Connect with Us

Zvarriti hetimet dhe nuk u ndëshkua/ Skandali i prokurorit në filtrat e Vettingut

Vetingu

Zvarriti hetimet dhe nuk u ndëshkua/ Skandali i prokurorit në filtrat e Vettingut

Publikuar

-

Në Dhjetor të vitit 2020, prokurori Neritan Hoxha është vënë nën hetim nga Vettingu.

Prokurori Hoxha të gjithë karrierën e ka të përqëndruar në Prokurorinë e Elbasanit dhe është është shqetësuar për Vettingun që në vitin 2017, kur ka zvarritur hetimet për një çështje.

Bëhet fjalë për humbjen e jetës së një punëtori, gjatë një aksidenti në punë dhe që zvarritja nga Prokuroria u denoncua nga emisioni investigativ “Fiks Fare”. Në tetor të vitit 2016, prokurori Hoxha ka fajësuar policinë dhe OPGJ-në që sipas tij, kishin shkuar të parët në vendngjarje, ndërsa niveli i punës së tyre linte shumë për të dëshiruar.

Hoxha ka thënë se i është dashur t’i rikthehej edhe njëherë hetimit nga e para dhe se së shpejti çështjen do ta dërgonte në Gjykatë.
Sipas “Fiks Fare”, një gjë e tillë nuk ka ndodhur dhe në Shkurt të vitit 2017, kur prokurori Hoxha është për zvarritjen e çështjes, ka nxjerrë si pretekst Vettingun.

“Unë tani kam dhënë pëlqimin për tu larguar nga kjo çështje, që të jem në rregull me të dyja palët”, ka thënë prokurori.
I pyetur se përse kaq vonë, ai ka thënë se kanë qenë të zënë me deklarimet, me Vettingun dhe me shumë çështje që kanë në duar.

Në fakt, ky është një skandal i mirëfilltë dhe Vettingu, pikërisht këto skandale kalon në filtra. Ai ka vijuar punën njësoj sikur mos të ketë ndodhur asgjë, pa i hyrë gjemb në këmbë.

Në lidhje me pasurinë, të ardhurat e prokurorit Neritan Hoxha, burojnë nga paga e tij dhe e bashkëjetueses si dhe nga patundshmëritë e dhënë ma qira.

Më poshtë po sjellim të detajuar pasurinë e deklaruar nga prokurori Neritan Hoxha.

Viti 2004
Truall me sip 300 m2si dhe 100 m2 shtëpi banimi në Tiranë, ndërtuar në vitin 1984, me vlerë 1 800 000 lekë.
Depozitë bankare 3 000 dollarë
Depozitë bankare 2 000 dollarë.
Depozitë bankare, 200 000 lekë.
Të ardhura nga Shkolla e Magjistraturës, 764 000 lekë.
Të ardhura të subjektit deklarues si prokuror në Elbasan, 184 000 lekë.

Viti 2005
Depozitë bankare 500 dollarë.
Depozitë bankare, 200 000 lekë.
Depozitë bankare, 100 000 lekë.
Të ardhura të subjektit deklarues si prokuror në Elbasan, 1 017 582 lekë.

Viti 2006
Autoveturë Ford Fiesta, 500 000 lekë.
Të ardhura të subjektit deklarues si prokuror në Elbasan, 1 051 700 lekë.

Viti 2007
Tërhequr 627 000 lekë.
Të ardhura të subjektit deklarues si prokuror në Elbasan, 980 856 lekë.
Konratë sipërmarrje për ndërtimin e një shtëpie banimi me sip 85 m2 me vlerë 27 000 euro. Pa shlyer 20 120 euro.

Viti 2008
Tërheqje nga depozita bankare, 2 200 dollarë.
Depozitë bankare 500 dollarë.
Kredi për blerje ap, 20 000 euro.
Të ardhura të subjektit deklarues si prokuror në Elbasan, 825 700 lekë.
Të ardhura nga interesat bankare, 200 dollarë.

Viti 2009
Tërhequr nga depozita bankare 5 526 dollarë.
Tërhequr nga depozita bankare 980 dollarë.
Të ardhura të subjektit deklarues si prokuror në Elbasan, 1 078 149 lekë.
Kredi për blerje ap, 20 000 euro. Vijon.
Kredi marrë me familjesn në vlerën 3 100 000 lekë.

