Connect with Us

Ekskluzive/ Meta takon Berti Qerosin

Satire Politike

Ekskluzive/ Meta takon Berti Qerosin

Publikuar

-

Çelja e negociatave/ Meta bisedë online me Isabel Santos dhe Luigi Soreca

Ashtu siç ishte paralajmëruar nga CNA.al pak ditë më parë, Ilir Meta u shfaq sot në Korçë.

Takimin kryesor Presidenti  i Rilindjes e ka zhvilluar me Berti Qerosin, intelektualin, personalitetin politik të rajonit të Korçës, strategun elektoral të LSI.

Të pranishëm në takim ka qenë edhe Tedi Blushi dhe kandidati lider i LSI në Korçë, Endrit Braimllari.

Në këtë takim është diskutuar mjaft gjerë për largimet nga LSI, pra ato të të vjetërve dhe të rinjvë, për problematikat që kanë në këtë qark, si u iku avokati biznesmen dhe u kthye me një telefonatë të Ilir Kullës e shumë të tjera si këto.

Gjithashtu Ilri Meta më pas ka zhvilluar një takim kokë më kokë dhe e ka larguar jashtë Blushin dhe Braimllarin.

Sipas Qerosit, mësohet se Iliri t’i ketë kërkuar  të vazhdojë fort fushatën e tij elektorale në mbështetje të LSI dhe fitores së saj të padiskutueshme. Dikur kryetari lokal u bë drejtor pa shkollë, mund të duket pak e roitur kryetarja, paska jashtë linje, rëndësi ka që LSI ta kemi të fortë, partia mbi të gjitha, theksoi Meta.

LEXO EDHE:  LSI zyrtarizon kandidatët për tre bashkitë e Prrenjasit, Pogradecit e Gjirokastrës

Berti ka mbushur sytë me lot dhe i ka premtuar Ilirit se ska Flori më të mirë se ai.

Pas një puthje të fortë janë ndarë të dy, Berti ka rufitur i lumtur kafen e radhës dhe më pas ka dalë në shesh dhe ka bërtitir: Rroftë Ilir Meta dhe poshtë tradhtarët!/CNA.al

Berti Qerosi telefonon Ilir Kullën, i përgjigjet Ilir Meta

 

Zbulohet marrëveshja e Berti Qerosit me Monën

LRI në festë për Berti Qerosin/ Mona drejt Korçës

 

Monika Kryemadhi krenare për Berti Qerosin!

Një mandat për Berti Qerosin në Korçë

Për të rejat më të fundit behuni pjesë e grupit tonë në facebook : City News Albania

Satire Politike

Efekti Berti Qerosi/ Mona fillon me këngët partizane

Publikuar

-

Nga

Lideri shpirtëror dhe udhëheqësi intelektual i shquar i fushatës së LSI në Korçë Berti Qerosi, ashtu siç pritej ka lënë gjurmë të pashlyeshme tek Monika Kryemadhi, kryetarja legjendare e partisë së burrit të saj Ilir Meta.

Në takimin e fundit që pati Mona me Bertin duket se ngrohtësia, dashuria, fjala, magjepsja ndaj vlerave intelektuale dhe kapaciteteve gjeniale të Berti Qerosit do të kishin kaq shumë efekte tek Mona, askush nuk e besonte.

E pra, kështu ka ndodhur. Pas një bisede të gjatë “kokë më kokë”, ku janë shqyrtuar dhe janë diskutuar emër për emër kandidatët për deputetë, strategjitë elektorale, sukseset e pafundme që po ndodhin në Korçë, shpresën e madhe që ngjall Berti Qerosi si lider shpirtëror, i zgjedhuri i Monikës në rajonin e Korçës.

LEXO EDHE:  Liri a vdekje, për Ramën dhe Bashën

LEXO EDHE:  Aksidenti në Korçë/ Zbardhen detaje të reja

Më në fund edhe Monika nuk rezistoi më. Pasi zhvilloi disa takime sipas axhendës së përcaktuar nga Berti, Mona ka publikuar efektin e takimit me të. Nga një Mona që kafshonte veshë e godiste me çizme, është kthyer në Mona partizane. Asaj i janë kujtuar tingujt e filmit “Dimri i fundit” dhe me muzikën e tij brilante, ajo ka shoqëruar takimet e saj. Puth këtë e puth atë, puthu këtu e puthu aty, nuk dihet sa Covid ka shpërndarë dhe sa njerëz do vdesin pas takimeve me Monën, por mësohet se ajo ka thënë: Berti Qerosi më la gjurmë të pashlyera nga takimi me të, prandaj le të vdesi kush të dojë, le të rrojë kush të dojë, Berti Qerosi do jetojë./CNA.al

LEXO TE PLOTE

Satire Politike

Të plasin çelozët/ Lulin do e votojnë edhe kinezët

Publikuar

-

Nga

Mund të duket e pabesueshme, por është e vërtetë. Lulzim Bashën nuk mund ta votojë gruaja, nuk e voton djali i xhaxhait por do e votojnë vllezërit dhe motrat kinezë.

Sipas një lajmi të dhënë sot nga zyra e propagandës të Lulit, vajza shqiptaro-kineze Tina Dang ka deklaruar votën e saj për Lulzim Bashën.

Nuk e dime, ky është amanet që nga koha e miqësisë shqiptaro –kineze, kur shoku Mao dhe shoku Enver u lidhën si dy vëllezër, apo ka lindur një dashuri e re nga kinezët për Lulzim Bashën ekskluzivisht.

Shpresojmë që Luli me premtimet e tij të edhe zgjidhjen globale të virusit kinez që ka bërë botën lëmsh.

Lulzim Basha njihet për afeksionet e tij ndaj kinezëve. Dikur premtoi investime të mëdha kineze në Tiranë, por kuptohet, si gjithmonë gënjeu.

LEXO EDHE:  Ekskluzive/ Murrizi tregon katër zonat elektorale ku do kandidojë

LEXO EDHE:  Ekskluzive/ Murrizi tregon katër zonat elektorale ku do kandidojë

Mësohet se pasi vajza kineze Tina Dang deklaroi se do votoj PD-në në Tiranë ka reaguar edhe i riu korean Sum Qim Mo.

Ai deklaroi se ka mbetur i befasuar nga puna e Opozitës në Elbason …..dhe do votoj patjetër për të!!/CNA.al

Tina Dang, votuesja kinezo-shqiptare e Lulit

LEXO TE PLOTE

Satire Politike

Berti Qerosi reagon pas vizitës së Ramës

Publikuar

-

Nga

Kryeministri Rama ka zgjedhur që të jetë në fundjavë në Korçë dhe kjo gjë nuk ka kaluar pa vëmendjen e Berti Qerosit, i cili është edhe strategu elektoral i LSI, njeriu që do të udhëheqë dhe drejtojë fushatën e kësaj force politike në Qarkun e Korçës.

Berti Qerosi menjëherë pas daljeve të shumta të Ramës dhe takimeve të tij ka reaguar fort në lidhje me vizitën e kryeministrit në Korçë. Mësohet të ketë thënë midis të tjerash: “Të dashur shok, miq të LSI-së dhe LRI-së. Ju të rinjë që më frymëzoni kaq shumë, ju njerëz të ndershëm të LSI-së që keni qenë drejtorë, ju njerëz të ndershëm të LSI-së që keni qenë deputetë, ju njerëz të ndershëm të LSI-së që nuk keni marrë asnjëherë asnjë lek, ju njerëz të ndershëm të LSI-së që respektoni kaq shumë personazhin tim si personalitet i shquar politik dhe intelektual me vlera në Qarkun e Korçës.

Edi Rama erdhi këto dy ditë, e çfarë tha e çfarë nuk tha, por ne nuk do të dorëzohemi. Pas largimeve të fundit që kemi pasur, me ndërhyrjen e fuqishme të Ilir Kullës dhe presidentit Ilir Meta, ne tashmë kemi rikthyer në gjirin tonë një avokat të famshëm dhe një biznesmen. Gjithashtu do të kthejmë në parti të gjithë hajdutët që na kanë ikur, për këtë të jeni të bindur. Unë kam filluar një tur të vazhdueshëm telefonatash, sipas një liste që më është dhënë nga presidenti Meta.

Mos u çudisni, këtë javë ai do të jetë në Korçë dhe ne do flasim gjerësisht me të. Do na dëgjojë, do të diskutojmë dhe do të shpalosim të gjitha parimet dhe vlerat tona. Presidenti më ka ngarkuar për të përcjell mesazhin se ai do të shoqërohet nga i famshmi dhe i vetmi zëdhënësi i tij Tedi Blushi, ky i fundit do të vijë të na tregojë se si do të komunikojmë ne gjatë kësaj fushate elektorale.

Unë duke njohur mjaft mirë marrëdhëniet me publikun dhe si një intelektual me vlera të paçmuara, kam zgjedhur të jem strategu elektoral i LSI dhe bashkë me ju të fitojmë në zgjedhjet e ardhshme. Edhe po humbëm, s’ka ndonjë problem, rëndësi ka që do na vijë presidenti dhe do jemi të gjithë të bashkuar. Ilir Meta po vjen për ne. Hajdut, të të gjitha formave e fytyrave dhe racave bashkohuni, presidenti iu mirëpret në Korçë këtë javë”.

LEXO EDHE:  Mandija takim me përaqësues të KE dhe BE/ Çfarë u diskutua mes tyre

LEXO EDHE:  Bora zbardh qarkun e Korçës/ Automjetet të pajisen me zinxhirë

Gjithësesi ditët e fundit mësohet se, Berti Qerosi ka pasur disa shqetësime, por duket se këto i ka kaluar pas emocioneve të fundit, dhuruar nga lajmi se Ilir Meta do të jetë këtë javë në qytetin e Korçës./CNA.al

LEXO TE PLOTE
Lajme të Rekomanduara: