Connect with Us

Nga pasuria tek hetimet/ Prokurori prangosi drejtuesit e PD që sulmuan Ramën

Vetingu

Nga pasuria tek hetimet/ Prokurori prangosi drejtuesit e PD që sulmuan Ramën

Publikuar

-

Në Mars të vitit 2016 Adriatik Llalla, Prokuror i Përgjithshëm në atë kohë shkarkoi mga detyra si zëvendës drejtues në Prokurorinë e Elbasanit, Ritvan Sukaj.

Për këtë të fundit hetimet Vetting kanë nisur në fund të vitit që lamë pas, ndërsa të gjithë karrierën rezulton e shtrirë nga Tropoja në Elbasan dhe ndërsa pasuria në Tiranë. Kujtojmë se prokurori Ritvan Suka ka hetuar ngjarjen e 6 Qershorit 2016, në lidhje me atentatin që u bë ndaj Florenc Çapjas dhe Bledar Muçës, ku ka kërkuar shpalljen fajtor të Shkëlzen Hasanpapajt, dhe dënimin e tij me 22 vite burg, për tentativë vrasje dhe plagosjen e një punonjëseje policie.

Një tjetër çështje që ka hetuar prokurori Suka ka lidhje me politikën. Bëhet fjalë për ngjarjen e 13 Qershorit 2019, kur një grup protestuesish, mbështetës të opozitës, i kanë bërë “pritë” eskortës së kryeministrit Edi Rama gjatë vizitës së tij në qytetin e Librazhdit. Për këtë ngjarje u akuzuar krerët e Partisë Demokratike të Qarkut Elbasan.

Por në seancën e masën së sigurisë, gjykata la të lirë të lirë ish-deputetin e Partisë Demokratike Aurel Bylykbashi, sekretarin e PD-së në Prrenjas, Leonard Ozuni si dhe sekretarin e PD-së Librazhd, Erlind Gurra.

Ndërsa për Bujar Vreton, kryetarin e Degës së PD-së Librazhd, Arjan Karriqin, kryetarin e Degës së PD-së, Prrenjas, Bujar Kojku, Dashamir Boja, u vendos masa “arrest me burg”, ashtu siç kishte kërkuar prokurori Suka, i cili i akuzonte për pjesëmarrje në tubime të paligjshme, pengim të qarkullimit dhe pengim të subjekteve zgjedhore.

Sa u përket të ardhurave rezulton se prokurori Ritvan Suka, ka burim vetëm pagën e tij. Dhe me atë pagë ai blen apartament, merr kredi, krijon kursime si dhe justifikohet se e ka ndihmuar babai.

Në vitin 2017, deklarohet se bashkëshortja e tij është punësuar në Bashkinë e Tiranës, përkatësisht si specialiste juridike në Entin e Banesave. Nuk mund të paragjykojmë lidhjet e prokurorit me pushtetin, por ajo që dihet është se të punësuarit në institucione, janë njerëz apo militantë të partisë në pushtet.

Për më tepër po sjellim pasurinë e deklaruar nga prokurori Ritvan Suka.

Viti 2003
Të ardhura të subjektit deklarues si prokuror në Tropojë, 7.4 milion lekë.

Viti 2004
Të ardhura të subjektit deklarues si prokuror në Tropojë, 747 948 lekë.
Pension pleqërie, 140 000 lekë.

Viti 2005
Të ardhura të subjektit deklarues si prokuror në Tropojë, 1 116 720 lekë.

Viti 2006
Të ardhura të subjektit deklarues si prokuror në Tropojë, 974 520 lekë.

Viti 2007
Të ardhura të subjektit deklarues si prokuror në Tropojë, 1 232 376 lekë.

Viti 2008
Kontratë sipërmarrjeje për ndërtim ap me sip 103.4 m2 me vlerë 61 900 euro.
Kursime 700 000 lekë.
Të ardhura të subjektit deklarues si prokuror në Elbasan, 1 160 041 lekë.
Të ardhura nga puna e babait në Itali, 11 600 euro.
Pensioni i babait, 180 000 lekë.
Të ardhura të vëllait nga puna në një kompani private në Tiranë, 105 000 lekë.
Kredi për blerjen e ap 1 000 000 lekë.
Detyrim ndaj firmës së ndërtimit, 1 900 euro.

