Kronika
U qëllua me armë zjarri në mes të Tiranës/ Qytetari ndërron jetë në spital
Ka ndërruar jetë personi i cili u plagos mëngjesin e sotëm pranë zonës së Piramidës në Tiranë.
Mësohet se i plagosuri ka ndërruar jetë në spitalin e Traumës pasi kishte marrë dy plumba. Personi, mbi 60 vjeç, me iniciale B.S., mori dy plumba në këmbë dhe megjithëse u transportua në spital, nuk ka mundur të mbijetojë.
Dyshohet se plagosja është kryer me armë me silensiator, dhe për këtë qytetarët nuk e kanë kuptuar fillimisht atë që ka ndodhur./CNA.al
Kronika
Tre furgona të dyshimtë në qytet/ Artan Hoxha zbulon telefonatën që paralajmëroi vrasjen e Elbasanit
Gazetari Artan Hoxha ka zbardhur detaje të reja nga vrasja qe tronditi Elbasanin ditën e sotme.
Hoxha tha se një orë e pak para ngjarjes në Drejtorinë e Policisë së Elbasanit qytetarë kanë njoftur se tre furgona të dyshimë po lëviznin në qytet.
Sipas tij, kjo që ndodhi sot është fatura e prerë nga klasa politike që duhet ta paguajnë qytetarët shqiptarë.
“Kjo pamje për mua është fatura që po e paguajnë qytetarët shqiptarë dhe kjo faturë është prerë nga kjo klasë politike.
Kjo është masakra që i ka përgjakur zgjedhjet e 25 prillit. Zoti ka dash që kemi vetëm 4 të plagosur.
Sot në orët e para të paraditës drejtoria e Elbasanit është njoftuar nga qytetarë, për tre furgona, që po lëviznin me njerëz që nuk flasin me dialektin e Elbasani dhe janë njerëz të armatosur. Nuk dihej nëse kishim të bënim me civilë, apo grup kriminal. Kjo ka ndodur një orë e disa më shumë para ngjarjes. Ky është njoftimi që i ka shkuar policisë. Është paralajmëruar”, tha Hoxha./CNA.al
Kronika
Vendi nuk gjen qetësi/ Të shtëna me armë zjarri në Vlorë
Pas atentatit të ndodhur në qytetin e Elbasanit ku mbeti i vrarë Pjerin Xhuvani duket se vendi nuk po gjen qetësi.
Të shtëna më armë janë dëgjuar sërisht ditën e sotme në qytetin e Vlorës. Ngjarja ka ndodhur në fshatin Poro të Novoselës.
Mësohet se me armë është qëlluar në drejtim të një lokali ne pronësi të shtetasit me iniciale GJ.N. Ende nuk dihet nëse ka të lënduar, ndërsa policia ndodhet në vendin e ngjarjes./CNA.al
Kronika
Atentati në Elbasan/ Të plagosurit nisen drejt Tiranës për mjekim të specializuar
Tre personat që mbetën të plagosur në atentatin në Elbasan, janë nisur drejt Tiranës për mjekim të specializuar.
Të plagosurit Emiljan Prenga 39 vjeç, Pavlo Vuksani 50 vjeç, Eltjon Bodinaku 32 vjeç në gjendje të rëndë, dhëndr i Pjerin Xhuvanit, janë nisur drejt Tiranës për mjekim më të specializuar.
Plagosja e tyre u bë nga truproja i Gazmend Bardhit Arbër Papleka.
