Connect with Us

Skandali/ Tenderi abuziv i byzylykëve elektronikë, Prokuroria “fle” mbi dosje

Denoncim

Skandali/ Tenderi abuziv i byzylykëve elektronikë, Prokuroria “fle” mbi dosje

Publikuar

-

Skandali/ Tenderi abuziv i byzylykëve elektronikë, Prokuroria “fle” mbi dosje

Emisioni Stop në Tv Klan ka trajtuar këtë të enjte skandalin me tenderin abuziv të Ministrisë së Drejtësisë  për byzylykët elektronikë. Në vitin 2011 në vendin tonë u miratua ligji për mbikqyrjen elektronike për të gjithë personat, të cilëve u kufizohet lëvizja me vendim gjykate.

Një pajisje elektronike do të monitoronte të gjithë personat e dënuar me arrest shtëpie, lirim me kusht, shërbim prove, ndalim qëndrimi në një vend të caktuar, apo me urdhër mbrojtje.

Në vitin 2016, kur Ministria e Drejtësisë drejtohej nga Ylli Manjani i LSI, Sekretarja e Përgjithshme e Ministrisë së Drejtësisë, Juliana Hoxha, nxorri urdhrin për ngritjen e grupit të punës për caktimin e fondit limit për tenderin e mbikqyrjes elektronike.

Por në kohën kur zhvillohej tenderi, Kryeministri Rama shkarkoi nga detyra ministrin e Drejtësisë Ylli Manjani, duke e zëvendësuar me Petrit Vasilin po nga LSI.


Në 16 Shkurt, 2017 Komisioni i Ofertave doli me një raport përmbledhës mbi ofertat dhe Ministria e Drejtësisë shpalli fitues bashkimin e 3 operatorëve me vlerën rreth 234 milionë Lekëve të reja me TVSH. Pak muaj më vonë në krye të Ministrisë së Drejtësisë u vendos Gazment Bardhi i Partisë Demokratike si pjesë e qeverisë teknike, i cili konstatoi mungesën e byzylykëve elektronikë dhe parregullsi në procedurat e tenderimit.

Çështja u dërgua në Prokurorinë e Tiranës, por kjo e fundit pushoi çështjen për tenderin abuziv në vlerën e 234 milionë Lekëve të reja. Por pak muaj më vonë, raporti i auditimit i Ministrisë së Drejtësisë konstatoi mungesë ligjshmërie për tenderin problematik. Nga ana tjetër, edhe Ministria e Financave konstatoi një mori shkeljesh.

Pas gjithë këtyre fakteve, më në fund u regjistrua procedimi penal për shpërdorim detyre nga ana e funksionarëve të lartë të Ministrisë së Drejtësisë.

Gazetari i emisionit Stop, Genci Angjellari ka biseduar me ish-ministrin e Drejtësisë Petrit Vasili, i cili thotë se në atë detyrë qëndroi shumë pak dhe nuk ka pasur lidhje me tenderin, pasi kishte nisur si procedurë.

Ish-ministri Petrit Vasili: Në Shkurt 2017, 3 muaj nuk kam pasur asnjë lidhje. Tenderi ka qënë i filluar, i kryer, i mbaruar. Kishte kohë, që kishte mbaruar, që në 2016-ën…Kështu që s’kam pasur asnjë procedurë në bashkëpunim dhe në veprim dhe …kështuqë s’kam pasur zero lidhje me këtë punë…

Gazetari: E kuptoj..! Vetëm për këtë doja!

LEXO EDHE:  Grabitja e pronës publike/ Vasili nuk i ndahet timonit dhe tepsisë


Ish-ministri Petrit Vasili: Kishte mbaruar nuk ekzistonte më…si , si fenomen dhe gjithçka, që kishte brënda, s’kishte lidhje me ministrin, nuk ka lidhje ministri. E kupton? Edhe në fillim s’ka pas ndonjë lidhje me thënë të drejtën, mesa di unë, mesa pata parë, më kishte ardhur informacion mbaj mend, që …ne as nuk merreshim me proccedurën,ishte  një…, Sekretarja e Përgjithshme, nuk e di, si ishte puna…Ministri Manjani bile, i kishte deleguar të gjithë autoritetin, për t’u marrë në përgjithësi me procedurat administrative, kur nuk kishte asnjë rol ministri paraardhës. Imagjino unë, që punët kishin mbaruar, isha komplet, s’kisha asnje…vajta në fund të Shkurtit dhe ika në fund të Majit. Kam 3 muaj e ca as, që më interesonte fare…unë e vetmja gjë vëlla, as me tenderat, që ishin nuk merresha, sepse i kisha deleguar të gjitha, të venin të gjithë institucionet i hoqa fare nga Ministria.

Gazetari: E kuptoj!

Ish-ministri Petrit Vasili: E kam pas bërë edhe në Shëndetësi, kur kam qënë, gjërat që s’i takojnë Ministrisë, jepja të interesuarve, që kanë…

Gazetari: Qartë!

Ish-ministri Petrit Vasili: I kam qëndruar kësaj filozofie, jo për shumë para, miku im…

Gazetari: E kuptoj…!

Ish-ministri Petrit Vasili: Të gjithë kanë qëjf t’i bëjnë tenderat. Unë s’kam pas qejf t’i bëja domethënë …,nejse po ta kenë dhjerë gjëkundi, le të mbajnë përgjegjësitë përsipër, sepse në dorë e kanë pasur, për të mirën e institucioneve.

Një tjetër provë që tregon paligjshmërinë dhe shpërdorimin e fondeve publike është dhe një vendim Gjykatës Administrative, e cila detyroi bashkimin e 3 operatorëve, që t’i kthejë buxhetit të shtetit shumën e fituar për mbikqyrjen elektronike. / tvklan.al

Për të rejat më të fundit behuni pjesë e grupit tonë në facebook : City News Albania

Denoncim

Denoncimi i pacientit nga spitali Covid/ Më japin vetëm një panine, s’ka një pikë ujë ta lag buzët

Publikuar

-

Nga

Denoncimi i pacientit nga spitali Covid/ Më japin vetëm një panine, s'ka një pikë ujë ta lag buzët

Emisioni “Stop” publikuar një video ku tregohet se si trajtohet një pacient në një nga spitalet Covid.

Duke komunikuar me familjarët, ai thotë, se nuk i kanë dhënë për të ngrënë. Sipas denoncuesit, i cili komunikon me mbesën, stafi e ka ushqyer me një panine gjithë ditën edhe pse duhet të përballojë sëmundjen dhe ilaçet e rënda.

Pacienti: Më japin pak qumësht edhe..

Familjarja: Kaq tërë ditën vetëm një panine dhe një gotë qumësht?

Pacienti: Për ca ilaçe moj, nuk ka doktora, nuk ka doktora, nuk vijnë, nuk ka. Vetëm vijnë këtu nga këto çupa, çuna, të pyet dhe njëherë qysh je dhe ikën nuk duken më. Mua më bie ndonjë pikë ujë të njom buzët, nuk ka. I thashë më çoni tek ai spitali në Sanatorium është më mirë aty, “ik” më tha mua, iki i thashë po me ça, qysh do iki, do më çosh ti atje me ambulancë?

Familjarja: O daja, i thuaj mua po më mbani për të vdekur këtu? Më bëni ilaçe, më bëni kura, ose më hiqni më çoni në shtëpi i thuaj, nuk dua unë të rri më këtu!

LEXO EDHE:  Tenderi për mbetjet e Covid-19/ QSUT zgjedh fituesin me ofertën më të lartë

LEXO EDHE:  Grabitja e pronës publike/ Vasili nuk i ndahet timonit dhe tepsisë

Pacienti: I thashë moj, i thashë edhe atë.

Familjarja: Mirë o daja, mos u mërzit, mos u lodh, se do të marr prapë pastaj!

Pacienti: Hajde natën!

LEXO TE PLOTE

Denoncim

Fiks Fare/ Rrezikon mjekimin se nuk i japin rekomandim, mjekja e familjes: Fajin e ka sistemi!

Publikuar

-

Nga

Fiks Fare/ Rrezikon mjekimin se nuk i japin rekomandim, mjekja e familjes: Fajin e ka sistemi!

Qytetari Spiro Gega nga fshati Libonik i Maliqit ankohet në emisionin Fiks Fare se mjekët po i rrezikojnë jetën.

Kjo për shkak të vetëm një rekomandimi që mjekja e familjes nuk ja lëshon. Z. Spiro Gega me këtë rekomandim të lëshuar nga mjekja e familjes duhet të paraqitet për të marrë ilaçet e nevojshme siç është insulina për një diabetik tek mjekja specialiste.

Gjithashtu këtij të sëmuri prej kohësh nuk i plotësohet as dosja e kempit. Për Fiksin i revoltuar ai thotë se nuk ka më shpresë për zgjidhjen e problemit! Duke theksuar se nuk po i kërkon asgjë më tepër këtij shteti përveçse atë që i takon.Dokumentin për kempin dhe mbi të gjitha ilaçet të cilat e mbajnë gjallë në jetë.Gazetarët e Fiksit shkojnë takojnë mjeken e familjes të Z.Spiro që është edhe hallka e parë e këtij problemi përsa i përket lëshimit të rekomandimit.

Mjekja thotë për Fiksin se rekomandimin e ka të pamundur ta bëjë,  sistemi nuk ja lejon, pasi mjeku endokrinolog dhe neurolog në poliklinikën e specialiteteve nuk kanë asnjë datë të lirë.Gjithashtu ajo thotë se ky problem është prej disa javësh madje apo  muaj dhe e vuajnë shumë pacientë të tjerë.Sipas mjekes të familjes dijeni ka edhe njësia vendore e kujdesit të shëndetit, por kurrë nuk kanë dhënë një përgjigje për problemin e adresuar.

Fiksit mjekja e familjes i vendos në dispozicion edhe fletoren ku mban të shënuar të gjithë persona që nuk mund t’i referojë për tek mjeku specialist. Sipas saj pandemia është shkaku që krijon këtë ngërç, sepse një nga mjeket enokrinologe ka munguar prej disa ditësh në punë rrëfen mjekja e familjes për Fiksin.

LEXO EDHE:  LSI sulmon eurodeputetët/ ‘Opozita nuk do të lëviz nga rruga”

LEXO EDHE:  Listat e kandidatëve/ Manjani nuk kursehet ndaj Yuri Kim: Ç'punë i prishet ambasadës, dëmi i bëhet shqiptarëve

Gazetarët për të marrë një përgjigje për problemin komunikojnë me anë të telefonit me drejtorin e Njësisë Vendore të Kujdesit Shëndetësor Korçë. Drejtori thotë për Fiksin se kjo situatë mund të jetë krijuar për shkak të reduktimit të mjekëve specialist nga pandemia covid 19, por që urgjencat nuk kanë mbetur pa u trajtuar.

Ndërkohë për rastin konkret drejtori shpjegon se nuk ka dijeni pavarësisht se gazetarët e Fiksit i thonë se vetë ai bën pjesë në grupin në të cilin mjekja e familjes dërgon mesazhet për problematikat. Megjithatë drejtori u kërkon gazetarëve t’i dërgojnë një kartë identiteti të pacientit për ta planifikuar menjëherë tek mjeku specialist!

