Connect with Us

I ndëshkuar disa herë nga KLD/ Bëmat e një gjyqtari që fsheh vlerën e pasurisë

Vetingu

I ndëshkuar disa herë nga KLD/ Bëmat e një gjyqtari që fsheh vlerën e pasurisë

Publikuar

-

Gjyqtari i Elbasanit Bujar Musta, është një ndër gjyqtarët më të përfolur në media.

Në vitin 201, gjyqtari Musta, ka paditur Këshillin e Lartë të Drejtësisë, me argumentin se nuk e ka vlerësuar me notën e duhur për aftësitë profesionale.

KLD e kishte vlerësuar me “Mirë”, punën profesionale të gjyqtarit Bujar Musta. Ky i fundit kërkonte të vlerësohej me notën “Shumë mirë”, por në fakt dëshira e tij ishte hedhur poshtë nga KLD. Gjykata ka vendosur të lërë në fuqi, vlerësimin e KLD-së me notën “Mirë”.

Kujtojmë se KLD, më tej në vitin 2015 ka vendosur masën vërejtje me paralajmërim për gjyqtarin Bujar Musta. Gjyqtari në fjalë është lakuar në media, jo vetëm për denoncimet që qytetarët kanë bërë ndaj tij, por edhe për një veprim të çuditshëm, të ndërmarrë prej tij.

Me datë 09/10/2015, gjyqtari Musta sapo ka çelur seancën gjyqësore me palë trashëgimtarët e Aqif Pashë Elbasanit, e ka mbyllur atë.
Ai e ka shtyrë seancën gjyqësore me arsyetimin se do të zhvillohej ndeshja Shqipëri-Serbi.

“Me qenë se sot është ndeshja Shqipëri-Serbi dhe rrugët kryesore dytësore të qytetit janë të bllokuara, gjykata vendosi të ndërpresë seancën dhe të caktojë seancën e re me dt 06/11/2015, ora 10:00”, është shprehur gjyqtari Bujar Musta në seancën gjyqësore të datës 8 tetor 2015.

Ngjarje kjo që ka gjetur pasqyrim në pjesën më të madhe të mediave. Që nga Nëntori i viti 2019, gjyqtari Bujar Musta është nën hetim nga Vettingu dhe përveç se për bëmat në aspektin professional ai do të kalojë në filtër edhe për pasurinë.

Sipas të dhënave të ILDKPKI-së, gjyqtari Bujar nuk e deklaron vlerën pasurive që blen. Në vitin 2010, ai ka blerë një shtëpi dhe një makinë, por nuk e deklaron çmimin e tyre.

Për më tepër po sjellim pasurinë e deklaruar nga gjyqtari Bujar Musta.

Viti 2003
Depozitë me afat 1 milion lekë.
Të ardhura të subjektit deklarues si gjyqtar në Elbasan, 0, 691 milion lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 0, 208 milion lekë.

Viti 2004
Të ardhura të subjektit deklarues si gjyqtar në Elbasan, 937 858 lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 230 520 lekë.
Pensioni i nënës, 88 864 lekë.

Viti 2005
Gjendje në llogarinë rrjedhëse, 890 625 lekë.
Të ardhura të subjektit deklarues si gjyqtar në Elbasan, 844 365 lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 266 060 lekë.
Pensioni i nënës, 87 259 lekë.

Viti 2006
Shtesë likuiditeti, 2 283 641 lekë.
Gjendje në bankë, 317 107 lekë.
Të ardhura të subjektit deklarues si gjyqtar në Elbasan, 998 711 lekë dhe nga ZABGJ, 29 314 lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 295 830 lekë.
Pensioni i nënës, 96 540 lekë.

Viti 2007
Pakësim likuiditeti -2 388 044 lekë.
Llogari rrjedhëse 464 lekë.
Të ardhura të subjektit deklarues si gjyqtar në Elbasan, 1 010 679 lekë dhe, ZABGJ, 48 857 lekë dhe nga Shkolla e Magjistraturës, 170 USD.
Të ardhura të bashkëshortes nga Qendra Ekonomike e Arsimit, Bashkia, Elbasan, 401 300 lekë.
Pensioni i nënës, 122 460 lekë.

