Premier Liga
Theu rregullat, Aubameyang po hetohet nga zyrtarët e Arsenalit
Arsenali po heton për një shkelje të mundshme të rregullave të COVID-19, nga sulmuesi i tyre Pierre-Emerick Aubameyang.
Siç raporton, The Sun, sulmuesi ka thyer rregullat mbi COVID-19, pasi ka vendosur të bëjë disa tatuazhe të reja në dorën e tij të majtë.
Aubameyang, i cili së fundmi shënoi një hat-trick në sfidën 4-2 ndaj Leeds në Premierligë, po hetohet nëse ka thyer rregullat.
Në Angli, virusi është duke u përhapur me shpejtësi të madhe, ndërsa në Premierligë rastet vetëm janë duke rënë për këtë arsye Gunners do të marrin çdo masë të nevojshme për të mos u infektuar me virus.
Një zëdhënës i Arsenalit tha mbrëmë: “Ne do t’i flasim lojtarit për këtë çështje dhe do të vërtetojmë se çfarë ka ndodhur”.
Premier Liga
Ndizet gara në Premier League, fitojnë Evertoni dhe Tottenhami
U luajtën ditën e sotme 2 sfidat e vlefshme për javën e 26-të të Premier Ligës.
Totenhemi i Zhoze Murinjos dhe Evertoni i Ançelotit, triumfuan minimalisht në transfertë, respektivisht kundër Fulhemit dhe Uest Bromuiçit.
Skuadra londineze iu fal autogolit të shkaktuar nga Adarbaiojo në minutën e 19-të, ndërkohë që për Evertonin golin e fitores e shënoi Riçarlison.
Për sa i përket klasifikimit, tani “Spurs”-at janë 4 pikë larg zonës Champions, që mbahet nga Evertoni.
Duket se këto 2 skuadra do të luftojnë deri në fund të kampionatit për një biletë në Champions.
Premier Liga
Ja ku do luhet ndeshja e kthimit mes Leipzig dhe Liverpoolit
Ndeshja e parë mes Lajpcig dhe Liverpul në Ligën e Kampionëve e përfunduar me rezultatin 0-2, u luajt në stadiumin Pushkash Arena të Hungarisë për shkak se anglezët nuk lejoheshin të futeshin në Gjermani si pasojë e COVID-19.
Mirëpo edhe ndeshja e kthimit është zyrtarizuar të luhet në fushë neutrale dhe sfida do të mbetet në Hungari.
Kjo vjen si pasojë e rregullave të vendosura nga autoritet britanike të cilët kërkojnë që secili që futet në Angli të karantinohet për 10 ditë.
Diçka që pengon aktivitetin normal të botës së futbollit, e në këtë formë, UEFA i ka dhënë zgjidhjen më të mirë të mundshme.
Kështu, stadiumin Pushkash Arena secila nga skuadrat do ta përdorin nga njëherë si shtëpinë e tyre dhe tashmë pas Lajpcig, i takon Liverpulit ta bëjë këtë.
Premier Liga
E bujshme/ Myrto Uzunin e duan në dy nga kampionatet më të forta në botë
Myrto Uzuni po kalon një sezon fantastik me Ferancvaroshin në Hungari, ku ai u transferua në merkaton e verës. Sulmuesi i Shqipërisë, përveç se në kampionatin hungarez, tregoi paraqitje të shkëlqyera edhe në Ligën e Kampionëve, ku arriti të shënonte edhe një gol, pikërisht ndaj Juventusit, ku përballë kishte idhullin e tij Kristiano Ronaldon.
Duke parë formën e mirë që po kalon, në gjurmët e beratasit janë vënë skuadra nga kampionatet e mëdha europiane. Vetë agjenti i lojtarit, Franci Bode, në një prononcim të dhënë për “Insporti”, është shprehur se interes për lojtarin kanë shfaqur ekipe nga Bundesliga gjermane dhe Premier Liga angleze.
“Klube nga Premier Liga angleze dhe Bundesliga më kanë kontaktuar duke shprehur interesim për Uzunin. Në të kaluarën kemi pasur edhe nga Serie A, megjithatë jemi të fokusuar në sezonin që është duke u zhvilluar. Uzuni është i fokusuar vetëm tek klubi i Ferencvarosh”, tha Bode.