Qytetari Spiro Gega i lumtur për zgjidhjen e problemit të tij ku më në fund mund të marrë ilaçet që e mbajnë në jetë falenderon Fiksin duke thënë: Shtet nuk ka shyqyr që është emisioni Fiks Fare që na zgjidh hallet tona!/ tch

LEXO TE PLOTE

Denoncim

Denoncimi në Fiks Fare/ Dhunonte gruan dhe fëmijët, fsheh pasuritë e s’paguan pensionin ushqimor

Publikuar

-

Nga

Denoncimi në Fiks Fare/ Dhunonte gruan dhe fëmijët, fsheh pasuritë e s’paguan pensionin ushqimor

Në një intervistë për Fiks Fare, nëna e dy vajzave 7 dhe 10 vjeçe tregon se jetojnë në kushte shumë të vështira ekonomike, pasi ish bashkëshorti i cili e dhunonte sistematiksht atë dhe vajzat nuk pranon të paguajë pensionin ushqimor. Për të dyja vajzat gjykata ka vendosur që ai duhet të paguajë çdo muaj 250 mijë lekë të vjetra. Por në dy vjet e gjysmë ai nuk ka paguar asnjë gjë.

I kanë vendosur edhe sekuestro bankare, por në bankë nuk rezulton të ketë asnjë të ardhur. Nëna bëri kallëzim për mospagesën dhe gjykata i vendosi një gjobë prej 500 mijë lekësh të vjetra, por as kjo nuk e detyroi babain të paguajë detyrimin karshi vajzave të tij.

Nëna tregon se i rrihte të treja, me grushta dhe i përplaste kokën pas murit ndaj u detyrua të largohej edhe pse shtëpinë ku jetonin e ka ndëtuar me 15 mijë euro që i ka sjellë kur janë martuar. E gjendur para situatës kur ish bashkëshorti nuk deklaron të ardhurat, edhe pse është pronar i një lokali dhe shtëpie që i ka vendosur në emër të të atit ajo u detyrua të ankohet në Fiks Fare.

Ajo tregon se vet punon me rrogë minimale dhe është munduar të ushqejë vajzat e vetme, por në këto kushte e ka të pamundur.

Nëna e vajzave e ka regjistruar ish bashkëshortin në një bisedë ku ai pranon çdo gjë. I tregon se punon, por që nuk ka ndërmend t’i japë asnjë lekë asaj. Gjithashtu ai i thotë se është e vërtet që të kam rrahur, por e kam bërë gabimisht. Gjatë bisedës ai këmbngul që s’ka për t’i dhënë asnjë lekë deri sa vajzat të mbushin 18 vjeç.

Gjithashtu ai e pranon që kur u martuan bashkeshortja i dha edhe 15 mijë euro për ndërtimin e shtëpisë së tyre, por që sot nuk po e gëzon dot as ajo e as vajzat. Kjo pasi ai edhe shtëpinë edhe lokalin i ka vendosur në emër të babait të tij.

LEXO EDHE:  “Ishte skandal, na vranë performancën”/Artistja e famshme akuzon “Eurovision” për keqmenaxhim

LEXO EDHE:  Kryemadhi leksion Ramës/ Një karantinë e dytë do ishte fatale, ja si mund të shmanget

Bashkëpunotorja e Fiksit shkon të takojë ish bashkëshortin pranë lokalit të tij ku punon në të zezë.

Lokalin e gjen në fillim mbyllur, por banorët që janë aty e konfirmojnë që lokalin e punon vet pronari dhe për momentin nuk ndodhet. Pasi e telefonojnë ai vjen dhe pranon që e punon lokalin për dasma, vaki dhe kafe. Tregon se me situatën tani, fitimi nuk është i madh, por shtyhet. “E gjete mbyllur pasi kisha disa punë personale në qytet” pohon ai.

Lokali ndodhet në rrugë nacionale dhe shërben edhe kafe edhe guzhinë. Ai pranon që punon vetë madje ka edhe guzhiner.

Të gjitha këto biseda, vërtetojnë faktin që babai i vajzave, ish bashkëshorti dhunues nuk do që të paguajë pensionin ushqimor dhe mbi të gjitha po fsheh edhe të ardhurat edhe pasuritë që vajzat edhe ish bashkëshortja të mos përfitojnë asnjë gjë. Sipas tij kjo ishte rruga që ajo vet zgjodhi ndaj në një farë mënyrë po e penalizon, duke harruar që ato që po vuajnë janë dy vajzat e tij të mitura./tch

LEXO TE PLOTE