LEXO PA REKLAMA!

SHKARKO APP

Rikthehen reshjet e shiut/ Parashikimi i motit për këtë javë

8 Shkurt 2021, 07:10, Sociale CNA
Rikthehen reshjet e shiut/ Parashikimi i motit për këtë javë

Moti me diell i këtyre ditëve do të pasohet nga ditë me reshje shiu dhe rrebeshe.

Sipas Shërbimit Meteorologjik Ushtarak, reshjet do të përfshijnë vendin dy ditët e para të javës me intensitet mesatar. Në qarqet Shkodër e Gjirokastër reshjet do të arrijnë përkohësisht intensitet të lartë.
Ndërprje e përkohshme e tyre parashikohet ditën e mërkurë, për tu rikthyer sërish ditën e enjte me intensitet të ulët e lokalisht në formën e shtrëngatave. Në majat e maleve reshje bore. Situatë krejtësisht e ndyshme do të vijë ditën e premte, pasi pritet depërtimi i rrymave të fohta. Këto do të sjellin mot të kthjellët por me ngrica në zonat malore e ato kodrinore.

Era, do të fryjë nga kuadrati i jugut e vrullshme përgjatë bregdetit dhe zonave luginore. Ditën e premte do të mbizotërojë erë veriore. Valëzimi këtë javë pritet të arrijë deri në forcën 6 ballë me lartësi vale deri në 2.5m në brigjet detare./CNA.al

Lajmet e fundit nga