Connect with Us

Alimehmeti: Çfarë ndodh nëse vaksinohet dikush që e ka kaluar COVID-19?

Shëndeti

Alimehmeti: Çfarë ndodh nëse vaksinohet dikush që e ka kaluar COVID-19?

Publikuar

-

“Në 14 muaj do vaksinohet e gjithë popullsia”/ Alimehemeti: Periudhë shumë e gjatë, dimri i ardhshëm mund të përkeqësojë situatën

Epidemiologu Ilir Alimehmeti, ka sqaruar se çfarë ndodh nëse vaksinohet dikush që e ka kaluar Covid-19.

Alimehmeti sjell disa analiza nga studiues të ndryshëm, ndërsa shpjegon se ata që e kanë kaluar koronavirusin, me një dozë të vetme të vaksinës arrijnë një nivel anti-trupash 10-fish më të lartë se personat që nuk e kanë kaluar sëmundjen dhe që i kanë marrë të dyja dozat e vaksinës.

Sipas epidemiologut marrja e dozës së dytë ngre nivelin e antitrupave në 16-fish në krahasim me ata që nuk e kanë kaluar.

Postimi i plotë:

E vërteta nuk kthehet në më pak të vërtetë vetëm sepse askush nuk e ndjek atë.”
Cit.: Dr. Abhijit Naskar

Miqtë e mi, prej disa ditësh shumë prej jush më kanë pyetur çfarë ndodh nëse vaksinohet dikush që e ka kaluar infeksionin natyror nga COVID-19!
Duke marrë shkas prej këtyre pyetjeve, le të shohim së bashku të vetmin studim të kryer në këtë drejtim.
Kërkuesit e Fakultetit të Mjekësisë në Mount Sinai, Neë York (SHBA) përmes një studimi të botuar preprint më 1 Shkurt 2021, studiuan pikërisht diferencat e përgjigjes së vaksinës ndërmjet atyre që e kanë kaluar dhe atyre që nuk e kanë kaluar sëmundjen.

• Në detaj ata vaksinuan me vaksinën e Pfizer-BionTech ose të Modernës:
68 persona seronegativë (nuk e kanë kaluar sëmundjen), dhe
41 persona seropozitivë (e kanë kaluar sëmundjen.
Siç e dimë, kjo vaksinë kërkon të përdoret një skemë me dy injeksione me distancë 3-javore dhe pritet që maksimumi i përgjigjes të ndodhë rreth 1 javë pas marrjes së dozës së dytë.

Autorët matën përgjigjen e antitrupave te këta individë, si edhe studiuan efektet anësore ndër ta.

Figura A: Rezultatet e përgjigjes së titrit të antitrupave (shprehur në AUC “area under the curve”):
Te personat që nuk e kishin kaluar sëmundjen:
përpara vaksinimit: AUC = 1
9-12 ditë pas vaksinës së parë: AUC = 439
13-16 ditë pas vaksinës së parë: AUC = 1.037
17-20 ditë pas vaksinës së parë: AUC = 1.037
21-24 ditë pas vaksinës së parë: AUC = 1.075
Pas dozës së dytë: AUC = 1.399
Te personat që e kishin kaluar sëmundjen: përpara vaksinimit: AUC = 91
5-8 ditë pas vaksinës së parë: AUC = 14.208
9-12 ditë pas vaksinës së parë: AUC = 20.783
13-16 ditë pas vaksinës së parë: AUC = 25.927
17-20 ditë pas vaksinës së parë: AUC = 12.661
21-24 ditë pas vaksinës së parë: AUC = 16.263
Pas dozës së dytë: AUC = 22.509

LEXO EDHE:  Kina raporton viktimën e parë me koronavirus pas 8 muajsh

Pra e thënë shkurt:

Ata që e kanë kaluar sëmundjen, me një dozë të vetme vaksine arrijnë një nivel antitrupash 10-fish më të lartë se sa personat që nuk e kanë kaluar sëmundjen dhe që i kanë marrë të dyja dozat e vaksinës.
Marrja e dozës së dytë e ngre nivelin e antitrupave në 16-fish në krahasim me ata që nuk e kanë kaluar.

Figura B: Efektet anësore të vaksinave:

Të gjitha efektet anësore ishin të lehta. Efektet anësore ishin më të shumta dhe më të forta te personat që e kishin kaluar sëmundjen.
Efektet anësore përfshinin: dhembje, enjtje dhe skuqje në vendin e injeksionit, lodhje dhembje koke, ndjenjë ethesh, dhembje muskujsh,temperaturë, dhe
dhembje të artikulacioneve. Autorët dalin në përfundimin se: Ndryshimi i politikës së vaksinës që t’u jepet vetëm një dozë vaksine personave që e kanë kaluar sëmundjen: nuk do të ndikonte negativisht në titrat e antitrupave, do t’u kursente atyre vuajtje të panevojshme, dhe do të vinte në dispozicion shumë doza vaksinash që nevojiten me urgjencë për të tjerë.

Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Covid-19 do të jetë sëmundje sezonale, mund të përsëritet në dimrat e ardhshëm

Publikuar

-

Nga

Covid-19 do të jetë sëmundje sezonale, mund të përsëritet në dimrat e ardhshëm

Nga Dr.Blerta Brati, mjeke mikrobiologe prane ISHP

Një numër në rritje i shkencëtarëve po shkojnë drejt hipotezes se Covid-19, do te jetë një sëmundje sezonale që do të përsëritet në dimrat e ardhshëm. Për të mbështetur këtë hipotezë, ata paraqesin disa argumente:

1.Vaksinat nuk japin imunitet të plotë ndaj SARS-CoV-2;

2.Disa variante të reja të virusit janë shumë më pak të ndjeshme ndaj vaksinave të disponueshme;

3.SARS-CoV-2 është një koronavirus, një familje virusesh me sezonalitet të theksuar;

4.Vaksinat nuk u jepen fëmijëve në këtë kohë, gjë që kufizon mundësinë e arritjes së imunitetit të tufës.

Shkencëtarët vlerësojnë se duhet ndërmjet 70 dhe 80% e popullatës imune për të arritur këtë imunitet të tufës, e cila zvogëlon në mënyrë drastike qarkullimin e virusit.

Për më tepër, mbeten për t’u studiuar disa faktorë, veçanërisht mundësia e ri-infektimit nga SARS-CoV-2. Pacientët e prekur nga lloji i egër i virusit mbase mund të infektohen për herë të dytë me variante të reja. I vetmi imunizim i mundshëm i plotë do të ishte atëherë përmes një vaksine efektive kundër të gjitha varianteve të virusit.

LEXO EDHE:  Kina raporton viktimën e parë me koronavirus pas 8 muajsh

LEXO EDHE:  “Është spekuluar me pandeminë”/ Ish-ministri i Shëndetësisë kritika Komitetit Teknik

Ekspertët konsiderojnë pesë lloje të strategjive të mundshme per te perballuar nje covid sezonal.

Një intensifikim i përpjekjeve të vaksinimit për të imunizuar popullsinë më shpejt sesa shfaqen variantet;

Monitorim nga afër i epidemiologjisë Covid-19 dhe në veçanti shfaqjen e varianteve të reja për të përshtatur fushatat e vaksinave në kohë reale;

Përmirësim i kapaciteteve te shtrimit dhe reanimacionit për të menaxhuar më mirë format e rënda të Covid-19, pa shkaktuar mbushje të shërbimeve spitalore;

Ulja e transmetimit gjatë muajve të dimrit përmes miratimit të masave të veçanta të edukimit shëndetësor;

Modifikim i sjelljeve individuale të rrezikut, veçanërisht në mesin e njerëzve më të ndjeshëm ndaj virusit (njerëz të moshuar, njerëz me sëmundje kronike).

