BundesLiga
Hap i madh për Çepelen, ja me cilin ekip është bashkuar së fundmi
Ramen Çepele është një prej futbollistëve të rinj të cilët kanë treguar se mund të djegin etapat në karrierën e tyre që në moshë të re. Debutimi i tij me përfaqësuesen A të Shqipërisë ishte vetëm hapi i parë i mbrojtësit 17-vjeçar pasi duket se shumë shpejt ai do ta bëjë një gjë të tillë edhe me skuadrën e Hanover.
Futbollisti iu bashkua klubit gjerman gjatë verës, me qëllimin që të kalonte si fillim te skuadra e të rinjve dhe ekipi i dytë, në kategoritë e ulëta. Por në klubin gjerman kanë kuptuar cilësitë e jashtëzakonshme të Çepeles dhe ashtu siç pritej, nuk ka vonuar shumë që ai t’i bashkohet skuadrës së parë.
Që nga dita e sotme, mbrojtësi i cili vendosi rekordin me debutimin e tij në radhët e përfaqësueses shqiptare, është bërë pjesë e ekipit të parë, duke dale në stërvitje me profesionistët, një vendim i klubit që ka parë cilëistë e lojtarit dhe për të ndihmuar në rritjen e tij, ka menduar që ai të jetë në dispozicion të skuadrës së pare të Hanover.
Në një periudhë kur kalendari i ngjeshur dhe COVID kanë detyruar klubet të bëjnë rotacion, nuk është aspak çudi që së shpejti Çepele të bëjë edhe debutimin e tij në kampionatin gjerman, ku aktivizimi i lojtarëve që në moshë të re nuk është një gjë e pazakonte edhe te skuadrat elitare të Bundesligës.
BundesLiga
Klubi i Bundesligës në rënie të lirë, shkarkohet trajneri dhe zyrtarët, pjesë edhe futbollisti shqiptar
Schalke 04 humbi dje 5-1 me Stuttgart. Menjëherë pas ndeshjes, drejtuesit më të lartë të klubit kanë vendosur shkarkimin e trajnerit dhe disa zyrtarëve të tjerë. Në muajt e fundit, klubi nga Gelsenkirchen ka vetëm një fitore, teksa është rrugës për në Bundesliga 2.
Kriza financiare ka bërë që drejtuesit të shihnin të ardhmen te elementët pas shumë kosto, teksa në janar u afrua edhe mbrojtësi i Kombëtares gjermane, shqiptari Shkodran Mustafi.
Duket se skuadra ka vijuar të mos bëjë kthesën, me Kicker që bën me dije se bordi ka shkarkuar menjëherë dje në mbrëmje trajnerin Christian Gross, drejtorin sportiv Jochen Schneider, përgatitësin atletik Werner Leuthard dhe koordinatorin e skuadrës, Sascha Riether.
BundesLiga
E bujshme/ Bayerni i Mynihut gati të rrëmbejë Haland
Lotar Mateus është i bindur se e ardhmja e Erling Halandit do të jetë te Bajerni i Mynihut. Sipas lojtarit rekordmen të kombëtares gjermane, nëse sulmuesi do të luajë deri në fund të kontratës së tij me Borusian, atëherë Bajerni do të jetë skuadra pasardhëse.
“Nëse Haland qëndron edhe një sezon në Bundesligë, bavarezët do të bëjnë gjithçka për ta pasur atë në skuadër. Ai është pa dyshim lojtari më i denjë për të zëvendësuar Robert Levandovskin në sulm.
Me Halandin, Bajerni do të siguronte një nga lojtarët më premtues në dekadën e fundit. Të shohim se si do të rrjedhin gjërat në muajt e ardhshëm. Haland në Mynih është diçka që më ka tunduar prej kohësh”, tha Lotar Mateus.
BundesLiga
Rebelohen te skuadra e Bundesligës, kërkojnë shkarkimin e trajnerit se… i ngatërron emrat lojtarëve
Shkale 04 po prek fundin në Bundesligë. Klubi i njohur nga Gelserkirshen mbart me vete histori dhe traditë në futbollin gjerman, por vetëm kaq nuk mjafton për të marrë rezultatet në fushën e lojës. Si për të mos mjaftuar kriza e thellë e rezultateve, situatën e rëndon edhe më tepër gjendja në dhomat e zhveshjes.
Sipas asaj që raportohet në mediat në Gjermani, një rebelim duket se po ndodh brenda klubit. Janë vetë futbollistët që janë ngritur kundër trajnerit të tyre dhe anëtarëve të tjerë të stafit të tij. Arsyeja përse e kanë shpallur të padëshiruar Kristian Gros është fakti se ky i fundit ngatërron emrat e lojtarëve me ata kundërshtar, si dhe përdor një gjuhë jo të përshtatshme në komunikim.
Megjithatë drejtuesit kanë pranuar për “Sky Sport“ në Gjermani se nuk do të bëjnë ndryshime në pankinë. Një vendim disi i pritur ky, teksa në situatën në të cilën ndodhet Shalke 04 vështirë të gjendet një zëvendësues për stolin e trajnerit.
Lajme të Rekomanduara:
Rebelohen te skuadra e Bundesligës, kërkojnë shkarkimin e trajnerit se… i ngatërron emrat lojtarëve
Shkale 04 po prek fundin në Bundesligë. Klubi i njohur nga Gelserkirshen mbart me vete histori dhe traditë në futbollin gjerman, por vetëm kaq nuk...
ZYRTARE/ Talenti shqiptar, nënshkruan kontratë profesioniste me Leipzigun
Talenti i ri i futbollit, Mehmet Ibrahimi, ka nënshkruar kontratë profesionale me klubin e Red Bull Leipzigut. Kjo është bërë e ditur nga klubi gjerman,...
