Aktualitet
Bushati zbulon “përçarjen” PD-LSI/ Haxhiu bën parashikim të fortë për 25 prillin
Partia Demokratike dhe Lëvizja Socialiste për Integrim do të paraqiten në zgjedhjet e 25 prillit të ndara dhe kjo sipas Andi Bushatit do ta dëmtojë opozitën.
Mendim të kundërt ndau Baton Haxhiu gjatë emisionit “Shock”, ku tha se PD dhe LSI me sa duket kanë lexuar se sondazhet nuk favorizojnë daljen në një koalicion. Ai thotë se një koalicion PD dhe LSI nuk do të ishte i mbështetur në ideologji.
“Të dy partitë kanë vendosur t’u besojnë sondazheve për armiqësitë që kanë elektorati i tyre mes vetes. Sondazhet kanë treguar armiqësia mes elektorateve të PD dhe LSI është bukur i shprehur në terren. E kanë të pamundur që mund të krijojnë besim për të mbledhur vota në këtë mënyrë.
Sipas Baton Haxhiut këto zgjedhje do të jenë rasti i fundit që LSI të tregojë që është parti ose aksesor e partive të tjera.
Kurse, Andi Bushati tha se partitë opozitare çalojnë për faktin se kanë një hendek të thellë për mënyrën se si duhet të përballem ne Edi Ramën.
“Ilir Meta dhe LSI kanë një qasje që Edi Rama nuk mund të luftohet pa goditur oligarkët. Kurse qasja e Basësh është që ne duhet t’i rrëmbejnë karrigen Ramës duke përfituar nga oligarkët. Mendoj se ka kosto pasi bashkë me mbrojnë më mirë votën nga grabitja dhe vjedhja”, tha ai.
Bushati parashikon se në zgjedhjet e 25 prillit PD dhe LSI do t’i dëmtojë fakti që do të garojnë në dy koalicione por nga ana tjetër parashikon një rezultat të kënaqshëm për LSI.
“LSI sërish do të ngelet një parti e fortë dhe në ato kuota ku jemi mësuar në zgjedhjet e fundit. Problem është a do të humbasin opozitarizmi nga mos bashkimi i tyre dhe unë mendoj se po”, tha ai.
Kurse për Baton Haxhiun, “PD do të fitojë shumë më shumë mandate se sa me LSI dhe sipas tij “ky vit është fundi i rrjepjes politik të partisë së madhe”./Euronews
Politikë
“Partia Demokratike pa kokë”/ Rama tallet me Bashën nga Tropoja
Pas hapjes së aeroportit të Kukësit kryeministri Edi Rama ka zhvilluar takim me banorët e Tropojës. Nga atje Rama prezantoi kandidatin për deputet dhe shprehi falenderimin që ditën e sotme kanë qënë më të shumtë në numër se herët e tjera.
“Sot unë ju gjej më të shumtë në numër. Dhe jam i bindur që prezenca nuk ësht ëe lidhur thjesht me ardhjen time. Por me siguri është e lidhur që në këtë zgjedhje Ps ju ka sjellë dikë që është nder ta kesh shok dhe është nder ta kesh përfaqësues”, u shpreh Rama.
Ndër të tjera kryeministri nuk la pa ironizuar edhe liderin e Partisë Demokratike Lulzim Basha duke e cilësuar pa kokë. Sipas Ramës, ai ka bërë më shumë për këtë qytet se Partia Demokratike.
“PD nuk është një shpellë e mbushur me njerëz që i përkasin një bote tjetër. Pd-ja ka plot njerez të mirë. Në Pd është problem koka, ishte koka kur kishte kokë tani nuk ka kokë imagjino. Për Tropojën unë dhe Partia Sociliaste në këto vite që na hyri në mes me dy akte tërmet dhe pandemia. Kam bërë disa herë më shumë se Sali Berisha dhe Partia Socialiste këtë sma mohon dot një tropojan që mban gishtat lart edhe kur fle gjumë. Për mua ishte një rikthim sepse në Barjam Curr kam qenë kur kam qenë student”, shtoi Rama./ CNA.al
Politikë
“Do i japim fund mafies së trojeve”/ Basha ndalet në Vorë, premtime banorëve
Kreu i PD Lulzim Basha, në vijim të fushatës elektorale është ndalur në Vorë pasditen e sotme.
Basha theksoi se Rama nuk bëri asgjë në tetë vjet, duke shtuar se nuk ka se çfarë të bëjë më.
“Vëllezër dhe motra, zonja e zotërinj, mirë se iu gjej këtë pasdite. E kanë katandisur Vorën në pikë të zezë. Kanë tetë vite dështime, tetë vite premtime që nuk janë mbajtur dhe kanë guxim e kërkojnë edhe katër vjet të tjera.
Rama nuk bëri gjë dhe nuk ka çfarë të bëjë më. Bashkë për ndryshim, duke votuar të dielën e ardhshme numrin 9. Kjo sepse Vora nuk e mban dot më këtë peshë të rëndë të skamjes dhe varfërisë.
Aleanca për ndryshim do të fitojë zgjedhjet për Shqipërinë e shqiptarët. Kjo qeveri është çnjerëzore. Çmimi i naftës është rritur në mënyrë të tmerrshme. Më 25 prill të largojmë Ramën me votën e shqiptarëve të bashkuar, është në dorën tonë t’i shërbejmë fëmijëve tanë dhe të mos i lëmë nënat e gratë tona me zemër të ngrirë.
Me rindërtimin, Rama ndau disa të njerkës dhe disa të nënës. Do i japim fund mafies së trojeve. Më 25 prill votoni numrin 9, bashkë për ndryshim. Vora fiton, Shqipëria fiton”, u shpreh Basha./CNA.al
Kronika
Makina përplas rëndë gruan me fëmijën në Bulqizë/ Pritet të transportohen me helikopter drejt Tiranë
Një aksident i rëndë është regjistruar pak minuta më parë në Bulqizë.
Mësohet se një autommjet ka përplasur një grua bashkë me fëmijën.
Ata ndodhen në gjendje të rëndë, ndërsa pritet të transportohen me helikopter drejt Tiranës.
vijon…
