Connect with Us

Fiks Fare/ “Bën shumë nxehtë”, hidhen në “kosh” 3 milionë USD për sheshin kryesor në Berat

Denoncim

Fiks Fare/ “Bën shumë nxehtë”, hidhen në “kosh” 3 milionë USD për sheshin kryesor në Berat

Publikuar

-

Fiks Fare/ “Bën shumë nxehtë”, hidhen në “kosh” 3 milionë USD për sheshin kryesor në Berat

Rilindja Urbane në Berat ka zgjatur vetëm 6 vite. Sheshi kryesor “Teodor Muzaka” po ribëhet nga e para, pasi projekti i parë ishte “shumë i nxehtë”. Emisioni investigativ “Fiks Fare” faktoi nëpërmjet dëshmive dhe dokumenteve se miliona USD janë hedhur “në kosh”, pasi gurët e vënë në vitet 2014-2016 në Berat çlironin një nxehtësi për banorët, kalimtarët apo edhe turistët

Sipas dokumenteve, projekti filloi në vitin 2014, një investim prej 3 milionë USD. Filluan punimet për pedonalen në bulevardin “Republika” dhe sheshit “Teodor Muzaka” në Berat. Sipas faqes së kryeministrisë në atë kohë, “po realizohet projekti për rikonceptimin tërësor të hapësirës publike”. Në vitin 2016, sheshi dhe pedonalja përfundoi dhe u bënë funksionale. Madje, kryeministri Edi Rama, në disa dalje publike, tha se projekti nuk është vetëm i bukur, por krijon edhe vende pune, sjell para në Berat. Por, 5 vite më pas, pjesa kryesore e këtij projekti do të ribëhet! Sërish, me një financim prej rreth 3 milionë dollarëve, do të bëhet parkimi nëntokësor dhe sheshi.

Pak ditë më parë, kryeministri Edi Rama tha se “e pata thënë pse të mos e bëjmë një parkim”. Por, u justifikua se në 2014 projekti ishte bërë.

Dokumenti i Bashkisë: Degradoi, është i nxehtë

Por, përse ky investim 3 milionë USD nuk pati jetëgjatësi?! Në dokumentet e tenderit të ri, është edhe ky dokument “RAPORTI I PERGJITHSHEM TEKNIK”. Sipas këtij dokumenti, “qëllimi i përgjithshëm i këtij projekti do të jetë rehabilitimi i sheshit ‘Teodor Muzaka” si dhe zgjidhja e parkimit. Projektuesit e Bashkisë së Beratit kanë analizuar në këtë dokument edhe gjendjen ekzistuese. Sipas tyre, gjatë studimit të gjendjes ekzistuese u evidentuan problematikat kryesore që kanë nevojë të trajtohen në këtë projekt, ku më kryesorja ishte degradimi në pjesë të ndryshme përgjatë viteve. “Degardimet janë për shkak të cilësisë së dobët të punimeve të mëparshme, ku evidentohen prishja e shtresave të tij. Sheshi gjatë ditës nuk është i frekuentuar, për shkak të nxehtësisë që ai emëton në mjedis, mungesës së gjelbërimit dhe mobilimit urban” thotë Bashkia e Beratit. Dhe, arsye sekondare është mungesa e vendeve të parkimit përreth. Pra, vetëm 5 vite më pas, do të duhen miliona euro të tjera për ta bërë funksional!

Punime të dobëta apo nevoja për parkim për privatët?

Krahas sheshit ekzistues, po rehabilitohen edhe pjesë të tjera afër bizneseve private apo edhe të lulishtes. Projektet e para të Rilindjes Urbane në Berat u realizuan në vitet 2014 – 2016. Megjithëse kishte disa oponenca sporadike se këto sheshe nuk do të ishin funksionale, sërish u realizuan. Por, vite më pas, vetë institucionet vendore e pranuan se sheshet ishin “të nxehta”. Një nga firmat fituese të projektit të parë, G.P.G Kompani, mohon që të ketë bërë punime të dobëta. “Nuk prek pjesën tonë. Ne e kemi pasur nga Turizmi në drejtim të Komisariatit” tha administratori i G.P.G Kompani, ndërsa pohoi se sheshin “Teodor Muzaka” e kishte bërë një kompani tjetër.
Por, pavarësisht se në këto tendera u shpenzuan plot 3 milionë USD, Fondi Shqiptar i Zhvillimit hapi një tjetër garë disa muaj më parë, ku akordoi 396.954.625 lekë të rinj. Fitues u shpall kompania “Agi Kons” me një vlerë prej 270.205.893. Në tender kanë marrë pjesë 19 firma ose bashkime operatorësh, ku 15 prej tyre u s’kualifikuan. Oferta më e ulët në këtë tender ka qenë 225 964 943 lekë, ofertë e cila u s’kualifikua.