Vetëm e ardhmja mund të konfirmojë ose mohojë kthimin në dimër të Covid-19 në vitet që vijnë, por secili vend mund dhe duhet të përgatitet për të, duke miratuar njërën ose tjetrën nga këto strategji.

 

 

LEXO TE PLOTE

Shëndeti

Covid-19/ Aktiviteti fizik dhe lëvizja parandalojnë rrjedhën e rëndë të sëmundjes

Publikuar

-

Nga

Një mënyrë jetese pasive dhe sedentare shton rrezikun që në rast infektimi me Covid-19 të sëmurët ta kalojnë sëmundjen rëndë e madje të vdesin prej saj.

Sipas një studimi të botuar në Revistën Britanike të Mjekësisë Sportive, për të cilin studiuesit ekzaminuan rastet e pothuajse 50,000 pacientëve të infektuarve me korona në SHBA, një mënyrë jetese pasive dhe sedentare shton rrezikun që në rast infektimi me Covid-19 të sëmurët ta kalojnë sëmundjen rëndë e madje të vdesin.

15 përqind e pacientëve të ekzaminuar thanë se kishin 0 deri në 10 minuta aktivitet fizik në javë, rreth 80 përqind kishin një lloj aktiviteti nga 11 deri në 149 minuta në javë, dhe 7 përqind thanë se kishin një aktivitet fizik prej më shumë se 150 minuta në javë.

Nga studimi rezultoi se njerëzit që të paktën dy vjet para infektimit kanë pasur pak aktivitet fizik, kanë 73 përqind më shumë gjasa që të kenë nevojë për trajtim në spital apo për trajnim në pavionet e reanimancionit dhe 32 përqind më shumë rrezik që të vdesin prej Covid-19, sesa pacientët fizikisht aktivë.

LEXO EDHE:  A na mbron vaksina e tuberkulozit nga Covid-19?/ Mjeku shqiptar në SHBA jep përgjigjen e prerë

LEXO EDHE:  “Shqipëria barazon Kinën”/ Ish ministri i Shëndetësisë ngre alarmin pas rritjes së numrit të të infektuarve

Madje sipas studimit mungesa e lëvizjes përbën një rrezik dukshëm më të lartë për rrjedhën e sëmundjes sesa, për shembull, pirja e duhanit, mbipesha ose tensioni i lartë./VOA

LEXO TE PLOTE

Shëndeti

Çfarë ndodh me vaksinimin nëse PS humb zgjedhjet?/ Manastirliu: Ne do fitojmë

Publikuar

-

Nga

Çfarë ndodh me vaksinimin nëse PS humb zgjedhjet?/ Manastirliu: Ne do fitojmë

Ministrja e Shëndetësisë, Ogerta Manastirliu, është shprehur e sigurt se Partia Socialiste do t’i fitojë zgjedhjet parlamentare të 25 prillit.

E pyetur për procesin e vaksinimit nëse PS humbet zgjedhjet, Manastirliu kundërshtoi panelistët dhe tha në Rtsh se ata kanë planifikuar që gjithçka të shkojë siç duhet.

“Partia Socialiste do të fitojë zgjedhjet dhe ne do të mbajmë të gjitha premtimet që kemi dhënë. Jemi me ritme shumë të shpejta dhe të larta të vaksinimit të popullatës. Tani do merremi me operatorët turistiëk për të pasur një sezon turistik pa kufizime.

PS do të fitojë dhe kemi siguruar gjithçka që procesi i vaksinimit të vijojë ashtu siç është planifikuar. Njerëzit janë të bindur dhe nuk duan të rikthehen më pas në kohë, ata duan të ecin përpara. Unë jam shumë pranë qytetarëve dhe ne duam të vijojmë vaksinimin, rindërtimin”, u shpreh ajo./ CNA.al

LEXO TE PLOTE