Viti 2008
Pakësim likuiditeti 2 353 225 lekë.
Llogari rrjedhëse, 471 lekë.
Të ardhura të subjektit deklarues si gjyqtar në Elbasan, 854 409 lekë dhe nga Federata Shqiptare e Futbollit, 40 500 lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 510 456 lekë.
Pensioni i nënës, 58 460 lekë.

LEXO EDHE:  “Kam më shumë besim te Haga se teknikët shqiptarë”/ Pashaj për detin: Është problem Gjiri i Sarandës

Viti 2009
Shtesë likuditeti 2 399 685 lekë.
Llogari rrjedhëse, 814 lekë.

Të ardhura të subjektit deklarues si gjyqtar në Elbasan, 1 026 395 lekë dhe nga Federata Shqiptare e Futbollit, 85 500 lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 291 025 lekë.
Pensioni i nënës, 142 868 lekë.

Viti 2010
Pakësim likuiditeti, 526 340 lekë.
Llogari rrjedhëse, 370 lekë.
Blerë banesë me sip 121 m2, nuk e thotë çmimin.
Blerë autoveturë, Benz, nuk e thotë vlerën.
Të ardhura të subjektit deklarues si gjyqtar në Elbasan, 1 060 263 lekë.
Të ardhura të bashkëshortes nga Qendra Ekonomike e Arsimit, Bashkia, Elbasan, 411 594 lekë.
Pensioni i nënës, 153 984 lekë.
Marrë hua, 1 000 000 lekë.

Viti 2011
Shtim likuditeti, në total, 956 624 lekë.
Llogari rrjedhëse 483 lekë.
Të ardhura të subjektit deklarues si gjyqtar në Elbasan, 1 098 156 lekë dhe dieta 5 000 lekë.
Të ardhura të subjektit deklarues nga shpërblimi i një kompanie sigurimesh për një aksident, 160 000 lekë.
Të ardhura të subjektit deklarues nga shpërblimi nga një shoqëri ajrore për dëmtim në çantë, 107 euro.
Të ardhura të subjektit deklarues si pedagog në një universitet privat, 155 250 lekë.
Të ardhura të bashkëshortes si Drejtoreshë Informacioni, Bashkia, Elbasan, 637 652 lekë.
Të ardhura të bashkëshortes nga shpërblimi i një kompania ajrore për dëmtim në çantë, 65 euro.
Pensioni i nënës, 156 546 lekë.
Marrë hua 1 milion lekë. Pa shlyer 500 000 lekë.

Viti 2012
Pakësim likuiditeti, 864 819 lekë.
Llogaria rrjedhëse, 998 lekë.
Të ardhura të subjektit deklarues si gjyqtar në Elbasan, 1 093 880 lekë.
Të ardhura të bashkëshortes si Drejtoreshë Informacioni, Bashkia, Elbasan, 651 598 lekë.
Pensioni i nënës, 161 874 lekë.
Marrë hua 1 milion lekë. Shlyer.

Viti 2013
Shtim likuiditeti, 1 600 000 lekë.
Llogaria rrjedhëse 817 lekë.
Të ardhura të subjektit deklarues si gjyqtar në Elbasan, 1 105 577 lekë.
Të ardhura të bashkëshortes si Drejtoreshë Informacioni, Bashkia, Elbasan, 618 664 lekë.
Pensioni i nënës,166 854 lekë.

Viti 2014
Shtim likuiditeti, 1 760 474 lekë.
Llogaria rrjedhëse 655 lekë.
Llogari rrjedhëse e bashkëshortes 307 lekë.
Të ardhura të subjektit deklarues si gjyqtar në Elbasan, 1 366 028 lekë.
Të ardhura të bashkëshortes si Drejtoreshë Informacioni, 216 156 lekë.
Të ardhura nga banesa e dhënë me qira, 420 000 lekë.

Viti 2015
Pakësim likuiditeti, 1 000 000 lekë.
Llogari rrjedhëse, me vlerë 793 lekë.
Të ardhura të subjektit deklarues si gjyqtar në Elbasan, 1 350 549 lekë.
Pensioni i nënës, 175 528 lekë.

Viti 2016
Shtesë likuiditeti, 1 300 000 lekë.
Llogari rrjedhëse, 1 036 lekë.
Të ardhura të subjektit deklarues si gjyqtar në Elbasan, 1 412 654 lekë.
Të ardhura të bashkëshortes si avokate, 2 444 659 lekë.
Pensioni i nënës, 182 027 lekë.

Viti 2017
Shtesë likuiditeti, 2 100 000 lekë.
Llogari rrjedhëse, 152 lekë.
Të ardhura të subjektit deklarues si gjyqtar në Elbasan, 1 489 499 lekë.
Të ardhura të bashkëshortes si avokate, 834 600 lekë.
Pensioni i nënës, 184 210 lekë.

Viti 2018
Shtesë likuiditeti, 2 900 000 lekë.
Llogari rrjedhëse, 2 988 lekë.
Depozitë me afat 600 000 lekë.
Të ardhura të subjektit deklarues si gjyqtar në Elbasan, 1 456 345 lekë.
Të ardhura të bashkëshortes si avokate, 842 720 lekë.
Pensioni i nënës, 189 152 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Mbeti jashtë sistemit të drejtësisë për 15 vjet/ KPA “rrëzoi” bashkëshorten e Denar Bibës

Publikuar

-

Nga

Mbeti jashtë sistemit të drejtësisë për 15 vjet/ KPA "rrëzon" bashkëshorten e Denar Bibës

Nga Edmond Hoxhaj*

Kolegji i Posaçëm i Apelimit, KPA i ka rrëzuar si të pabazuar pretendimet e ish-këshilltares ligjore pranë Gjykatës së Lartë, Elona Kana, për të cilën Komisioni vendosi më 3 shkurt 2020 të ndërpresë procesin e rivlerësimit dhe i hoqi të drejtën për t’u emëruar në institucionet e drejtësisë për një periudhë 15-vjeçare.

Kana pretendonte në ankim se ishte larguar nga Shkolla e Magjistraturës dhe nuk kishte dhënë dorëheqje sipas nenit G të Kushtetutës. Sipas saj për këtë rast kishte boshllëk ligjorë dhe KPK nuk do duhej të dilte me vendim.

Trupi gjykues i KPA, i kryesuar nga Ina Rama, me relatore Rezarta Schuetz dhe anëtarë Albana Shtylla, Natasha Mulaj dhe Ardian Hajdari, i kujton Kanës në vendimin e zbardhur se vendi në Shkollën e Magjistraturës e kishte marrë si këshilltare ligjore e Gjykatës së Lartë.

Përkundër pretendimit të saj se kishte boshllëk, ishte parashikuar shprehimisht në ligj se për këshilltarët që nuk e kalonin procesin, ndërpritej edhe mundësia e vijimit të Shkollës së Magjistraturës.

Elona Kana, në momentin e hyrjes në fuqi të ligjit për rivlerësimin e gjyqtarëve dhe prokurorëve ka ushtruar detyrën e këshilltares ligjore në Gjykatën e Lartë.

Në maj të 2018-ës, ajo iu nënshtrua testimit për vlerësimin e aftësive profesionale për subjektet e rivlerësimit ex officio, të zhvilluar nga Shkolla e Magjistraturës. Pas kalimit me sukses të testimit, Kana zgjodhi të ndjekë programin e formimit fillestar në Shkollën e Magjistraturës, në profilin “gjyqtar”.

Pasi Komisioni i Pavarur i Kualifikimit, KPK vendosi përfundimin e hetimit administrativ për të tria kriteret e vlerësimit për Kanën, e ftoi atë në seancë dëgjimore.

Në seancën dëgjimore të zhvilluar më 2 tetor 2019, Elona Kana kërkoi përjashtimin e relatores së çështjes, Xhensila Pine, kërkesë që u rrëzua si e pabazuar në ligj e prova nga një trupë tjetër gjyqësore e KPK.

Kana ngriti dyshime për ndikim politik të Pines në qëndrimin ndaj saj, duke u shprehur se relatorja e çështjes ishte zgjedhur nga Partia Demokratike. Ajo e lidhi ndikimin politik me funksionin e bashkëshortit të saj, Denar Biba si nënkryetar i Komisionit Qendror të Zgjedhjeve. Gjithashtu, Kana e mbështeti kërkesën edhe me ndjesinë e saj se nuk ishin marrë parasysh provat dhe dokumentet e dorëzuara në lidhje me udhëtimet e punës, si dhe të ardhurat.

