Aktualitet
“Duhet të shkojnë në burg”/ Ngjela del me mesazhin e fortë: Të tërhiqen sa nuk janë vonë
Avokati Spartak Ngjela ka reaguar ashpër ndaj kreut të KQZ, Ilirian Celibashi. Ngjela e cilëson Celibashin autor kryesor të manipulimit të dy palë zgjedhjeve në Shqipëri.
Avokati është shprehur se ka ardhur koha që ambasadorja Yuri Kim t’u paraqesë shqiptarëve faktet që ka si politikë amerikane për korrupsionin e lartë shtetëror.
Përmes një postimi në rrjetin social, Ngjela thekson se përgjegjësit e kësaj situate është më mirë të largohen sa më parë, pa qenë tepër vonë.
“E shikoni ku është Shqipëria sot?
Një farë Ilirian Celibashi, autori kryesor i manipulimit të dy palë zgjedhjeve në Shqipëri, në vend që të shkonte në burg, u zgjodh sërish Kryetar i Komisionit Qëndror të Zgjedhjeve.
Turp historik!
Ky Çelua, befas, iu kundërvu politikës amerikane sot, por gjithë frikë, për të inkriminuarit që nuk duhet të kandidojnë. “Kushtetuta, kushtetuta” thosh në panik manipuluesi klasik i dy palë zgjedhjeve në Shqipëri. Dhe kuptohej se këtë ia kishte kërkuar Rama.
Janë naivë. Si vetë Rama. Pse Edi Rama dhe një farë Celibashi do të mundin politikën amerikane në një interes të rëndësishëm të saj në Ballkanin Perëndimor?!!
Ende nuk po kuptoni dot gjë o mjeranë.
Është mirë të tërhiqeni sa nuk është vonë për ju.
Ju, do ta mundni në favor të Rusisë politikën amerikane në Shqipëri, në një vend ku Amerika është prezente kudo?
Po ambasadorja Yuri Kim, a do t’ua paraqesë shqiptarëve faktet që ka si politikë amerikane për korrupsionin e lartë shtetëror? Koha ka ardhur.
Me dy tre emisione të Zërit të Amerikës, e flaku politika amerikane antiamrikanizmin Berisha në vitin 1997?”, shkruan Ngjela./CNA.al
Politikë
A ka bërë Najada Çomo ndërhyrje në fytyrë? Flet kirurgu estetik
Panajot Papa është një kirurg estetik, i cili i ftuar mbrëmjen e sotme në “Zonë e lirë” ka dhënë mendimin e tij për disa politikanë të njohur shqiptarë nëse kanë bërë ndërhyrje estetike në fytyrë apo jo.
Në ekran është shfaqur edhe fotoja e kandidates për deputete nga PS dhe mjekes Najada Çomo.
“Në këtë lloj rasti, fotografia e dytë ka më shumë ndriçim. Fotografia në këtë lloj rasti duket sikur ka bërë një trajtim, por duhet parë pacienti. Ekzistojnë disa filtra në Instagram që mund të arrihet një foto e tillë. Mund të ketë bërë botoks tek balli”, tha doktori./CNA.al
Politikë
Sot biznesmen dhe politikan/ Agron Shehaj zbulon si e fitoi milionin e parë
Kandidati për deputet i PD, Agron Shehaj është pyetur se si e fitoi milionin e parë
I ftuar në emisionin “Zonë e Lirë” ka treguar fillimet e tij në biznes dhe ndihmën që i kanë dhënë prindërit.
“Në 2005 mora 40 mijë euro borxh tek prindërit, prindërit e mi ishin punëtor në Itali. Me shumë punë, janë edhe mjeshtra të kursimit, i mblodhën këto para. Si e kam bërë milionin e parë? Kjo është pyetja ime e preferuar. Është suksesi i parë ai që më jep më shumë kënaqësi. Me shumë punë, mund dhe duke rrezikuar. Është falë prindërve të mi që kam arritur sukseset që kam arritur. Me 40 mijë euro fillova biznesin, përballova shpenzimet e para, pastaj me shumë punë, bëra nja ca borxhe kuptohet. Biznesin e kam krijuar këtë për tregun italian. Babait ia ktheva paratë pas 3 vitesh”, tha Shehaj./CNA.al
Politikë
Deklaratat e Yuri Kim/ Rama: Ambasadorja është keqpërdorur në mënyrën më brutale
Kryeministri Edi Rama ka reaguar lidhur me deklaratat e ambasadores së SHBA në Tiranë, Yuri Kim, për shit-blerjen e votës.
Rama tha se Kim është përdorur në mënyrën më brutale nga opozita e Lulzim Bashës.
Kreu i qeverisë deklaroi në Vizion Plus se është shumë dakord me thirrjen e ambasadores për fenomenin e shit-blerjes së votës.
“Ambasadorja amerikane është keqpërdorur në mënyrën më brutale, duke e kthyer krejt jashtë kontekstit, në ikonë propagande, të atyre që duan të kthehen në qeveri. Ambasadorja amerikane ka thënë një gjë që e dimë të gjithë, që jam 100% dakord, që ka bazë, lidhur me shit-blerjen e votës. Nuk ka fare diskutim! Nuk di çfarë të dhënash ka ajo, por nuk duhet të kesh të dhëna për të shprehur këtë shqetësim”, theksoi Rama./ CNA.al