Viti 2009
Kontratë sipërmarrjeje për ndërtim ap me sip 103.4 m2 me vlerë 61 900 euro.
Kursime 200 000 lekë.
Paguar firmës së ndërtimit, 1400 euro.
Të ardhura të subjektit deklarues si prokuror në Elbasan , 1 406 981 lekë.
Pensioni i babait, 204 000 lekë.
Të ardhura të vëllait nga puna në një kompani private në Tiranë, 170 000 lekë.
Kredi për blerjen e ap 1 000 000 lekë. Pa shlyer 794 700 lekë.
Detyrim ndaj firmës së ndërtimit, 500 euro.

Viti 2010
Kursime 200 000 lekë.
Të ardhura të subjektit deklarues si prokuror në Elbasan, 1 467 000 lekë.
Kredi për blerjen e ap 1 000 000 lekë. Pa shlyer 442 200 lekë.
Detyrim ndaj firmës së ndërtimit, 500 euro.

LEXO EDHE:  Mesazhi i Jozefina Topallit/ “Bëhu ndryshimi që ti do të shikosh në botë”

Viti 2011
Kursime 400 000 lekë.
Të ardhura të subjektit deklarues si prokuror në Elbasan, 1 563 078 lekë.
Kredi për blerjen e ap 1 000 000 lekë. Pa shlyer 89 700 lekë.
Paguar firmës së ndërtimit, 500 euro.
Të ardhura të bashkëshortes si gazetare në një media, 300 000 lekë.

Viti 2012
Kursime 700 000 lekë.
Të ardhura të subjektit deklarues si prokuror në Elbasan, 1 625 066 lekë.
Kredi për blerjen e ap 1 000 000 lekë. Shlyer.
Të ardhura të bashkëshortes si gazetare në një media, 27 580 lekë dhe 378 240 lekë.

Viti 2013
Kursime 300 000 lekë.
Kontratë sipërmarrje për blerjen e një apartamenti në Yzberisht me sip.111.8 m2, me vlerë 53 000 euro. Deklaron se ka paguar me katër këste.
Më pas të njëjtën kontratë e revokuar dhe ka nënshkruar një tjetër për blerje ap në Yzberisht me vlerë 48 800 euro.
Të ardhura të subjektit deklarues si prokuror në Elbasan, 1 436 853 lekë.
Kredi 25 000 euro. Pa shlyer 37 423 lekë.
Detyrim ndaj firmës pas revokimit të kontratës, 4 800 euro.
Të ardhura të bashkëshortes si gazetare në një media 100 000 lekë.

Viti 2014
Kursime 200 000 lekë.
Blerë automjet Benz, me vlerë 2 000 euro.
Gjendje llogarie, 15 931 02 lekë.
Të ardhura të subjektit deklarues si prokuror në Elbasan, 1 405 120 lekë.
Të ardhura nga një trajnim në Nju Mexico, 900 dollarë.
Kredi 25 000 euro. Pa shlyer 34 783 euro.
Detyrim ndaj firmës pas revokimit të kontratës, 4 800 euro.
Kartë krediti me limit 600 000 lekë.

Viti 2015
Gjendje llogarie, 650 lekë.
Të ardhura të subjektit deklarues si prokuror në Elbasan, 1 462 058 lekë.
Kredi 25 000 euro. Pa shlyer 32 143 euro.
Detyrim ndaj firmës pas revokimit të kontratës, 4 800 euro, I shlyer.
Kartë krediti me limit 600 000 lekë
Kredi në shumën 500 000 lekë. Pa shlyer 649 400 lekë.

Viti 2016
Gjendje llogarie, 650 lekë.
Të ardhura të subjektit deklarues si prokuror në Elbasan, 1 351 819 lekë.
Kredi 25 000 euro. Pa shlyer 29 503 euro.
Kartë krediti me limit 600 000 lekë. Pa shlyer 621 121 lekë.
Kredi në shumën 500 000 lekë. Pa shlyer 521 000 lekë.