Pak ditë pas seancës dëgjimore, subjekti i rivlerësimit i paraqiti Këshillit Drejtues dhe Drejtorit të Shkollës së Magjistraturës dorëheqjen me shkrim nga vazhdimi i mëtejshëm i procesit akademik, duke vënë në dijeni edhe Komisionin për këtë veprim të sajin.

KPK riçeli hetimin për verifikimin e dorëheqjes duke e thirrur sërish Kanën në seancë dëgjimore më 30 janar 2020, për t’u dëgjuar. Pasi subjekti zgjodhi të mos ishte e pranishme, Komisioni e zhvilloi seancën dëgjimore në mungesë të saj dhe vendosi të ndërpresë procesin e rivlerësimit kalimtar dhe t’i heqi të drejtën për emërimin e saj në pozicione të caktuara në institucionet e drejtësisë për një periudhë 15-vjeçare.

Në ankim, Kana pretendon se vendimi i Komisionit është i paligjshëm dhe i paarsyetuar dhe se vjen në kundërshtim me parimet e përgjithshme të të drejtave dhe lirive të parashikuara nga Kushtetuta dhe nga KEDNj-ja.

Ajo e konsideron të gabuar zbatimin në rastin e saj, të pikës 2 të nenit G të Aneksit të Kushtetutës, që parashikon sanksionin për ndalimin e emërimit në sistemin e drejtësisë për një periudhë 15-vjeçare, kur subjekti i rivlerësimit dorëhiqet.

Subjekti i rivlerësimit, pretendon se Komisioni gjendej përpara një boshllëku ligjor dhe se ishte në pamundësi për të dhënë vendim përfundimtar, pasi në momentin e dorëheqjes, ajo ka qenë studente e Shkollës së Magjistraturës dhe nuk gëzonte asnjë status tjetër në kuptim të legjislacionit.

Kana argumenton se nuk ka dhënë dorëheqjen nga detyra e ndihmëses ligjore në Gjykatën e Lartë në kuptim të nenit G të Aneksit të Kushtetutës, ku parashikohet sanksioni që i heq subjektit të rivlerësimit të drejtën e emërimit në institucionet e drejtësisë. Ajo thekson se është larguar nga detyra në zbatim të nenit 165 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, ku parashikohen dispozitat kalimtare për ndihmësit ligjorë.

Kana pretendon se, në rastin e saj, as Kushtetuta dhe as legjislacioni nuk ka parashikuar se çfarë vendimi do të duhet të marrin institucionet e rivlerësimit për ndihmësit ligjorë të Gjykatës së Lartë, apo për subjekte të tjera që vazhdojnë Shkollën e Magjistraturës, kur dorëheqjen nga detyra për shkak të së cilës u bënë subjekte rivlerësimit. Sipas saj, Komisioni e kishte të pamundur për të dhënë vendim pasi ajo nuk gëzonte asnjë status pas dorëheqjes së dhënë.

Pasi analizon procedurën e ndjekur në Komsion për rivlerësimin e Kanës, Kolegji sjell në vëmendje se ndihmësit ligjorë të Gjykatës së Lartë përfshihen në kategorinë e subjekteve që i nënshtrohen procesit të rivlerësimit ex officio, në vijim të parashikimeve kushtetutese dhe ligjore, ashtu si gjyqtarët dhe prokurorët.

LEXO EDHE:  “Ka lajme të mira nga medikamentet”/ Pipero: Kush të jenë të parët që do të vaksinohen

LEXO EDHE:  Tabaku i numëron dështimet Ramës/ Shqipëria pa të ardhme, s’ka më kohë për të humbur

Në mënyrë të shprehur, ligjvënësi i ka kategorizuar ndihmësit ligjorë të Gjykatës së Lartë si subjekte të rivlerësimit”, vëren Kolegji.

Trupi gjykues i KPA, argumenton se subjektet e rivlerësimit ex officio, ndër të cilat edhe Kana, përfituan lehtësira ligjore për të ndjekur programin e trajnimit dyvjeçar në Shkollën e Magjistraturës.

