Kronika
Lala bën deklaratën e fortë/ Behar Sofia i përfshirë në fushatë elektorale, do hapte thesin për…
Gazetarja Klodiana Lala, ka bërë një deklaratë të fortë mbrëmjen e sotme për vrasjen e Behar Sofisë në mes të Tiranës, i njohur ndryshe si “padrino i drogës”.
Lala tha se Sofia ishte i përfshirë në fushatë elektorale, por nuk preferoi të tregojë se cilën parti politike mbështeste.
Ajo deklaroi në emisionin “Opinion” se konkretisht Sofia ishte i përfshirë në fushatë në zonën e Kombinatit dhe sipas saj ishte gati të hapte thesin me para.
“Së fundmi ishte i përfshirë në fushatë elektorale në zonën e Kombinatit. Kjo është arsyeja pse ai rezultonte zyrtarisht i regjistruar si banor i rrugës së Qelqit. Se për cilën parti politike unë nuk mund ta them se nuk kam dokument ta them, por ju garantoj se ishte i përfshirë në fushatë dhe priste të hapte thesin për fushatën. Kam informacion dhe të dhëna nga policia që ishte i përfshirë në fushatë elektorale”, theksoi gazetarja.
Behar Sofia i ekzekutuar sot paradite, njihej si njeri i afërt me persona me lidhje të forta me Ilir Metën dhe LSI./ CNA.al
Kronika
Protesta e banorëve në Mirditë/ Reagon policia
Ditën e sotme banorët e dy fshatrave në Mirditë, kanë protuestuar kundër ndërtimit të një HEC-i dhe ndërtimit të fabrikës së ujit në këtë zone.
Protesta u përshkallëzua deri në përplasje fizike me forcat e policisë.
Kjo e fundit, në një komunikatë për mediat ka njoftuar se janë shoqëruar 33 persona, për grumbullim dhe manifestim të paligjshëm, për pengim e qarkullimit të mjeteve të transportit dhe për mosbindje ndaj urdhërave të punonjësve të Policisë.
Pas marrjes në pyetje ata janë lënë të lirë, ndërkohë për hetime të mëtejshme, çështja ka kaluar në Prokurorinë së Rrethit Gjyqësor Lezhë./CNA.al
Kronika
Merr flakë në ecje makina në autostradë/ Shpëton mrekullisht shoferi
Një automjet është përfshirë nga flakët në ecje në autostradën Tiranë-Elbasan.
Sipas informacionit paraprak nga policia, shkak është bërë një defekt teknik.
Megjithë ndërhyrjen e zjarrfikësve, automjeti është shkrumbuar plotësisht.
Fatmirësisht shoferi ka arritur të dale në kohë, pa pësuar lëndime./CNA.al
Kronika
E rëndë/ Nusja vret vjehrrën
Një ngjarje e rëndë ka ndodhur orët e para të mëngjesit ku nusja vrau vjehrrën me thikë.
Shtetësja me iniciale M.M ka qëlluar me thikë 74 vjeçaren e cila ka ndërruar jetë menjëherë.
Mësohet se ngjarja ka ndodhur pas një debati për motive të dobëta. 44 vjeçarja është arrestuar ditën e sotme nga policia. Nusja e ka mbajtur të fshehtë ngjarjen për 6 orë dhe ka qenë bashkëshorti i saj ai që ka telefonuar policinë. / CNA.al