Viti 2010
Tërhequr nga depozita bankare 100 000 lekë.
Të ardhura të subjektit deklarues si prokuror në Elbasan, 1 101 158 lekë.
Kredi për blerje ap, 20 000 euro. Vijon.
Hua nga vëllai, 100 000 lekë.

Viti 2011
Shitur automjeti Ford me vlerë 350 000 lekë.
Gjendje në shtëpi 500 000 lekë.
Të ardhura të subjektit deklarues si prokuror në Elbasan, 1 101 849 lekë.
Të ardhura nga dhënia me qira e shtëpisë, 150 000 lekë.
Kredi për blerje ap, 20 000 euro. Pa shlyer 16 340 euro.

Viti 2012
Blerë automjet Benz me vlerë 500 000 lekë.
Gjendje në shtëpi 100 000 lekë.
Të ardhura të subjektit deklarues si prokuror në Elbasan, 1 165 233 lekë.
Kredi për blerje ap, 20 000 euro. Vijon.

LEXO EDHE:  "Rama do të qërohet nga ky vend"/ Ish deputeti demokrat, s'përmbahet më

Viti 2013
Blerë 2 000 m2 tokë bujqësore në Elbasan, me katër persona të tjerë, me vlerë 115 150 lekë.
Gjendje në shtëpi 150 000 lekë.
Të ardhura të subjektit deklarues si prokuror në Elbasan, 1 139 630 lekë.
Të ardhura nga dëmshpërblimi nga një kompani sigurimesh, 80 000 lekë.
Kredi për blerje ap, 20 000 euro. Pa shlyer 14 036 euro.

Viti 2014
Blerë 50 m2 tokë bujqësore në Elbasan me vlerë 13 150 lekë.
Gjendje kesh në shtëpi 450 000 lekë.
Të ardhura të subjektit deklarues si prokuror në Elbasan, 1 177 427 lekë.
Të ardhura të bashkëjetueses si specialiste marketingu, 549 938 lekë.
Pasuria e deklaruar nga bashkëjetuesja
Blerë shtëpi banimi 1+1 me sip 74.29 m2 në Elbasan me vlerë 2 430 713 lekë dhe shitur 4 500 000 lekë.
Blerë automejti Ford me vlerë 350 000 lekë.
Depozitë bankare në shumat, 470 000 lekë, 100 000 lekë, 126 013 lekë, 333 240 lekë, 210 260 lekë dhe 4 500 000 lekë.

Viti 2015
Shitur ap në Qesarake, Tiranë me vlerë 24 000 euro.
Gjendje kesh në shtëpi 650 000 lekë.
Të ardhura të subjektit deklarues si prokuror në Elbasan, 1 165 632 lekë.
Të ardhura të bashkëjetueses si specialiste marketingu, 517 812 lekë.
Kredi për blerje ap, 20 000 euro. Pa shlyer 11 405 63 euro.
Overdraft 190 000 lekë.
Kartë krediti me limit 100 000 lekë.
Pasuria e bashkëjetueses
Blerë shtëpi banimi 60 m2 në Tiranë, me vlerë 6 420 000 lekë.
Tërhequr dhe mbyllur depozitat bankare me vlerë,126 193 lekë dhe 341 738 lekë.
Depozita bankare në shumat,467 500 lekë dhe 500 000 lekë.
Tërhequr dhe mbyllur depozitat bankare në shumat 214 549 lekë dhe 204 000 lekë.
Depozitë bankare me vlerë 418 000 lekë.
Tërhequr dhe mbyllur depozitat bankare me vlerat 4 500 000 lekë dhe 102 543 lekë
Shlyer huaja xhaxhait për blerjen e shtëpisë nga babai, 500 000 lekë.

Viti 2016
Blerë automjet Opel Astra me vlerë 350 000 lekë.
Gjendje kesh në banesë 500 000 lekë.
Të ardhura të subjektit deklarues si prokuror në Elbasan, 1 191 395 lekë.
Të ardhura të bashkëjetueses si specialiste marketingu, 530 112 lekë.
Të ardhura nga qiraja e ap në Tiranë, 45 000 lekë.
Kredi për blerje ap, 20 000 euro. Pa shlyer 10 004 30 euro.
Overdraft 190 000 lekë.

Viti 2017
Rivlerësuar pasuria në Tiranë për një truall 300 m2 dhe një shtëpi banimi 100 m2 nga 1 800 000 në 1998, bërë 7 673 900 lekë.
Gjendje kesh në banesë 800 000 lekë.
Të ardhura të subjektit deklarues si prokuror në Elbasan, 1 301 266 lekë.
Të ardhura të bashkëjetueses si jurist tek Biblioteka Kombetare, 87 603 lekë.
Të ardhura të bashkëjetueses si notere, 912 646 lekë.
Të ardhura nga qiraja e ap në Tiranë, 180 000 lekë.
Kredi për blerje ap, 20 000 euro. Pa shlyer 8 545 62 euro.
Overdraft 190 000 lekë.
Kredi për blerje tv, 62 989 5 lekë.

Viti 2018
Shitur automjeti Mercedez Benz, 330 000 lekë.
Shitur automjet Opel Astra, 300 000 lekë.
Blerë automjet Benz Mercedez me vlerë 400 000 lekë.
Blerë automjet Opel Astra me vlerë 320 000 lekë.
Gjendje kesh në banesë 1 500 000 lekë.
Të ardhura të subjektit deklarues si prokuror në Elbasan, 1 311 888 lekë.
Të ardhura të bashkëjetueses si notere, 1 384 916 lekë.
Kredi për blerje ap, 20 000 euro. Pa shlyer 6 907 98 euro.
Overdraft 190 000 lekë.
Kredi për blerje tv, 62 989 5 lekë. Pa shlyer 31 919 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Mbeti jashtë sistemit të drejtësisë për 15 vjet/ KPA “rrëzoi” bashkëshorten e Denar Bibës

Publikuar

-

Nga

Mbeti jashtë sistemit të drejtësisë për 15 vjet/ KPA "rrëzon" bashkëshorten e Denar Bibës

Nga Edmond Hoxhaj*

Kolegji i Posaçëm i Apelimit, KPA i ka rrëzuar si të pabazuar pretendimet e ish-këshilltares ligjore pranë Gjykatës së Lartë, Elona Kana, për të cilën Komisioni vendosi më 3 shkurt 2020 të ndërpresë procesin e rivlerësimit dhe i hoqi të drejtën për t’u emëruar në institucionet e drejtësisë për një periudhë 15-vjeçare.

Kana pretendonte në ankim se ishte larguar nga Shkolla e Magjistraturës dhe nuk kishte dhënë dorëheqje sipas nenit G të Kushtetutës. Sipas saj për këtë rast kishte boshllëk ligjorë dhe KPK nuk do duhej të dilte me vendim.

Trupi gjykues i KPA, i kryesuar nga Ina Rama, me relatore Rezarta Schuetz dhe anëtarë Albana Shtylla, Natasha Mulaj dhe Ardian Hajdari, i kujton Kanës në vendimin e zbardhur se vendi në Shkollën e Magjistraturës e kishte marrë si këshilltare ligjore e Gjykatës së Lartë.

Përkundër pretendimit të saj se kishte boshllëk, ishte parashikuar shprehimisht në ligj se për këshilltarët që nuk e kalonin procesin, ndërpritej edhe mundësia e vijimit të Shkollës së Magjistraturës.

Elona Kana, në momentin e hyrjes në fuqi të ligjit për rivlerësimin e gjyqtarëve dhe prokurorëve ka ushtruar detyrën e këshilltares ligjore në Gjykatën e Lartë.

Në maj të 2018-ës, ajo iu nënshtrua testimit për vlerësimin e aftësive profesionale për subjektet e rivlerësimit ex officio, të zhvilluar nga Shkolla e Magjistraturës. Pas kalimit me sukses të testimit, Kana zgjodhi të ndjekë programin e formimit fillestar në Shkollën e Magjistraturës, në profilin “gjyqtar”.

Pasi Komisioni i Pavarur i Kualifikimit, KPK vendosi përfundimin e hetimit administrativ për të tria kriteret e vlerësimit për Kanën, e ftoi atë në seancë dëgjimore.

Në seancën dëgjimore të zhvilluar më 2 tetor 2019, Elona Kana kërkoi përjashtimin e relatores së çështjes, Xhensila Pine, kërkesë që u rrëzua si e pabazuar në ligj e prova nga një trupë tjetër gjyqësore e KPK.

Kana ngriti dyshime për ndikim politik të Pines në qëndrimin ndaj saj, duke u shprehur se relatorja e çështjes ishte zgjedhur nga Partia Demokratike. Ajo e lidhi ndikimin politik me funksionin e bashkëshortit të saj, Denar Biba si nënkryetar i Komisionit Qendror të Zgjedhjeve. Gjithashtu, Kana e mbështeti kërkesën edhe me ndjesinë e saj se nuk ishin marrë parasysh provat dhe dokumentet e dorëzuara në lidhje me udhëtimet e punës, si dhe të ardhurat.

Pak ditë pas seancës dëgjimore, subjekti i rivlerësimit i paraqiti Këshillit Drejtues dhe Drejtorit të Shkollës së Magjistraturës dorëheqjen me shkrim nga vazhdimi i mëtejshëm i procesit akademik, duke vënë në dijeni edhe Komisionin për këtë veprim të sajin.

KPK riçeli hetimin për verifikimin e dorëheqjes duke e thirrur sërish Kanën në seancë dëgjimore më 30 janar 2020, për t’u dëgjuar. Pasi subjekti zgjodhi të mos ishte e pranishme, Komisioni e zhvilloi seancën dëgjimore në mungesë të saj dhe vendosi të ndërpresë procesin e rivlerësimit kalimtar dhe t’i heqi të drejtën për emërimin e saj në pozicione të caktuara në institucionet e drejtësisë për një periudhë 15-vjeçare.

Në ankim, Kana pretendon se vendimi i Komisionit është i paligjshëm dhe i paarsyetuar dhe se vjen në kundërshtim me parimet e përgjithshme të të drejtave dhe lirive të parashikuara nga Kushtetuta dhe nga KEDNj-ja.

Ajo e konsideron të gabuar zbatimin në rastin e saj, të pikës 2 të nenit G të Aneksit të Kushtetutës, që parashikon sanksionin për ndalimin e emërimit në sistemin e drejtësisë për një periudhë 15-vjeçare, kur subjekti i rivlerësimit dorëhiqet.

Subjekti i rivlerësimit, pretendon se Komisioni gjendej përpara një boshllëku ligjor dhe se ishte në pamundësi për të dhënë vendim përfundimtar, pasi në momentin e dorëheqjes, ajo ka qenë studente e Shkollës së Magjistraturës dhe nuk gëzonte asnjë status tjetër në kuptim të legjislacionit.

Kana argumenton se nuk ka dhënë dorëheqjen nga detyra e ndihmëses ligjore në Gjykatën e Lartë në kuptim të nenit G të Aneksit të Kushtetutës, ku parashikohet sanksioni që i heq subjektit të rivlerësimit të drejtën e emërimit në institucionet e drejtësisë. Ajo thekson se është larguar nga detyra në zbatim të nenit 165 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, ku parashikohen dispozitat kalimtare për ndihmësit ligjorë.

Kana pretendon se, në rastin e saj, as Kushtetuta dhe as legjislacioni nuk ka parashikuar se çfarë vendimi do të duhet të marrin institucionet e rivlerësimit për ndihmësit ligjorë të Gjykatës së Lartë, apo për subjekte të tjera që vazhdojnë Shkollën e Magjistraturës, kur dorëheqjen nga detyra për shkak të së cilës u bënë subjekte rivlerësimit. Sipas saj, Komisioni e kishte të pamundur për të dhënë vendim pasi ajo nuk gëzonte asnjë status pas dorëheqjes së dhënë.

Pasi analizon procedurën e ndjekur në Komsion për rivlerësimin e Kanës, Kolegji sjell në vëmendje se ndihmësit ligjorë të Gjykatës së Lartë përfshihen në kategorinë e subjekteve që i nënshtrohen procesit të rivlerësimit ex officio, në vijim të parashikimeve kushtetutese dhe ligjore, ashtu si gjyqtarët dhe prokurorët.

LEXO EDHE:  “Shqipëria mes tre vendeve më të goditura nga Covidi”/ Dasho: S’ka përfunduar ende vaksinimi i gripit stinor

LEXO EDHE:  “CityNews.al”, tani “CNA.al”/ Ndryshojmë imazhin por jo përmbajtjen

Në mënyrë të shprehur, ligjvënësi i ka kategorizuar ndihmësit ligjorë të Gjykatës së Lartë si subjekte të rivlerësimit”, vëren Kolegji.

