Connect with Us

VIDEO/ Pamjet madhështore të “Santiago Bernabeut”, shikoni ecurinë e punimeve

La Liga

VIDEO/ Pamjet madhështore të “Santiago Bernabeut”, shikoni ecurinë e punimeve

Publikuar

-

Vijojnë me ritme të larta punimet për rinovimin e stadiumit të Real Madrid “Santiago Bernabeu”. Mungesa e tifozëve për shkak të pandemisë ka përshpejtuar punën në impiantin madhështor

Real Madrid ka publikuar  një video mbresëlënëse, ku dallohen ndryshimet e fundit në stadiumin e “Santiago Bernabeu” që vijon procesin e rinovimit prej më shume se një viti.

Hapësira të panjohura më parë dhe zgjerimi i kapaciteteve ka bërë  tifozët e Madridit  të imagjinojnë madhësinë që tempulli i bardhë do të arrijë. Punimet po përparojnë me një ritëm të madh.

Pandemia ka ndaluar tifozët që të jenë në stadiume. Për rrjedhoje Madridi po bën të gjitha përpjekjet për të shkurtuar afatet, duke i luajtur ndeshjet zyrtare në Valdebebas dhe duke e lënë Bernabeun vetëm për të punuar me kapacitete të plota dhe me tre turne.

Madrilenët kane investuar plot 500 milionë euro për këtë projekt. Impianti mitik i Realit do të ketë çati të lëvizshme, në gjendje për t’u hapur dhe mbyllur brenda 15 minutave.

Vetë presidenti Florentino Perez është shprehur me bindjen të plotë se ky stadium do të jetë më i bukuri  në bote dhe me teknologjinë e fjalës së fundit. Të gjithë tifozët mezi presin ditën që rimodelimi të ketë mbaruar plotësisht.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

La Liga

Panik në konferencë, trajnerit të Barcelonës i fillon gjakderdhja (VIDEO)

Publikuar

-

Nga

Ronald Kuman ndërpret konferencën për shtyp përpara sfidës ndaj Seviljas e cila është e programuar të zhvillohet nesër në stadiumin “Ramon Sanchez Pizjuan” me fillim nga ora 16:15.

Ronald Kumanit i doli gjak nga hundët gjatë konferencës për shtyp përpara mediave ndërkohë që tekniku holandez po analizonte këtë takim.

E njëjta gjakderdhje i ka ndodhur edhe 30 janar përpara ndeshjes ndajn Atletik Bilbaos ku katalanasit triumfuan me rezultatin 2-1.

LEXO TE PLOTE

La Liga

Bare: Të gjithë shqiptarët hanë fasule, vetëm unë jo

Publikuar

-

Nga

Keidi Bare është kthyer në një kohë të shkurtër në një nga emrat më të dashur për tifozerinë e skuadrës së Espanjoi, që ka pëlqyer grintën e futbollistit shqiptar, atë që jep në fushën e lojës duke mos u tërhequr kurrë në dylyftime, e padyshim aftësitë e tij teknike. Nuk është rastësi që shpesh tifozët e kanë zgjedhur më të mirin në periudha të caktuara gjatë vitit dhe tashmë Bare ëshë kthyer në një të paprekshëm në formacionin e skuadrës katalanase.

Ndaj vetë Espanjol ka zgjedhur që t’i prezantojë më mirë futbollistin tifozëve të vet, duke i bërë disa pyetje për të shuar kuriozitetin rreth tij, pyetje të cilave Bare u është përgjigjur me shumë sinqeritet por edhe me humor.

Gjithçka nis me nofkën “Pitbull” që i kanë vënë futbollistit. “Më pëlqen që më thërrasin kështu. Nuk e di pse ma kanë vënë këtë nofkë, për mënyrën se si jam, për mënyrën se si vrapoj, nuk e di të them të drejtën”, pranoi duke qeshur mesfushori.

Më pas ai u pyet për Shqipërinë dhe këtu përgjigja e tij ishte shumë e veçantë. “Është një vend shumë bujar dhe më pëlqen ushqimi. Të gjithë atje hanë fasule. Hanë fasule, por unë jam i vetmi shqiptar që nuk i ha, imagjinojeni pak…”, tha duke qeshur Bare.

“Po, është një vend shumë i dhënë pas futbollit, sidomos kur luan kombëtarja”, pohoi më pas ai ndër të tjera në këtë intervistë ku tregoi disa gjëra për veten e tij, duke zbuluar për shembull se kishte realiuzuar ëndrrën që kishte pasur për të njohur një të famshëm, pasi kishte qenë në një skuadër me idhullin e tij Fernando Torres.

LEXO TE PLOTE

La Liga

“Më thanë që je i vjetër dhe nuk luan dot në nivele të larta”, Suarez flet sërish për trajtimin nga Barcelona

Publikuar

-

Nga

Luis Suarez duket se nuk i del e keqja me mënyrën se si u trajtua nga Barcelona, teksa drejtuesit katalanas, së bashku me trajnerin Ronald Kuman i thanë se tashmë ishte i vjetër dhe nuk mund të luante në nivele të larta. Kjo pjesë duket se e ka prekur sulmuesin që me Atletiko Madrid po tregon se blaugranët gabuan, teksa shënon vazhdimisht në Madrid dhe po udhëheq ekipin drejt titullit.

“Ajo që vërtet më bezdisi ishte se më thanë se isha i vjetër dhe se nuk mund të luaja në nivele të larta. Kjo është ajo që nuk më pëlqeu. Nëse unë nuk do të kisha bërë asgjë për tre apo katër vite, atëherë do t’i kuptoja, por unë në çdo sezon kam shënuar më shumë se 20 gola. Kam pasur gjithnjë statistikat më të mira pas Mesit.

Sot, e shohim se nuk është e lehtë të luash për Barcelonën. Shumë lojtarë që firmosën me klubin, nuk kanë pasur atë nivelin që pritej. Unë luajta për gjashtë vite me Barcelonën duke mbajtur nivel të lartë dhe duke përmbushur pritshmëritë. Te Barcelona kanë ndryshuar rrethanat, klubi duhet të ndryshojë. Unë e pranova këtë, e vetmja mënyrë që më shqetësoi ishte mënyra si ndodhi. Meritoja më shumë respekt”, u shpreh Suarez.

LEXO TE PLOTE