Ndryshe nga procedura e zakonshme e programit trevjeçar që ndjek Shkolla e Magjistraturës për studentët që vijnë nga jashtë sistemit, për këshilltarët dhe ndihmësit ligjorë është përcaktuar të jetë dy vjet. Këto subjekte rivlerësimi, nuk përfitojnë bursë sikurse ndodh në rekrutimet e zakonshme, por marrin pagë barabartë me atë të pozicionit të tyre respektiv.

Ligji nr. 96/2016, në nenin 165 nuk parashikon humbjen e cilësisë së subjektit të rivlerësimit ex officio për shkak të ndjekjes së programit të formimit profesional në Shkollën e Magjistraturës, përkundrazi. Gjuha dhe fryma e dispozitave që rregullojnë procesin e rivlerësimit, dhe sidomos neni 165, pika 8 e ligjit nr. 96/2016, përcaktojnë që moskalimi me sukses i procesit të rivlerësimit përbën shkak për ndërprerjen e programit akademik në Shkollën e Magjistraturës”, evidentohet në vendim.

Trupi gjykues vëren se, përkundër nga çfarë pretendon Kana, gjatë procesit të rivlerësimit nuk ka paraqitur në asnjë moment kërkesë ku të parashtrojë pretendimin se nuk duhej t’i nënshtrohej procesit të rivlerësimit, pasi nuk përfshihej më në kategorinë e subjekteve të rivlerësimit duke qenë se ishte studente pranë Shkollës së Magjistraturës.

Kolegji konstaton se akti i dorëheqjes nga Kana para vitit të dytë të programit të formimit fillestar në Shkollën e Magjistraturës ka ndodhur pas ndërprerjes së seancës dëgjimore, që është një fazë që i paraprin marrjes së vendimit nga ana e Komisionit.

Në rast se këto subjekte vendosin të mos i nënshtrohen këtij procesi, atëherë ata përjashtohen nga mundësia e emërimit në disa prej organeve të drejtësisë, për një periudhë 15-vjeçare, sipas përcaktimeve në pikën 2 të nenit G të Aneksit të Kushtetutës”, konstaton Kolegji.

KPA e quan të pabazuar edhe pretendimin tjetër të Kanës se, ndalimi për 15 vite cënon të drejtën kushtetuese për punë, si dhe është në kundërshtim me parimin e proporcionalitetit pasi KPK ka vendosur masë penalizuese të njëtrajtshme për cilindo subjekt kur ndërpritet procesi i rivlerësimit, pa marrë parasysh specifikat rast pas rasti.

Kana ankohet edhe mbi formulimin e nenit G të Aneksit të Kushtetutës, duke pretenduar se bie ndesh me parimet e shtetit të së drejtës pasi parashikon një dënim fiks, shumë herë më të rëndë se dënimi penal dhe se në mënyrë jo proporcionale vendos trajtim të barabartë për subjekte krejtësisht të pabarabarta.

Kolegji thekson se kushtetutshmëria e parimeve mbi të cilat është bazuar procesi i rivlerësimit, nuk është objekt diskutimi i kësaj çështjeje. Në vijim, duke ju referuar edhe jurisprudencës së Gjykatës Kushtetuese, trupi gjykues vlerëson se parashikimi i nenit G të Aneksit të Kushtetutës është i qartë në frymën dhe gjuhën e tij, ku parashikohet se dhënia e dorëheqjes sjell ndërprerjen e procesit të rivlerësimit dhe sanksionon ndalimin prej 15 vitesh për të kryer detyra të caktuara në sistemin e drejtësisë.

Trupi gjykues i KPA vëren se në dritën e qëllimit për të cilin është ngritur sistemi i rivlerësimit, ndalimi i ushtrimit të detyrave në sistemin e drejtësisë për 15 vjet, nuk është disproporcional, për sa kohë shteti legjitimohet të sanksionojë ndalime të caktuara në fusha të caktuara të funksioneve publike.

Në vendim thuhet se pretendimi i subjektit bie ndesh edhe me kriteret e përcaktuara nga Gjykata Evropiane e të Drejtave të Njeriut, GjEDNj-ja dhe sillet në vëmendje çështja “Niadin kundër Rumanisë”.

Gjykata vëren se shteti nuk ka vendosur ndalime mbi punësimin e ardhshëm të kërkuesit”, citohet argumenti i GjEDNj në vendimin e KPA.

Më tej, trupi gjykues i Kolegjit vëren se nga ana e Komisionit rezulton të jenë respektuar parimet e procesit të rregullt ligjor, duke i dhënë mundësinë subjektit të rivlerësimit për të ushtruar të drejtat bazuar në parimin e kontradiktorialitetit, për t’u dëgjuar dhe për t’u mbrojtur, përpara marrjes së vendimit.

KPA lë në fuqi vendimin e KPK/ Bashkëshortja e Denar Bibës ngelet jashtë sistemit të drejtësisë për 15 vjet

LEXO TE PLOTE

Vetingu

Huatë nga prindërit “fundosin” gjyqtaren Alma Hicka

Publikuar

-

Nga

Huatë nga prindërit “fundosin” gjyqtaren Alma Hicka

Komisioni i Pavarur i Kualifikimit ka shkarkuar nga detyra gjyqatren Alma Hiçka.

KPK relatoi për së dyti mungesën e dokumentimit të të ardhurave të prindërve si dhe dyshimet për një rast të konfliktit të interesit, ndërkohë që kandidatja për Gjykatën e Lartë, Alma Hicka kërkoi konfirmimin në detyrë.

Në seancën e dytë dëgjimore të zhvilluar të mërkurën në Komisionin e Pavarur të Kualifikimit me kandiaten për Gjykatën e Lartë, Alma Hicka, u relatuan sërish mungesa të burimeve të ligjshme për krijimin e pasurive, si dhe një rast konflikti interesi gjatë kohës që ajo ushtronte detyrën e Avokates së Shtetit.

Relatorja Xhensila Pine vuri në dukje në relatim se Hicka kishte marrë tre hua nga prindërit e saj. Huaja e parë prej 250 mijë lekë ishte marrë në vitin 2003 për blerjen e një makine. E dyta në shumë 13 mijë euro ishte marrë për blerjen e një makine në vlerën 23.900 euro në vitin 2010. Huaja e tretë në shumën 4.2 milionë lekë ishte marrë në vitin 2015 për të financuar këstet e një apartamenti 90 mijë euro të blerë në Tiranë

LEXO EDHE:  Zjarr i madh në Postribë/ Rrezikohen banesat

LEXO EDHE:  “Kam më shumë besim te Haga se teknikët shqiptarë”/ Pashaj për detin: Është problem Gjiri i Sarandës

Pine tha në të tre rastet se huatë ishin deklaruar në deklarimet periodike, por nuk ishin deklaruar në deklaratën veting. Ajo tha se për këtë i ishin kërkuar shpjegime Hickës.
Po ashtu Pine vuri në dukje se të ardhurat e dokumentuara të prindërve nuk ishin të mjaftueshme për të financuar asnjë nga këto hua.

Duke iu referuar huasë prej 4.2 milionë lekë për apartamentin, Pine tha se nga analiza financiare rezultonte se prindërit e subjektit pa llogaritur shpenzimet e jetesës kishin pasur deri në atë periudhë më pak të ardhura të ligjshme se vetë huaja./CNA.al

LEXO TE PLOTE

Vetingu

Vettingu/ KPK jep vendimin për Elisabeta Imerajn

Publikuar

-

Nga

Komisioni i Pavarurr i Kualifikimit ka konfirmuar në detyrë prokuroren e Tiranës, Elisabeta Imerajn.

Elisabeta Imeraj është drejtuese e Prokurorisë së Tiranës që prej gushtit të vitit 2018.
Ajo u komandua në atë post pas shkarkimit prej KPK-së të ish-prokurorit, Dritan Rreshka. Imeraj që më herët ka qenë prokurore pranë Prokurorisë së Krimeve të Rënda.

Trupa gjykuese e KPK-së që kreu vlerësimin për Imerajn përbëhej nga Olsi Komici kryesues, Roland Ilia relator dhe Suela Zhegu anëtare./CNA.al

LEXO TE PLOTE
Lajme të Rekomanduara: