Connect with Us

Vaksina Pfizer, efektive në testimin e parë me përmasa të gjëra në botë

Shëndeti

Vaksina Pfizer, efektive në testimin e parë me përmasa të gjëra në botë

Publikuar

-

Sa efektive është Pfizer pas marrjes së dozës së dytë?/ Ministri izraelit nxjerr shifrat

Një testim i vaksinës COVID-19 të kompanisë Pfizer tek më shumë se gjysmë milioni njerëz konfirmon se ajo është shumë efektive në parandalimin e rasteve serioze ose vdekjes, edhe vetëm pas një doze.

Rezultatet e botuara të mërkurën, nga një fushatë vaksinimi masive në Izrael, japin siguri të fortë se përfitimet e vërejtura në testime në përmasa më të vogla dhe të kufizuara, u përsëritën kur vaksina u përdor shumë më gjerësisht në një popullatë në grupmosha dhe kushte të ndryshme shëndetësore.

Vaksina ishte 92% efektive në parandalimin e sëmundjes së rëndë pas dy dozave dhe 62% pas një doze. Efektshmëria e saj e vlerësuar për parandalimin e vdekjes ishte 72% dy ose tre javë pas dozës së parë, një nivel që mund të përmirësohet ndërsa konsolidohet imuniteti me kalimin e kohës.

Ajo rezultoi po aq efektive tek njerëzit mbi 70 vjeç sa edhe tek të rinjtë.

“Kjo është jashtëzakonisht inkurajuese, më mirë se sa kisha parashikuar,” tha Dr. Gregory Poland i klinikës Mayo.

Dr. Buddy Creech i Universitetit Vanderbilt pranoi: “Edhe pas një doze mund të shohim një efektshmëri shumë të lartë në parandalimin e vdekjes,” tha ai.

Asnjë prej mjekëve nuk kishte ndonjë rol në studimin e Izraelit, por të dy janë të përfshirë në studime të tjera të vaksinave të koronavirusit.

Dy mjekët gjithashtu thanë se rezultatet e reja mund të jenë një shtysë për të konsideruar shtyrjen e dozes së dytë, ashtu siç po provon Britania, ose për të dhënë një dozë në vend të dy për njerëzit që e kanë kaluar tashmë COVID-19, siç po bën Franca, për t’i përdorur më me kursim rezervat e kufizuara.

“Unë do të preferoja më mirë që 100 milionë njerëz të merrnin një dozë sesa 50 milionë njerëz të merrnin dy doza,” tha dr. Creech. “Jam shumë i inkurajuar nga të dhënat për marrjen e një doze” në rezultatet nga Izraeli, të cilat u botuan nga Revista Mjekësore e New England.

Vaksina, e prodhuar nga kompania Pfizer në partneritet me atë gjermane BioNTech, jepet me dy faza, në një kohëzgjatje tre javore, në shumicën e vendeve.

Studimi u drejtua nga studiues të Institutit Kërkimor Clalit dhe Universiteti Ben-Gurion i Negevit në Izrael, me Universitetin e Harvardit në SHBA. Ai nuk përfshinte të dhëna për sigurinë e vaksinës, vetëm për efektivitetin, por në testimet e mëparshme nuk u shfaqën probleme të papritura.

LEXO EDHE:  “Ecuria goxha pozitive”/ Rama sqaron situatën e emigrantëve të bllokuar në kufi

Studiuesit krahasuan rezultatet për gati 600,000 vetë nga mosha 16 vjeç e lart pjesëmarrës në organizatën më të madhe të kujdesit shëndetësor në Izrael, të cilëve iu dha vaksina në dhjetor ose janar me një numër të barabartë njerëzish nga mosha, seksi dhe shëndeti që nuk i morën vaksinat. Askush nga pjesëmarrësit nuk ishte testuar më parë pozitiv për virusin.

Vaksina u vlerësua të jetë 57% efektive në parandalimin e ndonjë simptome të COVID-19 dy ose tre javë pas dozës së parë dhe 94% në javë ose më shumë pas dozës së dytë.

Efektiviteti ishte 74% pas një doze dhe 87% pas dy dozash për parandalimin e nevojës së shtrimit në spital, dhe respektivisht 46% dhe 92% për parandalimin e infeksionit të konfirmuar. Reduktimi i infeksioneve jep shpresë se vaksina mund të frenojë përhapjen e virusit, por ky lloj studimi nuk mund ta përcaktojë një gjë të tillë.

Pati 41 vdekje të lidhura me COVID-19, 32 prej tyre tek njerëz që nuk kishin marrë vaksinë.

Në përgjithësi, shifrat përputhen me efektivitetin 95% pas dy dozave që u pa në testimin e kufizuar që ishte baza mbi të cilën rregullatorët amerikanë autorizuan përdorimin emergjent të vaksinës, tha dr. Poland. Një nga pikëpyetjet e rëndësishme ka qenë se efektive do të ishte një doze e vetme, “dhe ky studim jep disa përgjigje.

“Ndoshta gjëja e duhur për të mbrojtur numrin më të madh të njerëzve. është që t’u jepej të gjithëve një dozë sa më shpejt që të mundemi. Unë mendoj se kjo është një strategji shumë e pranueshme për t’u konsideruar”, tha dr. Poland.

Izraeli deri tani ka vaksinuar gati gjysmën e popullsisë së tij. Një variant më i ri i virusit që u identifikua për herë të parë në Britani u bë lloji mbizotërues në Izrael gjatë studimit, kështu që rezultatet gjithashtu japin një pasqyrë se sa mirë vepron vaksina kundër tij.

Më parë këtë javë, dy studime të Britanisë së Madhe sugjeruan efektivitet edhe pas një doze të vaksinës Pfizer dhe një tjetre nga AstraZeneca. Britania e Madhe po shtyn dozën e dytë për deri në 12 javë pas të parës në përpjekje për t’u dhënë më shumë njerëzve një farë mase mbrojtjeje./VOA

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

Variantet e reja të Covid 19/ Manastirliu thirrje urgjente qytetarëve

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Vaksinimi me dozën e tretë është shumë i rëndësishëm për të gjithë ata të cilët e kanë bërë vaksinën përpara 6 muajve. Ndaj ftoj të gjithë qytetarët edhe njëherë të mos e neglizhojnë bërjen e dozës së tretë, ashtu sikurse ne duhet të ecim me dozat e para të vaksinave, në mënyrë që të arrijmë mbulesë vaksinale sa më të gjerë”. Nga qendra shëndetësore e Vorës, Ministrja e Shëndetësisë dhe Mbrojtjes Sociale apeloi qytetarët të vaksinohen sa më parë kundër Covid-19, në një kohë kur Organizata Botërore e Shëndetësisë ka rritur alertin për variantet e reja të COVID-19.

Duke folur për rëndësinë e vaksinimit, Ministrja e Shëndetësisë tha se faktet tregojnë se të shtruarit që aktualisht janë në spital, janë kryesisht të pavaksinuar.

Vaksinimi është e vetmja armë që ne kemi për të kufizuar përhapjen e pandemisë dhe sigurisht për të shmangur format e rënda të sëmundjes apo fatalitetet. Ashtu sikurse po shihen edhe nga të dhënat që ne kemi nga spitali Infektiv, mbi 94% të rasteve të shtrimeve me komplikacione janë ata të cilët nuk janë vaksinuar. Është një infektim i rasteve të pavaksinuara, pra i pavaksinuarve quhet epidemia e të pavaksinuarve në fakt sepse është aty ku po shohim një përhapje të gjiërë të virusit. Dhe për këtë arsye nevojitet një sensibilizim i shpejtë”, tha Manastirliu.

LEXO EDHE:  YouTube bllokon të gjitha videot me përmbajtje anti-vaksinë

LEXO EDHE:  Ja çfarë i shkakton trurit distancimi social



Ministrja e Shëndetësisë dhe Mbrojtjes Sociale Ogerta Manastirliu apeloi edhe për vaksinimin kundër gripit, për të përballuar sa më mirë sezonin e dimrit.

Përsa i përket vaksinave të gripit ne kemi ecur me ritme të mira. Janë më shumë se 140 mijë vaksina gripi të kryera deri më tani në të gjitha qendrat shëndetësore dhe ambulancat ku kryhet ky vaksinim kundër gripit sezonal. Ajo çfarë na pret përpara është sezoni i dimrit. Ndaj duhet të sigurojmë që të gjithë ata qytetarë që janë me sëmundje bashkëshoqëruese dhe që janë grupmosha +60 vjeç të mundet të vaksinohen menjëherë me vaksinën e gripit, sikundër vaksina kundër Covid-19 është një detyrë e personelit shëndetësor për të vazhduar dhe për t’u marrë me shumë seriozitet me çdo familje”, tha Manastirliu.

Në të gjithë vendin vijon vaksinimi kundër Covid-19 në qendrat shëndetësore do ditë të javës, për çdo qytetar mbi 16 vjeç si dhe për fëmijët 12-15 vjeç, sipas rekomandimit të mjekut. Deri tani janë kryer 2,088,394, teksa janë mbi 60 mijë qytetarë që e kanë kryer edhe dozën e tretë të vaksinës./ CNA.al

LEXO TE PLOTE

Shëndeti

Gjuetia për variantet e koronavirusit/ Çfarë dimë deri tani për variantin Omicrom

Publikuar

-

Nga

cna lajme shendeti

Që në fillim të pandemisë COVID, Rrjeti për Mbikëqyrjen e Gjenomikës në Afrikën e Jugut ka monitoruar ndryshimet e SARS-CoV-2. Ky ishte një mjet i vlefshëm për të kuptuar më mirë se si u përhap virusi. Në fund të vitit 2020, rrjeti zbuloi një linjë të re virusesh, 501Y.V2 , e cila më vonë u bë e njohur si varianti beta. Tani është identifikuar një variant i ri SARS-CoV-2, i njohur si B.1.1.529. Për të na ndihmuar të kuptojmë më shumë, Ozayr Patel i The Conversation Africa u kërkoi shkencëtarëve të tregojnë atë që dinë.

Ku qëndron shkenca?

Gjuetia për variante kërkon një përpjekje të përbashkët. Afrika e Jugut dhe Mbretëria e Bashkuar ishin vendet e para që zbatuan përpjekjet mbarëkombëtare të mbikëqyrjes gjenomike për SARS-CoV-2 që në prill 2020. Gjuetia e variantit, sado emocionuese të tingëllojë, kryhet përmes renditjes së gjenomeve të mostrave që kanë rezultuar pozitive për virusin. Ky proces përfshin kontrollin e çdo sekuence për ta krahasuar me atë që ne dimë që qarkullon në Afrikën e Jugut dhe në botë, raporton abcnews.al

Kur vëmë re dallime të shumta, ne duhet të  hetojmë më tej për të konfirmuar atë që kemi vënë re. Për fat të mirë, Afrika e Jugut është e përgatitur mirë për këtë.  Afrika e Jugut ka disa laboratorë që  studiojnë virusin aktual dhe  zbulojnë se deri ku antitrupat, të formuar në përgjigje të vaksinimit ose infeksionit të mëparshëm, janë në gjendje të neutralizojnë virusin e ri. Këto të dhëna do të na lejojnë të karakterizojmë virusin e ri.

Varianti beta u përhap në mënyrë shumë më efikase mes njerëzve në krahasim me  variantet e mëparshme të SARS-CoV-2 dhe shkaktoi valën e dytë pandemike të Afrikës së Jugut. Prandaj u klasifikua si një variant shqetësues. Gjatë vitit 2021, një tjetër variant shqetësues i quajtur delta u përhap në pjesën më të madhe të botës, duke përfshirë Afrikën e Jugut, ku shkaktoi një valë të tretë pandemike.

