Ilir Meta ka kujtuar 70 vjetorin e ditës kur 22 intelektualë të shquar, qytetarë të pafajshëm, të ndershëm dhe atdhetarë, u ekzekutuan barbarisht me pushkatim, pa gjyq.

Sipas Metës, kjo masakër e llahtarshme, e kryer brenda një nate, simbol i terrorit ndaj mendimit ndryshe. Ai thekson se ?një popull që fle në demokraci, rrezikon që një ditë të zgjohet në diktaturë?.

Mes të tjerash Meta, thekson se në 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës.

?Me akuzën e stisur të hedhjes së një bombe në ish-Legatën Sovjetike në Tiranë, sot mbushen 70 vjet nga dita kur 22 intelektualë të shquar, qytetarë të pafajshëm, të ndershëm dhe atdhetarë, të lidhur tok me tela me gjëmba, u ekzekutuan barbarisht me pushkatim, pa gjyq.
Kjo masakër e llahtarshme, e kryer brenda një nate, simbol i terrorit ndaj mendimit ndryshe, është një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen. Duke nderuar kujtimin e viktimave të pafajshme Sabiha Kasimati, Tefik Shehu, Pjetër Guraziu, Jonuz Kaceli, Anton Delhysa, Haki Kodra, Gafur Jegeni, Myftar Jegeni, Manush Peshkëpia, Reiz Selfo, Qemal Kasaruho, Zyhdi Herri, Gjon Temali, Petro Konomi, Niko Lezo, Pandeli Nova, Thoma Katundi, Mehmet Shkupi, Ali Qorralliu, Fadil Dizdari, Hekuran Troka dhe Lluka Rashkoviç, masakra e 26 shkurtit 1951, na kujton sot se demokracia duhet të mbrohet çdo ditë dhe me çdo sakrificë.
Sepse ?një popull që fle në demokraci, rrezikon që një ditë të zgjohet në diktaturë?. Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës?, shkruan Meta./CNA.al

Lajmet e fundit nga