Trupi gjykues i KPA, argumenton se subjektet e rivlerësimit ex officio, ndër të cilat edhe Kana, përfituan lehtësira ligjore për të ndjekur programin e trajnimit dyvjeçar në Shkollën e Magjistraturës.

Ndryshe nga procedura e zakonshme e programit trevjeçar që ndjek Shkolla e Magjistraturës për studentët që vijnë nga jashtë sistemit, për këshilltarët dhe ndihmësit ligjorë është përcaktuar të jetë dy vjet. Këto subjekte rivlerësimi, nuk përfitojnë bursë sikurse ndodh në rekrutimet e zakonshme, por marrin pagë barabartë me atë të pozicionit të tyre respektiv.

Ligji nr. 96/2016, në nenin 165 nuk parashikon humbjen e cilësisë së subjektit të rivlerësimit ex officio për shkak të ndjekjes së programit të formimit profesional në Shkollën e Magjistraturës, përkundrazi. Gjuha dhe fryma e dispozitave që rregullojnë procesin e rivlerësimit, dhe sidomos neni 165, pika 8 e ligjit nr. 96/2016, përcaktojnë që moskalimi me sukses i procesit të rivlerësimit përbën shkak për ndërprerjen e programit akademik në Shkollën e Magjistraturës”, evidentohet në vendim.

Trupi gjykues vëren se, përkundër nga çfarë pretendon Kana, gjatë procesit të rivlerësimit nuk ka paraqitur në asnjë moment kërkesë ku të parashtrojë pretendimin se nuk duhej t’i nënshtrohej procesit të rivlerësimit, pasi nuk përfshihej më në kategorinë e subjekteve të rivlerësimit duke qenë se ishte studente pranë Shkollës së Magjistraturës.

Kolegji konstaton se akti i dorëheqjes nga Kana para vitit të dytë të programit të formimit fillestar në Shkollën e Magjistraturës ka ndodhur pas ndërprerjes së seancës dëgjimore, që është një fazë që i paraprin marrjes së vendimit nga ana e Komisionit.

Në rast se këto subjekte vendosin të mos i nënshtrohen këtij procesi, atëherë ata përjashtohen nga mundësia e emërimit në disa prej organeve të drejtësisë, për një periudhë 15-vjeçare, sipas përcaktimeve në pikën 2 të nenit G të Aneksit të Kushtetutës”, konstaton Kolegji.

KPA e quan të pabazuar edhe pretendimin tjetër të Kanës se, ndalimi për 15 vite cënon të drejtën kushtetuese për punë, si dhe është në kundërshtim me parimin e proporcionalitetit pasi KPK ka vendosur masë penalizuese të njëtrajtshme për cilindo subjekt kur ndërpritet procesi i rivlerësimit, pa marrë parasysh specifikat rast pas rasti.

Kana ankohet edhe mbi formulimin e nenit G të Aneksit të Kushtetutës, duke pretenduar se bie ndesh me parimet e shtetit të së drejtës pasi parashikon një dënim fiks, shumë herë më të rëndë se dënimi penal dhe se në mënyrë jo proporcionale vendos trajtim të barabartë për subjekte krejtësisht të pabarabarta.

Kolegji thekson se kushtetutshmëria e parimeve mbi të cilat është bazuar procesi i rivlerësimit, nuk është objekt diskutimi i kësaj çështjeje. Në vijim, duke ju referuar edhe jurisprudencës së Gjykatës Kushtetuese, trupi gjykues vlerëson se parashikimi i nenit G të Aneksit të Kushtetutës është i qartë në frymën dhe gjuhën e tij, ku parashikohet se dhënia e dorëheqjes sjell ndërprerjen e procesit të rivlerësimit dhe sanksionon ndalimin prej 15 vitesh për të kryer detyra të caktuara në sistemin e drejtësisë.

Trupi gjykues i KPA vëren se në dritën e qëllimit për të cilin është ngritur sistemi i rivlerësimit, ndalimi i ushtrimit të detyrave në sistemin e drejtësisë për 15 vjet, nuk është disproporcional, për sa kohë shteti legjitimohet të sanksionojë ndalime të caktuara në fusha të caktuara të funksioneve publike.

Në vendim thuhet se pretendimi i subjektit bie ndesh edhe me kriteret e përcaktuara nga Gjykata Evropiane e të Drejtave të Njeriut, GjEDNj-ja dhe sillet në vëmendje çështja “Niadin kundër Rumanisë”.

Gjykata vëren se shteti nuk ka vendosur ndalime mbi punësimin e ardhshëm të kërkuesit”, citohet argumenti i GjEDNj në vendimin e KPA.

Më tej, trupi gjykues i Kolegjit vëren se nga ana e Komisionit rezulton të jenë respektuar parimet e procesit të rregullt ligjor, duke i dhënë mundësinë subjektit të rivlerësimit për të ushtruar të drejtat bazuar në parimin e kontradiktorialitetit, për t’u dëgjuar dhe për t’u mbrojtur, përpara marrjes së vendimit.

KPA lë në fuqi vendimin e KPK/ Bashkëshortja e Denar Bibës ngelet jashtë sistemit të drejtësisë për 15 vjet

LEXO TE PLOTE

Vetingu

Huatë nga prindërit “fundosin” gjyqtaren Alma Hicka

Publikuar

-

Nga

Huatë nga prindërit “fundosin” gjyqtaren Alma Hicka

Komisioni i Pavarur i Kualifikimit ka shkarkuar nga detyra gjyqatren Alma Hiçka.

KPK relatoi për së dyti mungesën e dokumentimit të të ardhurave të prindërve si dhe dyshimet për një rast të konfliktit të interesit, ndërkohë që kandidatja për Gjykatën e Lartë, Alma Hicka kërkoi konfirmimin në detyrë.

Në seancën e dytë dëgjimore të zhvilluar të mërkurën në Komisionin e Pavarur të Kualifikimit me kandiaten për Gjykatën e Lartë, Alma Hicka, u relatuan sërish mungesa të burimeve të ligjshme për krijimin e pasurive, si dhe një rast konflikti interesi gjatë kohës që ajo ushtronte detyrën e Avokates së Shtetit.

Relatorja Xhensila Pine vuri në dukje në relatim se Hicka kishte marrë tre hua nga prindërit e saj. Huaja e parë prej 250 mijë lekë ishte marrë në vitin 2003 për blerjen e një makine. E dyta në shumë 13 mijë euro ishte marrë për blerjen e një makine në vlerën 23.900 euro në vitin 2010. Huaja e tretë në shumën 4.2 milionë lekë ishte marrë në vitin 2015 për të financuar këstet e një apartamenti 90 mijë euro të blerë në Tiranë

LEXO EDHE:  “Rama do të qërohet nga ky vend”/ Ish deputeti demokrat, s’përmbahet më

LEXO EDHE:  U denoncua për mitmarrje dhe fshehje të vilave/ Prokurori me llogari bankare në Angli dhe USA

Pine tha në të tre rastet se huatë ishin deklaruar në deklarimet periodike, por nuk ishin deklaruar në deklaratën veting. Ajo tha se për këtë i ishin kërkuar shpjegime Hickës.
Po ashtu Pine vuri në dukje se të ardhurat e dokumentuara të prindërve nuk ishin të mjaftueshme për të financuar asnjë nga këto hua.

Duke iu referuar huasë prej 4.2 milionë lekë për apartamentin, Pine tha se nga analiza financiare rezultonte se prindërit e subjektit pa llogaritur shpenzimet e jetesës kishin pasur deri në atë periudhë më pak të ardhura të ligjshme se vetë huaja./CNA.al

LEXO TE PLOTE

Vetingu

Vettingu/ KPK jep vendimin për Elisabeta Imerajn

Publikuar

-

Nga

Komisioni i Pavarurr i Kualifikimit ka konfirmuar në detyrë prokuroren e Tiranës, Elisabeta Imerajn.

Elisabeta Imeraj është drejtuese e Prokurorisë së Tiranës që prej gushtit të vitit 2018.
Ajo u komandua në atë post pas shkarkimit prej KPK-së të ish-prokurorit, Dritan Rreshka. Imeraj që më herët ka qenë prokurore pranë Prokurorisë së Krimeve të Rënda.

Trupa gjykuese e KPK-së që kreu vlerësimin për Imerajn përbëhej nga Olsi Komici kryesues, Roland Ilia relator dhe Suela Zhegu anëtare./CNA.al

LEXO TE PLOTE
Lajme të Rekomanduara: