Connect with Us

Kreu i BioNTech: Pas zgjerimit të kapaciteteve, do prodhojmë 2 miliard vaksina brenda këtij viti

Bota

Kreu i BioNTech: Pas zgjerimit të kapaciteteve, do prodhojmë 2 miliard vaksina brenda këtij viti

Publikuar

-

Në një intervistë për gjermanen “Der Spiegel”, kreu ekzekutivi i kompanisë farmaceutike gjermane, BioNTech, Sirk Poting, që në bashkëpunim me amerikanen Pzifer kanë krijuar vaksinën e parë kundër Covid-19, flet mbi problemet që po has prodhimi i vaksinave, dhe mbi sasinë e dozave që mund të prodhojë kompania brenda këtij viti.

BioNTech dhe partneri i saj Pfizer njoftuan këtë javë, se ata do të rrisnin ndjeshëm prodhimin global të vaksinës suaj COVID-19, nga 1.3 miliardë doza të planifikuara në 2 miliardë doza.

Si ishte e mundur? A mos keni ndërtuar 15 fabrika të reja brenda natës?

Ne e shpallën këtë objektiv në mesin e janarit, dhe e konfirmuam sërish këtë javë. Për ta arritur këtë gjë, ne kemi planifikuar një zgjerim të konsiderueshëm të kapaciteteve në vjeshtë.

Sa doza do të jetë në gjendje të prodhojë çdo muaj fabrika juaj në Marburg?

Kur ajo të zgjerohet, rreth 750 milion doza në vit, ose rreth 65-70 milion doza në muaj. Kjo do ta bënte atë një nga fabrikat më të mëdha të prodhimit vaksinave me bazë mARN në Evropë. Gjithsesi, do të duhen ende disa muaj para se të arrijmë kapacitetin e plotë.

A është maksimumi vjetor 2 miliardë doza, apo mund ta rrisni sërish këtë shifër gjatë verës në 2.5 miliardë?

Tani për tani, jemi duke parashikuar të prodhojmë2 miliardë doza për këtë vit. Por mendoj se duhet të përgatitemi që kërkesa të jetë më e madhe. Ka vende që aktualisht kanë më pak furnizim nga sa prisnim. Ndërkohë, një dozë e tretë e vaksinës mund të jetë e nevojshme kundër varianteve të reja të virusit. Është kjo arsyeja pse jemi duke punuar në zgjerimin e kapaciteteve tona prodhuese në vende të tjera, dhe në shtimin e partnerëve të rinj në rrjetin tonë.

A do të ndihmonte nëse Bashkimi Evropian apo qeveria gjermane, garantojnë jo vetëm blerjen e dozave të vaksinës, por investojnë gjithashtu direkt në prodhimin e tyre?

Vitin e kaluar, më shumë para nuk do të na kishin ndihmuar. Pasi së pari duhej ta bënim të sigurt procesin e prodhimit në shkallë të gjerë. 50 milion doza që kemi prodhuar në vitin 2020, ishin maksimumi i mundshëm.

Edhe sikur të kishte pasur miliarda euro dhe mijëra punonjës shtesë, nuk do të kishte më shumë. Sidoqoftë, paratë do të na ndihmonin tani. Aq më tepër nëse do të parashikojmë të prodhojmë 3 miliardë doza vitin e ardhshëm, siç u kërkua disa ditë më parë.

LEXO EDHE:  “Mund të ndërroni jetë pa pishman”/ Artan Hoxha tallet me Veliajn: Do ua paguajë biletën e “udhëtimit”

Si mund të ndihmojë më mirë qeveria gjermane? Duke financuar në lëndët e para? Apo duke investuar direkt në ndërtimin e fabrikave?

Sigurisht e gjithë kjo do ta na ndihmonte. Por kjo është në dorën e politikanëve. Duhet të ketë një qasje se si industria farmaceutike dëshiron të pozicionohet në Evropë.

A mendoni të krijoni një rrjet furnizues evropian?

Po, kjo është një rrugë që tashmë po e ndjekim. Ne e bëmë Pfizer si një partner strategjik, pasi e dinim që nuk mund ta menaxhonim dot vetëm në fillim këtë proces. Që atëherë kemi ndërtuar një rrjet të përbërë nga 13 partnerë në pjesën e prodhimit, me Marburgun si njësinë kryesore të prodhimit të vaksinës. Ne mund ta zgjerojmë këtë më tej në një rrjet evropian.

Cili është problemi më i madh në fazën e prodhimit të vaksinës?

Ato ndryshojnë vazhdimisht. Aktualisht, janë dy molekula sintetike. Nëse do të kishim vetëm 250 gram më shumë prej tyre, do të mund të prodhonim1 milion doza më shumë. Pra, ne duhet të punojmë për të siguruar lëvizjen e lirë të mallrave me vendet jashtë BE-së. Gjatë 3-mujorit të dytë, partnerët tanë do të rrisin kapacitetet e tyre. Kjo do të ndihmojë në lehtësimin e situatës.

Çfarë ndodh nëse vaksina duhet të ndryshohet për shkak të mutacioneve? A do të duhet të kalojë nëpër një proces krejtësisht të ri miratimi që do të zgjasë për muaj me radhë, dhe do të çojë sërish në një mungesë të furnizimeve?

Kjo nuk është ende plotësisht e qartë dhe varet nga autoritetet rregullatore. Ka të ngjarë që mund të na duhet të bëjmë vetëm një test të vogël klinik, për të provuar sigurinë. Por mund të ndodhë që ashtu si me vaksinat e gripit, edhe vaksinat e reja mund të përshtaten pa pasur nevojë për prova specifike. / Der Spiegel – Bota.al

Për të rejat më të fundit behuni pjesë e grupit tonë në facebook : City News Albania

Bota

Ligjvënësi gjerman jep dorëheqjen/ Përfitoi nga kontratat për maskat

Publikuar

-

Nga

Ligjvënësi gjerman jep dorëheqjen/ Përfitoi nga kontratat për maskat

Një ligjvënës i partisë së kancelares gjermane Angela Merkel tha të dielën se ai do të lëshojë vendin e tij në parlament dhe do të largohet nga politika, vendim që pason publikimin e të dhënave se kompania e tij ka përfituar nga marrëveshjet për të blerë maska në fillim të pandemisë. Publikimi i rastit ka nxitur kritika të ashpra ndërsa vendi ndodhet në një vit zgjedhor.

Nikolas Loebel, ligjvënës i Bashkimit Kristian-Demokrat të Qendrës së Djathtë të zonjës Merkel, u kritikua nga anëtarë të partisë së tij dhe kundërshtarë politikë pas publikimit të njoftimeve të premten se një kompani që ai drejton, ka fituar rreth 300,000 dollarë nga kontratat e ndërmjetësimit për të blerë maska. Duke thënë se duhej të kishte qenë më “i ndjeshëm” zoti Loebel pranoi se kishte gabuar dhe hoqi dorë nga vendi i tij në parlament.

Por kjo nuk ishte e mjaftueshme për kritikët, veçanërisht pasi shteti i tij i Baden-Wuerttemberg-ut më 14 mars pritet të zgjedhë organin legjislativ rajonal. Ndërkohë më 26 shtator pritet të zhvillohen zgjedhjet në rang kombëtar, proces gjatë të cilit gjermanët do të zgjedhin parlamentin e ri dhe do të përcaktojnë se kush do të pasojë zonjën Merkel.

Të dielën, zoti Loebel tha se ai do të largohej menjëherë nga grupi i partisë së tij në parlament dhe se në gusht do të lëshonte vendin si ligjvënës. Agjencia e lajmeve gjermane “dpa” njoftoi se ai kërkoi falje dhe tha se nuk do të kandidojë në zgjedhjet e shtatorit.

LEXO EDHE:  Dyshohet për të prekurin e parë me koronavirus në Kosovë/ Një person shkon në spital

LEXO EDHE:  Shifra alarmante/ 47 milion raste me COVID-19 në gjithë botën

Po marr përgjegjësinë për veprimet e mia“, tha ai.

Rasti i zotit Loebel nuk ishte i pari që ka tronditur bllokun e qendrës së djathtë. Georg Nuesslein, një ligjvënës i shquar i Bashkimit Social-Kristian, partia simotër e Kristian Demokratëve, përballet me një hetim për korrupsion nga prokurorët e Mynihut, lidhur me marrëveshje mbi prokurimin e maskave. Zoti Nuesslein i ka hedhur poshtë akuzat./ VOA

LEXO TE PLOTE

Bota

Rritet numri i grave që akuzojnë guvernatorin Cuomo për ngacmim seksual, Schumer mbështet hetimin

Publikuar

-

Nga

Rritet numri i grave që akuzojnë guvernatorin Cuomo për ngacmim seksual, Schumer mbështet hetimin

Ligjvënësi më i fuqishëm i Nju Jorkut në Kongres, udhëheqësi i shumicës demokrate në Senat Chuck Schumer, tha të dielën se mbështet hetimin ndaj Guvernatorit Andrew Cuomo, në lidhje me akuzat për ngacmim seksual të ngritura nga pesë gra, shumica e të cilave kanë punuar më parë si ndihmëse të tij.

Ngacmimi seksual nuk është kurrë i pranueshëm dhe nuk mund të tolerohet kurrë“, tha demokrati Schumer, para gazetarëve në një konferencë shtypi. “Gratë duhet të dëgjohen … pretendimet e secilës prej tyre duhet të merren seriozisht”, shtoi ai.

Ai i quajti akuzat “thellësisht shqetësuese” dhe tha se mbështeste hetimin e nisur nga zyra e Prokurores së Përgjithshme të Nju Jorkut, Letitia James.

Unë kam shumë besim tek ajo. Besoj se ajo do të sigurohet që të mos ketë ndërhyrje nga jashtë, politikisht apo të çdo lloji tjetër“, tha zoti Schumer.

Zoti Cuomo ka thënë se nuk do të largohet nga detyra dhe se do të vazhdojë të drejtojë shtetin e Nju Jorkut ndërsa përballet me krizën e shkaktuar nga COVID-19.

Nuk do të jap dorëheqjen për shkak të akuzave“, u tha zoti Cuomo gazetarëve të dielën, sipas njoftimeve në media. “Eshtë e gabuar të publikosh akuza përpara se të dihet nëse ato janë të besueshme … Duhet të lëmë prokuroren e përgjithshme të bëjë punën e saj“, shtoi ai.

LEXO EDHE:  Kreu i OBSH-së: Bota “në prag të një dështimi moral katastrofik” lidhur me vaksinat

LEXO EDHE:  Kreu i OBSH-së: Bota "në prag të një dështimi moral katastrofik" lidhur me vaksinat

Sipas akuzave më të fundit kundër guvernatorit demokrat, gazeta “Wall Street Journal” shkruante të shtunën se një ish-ndihmëse, Ana Liss, tha se në 2014 zoti Cuomo ndonjëherë e përshëndeste atë me një përqafim dhe puthje në të dyja faqet, duke i thënë “e dashur”, e duke i puthur dorën. Ajo tha gjithashtu se zoti Cuomo e kishte pyetur nëse kishte të dashur.

Gazeta “Washington Post” shkruante të shtunën se një ish-ndihmëse për marrëdhëniet me shtypin, Karen Hinton, tha se në 2000 zoti Cuomo kur ishte Sekretar federal i Strehimit nën Presidentin Bill Clinton, e kishte përqafuar atë në një dhomë hoteli pas një aktiviteti pune.

Akuzat e reja u shfaqën pas atyre të bëra nga tre gra që e kishin akuzuar 63 vjeçarin Cuomo, për ngacmim seksual apo komente të papërshtatshme. Ai i ka hedhur poshtë akuzat dhe ka bërë të ditur se do të bashkëpunojë me hetimin që po kryen zyra e zonjës James.

Guvernatori, i cili i ka refuzuar thirrjet për dorëheqje që kanë ardhur edhe nga ligjvënës demokratë të njohur të shtetit, javët e fundit është vënë përballë edhe një tjetër sfide, asaj që lidhet me akuzat se administrata e tij u përpoq të ulte numrin e banorëve të shtëpive të të moshuarve që kanë humbur jetën nga COVID-19./voa

LEXO TE PLOTE

Bota

A po evoluon SARS-CoV-2 për t’u bërë më vdekjeprurës?

Publikuar

-

Nga

A po evoluon SARS-CoV-2 për t’u bërë më vdekjeprurës?

Pasi ekspertët theksuan se varianti B.1.1.7 i SARS-CoV-2, i zbuluar për herë të parë në Anglinë Juglindore, ishte më ngjitës por jo më vdekjeprurës sesa virusi origjinalkryeministri britanik Boris Xhonson tha më 22 janar se ky variant dukej se lidhej me një vdekshmëri më të lartë.

Dhje kjo është diçka e pazakontëZakonisht viruset priren  të bëhen më pak vdekjeprurës me kalimin e kohës. Pse ky virus nuk po ndjek këtë rregull? Që organizmat të shumohen, duhet të kopjohet me kalimin e kohës materiali gjenetik.

Ndonjëherë, gjatë këtij procesi ndodhin gabime, të cilat shndërrohen në mutacione. Mutacione të tilla ndodhin tek kafshët, bimët, kërpudhat, bakteredhe viruset. Ato janë thuajse gjithmonë fatale, ndaj pasardhësit vdesin me ta para se të mund të shumohen.

Shumë rrallë, gabimi që ka ndodhur i jep një avantazh të tillë që i ndihmon pasardhësit të riprodhohen më me sukses sesa farefisi i tyre i pa ndryshuar. Viruset varen nga njerëzit që i përhapin ato dhe shumë prej tyre si HIV, Ebola dhe SARS-i origjinal, e bëjnë zakonisht një person veçanërisht infektiv vetëm pasi të jenë përhapur në të gjithë trupin.

Në atë pikë, qelizat e njeriut që e bartin virusin ndodhen nën një sulm në shkallë të gjerë, sistemi imunitar funksionon më shumë sesa duhet, dhe i sëmuri ndihet fizikisht i rraskapitur dhe në një gjendje të tmerrshme.

Nga një perspektivë evolucionare, virusi përfiton nëse kjo periudhë e infektivitetit ekstrem vazhdon për aq kohë sa të jetë e mundur, në mënyrë që tu japë pasardhësve të tij më shumë kohë për tu përhapur. Por vrasja e bujtësit, i kufizon papritmas shanset që një virus të infektojë të tjerët, edhe nëse virusi mund të përhapet nga një kufomë.

Kjo është arsyeja pse mutacionet që e bëjnë një virus më pak vdekjeprurës, favorizohen shpesh nga përzgjedhja natyrore. Sidoqoftë, në rastin e SARS-CoV-2 ky nuk është një faktor, pasi virusi i bën njerëzit më infektivë në kohën kur ata shfaqin simptomat e para, dhe disa javë para se ata të vdesin nga ndërlikimet shëndetësore.

Nëse një person vdes disa javë pasi ka qenë shumë infektues, kjo gjë nuk ka thuajse asnjë efekt në trajektoren evolucionare të virusit. Prandaj është po aq e mundshme që mutacionet  rastësore të shfaqen në kodin gjenetik viral, duke e bërë atë më vdekjeprurës, sikurse ka edhe mutacione të tjera po rastësore që bëjnë atë më pak vdekjeprurës.

B.1.1.7 dhe disa variante të tjera, përfshirë atë të identifikuar së fundmi në Kaliforni të SHBA-së, janë përhapur gjerësisht pasi kanë mutacione që modifikojnë mjetin që përdor virusi për të pushtuar qelizat. SARS-CoV-2 përdor proteinën e jashtme,për tu bashkuar me receptorët në sipërfaqet e qelizave, të cilat pasi të aktivizohen, lejojnë që virusi të injektojë brenda materialin e tij gjenetik.

Edhe pse mekanizmi mbetet ende jo shumë i njohur, ndryshimet në këtë proteinën ndihmojnë shumë B.1.1.7 dhe variantet e tjera që të depërtojnë në qelizat e njeriut. Një nga efektet, është se ato janë më infektive. Mister mbetet gjithashtu dhe fakti sesi B.1.1.7 përfundoi me një mutacion që e rrit vdekshmërinë dhe  e bën atë më infektues.

Ndoshta ndryshime të veçanta gjenetike kanë ndodhur në mënyrë të pavarur tek një individ të vetëm i infektuar, por gjithsesi shanset për këtë janë të ulëta. Meqë këto dy mutacione nuk u gjetën në shtame virale individuale para zbulimit të variantit B.1.1.7, nuk ka gjasa që dy variantet e virusit, secili me një nga dy mutacionet, të bashkojnë informacionin e tyre gjenetik tek një person i vetëm fatkeq.

Më i mundshëm, është një rrjet ndërveprimesh molekulare, gjë që do të tho se shfaqja e një mutacioni shkakton shfaqjen e tjetritashtu si dominotë që rrëzohen mbi njëra-tjetrën. Virologët po mbështesin gjithnjë e më shumë tezën se vetëm një numër i vogël ndryshimeshgjenetike po shkakton ndryshime thelbësore në sjelljen e virusit.

Variantet e reja, janë  të gjitha më të prirura për të pësuar mutacion sesa koronavirusi origjinal që u vërejt në Vuhan në fundin e vitit 2019. Koronaviruset kanë gjenome të mëdha,dhe materiali i tyre shtesë gjenetik, duket sikur është përdorur për të “kontrolluar gabimet” e kopjeve virale që bëhen brenda një qelize pritëse. / The Economist – Bota.al

LEXO TE PLOTE