Viti 2017
Gjendje llogarie -135 70 lekë.
Të ardhura të subjektit deklarues si prokuror në Elbasan, 1 378 241 lekë.
351 819 lekë.
Kredi 25 000 euro. Pa shlyer 26 853 euro.
Kartë krediti me limit 600 000 lekë. Shlyer.
Kredi në shumën 500 000 lekë. Shlyer.
Kredi konsumatore në shumën 1 000 000 lekë.
Gjendje në llogarinë e bashkëshortes, 50 973 lekë.
Të ardhura të bashkëshortes si specialiste e zyrës juridike në Entin Kombëtar të Banesave, Bashkia Tiranë, 446 726 lekë.

Viti 2018
Gjendje llogarie, 67 86 lekë.
Të ardhura të subjektit deklarues si prokuror në Elbasan, 1 494 854 lekë.
Kredi 25 000 euro. Pa shlyer 24 213 euro.
Kredi konsumatore në shumën 1 000 000 lekë. Pa shlyer 819 084 40 lekë.
Gjendja në llogarinë e bashkëshortes -16 941 lekë.
Të ardhura të bashkëshortes si specialiste e zyrës juridike në Entin Kombëtar të Banesave, Bashkia Tiranë, 598 073 03 lekë.
Overdarft 50 000 lekë në emër të bashkëshortes. Pa shlyer 40 000 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Mbeti jashtë sistemit të drejtësisë për 15 vjet/ KPA “rrëzoi” bashkëshorten e Denar Bibës

Publikuar

-

Nga

Mbeti jashtë sistemit të drejtësisë për 15 vjet/ KPA "rrëzon" bashkëshorten e Denar Bibës

Nga Edmond Hoxhaj*

Kolegji i Posaçëm i Apelimit, KPA i ka rrëzuar si të pabazuar pretendimet e ish-këshilltares ligjore pranë Gjykatës së Lartë, Elona Kana, për të cilën Komisioni vendosi më 3 shkurt 2020 të ndërpresë procesin e rivlerësimit dhe i hoqi të drejtën për t’u emëruar në institucionet e drejtësisë për një periudhë 15-vjeçare.

Kana pretendonte në ankim se ishte larguar nga Shkolla e Magjistraturës dhe nuk kishte dhënë dorëheqje sipas nenit G të Kushtetutës. Sipas saj për këtë rast kishte boshllëk ligjorë dhe KPK nuk do duhej të dilte me vendim.

Trupi gjykues i KPA, i kryesuar nga Ina Rama, me relatore Rezarta Schuetz dhe anëtarë Albana Shtylla, Natasha Mulaj dhe Ardian Hajdari, i kujton Kanës në vendimin e zbardhur se vendi në Shkollën e Magjistraturës e kishte marrë si këshilltare ligjore e Gjykatës së Lartë.

Përkundër pretendimit të saj se kishte boshllëk, ishte parashikuar shprehimisht në ligj se për këshilltarët që nuk e kalonin procesin, ndërpritej edhe mundësia e vijimit të Shkollës së Magjistraturës.

Elona Kana, në momentin e hyrjes në fuqi të ligjit për rivlerësimin e gjyqtarëve dhe prokurorëve ka ushtruar detyrën e këshilltares ligjore në Gjykatën e Lartë.

Në maj të 2018-ës, ajo iu nënshtrua testimit për vlerësimin e aftësive profesionale për subjektet e rivlerësimit ex officio, të zhvilluar nga Shkolla e Magjistraturës. Pas kalimit me sukses të testimit, Kana zgjodhi të ndjekë programin e formimit fillestar në Shkollën e Magjistraturës, në profilin “gjyqtar”.

Pasi Komisioni i Pavarur i Kualifikimit, KPK vendosi përfundimin e hetimit administrativ për të tria kriteret e vlerësimit për Kanën, e ftoi atë në seancë dëgjimore.

Në seancën dëgjimore të zhvilluar më 2 tetor 2019, Elona Kana kërkoi përjashtimin e relatores së çështjes, Xhensila Pine, kërkesë që u rrëzua si e pabazuar në ligj e prova nga një trupë tjetër gjyqësore e KPK.

Kana ngriti dyshime për ndikim politik të Pines në qëndrimin ndaj saj, duke u shprehur se relatorja e çështjes ishte zgjedhur nga Partia Demokratike. Ajo e lidhi ndikimin politik me funksionin e bashkëshortit të saj, Denar Biba si nënkryetar i Komisionit Qendror të Zgjedhjeve. Gjithashtu, Kana e mbështeti kërkesën edhe me ndjesinë e saj se nuk ishin marrë parasysh provat dhe dokumentet e dorëzuara në lidhje me udhëtimet e punës, si dhe të ardhurat.

Pak ditë pas seancës dëgjimore, subjekti i rivlerësimit i paraqiti Këshillit Drejtues dhe Drejtorit të Shkollës së Magjistraturës dorëheqjen me shkrim nga vazhdimi i mëtejshëm i procesit akademik, duke vënë në dijeni edhe Komisionin për këtë veprim të sajin.

KPK riçeli hetimin për verifikimin e dorëheqjes duke e thirrur sërish Kanën në seancë dëgjimore më 30 janar 2020, për t’u dëgjuar. Pasi subjekti zgjodhi të mos ishte e pranishme, Komisioni e zhvilloi seancën dëgjimore në mungesë të saj dhe vendosi të ndërpresë procesin e rivlerësimit kalimtar dhe t’i heqi të drejtën për emërimin e saj në pozicione të caktuara në institucionet e drejtësisë për një periudhë 15-vjeçare.

Në ankim, Kana pretendon se vendimi i Komisionit është i paligjshëm dhe i paarsyetuar dhe se vjen në kundërshtim me parimet e përgjithshme të të drejtave dhe lirive të parashikuara nga Kushtetuta dhe nga KEDNj-ja.

Ajo e konsideron të gabuar zbatimin në rastin e saj, të pikës 2 të nenit G të Aneksit të Kushtetutës, që parashikon sanksionin për ndalimin e emërimit në sistemin e drejtësisë për një periudhë 15-vjeçare, kur subjekti i rivlerësimit dorëhiqet.

Subjekti i rivlerësimit, pretendon se Komisioni gjendej përpara një boshllëku ligjor dhe se ishte në pamundësi për të dhënë vendim përfundimtar, pasi në momentin e dorëheqjes, ajo ka qenë studente e Shkollës së Magjistraturës dhe nuk gëzonte asnjë status tjetër në kuptim të legjislacionit.

Kana argumenton se nuk ka dhënë dorëheqjen nga detyra e ndihmëses ligjore në Gjykatën e Lartë në kuptim të nenit G të Aneksit të Kushtetutës, ku parashikohet sanksioni që i heq subjektit të rivlerësimit të drejtën e emërimit në institucionet e drejtësisë. Ajo thekson se është larguar nga detyra në zbatim të nenit 165 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, ku parashikohen dispozitat kalimtare për ndihmësit ligjorë.

Kana pretendon se, në rastin e saj, as Kushtetuta dhe as legjislacioni nuk ka parashikuar se çfarë vendimi do të duhet të marrin institucionet e rivlerësimit për ndihmësit ligjorë të Gjykatës së Lartë, apo për subjekte të tjera që vazhdojnë Shkollën e Magjistraturës, kur dorëheqjen nga detyra për shkak të së cilës u bënë subjekte rivlerësimit. Sipas saj, Komisioni e kishte të pamundur për të dhënë vendim pasi ajo nuk gëzonte asnjë status pas dorëheqjes së dhënë.

Pasi analizon procedurën e ndjekur në Komsion për rivlerësimin e Kanës, Kolegji sjell në vëmendje se ndihmësit ligjorë të Gjykatës së Lartë përfshihen në kategorinë e subjekteve që i nënshtrohen procesit të rivlerësimit ex officio, në vijim të parashikimeve kushtetutese dhe ligjore, ashtu si gjyqtarët dhe prokurorët.

LEXO EDHE:  Meta komenton raportin me Ramën, Bashën dhe doktor Berishën

LEXO EDHE:  Policia doli sërish të mbledhë plumba/ Reagimi i ashpër i gazetarës pas masakrës në Elbasan

Në mënyrë të shprehur, ligjvënësi i ka kategorizuar ndihmësit ligjorë të Gjykatës së Lartë si subjekte të rivlerësimit”, vëren Kolegji.

Trupi gjykues i KPA, argumenton se subjektet e rivlerësimit ex officio, ndër të cilat edhe Kana, përfituan lehtësira ligjore për të ndjekur programin e trajnimit dyvjeçar në Shkollën e Magjistraturës.

Ndryshe nga procedura e zakonshme e programit trevjeçar që ndjek Shkolla e Magjistraturës për studentët që vijnë nga jashtë sistemit, për këshilltarët dhe ndihmësit ligjorë është përcaktuar të jetë dy vjet. Këto subjekte rivlerësimi, nuk përfitojnë bursë sikurse ndodh në rekrutimet e zakonshme, por marrin pagë barabartë me atë të pozicionit të tyre respektiv.

Ligji nr. 96/2016, në nenin 165 nuk parashikon humbjen e cilësisë së subjektit të rivlerësimit ex officio për shkak të ndjekjes së programit të formimit profesional në Shkollën e Magjistraturës, përkundrazi. Gjuha dhe fryma e dispozitave që rregullojnë procesin e rivlerësimit, dhe sidomos neni 165, pika 8 e ligjit nr. 96/2016, përcaktojnë që moskalimi me sukses i procesit të rivlerësimit përbën shkak për ndërprerjen e programit akademik në Shkollën e Magjistraturës”, evidentohet në vendim.

Trupi gjykues vëren se, përkundër nga çfarë pretendon Kana, gjatë procesit të rivlerësimit nuk ka paraqitur në asnjë moment kërkesë ku të parashtrojë pretendimin se nuk duhej t’i nënshtrohej procesit të rivlerësimit, pasi nuk përfshihej më në kategorinë e subjekteve të rivlerësimit duke qenë se ishte studente pranë Shkollës së Magjistraturës.

Kolegji konstaton se akti i dorëheqjes nga Kana para vitit të dytë të programit të formimit fillestar në Shkollën e Magjistraturës ka ndodhur pas ndërprerjes së seancës dëgjimore, që është një fazë që i paraprin marrjes së vendimit nga ana e Komisionit.

Në rast se këto subjekte vendosin të mos i nënshtrohen këtij procesi, atëherë ata përjashtohen nga mundësia e emërimit në disa prej organeve të drejtësisë, për një periudhë 15-vjeçare, sipas përcaktimeve në pikën 2 të nenit G të Aneksit të Kushtetutës”, konstaton Kolegji.

KPA e quan të pabazuar edhe pretendimin tjetër të Kanës se, ndalimi për 15 vite cënon të drejtën kushtetuese për punë, si dhe është në kundërshtim me parimin e proporcionalitetit pasi KPK ka vendosur masë penalizuese të njëtrajtshme për cilindo subjekt kur ndërpritet procesi i rivlerësimit, pa marrë parasysh specifikat rast pas rasti.

Kana ankohet edhe mbi formulimin e nenit G të Aneksit të Kushtetutës, duke pretenduar se bie ndesh me parimet e shtetit të së drejtës pasi parashikon një dënim fiks, shumë herë më të rëndë se dënimi penal dhe se në mënyrë jo proporcionale vendos trajtim të barabartë për subjekte krejtësisht të pabarabarta.

Kolegji thekson se kushtetutshmëria e parimeve mbi të cilat është bazuar procesi i rivlerësimit, nuk është objekt diskutimi i kësaj çështjeje. Në vijim, duke ju referuar edhe jurisprudencës së Gjykatës Kushtetuese, trupi gjykues vlerëson se parashikimi i nenit G të Aneksit të Kushtetutës është i qartë në frymën dhe gjuhën e tij, ku parashikohet se dhënia e dorëheqjes sjell ndërprerjen e procesit të rivlerësimit dhe sanksionon ndalimin prej 15 vitesh për të kryer detyra të caktuara në sistemin e drejtësisë.

Trupi gjykues i KPA vëren se në dritën e qëllimit për të cilin është ngritur sistemi i rivlerësimit, ndalimi i ushtrimit të detyrave në sistemin e drejtësisë për 15 vjet, nuk është disproporcional, për sa kohë shteti legjitimohet të sanksionojë ndalime të caktuara në fusha të caktuara të funksioneve publike.

Në vendim thuhet se pretendimi i subjektit bie ndesh edhe me kriteret e përcaktuara nga Gjykata Evropiane e të Drejtave të Njeriut, GjEDNj-ja dhe sillet në vëmendje çështja “Niadin kundër Rumanisë”.

Gjykata vëren se shteti nuk ka vendosur ndalime mbi punësimin e ardhshëm të kërkuesit”, citohet argumenti i GjEDNj në vendimin e KPA.

Më tej, trupi gjykues i Kolegjit vëren se nga ana e Komisionit rezulton të jenë respektuar parimet e procesit të rregullt ligjor, duke i dhënë mundësinë subjektit të rivlerësimit për të ushtruar të drejtat bazuar në parimin e kontradiktorialitetit, për t’u dëgjuar dhe për t’u mbrojtur, përpara marrjes së vendimit.

KPA lë në fuqi vendimin e KPK/ Bashkëshortja e Denar Bibës ngelet jashtë sistemit të drejtësisë për 15 vjet

LEXO TE PLOTE

Vetingu

Huatë nga prindërit “fundosin” gjyqtaren Alma Hicka

Publikuar

-

Nga

Huatë nga prindërit “fundosin” gjyqtaren Alma Hicka

Komisioni i Pavarur i Kualifikimit ka shkarkuar nga detyra gjyqatren Alma Hiçka.

KPK relatoi për së dyti mungesën e dokumentimit të të ardhurave të prindërve si dhe dyshimet për një rast të konfliktit të interesit, ndërkohë që kandidatja për Gjykatën e Lartë, Alma Hicka kërkoi konfirmimin në detyrë.

Në seancën e dytë dëgjimore të zhvilluar të mërkurën në Komisionin e Pavarur të Kualifikimit me kandiaten për Gjykatën e Lartë, Alma Hicka, u relatuan sërish mungesa të burimeve të ligjshme për krijimin e pasurive, si dhe një rast konflikti interesi gjatë kohës që ajo ushtronte detyrën e Avokates së Shtetit.

Relatorja Xhensila Pine vuri në dukje në relatim se Hicka kishte marrë tre hua nga prindërit e saj. Huaja e parë prej 250 mijë lekë ishte marrë në vitin 2003 për blerjen e një makine. E dyta në shumë 13 mijë euro ishte marrë për blerjen e një makine në vlerën 23.900 euro në vitin 2010. Huaja e tretë në shumën 4.2 milionë lekë ishte marrë në vitin 2015 për të financuar këstet e një apartamenti 90 mijë euro të blerë në Tiranë

LEXO EDHE:  “Kap ça të kapësh” praktikë ordinere”/ Nishani “zbërthen” KÇK-në e Ramës

LEXO EDHE:  Shiu përmbyti vendin/ Palokës “i mungon” Rama: Sot nuk e pamë asnjë minutë në ekran

Pine tha në të tre rastet se huatë ishin deklaruar në deklarimet periodike, por nuk ishin deklaruar në deklaratën veting. Ajo tha se për këtë i ishin kërkuar shpjegime Hickës.
Po ashtu Pine vuri në dukje se të ardhurat e dokumentuara të prindërve nuk ishin të mjaftueshme për të financuar asnjë nga këto hua.

Duke iu referuar huasë prej 4.2 milionë lekë për apartamentin, Pine tha se nga analiza financiare rezultonte se prindërit e subjektit pa llogaritur shpenzimet e jetesës kishin pasur deri në atë periudhë më pak të ardhura të ligjshme se vetë huaja./CNA.al

LEXO TE PLOTE

Vetingu

Vettingu/ KPK jep vendimin për Elisabeta Imerajn

Publikuar

-

Nga

Komisioni i Pavarurr i Kualifikimit ka konfirmuar në detyrë prokuroren e Tiranës, Elisabeta Imerajn.

Elisabeta Imeraj është drejtuese e Prokurorisë së Tiranës që prej gushtit të vitit 2018.
Ajo u komandua në atë post pas shkarkimit prej KPK-së të ish-prokurorit, Dritan Rreshka. Imeraj që më herët ka qenë prokurore pranë Prokurorisë së Krimeve të Rënda.

Trupa gjykuese e KPK-së që kreu vlerësimin për Imerajn përbëhej nga Olsi Komici kryesues, Roland Ilia relator dhe Suela Zhegu anëtare./CNA.al

LEXO TE PLOTE