Aktualitet
Dënohet me burg përjetë biznesmeni nga Bangladeshi/ Meta i dha pasaportë shqiptare dhe mijëra hektarë tokë
Biznesmeni Muhammad Obaidul Karim, është dënuar me burgim të përjetshëm në Bangladesh.
Por kush është Muhammad Obaidul Karim dhe çfarë lidhje ka ai me Shqipërinë?
Ky biznesmen zotëron pasaportë shqiptare dhe në këtë skandal është përfshirë presidenti ilir Meta dhe ish-presidenti Bujar Nishani.
Kur Nishani ishte president dhe Meta kryetar Kuvendi kanë pajisur me dokumentacion shqiptar Muhammad Obaidul Karim edhe pse ai ka qëndruar vetëm 64 orë në Shqipëri.
Por skandali nuk përfundon këtu, pasi në këtë shkelje është përfshirë edhe ish-ministri i LSI Edmond Panariti. Kreu aktual i Shtetit, në bashkëpunim me Panaritin i kanë dhënë shtetasit nga Bangladeshi mbi një mijë hektarë tokë në Fier, për një investim që nuk e bëri kurrë.
Biznesmeni i burgosur ka hedhur në gjyq shtetin shqiptar dhe kërkon 1 milionë euro dëmshpërblim. Ndërkohë, biznesmeni Bujar Zhuri tregon se për Muhammad Obaidul Karim dyshohet se pastron paratë e terroristëve islamikë.
“Muhammad Obaidul Karim eshte shqiptari nga Bangladeshi.
Meta i dha 1140 ha ne Topoje te Fierit investim qe nuk e beri kurre.
Bujar Nishani nen ndikimin e Metes dhe E.Panaritit i dha nenshtetesine shqiptare per vetem 64 oresh qendrimi ne token shqiptare,edhe pse dyshohet se ishte nje pastrues i parave edhe te organizatave terroriste islamike.
Tani me bekimin e Bekimit nipi i Mendu Thacit ka hedhur ne gjyq shtetin shqiptar Ministrine e Bujqesise dhe i kerkon nje demshperblim prej 1 milion eurosh.
Ku e gjene te drejten keta islamike te marrin nenshtetsi, te marrin toke dhe tani edhe demshperblim nga taksapaguesit shqiptare?
Pyesni Meten, Panaritin dhe Nishanin”, deklaronte Zhuri në denoncimin e para disa muajve./ CNA.al
Kronika
Vendi nuk gjen qetësi/ Të shtëna me armë zjarri në Vlorë
Pas atentatit të ndodhur në qytetin e Elbasanit ku mbeti i vrarë Pjerin Xhuvani duket se vendi nuk po gjen qetësi.
Të shtëna më armë janë dëgjuar sërisht ditën e sotme në qytetin e Vlorës.
Mësohet se me armë është qëlluar në drejtim të një lokali. Ende nuk dihet nëse ka të lënduar, ndërsa policia ndodhet në vendin e ngjarjes./CNA.al
Politikë
“Asgjë s’do të na ndalë”/ Basha thirrje lushnjarëve: Jam i vendosur që të marrë në dorë fatin tuaj
Kreu i Partisë Demokratike, Lulzim Basha në vijim të turit elektoral, është ndalur pasditen e sotme në qytetin e Lushnjes.
Gjatë fjalës së tij, Basha i bëri thirrje qytetarëve që t’i drejtohen masivisht kutive të votimit në 25 prill dhe të votojnë për numrin 9.
“Votoni numrin 9 për ndryshimin e bashkuar. Ky vend i ka të gjitha potencialet. Kjo Lushnjë e qytetarisë, e bujqësisë, do të mundësojë punësim e dije.
Kjo Lushnjë e krenarisë që ka në mesin e saj të zotë. Sa Julian ka këtu? Sa Julianë ka Shqipëria. Ejani bashkë, Europa na ka shtrirë dorën. Kam besim tek ju rinia e Lushnjës, rinia e Shqipërisë. Fitorja ka zbritur në këtë shesh dhe njësoj si retë e zeza që nuk e ndalën dot Besëlidhjen e Lushnjës.
Asgjë se ndal vullnetin e lushnjarëve për të dalë masivisht në zgjedhjet ku do të vendoset fati i familjeve tuaja, i fëmijëve tuaj, i vendit tonë. Jam i vendosur që të marrë në dorë fatin e tij, me votë. Le të jetë 25 prilli si dita e fundit e tranzicionit. Ndryshimi i pandalshëm po vjen në të gjitha shtëpitë.
Asgjë s’do të na ndalë të dalim masivisht dhe të votojmë. Këto janë zgjedhjet vendimtare, vendosin fatin e familjes suaj”, tha Basha./CNA.al
Politikë
Militanti i PD-së tronditi Elbasanin/ Patozi: Deklarata e Metës ishte e tmerrshme
Koordinatori i Bindjes Demokratike, Astrit Patozi ka reaguar për vrasjen që ndodhi ditën e sotme në Elbasan të Pjerin Xhuvanit.
Patozi i ftuar në “Report Tv” tha se në ngjarje kaq të rënda qëndrimi i një presidenti duhet të ishte i qartë dhe i prerë dhe jo të ta trajtonte ashtu si bëri.
“Meta bën mirë të mos dalë kur ka ngjarje të tilla, se deklarata e tij ishte e tmerrshme, Meta mbajti 2 orë një konferencë shtypi për banderolën në Fier, dhe ishte i hakërruar. Ishte një shqiptar që humbi jetën që i përkiste njërës palë, Meta s’mund ta trajtonte që s’kishte qejf të fliste, por duhet të mbante një qëndrim të qartë dhe të prerë. Mos të bëjë deklarata të tilla se nuk dëmton vetëm presidentin e republikës si Institucion“, u shpreh Patozi.
Ndër të tjera kordinatori I Bindjes Demokratike shtoi se kjo ndodh vetëm midis dy partive kryesore sepse kokat e këtyre partive janë të gatshme të bëjnë gjithçka për të arritur qëllimet politike.
“Pse ndodh vetëm mes PD dhe PS sepse, kokat e nxehta të këtyre partive janë gati të bëjnë gjëmën që të arrijnë qëllimet politike”, tha Patozi./CNA.al
