Connect with Us

“ I vdekuri” kërkon pronat/ Si u amnistua skandali i gjyqtarit Erarbër Madhi

Vetingu

“ I vdekuri” kërkon pronat/ Si u amnistua skandali i gjyqtarit Erarbër Madhi

Publikuar

-

/

Skandalet në sistemin e drejtësisë, në një vend demokratik normal, duhej të ndëshkoheshin menjëherë sapo të zbuloheshin.

Një gjë e tillë nuk ka ndodhur në Shqipëri, jo se nuk ka pasur institucione, por ka qenë vetëm formale. Kështu që edhe skandalet u bënë standart dhe njerëzit e drejtësisë justitfikoheshin duke thënë se janë perceptime. Sot, kur presin të kalojnë në filtrin e Vettingut dhe ku askush nuk hesht më për skandalet, justifikimet kanë marrë tjetër rrjedhë.

CNA.al do të sjellë një skandal që është denoncuar në vitin 2017 dhe që prodhues i tij është gjyqtari i Gjykatës Administrative të Tiranës, Erarbër Madhi.
Skandali është denoncuar nga emisioni investigative “Fiks Fare”, dhe i referohet një dosje të cilën gjyqtari Madhi e ka pasur në kohën që ka punuar në Gjykatën e Vlorës.

Gjyqtari Erarbër Madhi shqyrton çështje gjyqësore me një “të vdekur”, i cili kishte hapur një proces gjyqësor. Sipas “Fiks Fare”, Vasil Stramarko, referuar certifikatës së vdekjes të lëshuar nga Qarku i Vlorës, ka ndërruar jetë në dhjetor të vitit 2007. Ndërkohë, sipas një kërkesëpadie të depozituar në Gjykatën e Vlorës, Vasili është “ngritur nga varri” dhe ka shkuar në dhjetor të vitit 2009 në Sekretarinë e Gjykatës, ku ka depozituar një kërkesëpadi, sipas së cilës kërkon një pronë prej 10.4 hektarë truall në Palasë të Vlorës.

LEXO EDHE:  “PD më keq se në 1997-ën”/ Endira Bushati: Nuk është dramatike të shkrihet

“Dua të denoncoj veprimet e Gjykatës së Vlorës, që po bën 5 vite që na sorollat. Daja im ka ndërruar jetë në dhjetor të vitit 2007. Ndërkohë, dy vite më pas, në vitin 2009, rezulton se ka firmosur një kërkesëpadi dhe e ka dorëzuar në Gjykatën e Vlorës. Pra është ngritur nga varri dhe ka shkuar në gjykatë”, ka denoncuar Foto Andrea, nipi i të ndjerit Vasil Stramarko.

Në kërkesëpadi rezultonte emri i gjyqtarit Erarbër Madhi, i cili e kishte marrë kërkesën në datën 8 dhjetor 2009. Në fund të dokumentit është edhe emri i paditësit, Vasil Stramarko, bashkë me firmën e tij.

Për këtë skandal, gjyqtari Erarbër Madhi nuk ka dhënë përgjegjësi dhe as institucionet që pretendohet se kontrollojnë dhe monitorojnë si Këshilli i Lartë Gjyqësor apo Inspektporiati i Lartë i Drejtësisë nuk kanë ndërmarrë asnjë hap, duke i dhënë kështu mundësi kështu gjyqtarit, që të gjejë një mënyrë për të mbuluar skandalin.

Pas këtij skandali gjyqtari Erarbër Madhi është transferuar në Tiranë dhe që në Qershor 2020, Komisioni i Pavarur i Kualifikimit kanë nisur hetimet ndaj tij./CNA.al

Skandali i gjyqtarit Erarbër Madhi/“Fiks Fare”, “i vdekuri” hap gjyq për pronat në Palasë

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Vetingu

Klorinda Çela fshehu pasurinë dhe cënoi besimin e publikut/ Zbardhet vendimi i KPK

Publikuar

-

Nga

cna lajme vetting

Nga Edmond Hoxhaj

Gjyqtarja e Tiranës, Klorinda Çela u shkarkua nga detyra më 28 tetor, pasi rezultoi me mungesë burimesh financiare prej 55 milionë lekësh për justifikimin e pasurive familjare. Ashtu si në procesin e rivlerësimit për bashkëshortin e saj, gjyqtarin Ken Dhima, u konkludua se Çela kishte fshehur pasurinë, kishte kryer deklarim të rremë dhe se nuk ka qenë bashkëpunuese gjatë procesit të vetingut të saj, duke cenuar besimin e publikut tek drejtësia.

Klorinda Çela përfundoi studimet në Shkollën e Magjistraturës në vitin 2005 dhe u emërua gjyqtare në Gjykatën e Elbasanit. Prej vitit 2013 dhe deri në shkarkimin nga detyra, ajo e ushtroi funksionin në Gjykatën e Tiranës. Në vitin 2014, ministri i Drejtësisë së kohës kërkoi shkarkimin nga detyra të gjyqtares Klorinda Çela dhe bashkëshortit të saj, Ken Dhima për shkak të problemeve me pasurinë – por kërkesa u rrëzua nga ish-Këshilli i Lartë i D3ejtësisë. Dhima u shkarkua më 29 korrik 2021, pasi nga hetimi i KPK-së rezultoi gjithashtu me bilanc negativ në 12 vite si dhe me pasuri të fshehura.

Pasuri me hua dhe dhurime

Në vendimin e arsyetuar, Komisioni i Pavarur i Kualifikimit konstatoi pamundësi për pagesën e këstit të parë për një apartament me sipërfaqe 114.6 m2 në Tiranë, të porositur në vitin 2005 dhe të blerë 10 vite më vonë kundrejt shumës 74 mijë euro. Si burim për krijimin e kësaj pasurie, Çela ka deklarur të ardhurat nga pagat e saj dhe të bashkëshortit, të ardhurat nga shitja e librit të këtij të fundit në shumën 300 mijë lekë dhe një hua 2 milionë lekë marrë shtetasit A. Ç.

Nga hetimi ka rezultuar se subjekti dhe bashkëshorti kanë pasur pamundësi për krijimin e gjithë likujditeteve të zotëruara në dy depozita në vitin 2004 dhe se nuk kanë provuar të ardhurat e huadhënësit A.Ç.

Ndërkohë, ka rezultuar se në korrik të vitit 2015 huadhënësi A. Ç. ka marrë me qira nga subjekti dhe bashkëshorti i saj një njësi shërbimi me sipërfaqe 44 m2, kundrejt shumës prej 172 mijë lekësh në muaj.

Nëpërmjet një vërtetimi të vitit 2016, qiramarrësi ka deklaruar se ka paguar në mënyrë të rregullt deri në dhjetor të atij viti qiratë mujore në vlerën totale rreth 2.9 milionë lekë, ndërkohë që subjekti nuk e kishte shlyer ende huanë 2 milionë lekë.

“Konstatohet se e gjitha marrëdhënia financiare e subjektit të rivlerësimit me shtetasin A. Ç. paraqitet kontradiktore dhe pa logjikë ekonomike dhe, në këtë kontekst, Komisioni ngre dyshime të arsyeshme lidhur me vërtetësinë e marrëdhënies së huasë në masën 2,000,000 lekë dhe marrëdhënies së qirasë me këtë shtetas,” citohet në vendim.

Trupi gjykues nuk ka konsideruar as të ardhurat e pretenduara si të përfituara nga bashkëshorti prej botimit të librit, pasi nuk është dokumentuar shitja e tyre.

Subjekti ka deklaruar si burim për krijimin e katër pasurive njësi shërbimi e tregtare në Tiranë, të ardhurat e përfituara nga prindërit prej shpronësimit të një bar-restoranti në Pogradec në vlerën 14.4 milionë lekë dhe 311 mijë lekë për truallin.

Në vitin 2012, Çela ka deklaruar se babai i ka dhuruar një njësi shërbimi me sipërfaqe 44 m2 pranë Prokurorisë së Tiranës, por Komisioni konstaton se subjekti nuk ka depozituar dokumentacion justifikues ligjor mbi mënyrën e përfitimit të kësaj pasurie nga pala dhuruese, si dhe për të evidentuar ligjshmërinë e burimeve të të atit.

