Sport
Futbolli shqiptar në zi/ Ndahet nga jeta ish-futbollisti i Tiranës dhe kombëtares shqiptare
Ndahet nga jeta ish-futbollist i Tiranës dhe i ekipeve Kombëtare në vitet ‘70-‘80 Seit Hyseni. Lajmin e bën të ditur presidenti i Federatës Shqiptare të Futbollit, Armand Duka.
Përmes një mesazhi në rrjetet sociale, kreu i qeverisë së futbollit në vend shpreh vlerësimin e tij për figurën e Hysenit ndërsa ngushëllon miqtë dhe familjarët e tij.
Mesazhi i Armand Dukës:
Futbolli shqiptar ka humbur sot një tjetër personalitet. Me hidhërim të thellë mora lajmin e ndarjes nga jeta të Seit Hysenit, ish-futbollist i Tiranës, por edhe i ekipeve Kombëtare në vitet ‘70-‘80. Miku im Tit Hyseni, siç e njohin shokët dhe sportdashësit, ka qenë pjesë e një plejade të shkëlqyer të futbollit shqiptar e veçanërisht të klubit kryeqytetas, ku kaloi pjesën më të madhe të karrierës së tij.
I rritur si futbollist në ekipet zinxhir të Tiranës, ai ka luajtur edhe për një kohë me Shkëndijën e Tiranës, teksa ndiqte studimet në Institutin e Fizkulturës, ndërsa është aktivizuar edhe me disa prej Ekipeve Kombëtare të moshave. Një qendërmbrojtës autoritar, Tit Hyseni ka mbajtur edhe shiritin e kapitenit te bardheblutë, duke qenë një pikë referimi për disa sezone e duke mbetur në kujtimet e arta të tifozëve.
Edhe pasi u tërhoq nga futbolli i luajtur ai dhe kontributin e tij të vyer për edukimin e brezave të rinj, duke punuar për disa kohë si trajner me ekipet e moshave të Tiranës. Miqve dhe shoqërisë së tij do t’i mungojnë shumë vlerat njerëzore të Tit Hysenit, batutat e humori i tij i hollë, si edhe forca e tij e karakterit.Personalisht dhe në emër të FSHF-së i shpreh ngushëllimet më të sinqerta familjes, të afërmve dhe miqve të tij. U prehsh në paqe Tit Hyseni! I paharruar qoftë kujtimi yt!
Sport
KATEGORIA E DYTË/ Maliqi, Labëri dhe Butrinti nuk e ndalin hapin. Ja të gjitha rezultatet
Janë luajtur sot gjashtë ndeshje të Grupit B në Kategorinë e Dytë, ndërsa bien në sy fitoret e skuadrave që janë në krye. Maliqi luante në fushën e vet dhe sot ka mundur Memaliajn me rezultatin 3-0.
Ndërsa në transfertë kanë luajtur Labëria, që ka triumfuar në Skrapar me rezultatin 0-3. Po ashtu edhe Butrinti ka fituar 1-2 në transfertën me Naftëtarin me histori.
Me sa duket, gara sa vjen e bëhet me intresante dhe duket se ndeshjet direkt do të jenë ato që do të zgjidhin se kush do të ngjitet dhe do të kapë vendin e parë.
Me mungesa, por ka rënë në sy edhe fitorja e Albpetrolit në transfertën e Ersekës. Ja rezultat dhe renditja në Grupin B të Kategorisë së Parë…
Grupi B/Kategoria e Dytë
DEVOLLI-PËRMETI 1-0
TEPELENA-KËLCYRA 1-0
MALIQI-MEMALIAJ 3-0
GRAMOZI-ALBPETROLI 1-2
SKRAPARI-LABËRIA 0-3
NAFTËTARI-BUTRINTI 1-2
Sport
E BUJSHME/ Bekam kërkon Mesin dhe Ronaldon në skuadër
Devid Bekam po shënjestron Kristiano Ronaldon dhe Lionel Mesin për ta sjellë te Inter Majemi. Anglezi, i cili vetë është aktivizuar, në MLS, te LA Galaxy, tani ka në pronësi, ekipin, me bazë në Florida.
Mesa duket ish-kapiteni i Anglisë, preferon, jashtë mase, dy yjet e futbollit botëror, teksa më herët afroi në skuadër edhe Higuainin e Matuidin.
Ekipi i tij, pavarësisht këtyre blerjeve, nuk ka arritur të lërë shenjë në kampionatin amerikan, por, duket se Bekam, nuk do kursehet për ta kthyer Inter Miamin e tij, në një nga ekipet elitë të Amerikës së Veriut. Gjatë një interviste të dhënë së fundmi për AFP, ai u shpreh:
“Lojtari duhet të jetë i duhuri për ekipin tim. Pra, nëse këta lojtarë do ketë ende ambicie për të fituar, ne do të firmosim me të. Prioritet për ne është të firmosim me lojtarë që kanë eksperiencë dhe që kanë ende dëshirë për të qenë më të mirët në fushë”, deklaroi Bekam.
Seria A
VIDEO/ Sinfonia e 9-të në “San Siro”, Interi merr “arratinë”
Interi i Antonio Contes nuk ndalet dhe me 3-0 ndaj Genoa-s tashmë ka nisur arratisjen. Kjo sepse ndaj Milanit që do të luajë sonte diferenca është 7 pikë dhe ndaj Juventusit që ka një ndeshje më pak (atë ndaj Napolit) në 10 pikë.
Eshtë sinfonia e nëntë për zikaltërit në “San Siro”, aty ku është kthyer në një fortesë. Për të bërë llogaritë me këtë mendon Genoa, që pas 35 sekondash e gjen veten në disavantazh me golin e Romelu Lukakut.
Për të ardhur te goli i dytë do të duhet të kalojnë gati 70 minuta kur Darmian gjen rrjetën pas një asist të belgut. Më pas në festë merr pjesë edhe Alexis Sanchez që rrumbullakos në 3-0 rezultatin.
27 pikë në 27! Interi në “San Siro” ka fituar nëntë ndeshje radhazi dhe kjo është diçka e pabesueshme.
Lajme të Rekomanduara:
E BUJSHME/ PSG-ja “piketon” futbollistin e Kombëtares shqiptare
Elseid Hysaj do të largohet nga Napoli në fund të sezonit dhe kjo tashmë është e sigurt, teksa është konfirmuar edhe nga vetë agjenti i...
“Ju lutem na jepni drejtësi”, Migen Memelli shpërthen pas humbjes ndaj Bylisit
Trajneri i Skënderbeut, Migen Memelli u shfaq tepër i zhgënjyer për humbjen ndaj Bylisit në transfertë me rezultatin 1-0, teksa shigjetoi gjyqtarin për penalltinë e...