LEXO EDHE:  Nga Durrësi në Berat, OFL ultimatum "të fortëve" të radhës

Sipas dokumenteve të tenderit, të cilat kanë edhe fotografi dhe skica, projekti i ri prek pjesën më të madhe të sheshit kryesor. Por, ai është zgjeruar edhe në pjesë të tjera. Madje, edhe afër dy hoteleve që po ndërtohen nga privatët.

Nënkryetari i Bashkisë: I nxehtë? Lapsus…

Fiks Fare bisedoi edhe me z.Luçiano Bojaxhiu, nënkryetar i Bashkisë së Beratit. Ai tha se projekti i parë nuk u mirëmbajt, pasi në atë shesh janë bërë evente të ndryshme. Me kalimin e viteve, pllakat e gurit janë degraduar, ndërsa ai këmbënguli se arsyeja e bërjes së një sheshi të ri ishte nevoja për parkim. Pyetjes se, në dokumente shkruhet se projekti i 2014-ës ishte shumë i nxehtë, Bojaxhiu tha se ishte lapsus, ndërsa evidentoi se aktualisht projekti do të zgjerohet. Ai tha se është e vërtetë se projekti i dytë prek të parin, por tha se “e prek vetëm 25 %”.
Gazetarët biseduan edhe me inxhinierin Sazan Guri, me origjinë nga Berati, një ndër kritikët e projektit të parë. Ai tha se projekti i parë i vitit 2014 nuk është zbatuar siç duhet. “Ndryshuan llojin e gurëve. I morën nga Mali i Tomorit, por gurët emëtonin nxehtësi deri në 10 gradë më tepër përgjatë 6 muajve me diell. U zbatua shumë keq. Shkelja e dytë është kohëzgjatja. Si ka mundësi që një projekt të zgjasë vetëm 6 vite?! Në Romë projektet janë nga 1000 apo 2000 vjeçarë. Dhe ta prishësh dhe ta ribësh nga e para” thotë Guri.

Për të rejat më të fundit behuni pjesë e grupit tonë në facebook : City News Albania

Denoncim

Denoncimi në Fiks Fare/ Dhunonte gruan dhe fëmijët, fsheh pasuritë e s’paguan pensionin ushqimor

Publikuar

-

Nga

Denoncimi në Fiks Fare/ Dhunonte gruan dhe fëmijët, fsheh pasuritë e s’paguan pensionin ushqimor

Në një intervistë për Fiks Fare, nëna e dy vajzave 7 dhe 10 vjeçe tregon se jetojnë në kushte shumë të vështira ekonomike, pasi ish bashkëshorti i cili e dhunonte sistematiksht atë dhe vajzat nuk pranon të paguajë pensionin ushqimor. Për të dyja vajzat gjykata ka vendosur që ai duhet të paguajë çdo muaj 250 mijë lekë të vjetra. Por në dy vjet e gjysmë ai nuk ka paguar asnjë gjë.

I kanë vendosur edhe sekuestro bankare, por në bankë nuk rezulton të ketë asnjë të ardhur. Nëna bëri kallëzim për mospagesën dhe gjykata i vendosi një gjobë prej 500 mijë lekësh të vjetra, por as kjo nuk e detyroi babain të paguajë detyrimin karshi vajzave të tij.

Nëna tregon se i rrihte të treja, me grushta dhe i përplaste kokën pas murit ndaj u detyrua të largohej edhe pse shtëpinë ku jetonin e ka ndëtuar me 15 mijë euro që i ka sjellë kur janë martuar. E gjendur para situatës kur ish bashkëshorti nuk deklaron të ardhurat, edhe pse është pronar i një lokali dhe shtëpie që i ka vendosur në emër të të atit ajo u detyrua të ankohet në Fiks Fare.

Ajo tregon se vet punon me rrogë minimale dhe është munduar të ushqejë vajzat e vetme, por në këto kushte e ka të pamundur.

Nëna e vajzave e ka regjistruar ish bashkëshortin në një bisedë ku ai pranon çdo gjë. I tregon se punon, por që nuk ka ndërmend t’i japë asnjë lekë asaj. Gjithashtu ai i thotë se është e vërtet që të kam rrahur, por e kam bërë gabimisht. Gjatë bisedës ai këmbngul që s’ka për t’i dhënë asnjë lekë deri sa vajzat të mbushin 18 vjeç.

Gjithashtu ai e pranon që kur u martuan bashkeshortja i dha edhe 15 mijë euro për ndërtimin e shtëpisë së tyre, por që sot nuk po e gëzon dot as ajo e as vajzat. Kjo pasi ai edhe shtëpinë edhe lokalin i ka vendosur në emër të babait të tij.

LEXO EDHE:  E rëndë në Berat/ Humbin jetën dy foshnje 5 muajshe

LEXO EDHE:  Fiks Fare/ Punishte guri mes lagjes, pronari: Banorët të vënë kufje

Bashkëpunotorja e Fiksit shkon të takojë ish bashkëshortin pranë lokalit të tij ku punon në të zezë.

Lokalin e gjen në fillim mbyllur, por banorët që janë aty e konfirmojnë që lokalin e punon vet pronari dhe për momentin nuk ndodhet. Pasi e telefonojnë ai vjen dhe pranon që e punon lokalin për dasma, vaki dhe kafe. Tregon se me situatën tani, fitimi nuk është i madh, por shtyhet. “E gjete mbyllur pasi kisha disa punë personale në qytet” pohon ai.

Lokali ndodhet në rrugë nacionale dhe shërben edhe kafe edhe guzhinë. Ai pranon që punon vetë madje ka edhe guzhiner.

Të gjitha këto biseda, vërtetojnë faktin që babai i vajzave, ish bashkëshorti dhunues nuk do që të paguajë pensionin ushqimor dhe mbi të gjitha po fsheh edhe të ardhurat edhe pasuritë që vajzat edhe ish bashkëshortja të mos përfitojnë asnjë gjë. Sipas tij kjo ishte rruga që ajo vet zgjodhi ndaj në një farë mënyrë po e penalizon, duke harruar që ato që po vuajnë janë dy vajzat e tij të mitura./tch

LEXO TE PLOTE

Denoncim

Skandali në Fiks Fare/ Ish i dënuari dhunon gruan dhe kryen veprime të turpshme në sy të fëmijëve të mitur, gjykata i lë në të njëjtën shtëpi!

Publikuar

-

Nga

Skandali në Fiks Fare/ Ish i dënuari dhunon gruan dhe kryen veprime të turpshme në sy të fëmijëve të mitur, gjykata i lë në të njëjtën shtëpi!

Bashkëshorti e dhunon fizikisht dhe psikologjikisht gjykata jep vendimin që të qëndrojnë në të njëjtën banesë. Katër urdhra mbrojtje nuk i dhanë fund torturës së nënës së 3 fëmijëve të mos dhunohej sistematikisht nga ish bashkëshorti i saj.

Edhe pse duhet të ishte një shembull i një kryefamiljari të mirë, të paktën fëmijët e tij, edhe me këta të fundit ushtron dhunë psikologjike madje shkon edhe me tej. Ai dhunon nënën në sy të tyre si dhe kryen veprime të turpshme po në prani të tre fëmijëve të mitur. Veprime të cilat janë të rënda për psikologjinë e një adulti kur përballet me to, ndërsa për fëmijët janë shokuese.

Nëna e kësaj familje të dhunuar ankohet në emisionin Fiks Fare duke rrëfyer se ajo vetë dhunohet nga bashkëshorti që prej vitit 2010 .Halli i kësaj zonje bëhet edhe më i rëndë kur nëna e tre fëmijëve ,ku 2 prej të cilëve vuajnë nga sëmundja e talasemisë rrëfen për emisionin Fiks Fare se ish bashkëshorti i saj jo vetëm dhunon atë, por kryen akte dhe veprime të turpshme në prezencë të fëmijëve.

Në një video të cilën kjo zonjë e ka vënë në dispozicion dhe të emisionit Fiks Fare duket ish bashkëshorti i saj që bën veprime të turpshme me një lodër seksi në prezencë të fëmijëve, pa lënë mënjanë fjalorin e ndyrë dhe dhunën kundrejt ish bashkëshortes.

LEXO EDHE:  Skandali në Fiks Fare/Si kalohet nafta kontrabandë nga Maqedonia në Shqipëri

LEXO EDHE:  Nga Durrësi në Berat, OFL ultimatum "të fortëve" të radhës

Të gjitha këto bëhen në sy të vajzës së mitur.Gjithashtu zonja na rrëfen se ish bashkëshorti u ka treguar fëmijëve foto të tij nudo apo foto duke kryer aktin seksual me një femër tjetër dhe të birit i thotë se duhet të bëhesh si babai.

Në fakt ky problem nuk mbaron me kaq për këtë zonjë, por bëhet akoma dhe më i rëndë kur gjykata në urdhrin e fundit të mbrojtjes jep vendimin e shkurtuar se të dhunuarit duhet të qëndrojnë në të njëjtën banesë me dhunuesin.

Fiksi disponon urdhrat e mbrojtjes dhënë nga gjykata ku në tre prej tyre përcaktohet se dhunuesi duhet të qëndroj larg banesës ndërkohë në të fundit me një vendim të shkurtuar gjykata nuk përcakton largësi të dhunuesit duke e lënë në të njëjtën banesë me të dhunuarën.

Po kjo gjykatë para disa kohësh ka vendosur që bashkëshorti dhe babai dhunues të dënohet më 6 muaj burg pikërisht për kryetrjen e vepra të turpshme./TCH

LEXO TE PLOTE

Denoncim

Skandali me tenderat për pastrimin e Tiranës/ Zbardhen dokumentet false nga Rumania

Publikuar

-

Nga

CNA.al ka publikuar pak ditë më parë skandalin me tenderat për pastrimin e Tiranës.

Në dy shkrime të ndryshme, kemi treguar se si kompania Korsel, ka paraqitur dokumente false si dhe një dosje të plotë nga Bashkia e Tiranës.

CNA.al prej gati 10 ditësh ka bërë një investigim të tillë dhe ka mundur të sigurojë të dhëna zyrtare dhe përgjigje zyrtare nga kjo drejtori në Rumani.

Sipas verifikimeve nga Drejtoria e Përgjithshme e Targave dhe Regjistrimit të Automjeteve në Rumani, rezulton që këto shasi mjetesh të paraqitura në dokumente nuk ekzistojë.

Pra e thënë ndryshe, targat e paraqitura nuk iu përkasin atyre numër shasie dhe peshave të paraqitura sërish në dokumentacionin e tenderit.

Sipas të dhënave rezulton se mjeti me targë TL04KZY është me targa false dhe numri i shashisë nuk ekziston. Në përgjigjen që është kthyer nga autoritetet rumune në datën 23.02.2021 rezulton se automjeti me targë TL04KZY dhe me numër shasie  VF630N166JD001587 në sistemin e siguracioneve  të automjeteve në shtetin Rumun, nuk ekziston.

Për mjetin me Targë TL29JTG, Nr i shasisë është i ndryshën nga ai që ka paraqitur Korsel shpk ZCFCD35A405164626 Tip Nr. IS35CI2AA EPTP20-04 dhe peshë maximale të autorizuar 3500 kg dhe peshë e mjetit bosh 2750 kg. Polica e sigurimit të mjetit me Targë TL29JTG dhe Nr. Shasie ZCFCD70A405164626 nuk ekziston. Sipas autoriteteve rumune, ky automjet nuk ka paguar as siguracionet.

Mjeti TL31JTG dhe nr i Shasisë ZCFC470B105218439, TIP IS70CI2AA EPCP20-04 dhe peshë maximale të autorizuar 7200 kg dhe peshë e mjetit bosh 3670 kg. Por nga verifikimet e kryera nga ana jonë në faqët zyrtare të internetit të shtetit rumun për regjistrimin e mjeteve, ku janë database të mjeteve që janë të regjistruar në rumani rezulton se: Mjetit me Targë TL31JTG dhe Nr. Shasie ZCFC470B105218439 nuk ekziston.

 

Po ashtu, edhe mjeti me targë TL32JTG, Nr i shasisë është i ndryshëm nga ai që ka paraqitur Korsel ZCFC435B805218437, TIP IS35CI2AA EPCP20-04 dhe peshë maximale të autorizuar 3500 kg dhe peshë e mjetit bosh 2800 kg. Polica e sigurimit të mjetit me TL32JTG dhe nr i Shasisë ZCFC470B805218437nuk ekziston.

LEXO EDHE:  Nga Durrësi në Berat, OFL ultimatum “të fortëve” të radhës

LEXO EDHE:  Skandali i rradhës nga OST/ Tenderat me 99% nuk ndalen

Drejtoria e Përgjithshme është një institucion që i ka të dhënat publike dhe aty mund të aplikosh dhe i verifikon lehtësisht këto targa dhe këto numra shasie se ccfarë siguracione kanë, çfarë shërbime kryejnë dhe janë apo jo të rregullta.

Gjithashtu pas verifikimit të këtyre 4 mjeteve dhe faktit se këto targa nuk korespondojne me ato shasi që duket të jenë false, së bashku me peshat specifike të mjeteve, edhe siguracionet e tyre rrjedhimisht janë dokumenta qëllimisht të falsifikuara për të përmbushur kriteret e tenderit.

Në këto kushte, jemi përballë një super skandali, ku subjekti garues Korsel, në pronësi të një kandidati të mundshëm të socialistëve në Korçë, ka hyrë në garë dhe është kualifikuar me dokumente false, tashmë të verifikuara pranë autoriteteve rumune të rregjistrimit të mjeteve.

Prokuroria dhe SPAK janë përballë një skandali, falsifikim dokumentesh për pjesëmarrje në tender. Gjithashtu Agjensia e Prokurimit Publik kanë përballë faktet sesi subjektet abuzojnë me tendera miliona euro nga taksat e shqiptarëve./CNA.al

Skandali/ Firma me dokumenta false në garë për pastrimin e Tiranës

Zbulohen dokumentet false/ Thellohet skandali i tenderave për pastrimin e Tiranës

LEXO TE PLOTE