Kohët e fundit, sekuenca rutinë nga laboratorët anëtarë të Rrjetit për Mbikëqyrjen Gjenomike zbuloi një linjë të re virusesh, të quajtur B.1.1.529 , në Afrikën e Jugut. 77 mostra të grumbulluara  në mes të nëntorit 2021 në provincën Gauteng ishin të infektuar me këtë virus. Është raportuar gjithashtu një numër i vogël rastesh  nga Botsvana dhe Hong Kongu. Rasti i Hong Kongut besohet  se është një udhëtar nga Afrika e Jugut.

Pse Afrika e Jugut po “prodhon” variante shqetësuese?

Nuk e dimë me siguri. Sigurisht që është më shumë sesa thjesht rezultat i përpjekjeve të bashkërenduara për të monitoruar virusin qarkullues. Një teori është se njerëzit me sistem imunitar shumë të komprometuar dhe që vuajnë nga simptoma të zgjatura mund të jenë burim i varianteve të reja virale.

Supozimi është se një shkallë e “presionit imunitar” (që do të thotë një përgjigje imune e cila nuk është mjaftueshëm e fortë për të eliminuar virusin, megjithatë ushtron një farë presioni selektiv që “e detyron” virusin të evoluojë) dhe krijon kushtet për shfaqjen e varianteve të reja, raporton abcnews.al

Pavarësisht nga një program i avancuar i trajtimit antiretroviral për njerëzit që jetojnë me HIV, shumë individë në Afrikën e Jugut kanë sëmundje të avancuar të HIV-it dhe nuk kanë marrë ende trajtim efektiv. Janë hetuar disa raste klinike që mbështesin këtë hipotezë, por ka ende shumë për të mësuar.

Pse është shqetësues ky variant?

Nuk e dimë.  Një përgjigje mund të jetë se B.1.1.529 mbart disa mutacione që janë shqetësuese, dhe vetëm në proteinën spike ka mbi 30 mutacione. Kjo është e rëndësishme, sepse proteina spike është ajo që përbën shumicën e vaksinave. Mund të themi gjithashtu se B.1.1.529 ka një profil gjenetik shumë të ndryshëm nga variantet e tjera qarkulluese. Nuk duket të jetë një “bijë e deltës” ose “nip i beta”, por përkundrazi përfaqëson një linjë të re të SARS-CoV-2.

LEXO EDHE:  YouTube bllokon të gjitha videot me përmbajtje anti-vaksinë

LEXO EDHE:  A po bëhet më pak vdekjeprurës koronavirusi?

Disa nga ndryshimet gjenetike të tij njihen nga variante të tjera dhe ne e dimë se ato mund të ndikojnë në transmetueshmërinë ose të lejojnë evazionin imunitar, por shumë prej tyre janë të reja dhe nuk janë studiuar ende. Ndërsa ne mund të bëjmë disa parashikime, ne jemi ende duke studiuar se sa do të ndikojnë mutacionet.

Ne duam të dimë për transmetueshmërinë, ashpërsinë e sëmundjes dhe aftësinë e virusit për t’i “shpëtuar” përgjigjes imune tek personat e vaksinuar ose të shëruar. Ne po e studiojmë këtë në dy mënyra.



Së pari, falë studimeve epidemiologjike kërkojmë të zbulojnë nëse linja e re tregon ndryshime në transmetueshmëri, aftësi për të infektuar individë të vaksinuar ose të infektuar më parë, etj.

Në të njëjtën kohë, studimet laboratorike ekzaminojnë vetitë e virusit. Karakteristikat e tij të rritjes virale krahasohen me ato të varianteve të tjera të virusit dhe përcaktohet se sa mirë mund të neutralizohet virusi nga antitrupat që gjenden në gjakun e individëve të vaksinuar ose që janë shëruar. Në fund, rëndësia e plotë e ndryshimeve gjenetike të vëzhguara në B.1.1.529 do të bëhet e dukshme kur të merren parasysh rezultatet nga të gjitha këto lloje të ndryshme studimesh.

Është një ndërmarrje komplekse, kërkuese dhe e shtrenjtë, e cila do të vazhdojë për muaj të tërë, por e domosdoshme për të kuptuar më mirë virusin dhe për të hartuar strategjitë më të mira për ta luftuar atë.

A  na tregojnë indikacionet e hershme që ky variant  mund të shkaktojë simptoma të ndryshme ose më të rënda?

Nuk ka ende asnjë provë për ndonjë ndryshim klinik. Ajo që dihet është se rastet e infeksionit B.1.1.529 janë rritur me shpejtësi në Gauteng, ku duket se po fillon vala e katërt pandemike në vend. Pra, ne nuk mund të themi ende nëse B.1.1.529 transmetohet në mënyrë më efikase sesa varianti shqetësues, Delta.

COVID-19 ka më shumë gjasa të shfaqet si sëmundje e rëndë, shpesh kërcënuese për jetën tek të moshuarit dhe individët me sëmundje kronike. Por grupet e popullsisë që janë të ekspozuar ndaj një virusi të ri janë njerëz më të rinj dhe zakonisht të shëndetshëm.

Nëse B.1.1.529 përhapet më tej, do të duhet pak kohë para se të mund të vlerësohen efektet e tij, për sa i përket ashpërsisë së sëmundjes. Për fat të mirë, duket se të gjitha testet diagnostike që janë kontrolluar deri më tani janë në gjendje të identifikojnë virusin e ri.

Madje disa analiza komerciale të përdorura gjerësisht tregojnë një model specifik: dy nga tre sekuencat e gjenomit të synuar janë pozitive, por e treta jo. Kjo mund të shërbejë si një tregues për B.1.1.529, që do të thotë se ne mund të vlerësojmë shpejt përqindjen e rasteve pozitive për shkak të infeksionit B.1.1.529.

Kjo është shumë e dobishme për monitorimin e përhapjes së virusit pothuajse në kohë reale.

A ka gjasa që vaksinat aktuale të mbrojnë kundër variantit të ri?

Ende nuk e dimë. Rastet e njohura përfshijnë individë që kanë qenë të vaksinuar. Megjithatë, ne kemi mësuar se mbrojtja imune e ofruar nga vaksinimi zbehet me kalimin e kohës dhe nuk mbron aq shumë nga infeksioni, por nga sëmundjet e rënda dhe vdekja.

Mundësia që B.1.1.529 mund të shmangë përgjigjen imune është shqetësuese. Pritshmëria shpresëdhënëse është që normat e larta të seroprevalencës, njerëzit që janë infektuar tashmë, të gjetura nga disa studime do të siguronin një shkallë “imuniteti natyror” për të paktën një periudhë kohe.

Në fund të fundit,  gjithçka që dimë deri më tani për B.1.1.529 nënvizon faktin se vaksinimi universal është ende basti ynë më i mirë kundër COVID-19. /ABC

LEXO TE PLOTE

Shëndeti

Varianti i ri afrikan i Covid-19/ OBSH ngre alarmin

Publikuar

-

Nga

Përhapja e COVID në Shqipëri në kuota të papërfillshme

Varianti i ri i Covid-19 i cili ka mbërritur edhe në Evropë, ka shkaktuar frikë dhe panik, si pasojë e agresivitetit që mendohet të ketë.

Në një deklaratë për mediat, OBSH deklaron se varianti i ri afrikan ka një numër të madh mutacionesh, disa prej të cilave janë tepër shqetësuese.



OBSH e ka riemëruar llojin B.1.1.529 të zbuluar së fundmi, me emrin “Omicron”. Varianti u raportua për herë të parë në OBSH nga Afrika e Jugut, ditën e mërkurë. Ai është identifikuar gjithashtu në Botsvanë, Belgjikë, Hong Kong dhe Izrael.

LEXO EDHE:  Vendimi për hapjen e negociatave/ Bregu: Asnjëherë se kisha imagjinuar se do vinte kështu

LEXO EDHE:  Ja çfarë i shkakton trurit distancimi social

OBSH shprehet se do të duhen disa javë për të kuptuar ndikimin e variantit të ri dhe rrezikshmërinë e transmetueshmërisë së tij./CNA.al

LEXO TE PLOTE