BundesLiga
Champions League/ Liverpooli nuk lejohet të luajë në Gjermani, ja ku do zhvillohet sfida ndaj Leipzig
Tashmë nuk ka më dyshime, ndeshja e parë në Ligën e Kampioneve mes Lapjcigut dhe Liverpulit për fazën e 1/16-ve, do të zhvillohet në Hungari, në stadiumin “Puskas Arena”.
Ndeshja ishte planifikuar që të zhvillohej më 16 shkurt në Gjermani, por diçka e tillë është ë pamundur, për shkak të vendimeve të marrë nga shteti gjerman, ku nuk lejohet që në këtë shtet të futen persona nga vendet, ku ka shpërthyer mutacioni i virusit të ri.
Anglia është një nga këto vende dhe nuk lejohet që Liverpuli të futet në shtetin gjerman.
Në këtë situatë, zgjidhje e vetme ishte që ndeshja të zhvillohej diku tjetër, jashtë Gjermanisë dhe është vendosur që të zhvillohet në Budapest në Hungari më 16 shkurt, ndërkohë që ndeshja e kthimit do të zhvillohet në Angli në “Anfiled” më 10 mars.
BundesLiga
Tifozët në Gjermani nuk pyesin për COVID-19, ja çfarë ndodh në derbin e Hamburgut
U luajt ditën e sotme në Bundesliga 2, derbi mes skuadrës së St. Pauli dhe Humburgut, me këta të fundit që u mposhtën minimalisht, 1-0.
Si të gjitha ndeshjet e tjera, edhe kjo e sotmja u luajt pa praninë e tifozëve, për shkak të masave të marra kundër koronavirusit.
Megjithatë ndonëse nuk mund të ishin të pranishëm në shkallët e stadiumit, tifozët e St. Pauli krijuan një atmosferë elektrizuese para stadiumit, për t’i treguar skuadrës mbështetjen e tyre.
Nuk munguan as fishekzjarrët, gjatë kohësh kur po luhej ndeshja. Për më shumë shikoni videon e mëposhtme:
St. Pauli fans weren't allowed at the Millerntor for tonight's Hamburg derby, but of course they made sure they were heard. pic.twitter.com/D4PBzyuqma
— The Blizzard (@blzzrd) March 1, 2021
BundesLiga
Ngatërresa me orarin bllokoi gjithçka, si i iku Haaland nga duart United
Erling Haaland po i bën të gjithë për vete me golat e tij. Potencë fizike, dëshirë e madhe për të fituar duele dhe ndeshje, dhe instinkt vrasës përpara portës kundërshtare. Vetëm 20 vjeç është norvegjezi i Dortmund, por konsiderohet me të drejtë një nga sulmuesit më të mirë dhe më premtues.
Ishte vera e vitit 2019, Haaland ishte pjesë e Moldes në Norvegji dhe ndiqej nga Manchester United. Klubi anglez siguroi një akord parimor dhe do të paguante 3 milion paund + bonuse për kartonin e lojtarit shtatlartë. Daily Mirror zbulon se pse lojtari nuk ia doli të transferohej në “Old Trafford”.
Drejtuesit e United dhe agjenti i sulmuesit kishin fiksuar një telefonatë për në orën 9:00 të mëngjesit. Ky i fundit mendonte se telefonata e e mbylljes së marrëveshjes do të vinte nga Anglia në orën 9:00 me orën norvegjeze.
Në vendin skandinav sistemi orar është 60 minuta përpara Anglisë. Mino Raiola priti pak dhe më pas mbylli transferimin e Haaland te austriakët e Salzburg, të cilët paguan 8 milion euro te Molde. Telefonata nga Anglia erdhi më pas, por ishte tepër vonë…
BundesLiga
Klubi i Bundesligës në rënie të lirë, shkarkohet trajneri dhe zyrtarët, pjesë edhe futbollisti shqiptar
Schalke 04 humbi dje 5-1 me Stuttgart. Menjëherë pas ndeshjes, drejtuesit më të lartë të klubit kanë vendosur shkarkimin e trajnerit dhe disa zyrtarëve të tjerë. Në muajt e fundit, klubi nga Gelsenkirchen ka vetëm një fitore, teksa është rrugës për në Bundesliga 2.
Kriza financiare ka bërë që drejtuesit të shihnin të ardhmen te elementët pas shumë kosto, teksa në janar u afrua edhe mbrojtësi i Kombëtares gjermane, shqiptari Shkodran Mustafi.
Duket se skuadra ka vijuar të mos bëjë kthesën, me Kicker që bën me dije se bordi ka shkarkuar menjëherë dje në mbrëmje trajnerin Christian Gross, drejtorin sportiv Jochen Schneider, përgatitësin atletik Werner Leuthard dhe koordinatorin e skuadrës, Sascha Riether.