Ndërkohë, ka ezultuar se ky ambjent i është dhënë me qira në vitin 2013 me afat 2 vjeçar shtetasit E.Dh., por nga hetimi ka rezultuar se prej vitit 2009 e në vijim aty ka ushtruar aktivitet “bar-kafe” edhe babai i subjektit.

Në vitin 2015, Çela ka deklaruar një ambient shërbimi me sipërfaqe 46 m2 në Tiranë të blerë me hua nga prindërit prej të ardhurave të përfituara nga shpronësimi, si dhe të ardhura nga qiraja prej A.Ç. Nga hetimi janë konstatuar deklarime kontradiktore lidhur me huanë e marrë nga prindërit, pasi është pretenduar se është dhënë hua vlera 14.7 milionë lekë, por shuma 700 mijë lekë ka rezultuar se është depozituar me afat prej prindërve.

Ndërkohë, Komisioni ngre dyshime lidhur me shumën 500 mijë lekë të deklaruar se është përfituar nga dhënia me qira e njësisë së shërbimit shtetasit A. Ç., pasi subjekti dhe bashkëshorti pretendonin përfitimin e të ardhurave prej tij ndërkohë që kishin ende detyrime të pashlyera për huanë 2 milionë lekë të marrë në vitin 2005 për blerjen e një apartamenti në Tiranë.

Çela ka deklaruar si burim të ardhurat e prindërve nga shpronësimi, edhe për blerjen e një njësie shërbimi me sipërfaqe 47 m2 në Tiranë në vitin 2015.

Po në vitin 2015, Çela ka porositur edhe një njësi shërbimi me sipërfaqe totale 188.18 m2 në Tiranë, të përbërë nga tre njësi më të vogla, përkatësisht me sipërfaqe 47.23 m2, 42.62 m2 dhe 98.33 m2, kundrejt çmimit total 246 mijë euro nëse do të merreshin në dorëzim të përfunduara plotësisht dhe me vlerë 105 mijë euro nëse do të dorëzoheshin në gjendje karabina.

LEXO EDHE:  Scandal with the forgery notary/ Who bought the silence of Etilda Gjonaj, and how much did it cost

LEXO EDHE:  Scandal with the forgery notary/ Who bought the silence of Etilda Gjonaj, and how much did it cost



Edhe për këto pasuri, subjekti ka deklaruar në vitin 2015 të ardhurat e përfituara prej prindërve nga shpronësimi, ndërsa në deklaratën ‘veting’ ka pasqyruar një kredi në shumën 21 milionë lekë, të ardhurat nga dhënia me qira e dy njësive, si dhe pagat e saj e të bashkëshortit. Nga analiza financiare ka rezultuar balancë negative në vlerën 18.6 milionë lekë për blerjen e këtyre pasurive.

Ndërkohë, trupi gjykues konstaton se gjatë viteve 2016 – 2017 janë depozituar cash nga persona të tretë vlera monetare për shlyerjen e kësteve të kredisë. Nisur nga fakti se subjekti nuk ka paraqitur asnjë provë për të ardhurat e personave që kanë depozituar shumat cash, si për shkak të mosdeklarimit të këtyre huave apo dhurimeve, trupi gjykues ka konsideruar në analizë se e gjithë vlera e kredisë është paguar nga subjekti dhe bashkëshorti i saj.

Gjyqtarja Çela nuk ka deklaruar në vitin 2015 blerjen e dy garazheve në Tiranë, me sipërfaqe 18.9 m2 dhe 18.2 m2, me vlerë 4500 euro secili. Ndërsa në deklaratën ‘veting’ ka deklaruar si burime krjimi të ardhurat e saj dhe të bashkëshortit nga pagat si gjyqtarë, të ardhurat nga qiradhënia e shtetasit E. Dh. të njësisë së shërbimit.

KPK vëren se krahas mosdeklarimit të këtyre pasurive, Çela nuk ka deklaruar as pakësimin e gjendjes cash të vitit 2014 dhe as në vitet e mëpasshme. Për rrjedhojë në analizë nuk janë konsideruar likujditetet e pretenduara nga Çela, që ka rezultuar me balancë negative fondesh në shumën 1.5 milionë lekë.

Pasuri të fshehura

Në raportin e ILDKPKI-së, bazuar në informacionin e marrë nga agjencitë ligjzbatuese është evidentuar se në datën 3 shkurt 2011, bashkëshorti i subjektit të rivlerësimit ka porositur nga shoqëria “S. C.” sh.p.k. një pasuri të llojit apartament në Shëngjin më sipërfaqe 190 m2. Kjo pasuri e porositur nuk është deklaruar në vitet 2011, 2012 dhe 2013 dhe as në deklaratën ‘veting’.

Subjekti ka dërguar deklarimin e bashkëshortit të vitit 2013, ku bashkëngjitur janë gjendur kontrata e sipërmarrjes së vitit 2011, deklaratë noteriale për prishjen e kësaj kontrate e vitit 2013 dhe kontratë sipërmarrje e vitit 2013 e lidhur mes të njëjtës shoqëri ndërtuese dhe vëllait të bashkëshortit të subjektit, shtetasit E.Dh..

Megjithëse bashkëshorti i Çelës ka pretenduar se kontrata është nënshkruar prej tij, pasi vëllai jetonte si emigrant në Greqi dhe nuk mund të ishte i pranishëm, nga verifikimi i kryer në sistemin TIMS ka rezultuar se E. Dh. ka qenë në territorin shqiptar ditën e nënshkrimit të kontratës së porosisë.

Transferimi i të drejtave të kësaj pasurie tek i vëllai i bashkëshortit konsiderohet se është kryer me qëllim shmangien e kontrollit dhe verifikimit të ligjshmërisë së burimeve financiare që kanë shërbyer për pagesat e kryera. Gjithashtu, subjekti ka rezultuar në pamundësi në shumën 6.9 milionë lekë për pagesën e këstit të parë në vitin 2011.

Situatë e ngjashme ka rezultuar edhe për një njësi tregtare me sipërfaqe 124 m2 në Tiranë. Në vitin 2010, subjekti ka deklaruar marrjen e një kredie në shumën 10 milionë lekë, por pa pasqyruar destinacionin e vlerës monetare.

Megjithëse Çela ka pretenduar se kredia është marrë për vëllanë e saj për pagesën e çmimit të një njësie tregëtare në Tiranë, pasi ai nuk ishte në kushtet për të marrë kredi, KPK ka gjetur se kontrata e furnizimit me ujë rezulton në emër të subjektit.

Gjithashtu, Komisioni konstaton se vëllai i saj nuk ka deklaruar të dhëna mbi kontratën e porosisë së nënshkruar me shoqërinë “S.” sh.p.k., çmimin e kësaj pasurie, pagesat e kryera, burimin e ligjshëm të të ardhurave, të cilat kanë shërbyer për kryerjen e pagesave dhe detyrimin e mbetur.

Nisur nga këto fakte, KPK ngre dyshime se kjo pasuri de facto është porositur nga subjekti i rivlerësimit dhe bashkëshorti, të cilët kanë rezultuar në pamundësi financiare në shumën totale 17.7 milionë lekë për ta blerë atë.

Komisioni nuk ka përfshirë në analizën financiare të përgjithshme të ardhura në vlera të konsiderueshme nga disa hua, dhurime, sponsorizime, ndihma financiare dhe të ardhura nga shitja e librave të deklaruara në vite nga subjekti i rivlerësimit pasi nuk është provuar përfitimi i tyre, shkaqet dhe burimet tyre.

Po ashtu, nuk është vërtetuar dot prej subjektit mënyra e përfitimit të një apartamenti banimi me sipërfaqe 92 m2 në Kavajë në vitin 2018, për të cilin ka pretenduar se e ka trashëguar nga babai.

Nga analiza financiare për periudhën 2003 – 2016 ka rezultuar balancë negative në vlerën totale 55,5 milionë lekë.

LEXO TE PLOTE

Vetingu

Nga qelia në Komisionin e Vettingut/ Gjyqtarja e akuzuar për korrupsion kundërshton KLGJ

Publikuar

-

Nga

cna lajme aktualitet

Ish-gjyqtarja Enkelejda Hoxha ka ankimuar në Kolegjin e Posaçëm të Apelimit vendimin e Këshillit të Lartë Gjyqësor për shkarkimin e saj nga detyra.

Hoxha kërkon shfuqizimin e vendimit të  KLGJ pasi, sipas saj, është i papajtueshëm me Kushtetutën.

KPA ka vendosur të shqyrtojë ankimimin e saj me datë 15.12.2021, nga trupi gjykues i përbërë nga Albana Shtylla, Kryetare e Kolegjit të Posaçëm të Apelimit dhe anëtarët Ardian Hajdari, Ina Rama,  Natasha Mulaj,  Rezarta Schuetz  dhe   Sokol Çomo.

Ky ankimim do të shqyrtohet në kushtet, kur Hoxha është në gjendje arresti.



Kujtojmë se Hoxha u arrestua nga SPAK pas një superoperacioni të bërë në Gjykatën e Krujës, në seancë gjyqësore teksa po lironte një tjetër të dënuar.

LEXO EDHE:  Si të kundërshtohen lajmet e rreme dhe teoricienët e konspiracionit në një kohë pandemie

LEXO EDHE:  Skandali me inceneratorët/ Gazment Bardhi zbulon çfarë fshihet pas “shantazheve” të Ramës

Emri i gjyqtares lidhet me lirimin e shumë të dënuarve me burg përjetë, mes tyre edhe Endrit Dokle, Genc Tafilit ai edhe Hekuran Billa, i vrarë disa muaj më parë në Tiranë.

Enkeleida Hoxha është e dyta gjyqtare për të cilën Këshilli i Lartë Gjyqësor ka marrë vendimin për të pranuar kërkesën e Inspektorit të Lartë të Drejtësisë për shkarkim nga detyra, për shkelje të rënda disiplinore lidhur me lirimet para kohe me kusht dhe e treta magjistrate e shkarkuar nga KLGJ pas një hetimi disiplinor të ILD-së, pas shkarkimit të gjyqtarëve Markelian Kuqo dhe Shkëlqim Miri./CNA.al

LEXO TE PLOTE

Aktualitet

Skandali, gjyqtarja sheike u bë avokate pas shkarkimit/ SPAK mbyll sytë përballë Entela Priftit

Publikuar

-

Nga

cna lajme vetting

Gjyqtarëve dhe prokurorëve më bëma dhe gjëma të shkarkuar nga Vettingu, nuk iu ka hyrë “gjemb” në këmbë. Pavarësisht problemeve që janë gjetur nga Vettingu , askush nuk është marrë më me to.

Numërohen me gishta rastet kuer drejtësia ka nisur hetime ndaj tyre për pasurinë, siç është në rastin e ish-kryeprokurorit Adriatik Llala, apo në rastet e ish anëtarëve të Gjykatës Kushtetuese, Bashkim Dedja dhe Fatos Lulo.

Ndërsa të tjera, pasurinë e paligjshme vijojnë ta shijojnë, por tashmë në një anë tjetër të drejtësisë, në rolin e avokatit.

Me liçensa të kahershme avokatie apo jo, sot, i shohim në sallat e gjykatave, përballë kolegëve të tyre, veçse me një ndryshim të madh, pasi të parët janë nxjerrë nga sistemi i drejtësisë për shkak të lidhjeve me të inkriminuar apo për shkak të pasurisë së dyshimtë.

Raste të tillë janë të shumta, por një shembull mjaft i mirë kësaj drejtësie të kalbur, pasi edhe avokatit është një segment i drejtësisë, është ish gjyqtarja e Apelit të Korçës, Entela Prifti.

Kjo e fundit, sipas të dhënave në QKB, që nga fillimi i këtij, viti, rezulton avokate.

Prifti është regjistuar në QKB me datë 31.01.2021, me kompaninë, Dictum Consulting, që rezulton e themeluar me datë 20.01.2020, pra rreth dy vite pas shkarkimit.

Ndërkohë, Prifti, bën avokaten dhe askush nga organet e drejtësisë nuk është shqetësuar për gjetjen e Vettingut. Si Prifti ka edhe të tjerë, që do t’i publikojmë në ditët vijim, ndërsa më poshtë, ju risjellim gjetjet e Komisionit të Pavarut të Kualifikimit.

Bëmat e ish gjyqtares-avokate

Entela Prifti, gjyqtarja e Apelit të Korçës, u shkarkua nga Komisioni i Pavarur i Kualifikimit në Tetor të vitit 2018.

Një vilë e denoncuar në dy emisione televizive para procesit të rivlerësimit, ishte vetëm një nga problemet që Komisioni i Pavarur i Kualifikimit gjeti në pasurinë e kryetares së shkarkuar të Gjykatës së Apelit të Korçës.

KPK gjeti gjithashtu llogari bankare të fshehura, të gjyqtares, pasuri të padeklaruara, mungesë burimesh finaciare e një sërë deklarimesh të rreme nga ajo dhe bashkëshorti.

Gjetjet e KPK

Prifti kishte deklaruar në vitin 2012 blerjen e një apartament 55 m2 në Korçë me një vlerë prej 2.8 milionë lekë. Sipas KPK-së subjekti nuk ka paraqitur dokumentacion për të justifikuar të ardhurat e vjehrrit në vlerën 1.8 milionë lekë.

Në deklaratën periodike të vitit 2005, Prifti ka deklaruar blerjen e një apartamenti 2+1 me sipërfaqe 70 m2 në qytetin e Korçës me vlerë 3.1 milionë lekë, me burim shitjen e një apartamenti të mëparshëm. Në deklaratën veting të vitit 2017, i njëjti apartament është deklaruar me vlerën 1 milionë lekë. Ndërkohë kontrata e shitblerjes së kësaj pasurie ka një çmim prej 1.9 milionë lekë.

Në vitin 2004 Prifti ka deklaruar shitjen në vlerën 450 mijë lekë të një automjeti të tipit Renault, të cilin e kishte blerë në vitin 2001 me vlerë 500 USD. Në një transaksion të ngjashëm subjekti ka blerë në vitin 2007 një automjet tip Benz me vlerë 500 mijë lekë, të cilin e ka shitur në vitin 2009 për një vlerë më të lartë të barabartë me 6 mijë euro.

KPK ka hetuar edhe për një apartament dupleks me sipërfaqe 235 m2, të porositur në vitin 2001 dhe të paguar deri në vitin 2004 me vlerë 4 milionë lekë, ku përfshihet kosto e shitjes 2 milionë lekë, kontratë rikonstruksioni 1.3 milionë lekë dhe mobilimi.

Kjo pasuri është blerë nëpërmjet një kredie me vlerë 40 mijë marka gjermane. Prifti nuk e ka deklaruar këtë pasuri në deklaratën periodike të vitit 2003, nuk ka dokumentacion për punimet e kryera nga kompania ‘Konstruksion 93’ me vlerë 1.6 milionë lekë dhe as kontratën e porosisë të vitit 2001.

KPK ka ndërmarrë një analizë financiare të të ardhurave familjare të subjektit në vitet 2001-2004, duke arritur në konkluzionin se ka një bilanc negativ financiar prej 6.8 milionë lekë.

LEXO EDHE:  “Përputhen e lloqe politike”/ Gazetari ngre alarmin: Programe të degjeneruara

LEXO EDHE:  Sulmet e Ramës/ Vangjel Dule: Më është qepur me bukë në trastë, kam hequr dorë

Ky bilanc negativ ngre dyshime mbi burimin e vendosjes së disa aseteve, ku përfshihen apartamenti, pronësia e bashkëshortit të subjektit të 8% të aksioneve të kompanisë ‘Beton Plus’ – e themeluar në vitin 2001, likuiditetet në bankë, si dhe të një trualli 10.000 m2 në fshatin Voskopojë.



Prifti gënjeu për vilën tre katëshe

KPK ka hetuar edhe një vilë me 3 kate, plus verandë dhe 1 sipërfaqe prej 390 m2.

Gjysma e këtij objekti e blerë në vitin 2008 ,kap një vlerë tregu prej 10.3 milionë lekë. Subjekti nuk e ka deklaruar ambientin verandë në deklaratat periodike 2008 -2016, si dhe nuk ka dokumentacion ligjor se ka përfituar 1.9 milionë lekë nga vjehrri, çfarë ka shërbyer si burim për blerjen e kësaj prone.

Sipas KPK-së në vitin 2012 ky subjekt është marrë me qira nga shoqëria Helzag sh.p.k dhe më pas nga shoqëria ‘Find Four’, por ka mospërputhje në deklarime për qiranë e paguar nga këto shoqëri dhe rreth kostove të përshtatjes së ambientit në bar, restorant.

KPK ka konstatuar se personi i lidhur me subjektin nuk ka paguar tatimin në burim për këtë kontratë qiraje për vitin 2014 në vlerën 2 milionë lekë.

Gjithnjë sipas KPK, “Find Four’ nuk ka pasur burime financiare për pagesën e qirasë prej 5.6 milionë lekë për vitin 2014.

Gjithashtu, sipas KPK gjyqtarja Prifti nga dështuar të deklarojë në deklaratat periodike në ILDKPKI të vitit 2003, 2007 dhe 2009, rritjen e kapitalit të shoqërisë ‘Beton Plus’, fillimisht në 6 milionë lekë, dhe më vonë në 9.9 milionë lekë dhe 14.2 milionë lekë.

Gjithashtu, për këtë shoqëri KPK shprehet se subjekti nuk ka dokumentacion për pagesat e tatim fitimit.

Llogari bankare të padeklaruara

Hetimi administrativi KPK-së ka zbuluar disa llogari bankare të padeklaruar në emër të bashkëshortit Petrit Tare. Në këto likuiditete përfshihet një llogari 2 milionë lekë në vitin 2009. Një llogari 70,000 USD në vitin 2008.

Një transfertë në Detroit, Michigan me vlerë 12045 USD në vitin 2000. Si dhe një llogari prej 10233 euro në vitin 2003. KPK shprehet se bashkëshorti i subjektit ka mungesë burimesh financiare për krijimin e këtyre likuiditeteve. Sipas KPK-së subjekti nuk ka deklaruar dhe 2 llogari bankare në emër të fëmijëve në periudhën 2006-2009.

KPK ka gjetur edhe mungesë dokumentacioni për një pagesë qiraje nga kompania ‘Tamto Italy’ me vlerë 2200 euro.
Prifti fshehu pasurinë në emër të motrës

Në KPK ka pasur edhe një denoncim anonim nga Entela Priftit.
Sipas denoncimit, Prifti kishte fshehur një numër pasurish të paluajtshme në Tiranë në emër të motrës Ç. Prifti dhe të bashkëshortit të saj.

KPK ka ndërmarrë një hetim ndaj personit të lidhur dhe ka zbuluar se në pronësinë e motrës në Tiranë është i regjistruar një Apt. 120 m2 dje një garash 90 m2 me vlerë 57 mijë euro dhe 42 mijë euro.

Gjithashtu në emër të bashkëshortit është zbuluar një apartament me sipërfaqe 117 metra katrorë dhe vlerë 11.2 milionë lekë, një apartament i tretë me sipërfaqe 60.55 m2 dhe vlerë 6.5 milionë lekë, si dhe një garazh me sipërfaqe 25m2 dhe vlerë 1.7 milionë lekë.

Ndërkohë, gjithashtu në Tiranë në emër të babait të bashkëshortit të motrës është zbuluar një apartament tjetër me vlerë 40 mijë euro.

Vettingu “nxjerr zbuluar” Entela Priftin/ Zbardhet pasuria marramendëse e kreut të Apelit të Korçës

Burime financiare të paligjshme/ KPK jep vendimin për gjyqtaren Entela Prifti

LEXO TE PLOTE
Lajme të Rekomanduara: