Connect with Us

Nuk arriti të merrte drejtimin e Gjykatës/ Pasuria e gjyqtares që paditi KLD

Vetingu

Nuk arriti të merrte drejtimin e Gjykatës/ Pasuria e gjyqtares që paditi KLD

Publikuar

-

/

Në vitin 2016, gjyqtarja Matilda Fetau, është dekretuar nga Presidenti i asaj kohe Bujar Nishani, në Gjykatën e Shkallës së Parë, Elbasan.

Pak ditë para se të dekretohej, Fetau me disa kolegë të tjerë, kanë paraqitur një padi në Gjykatën e Shkallës së Parë Administrative të Tiranës, duke pretenduar se vendimi i KLD për propozimin e gjyqtarëve me short nuk ka lidhje me ligjin, se shorti nuk është kriter për emërimin e gjyqtarëve.

Ata pretendonin se u ishte cenuar siguria juridike dhe pritshmëritë e ligjshme dhe se u ishte cenuar e drejta për të përcaktuar lirisht vendbanimin, për të zgjedhur lirisht profesionin dhe kualifikimin profesional, se u ishte cenuar e drejta për jetë të qetë familjare dhe e drejta e tyre për tu dëgjuar para se të gjykohen nga KLD.

Ata kërkuan nga Presidenti Nishani, që të pezullohej procedura e emërimit si masë sigurimi padie, derisa të zgjidhej çështja me vendim përfundimtar të formës së prerë.

Epilogo ishte se dekretimi ndodhi dhe gjyqtarja Fetau nga Tirana u dërgua në Elbasan. Dhe pas katër vitesh ajo ka shprehur ambicien për të drejtuar Gjykatën e Elbasanit, por për shkak të vjetërsisë në punë nuk u zgjodh.

Ishte Enkeleda Kapedani që mori drejtimin e Gjykatës, pavarësisht se numrin e votave e kishte të njëjtë me gjyqtaren Matilda Fetau.
Në aspektin profesional, gjyqtarja Matilda Fetau nuk është e lakuar as negativisht dhe as pozitivisht.

Sa i përket pasurisë, gjyqtarja Fetahu të ardhurat i ka nga dypunësimi i saj dhe paga e bashkëshortit.

Përveç punës si gjyqtare, Fetau ka marrë “ok’, nga Këshilli i Lartë Gjyqësor për të dhënë mësim si pedagoge e jashtme, pranë Universitetit “Aleksandër Xhuvani”, Elbasan. Patundshmëri ajo deklaron tokë bujqësore, arë me sipërfaqe 10 310 m2, në Qeshibes, Skrapar, ku zotëron 25% dhe një makinë Toyota me vlerë 2 100 euro, të blerë në vitin 2016.

Më poshtë po sjellim pasurinë e deklaruar nga gjyqtarja Matilda Fetau.

Viti 2014 (Deklarata fillestare)

Tokë bujqësore, arë me sip10 310 m2, në Qeshibes, Skrapar, ku zotëron 25%.
Llogari bankare, me vlerë 1 199 28 lekë.
Të ardhura si studente në Shkollën e Magjistraturës, 471 852 lekë.
Marrë me qira ap me vlerë, 18 000 lekë në muaj.
Dorëzanës në një kredi me vlerë, 5 139 583 lekë.

Viti 2014 (Deklarata vjetore)
Tokë bujqësore, arë me sip10 310 m2, në Qeshibes, Skrapar, ku zotëron 25%.
Llogari bankare, me vlerë 11 281 54 lekë.
Tërhequr nga llogaria e pagës shumat, 67 000 lekë, 5 000 lekë dhe 5 000 lekë.
Të ardhura të subjektit deklarues si gjyqtare në Tiranë, 87 457 lekë.
Marrë me qira ap me vlerë, 18 000 lekë në muaj.
Dorëzanës në një kredi me vlerë, 5 139 583 lekë. Pa shlyer 5 111 737 99 lekë.
Llogari bankare e bashkëshortit me vlerë 3 476 67 lekë.
Tërhequr nga llogaria e pagës së bashkëshortit, shumat, 30 000 lekë, 6 000 lekë dhe 2 000 lekë.
Të ardhura të bashkëshortit nga Qendra e kulturës, medias, botimeve të mbrojtjes, muzeut dhe shtëpisë së pushimit, në shumën 41 726 78 lekë.

LEXO EDHE:  Çfarë po ndodh me opozitën/Një skaner mbi situatën e vërtetë të PD, nga jugu në veri

Viti 2015
Tokë bujqësore, arë me sip10 310 m2, në Qeshibes, Skrapar, ku zotëron 25%.
Llogari bankare, me vlerë 1 214 27 lekë.
Të ardhura të subjektit deklarues si gjyqtare në Tiranë, 998 006 lekë.
Overdraft 240 000 lekë.
Dorëzanës në një kredi me vlerë, 5 139 583 lekë. Pa shlyer 5 016 819 99 lekë.
Llogari bankare e bashkëshortit me vlerë -113 739 lekë.
Të ardhura të bashkëshortit nga Qendra e kulturës, medias, botimeve të mbrojtjes, muzeut dhe shtëpisë së pushimit, në shumën 497 052 lekë.
Overdraft në emër të bashkëshortit 120 000 lekë.

Viti 2016
Tokë bujqësore, arë me sip10 310 m2, në Qeshibes, Skrapar, ku zotëron 25%.
Llogari bankare, me vlerë 13 945 98 lekë.
Blerë makinë Toyota me vlerë 2 100 euro.
Të ardhura të subjektit deklarues si gjyqtare në Tiranë, 466 953 lekë.
Të ardhura të subjektit deklarues si gjyqtare në Elbasan, 558 302 lekë.
Overdraft 240 000 lekë.
Dorëzanës në një kredi me vlerë, 5 139 583 lekë. Pa shlyer 4 914 085 42 lekë.
Kredi për blerje elektroshtëpiake, me vlerë 59 930 lekë. Pa shlyer 45 625 63 lekë.
Shpenzime për qira ap, 20 000 lekë në muaj.
Llogari bankare e bashkëshortit me vlerë -81 111 36 lekë.
Të ardhura të bashkëshortit nga Qendra e kulturës, medias, botimeve të mbrojtjes, muzeut dhe shtëpisë së pushimit, në shumën 41 800 lekë.
Të ardhura të bashkëshortit nga Agjencia e Inteligjencës, Sigurisë dhe Mbrojtjes, 567 273 52 lekë.
Të ardhura të bashkëshortit, dërguar nga vëllai në shumën 70 euro.
Overdraft në emër të bashkëshortit 120 000 lekë. Pa shlyer 81 111 36 lekë.

Viti 2017
Llogari bankare, me vlerë 100 376 27 lekë.
Dhuratë nga vjehrri për linde e djalit, 100 000 lekë.
Të ardhura të subjektit deklarues si gjyqtare në Elbasan, 647 836 lekë dhe nga raporti i lindjes 380 966 lekë.
Overdraft 240 000 lekë.
Kredi për blerje televizori, 112 890 lekë. Pa shlyer 100 374 95 lekë.
Dorëzanës në një kredi me vlerë, 5 139 583 lekë. Pa shlyer 4 781 721 51 lekë.
Kredi për blerje elektroshtëpiake, me vlerë 59 930 lekë. Mbyllur.
LLogari page e bashkëshortit, 1492 88 lekë.
Të ardhura të bashkëshortit nga Agjencia e Inteligjencës, Sigurisë dhe Mbrojtjes, 634 170 72 lekë.
Overdraft në emër të bashkëshortit 120 000 lekë. Mbyllur.

Viti 2018
Llogari bankare e subjektit deklarues, 23 627 37 lekë.
Të ardhura të subjektit deklarues si gjyqtare në Elbasan, 446 380 lekë dhe nga raporti i lindjes 221 869 lekë.
Kredi për blerje televizori, 112 890 lekë. Pa shlyer 47 037 50 lekë.
Dorëzanës në një kredi me vlerë, 5 139 583 lekë. Pa shlyer 4 659 267 39 lekë.
Llogari bankare e bashkëshortit me vlerë -46 450 22 lekë.
Të ardhura të bashkëshortit si specialist në Ministrinë e Mbrojtjes, 822 242 92 lekë.
Bashkëshorti ka marrë dhuratë nga i vëllai shumat 100 euro dhe 93 euro./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

SPAK kërkoi pushimin e çështjes/ GJKKO kthen për rihetim dosjen e anëtares së KPK, Brunilda Bekteshi

Publikuar

-

Nga

Rikthehet për plotësim hetimesh çështja penale për fshehjen e pasurisë dhe falsifikimit të dokumentave, nga ana e komisioneres së Vettingut (KPK-së), Brunilda Bekteshi.

Sipas gazetarit Elton Qyno, vendimi për rinisjen e hetimeve ndaj zyrtares së lartë të KPK-së u mor sot nga gjyqtari i Gjykatës së Posaçme, Erjon Bani.

 

Bani refuzoi të pranojë kërkesën e prokurorit Dritan Prençi, që kishte kërkuar mbylljen e hetimeve.
Gjyqtari Bani gjatë shqyrtimit të dosjes penale konstatoi mangësi në zhvillimin e hetimit të kryer nga prokurori Prençi, duke vendosur që mos pranojë kërkesën e tij, për të pushuar procedimin penal ndaj Brunilda Bekteshit.
Bani i cilësoi të drejta argumentat dhe pretendimet e avokates Orgesa Serjani, e cila gjatë zhvillimit të gjyqit, argumentoi para gjykatës një sërë veprimesh hetimore të pa kryera qëllimisht nga përfaqësuesi i akuzës.

 

E për pasojë duke e cilësuar hetimin të paplotë, avokatia Serjani, kërkoi nga gjykata të urdhëronte prokurorinë për vijimin e hetimeve dhe jo pushimin e çështjes.

 

Nisur nga kjo situatë dhe duke konstatuar pasaktësi në hetimin e paplotë, gjyqtari Bani urdhëroi që çështja penale kundër Brunilda Bekteshit, të rikthehet sërisht për hetim në prokurorinë e Posaçme, SPAK.
Avokati i zyrës “Jurisprudenca” Arben Llangozi, që në këtë gjykim përfaqësonte kallëzuesit Bujar Hoti dhe shoqatën

 

“Për Drejtësi”, gjatë një bisede telefonike tha se: “…vendimi i sotëm është i drejtë dhe tregon që ka ende gjyqtarë të guximshëm që përballen me realitetin, edhe pse përballë kanë anëtarë të Komisionit të Pavarur të Kualifikimit “Vetting”. Unë mbrojtjen e sotme së bashku me avokaten Serjani, e bëra për njerëzit e drejtë, drejtësinë Shqiptare dhe atdheun ku jetojmë. Pasi nëse zonja Bekteshi ka shkelur ligjin duke fshehur një apartament duke të përgjigjet penalisht për këtë gjë dhe jo të fshihet pas detyrës së lartë që ajo gëzon momentalisht. Ligji është i barabartë për të gjithë…”

LEXO EDHE:  Pas ndarjes nga Ledjana/ Mevlani “ngushëllohet” me Antonelën, fansat i ndjekin deri në hotel

LEXO EDHE:  Pas ndarjes nga Ledjana/ Mevlani “ngushëllohet” me Antonelën, fansat i ndjekin deri në hotel

 



Tashmë prokurori Prençi duhet të vijojë hetimet për akuzën e Fshehjes së pasurisë dhe Falsifikimit të dokumentave ndaj komisioneres së KPK-së, Brunilda Bekteshi.

 

Në dëshminë e saj dhënë në SPAK, Bekteshi ka sqaruar se e ka blerë apartamentin me kursimet e saj plus një kredi të marrë, por ajo tregon se ka punuar vetëm në OSHEE. Ndërkohë gjatë kohës së qëndrimit të saj në Turqi, pasi burrin e ka diplomat, Bekteshi thotë se ka qëndruar në shtëpi e papunë si sulltaneshë “Hyremi”, duke u marrë vetëm me përkujdesjen ndaj fëmijës.

 

Ndaj Bekteshit kishin paraqitur kallëzim Penal ish-prokurori Bujar Hoti dhe shoqata “Për Drejtësi” ku i kërkuan kryeprokurorit të SPAK, Arben Kraja të hetojë Brunilda Bekteshin në lidhje me një kontratë shitblerje apartamenti në vitin 2007, në shumën 3,100,000 lekë, me lekë në dorë.

 

Dy vite më pas, në 2009 është marrë një kredi në bankë NBG-Durrës, për blerje apartamenti, në shumën 54 mijë euro ndërkohë që në dokumentacion, kuptohet se kredia është marrë për blerjen e apartamentit që në të vërtetë është blerë në vitin 2007.

 

Në lidhje me këtë pronë, në dosjen kallëzuese thuhet se nuk rezulton të ketë një kontratë për blerje të apartamentit pas marrjes së kredisë në vitin 2009.

 

Po kështu huaja bankare e marrë është shlyer brenda një afati 5-vjeçar, duke krijuar dyshime mbi të ardhurat e siguruara për mbylljen e kredisë.

LEXO TE PLOTE

Vetingu

“Përplasja” mes komisioneve të Vettingut/ KPK: Kemi hetuar në mënyrë të paanshme

Publikuar

-

Nga

cna lajme vetting

Kolegji i posaçëm i Apelimit ka rrëzuar disa nga vendimet që KPK  ka marrë për subjekte të caktuara.

Të paktën në 18 vendime, 1 që i përket vitit 2018, 8 vendime që i përkasin vitit 2019, 5 vendime të vitit 2020 dhe 4 vendime të viti 2021, KPA ka rrëzuar vendimin e KPK-së, duke vendosur për shkarkimin e subjekteve të rivlerësimit.

Lidhur me këto raste CNA.al ka pyetur KPK-në, se çfarë ka ndodhur?

KPK nuk ka pasur informacionet e duhura, nuk janë bërë hetime të thelluara, që KPA, ka ndryshuar vendime të KPK-së?

Por, sipas Komisionit të Pavarur të Kualifikimit, këto nuk kanë ndodhur nga neglizhenca e tyre, apo mungesa e një hetimi të detajuar.

“Ju sigurojmë se Komisioni kryen hetim të thelluar, të gjithanshëm dhe të paanshëm për çdo subjekt rivlerësimi, duke garantuar një proces të rregullt ligjor.

 Vendimet e Komisionit nuk janë të formës së prerë dhe mund të ankimohen nga Institucioni i Komisionerit Publik (IKP) apo subjektet e rivlerësimit.



Shkaqet për të cilat bëhet ankim, si dhe vendimmarrja e Komisionit shqyrtohen dhe janë në kompetencë të Kolegjit të Posaçëm të Apelimit (KPA).

 Si një nga Kolegjet e Gjykatës Kushtetuese, KPA-ja po, ashtu, orienton KPK-në përmes jurisprudencës së saj lidhur me zgjidhjen e rasteve të njëjta apo të ngjashme me objekt rivlerësimi.

Për këtë arsye, ligjvënësi është kujdesur të zbatojë parimin e kontrollit gjyqésor duke parashikuar dy shkallë gjykimi, si shkallë të parë rivlerësimi KPK-në dhe si shkallë të dytë rivlerësimi KPA-në.

 Vendimet e Kolegjit janë përfundimtare, megjithatë subjektet gëzojnë të drejtën e ankimimit edhe në Gjykatën Evropiane të të Drejtave të Njeriut (GJEDNJ) dhe, kjo, në mënyrë që atyre t’u garantohet një proces sa më i drejtë”, thuhet në përgjigjen e KPK, fimosur nga sekretari i përgjithshëm Edmond Verçani për CNA.al

Nga ana tjetër KPK, teksa evidenton sfidat me të cilat janë prballur, shprehet se nëse do t;ju zgjatet mandati do të vijojnë punën me të njëjtin angazhim dhe seriozitet.

“Vettingu i gjyqtarëve dhe prokurorëve në Republikën e Shqipërisë është një proces kompleks dhe i vështirë, për pasojë, Komisioni është përballur me sfida nga më të ndryshmet, por zbatimi i ligjit, përkushtimi dhe përvoja e këtyre viteve ka bërë që ato të tejkalohen me sukses.

Aktualisht, Komisioni është në pritje të vendimit të Kuvendit të Republikës së Shqipërisë për zgjatjen ose jo të mandatit kushtetues. Nëse ky mandat do të zgjatet, Komisioni do të vijojë punën me të njëjtin angazhim dhe seriozitet për të rivlerësuar sipas ligjit të gjithë subjektet”, thuhet në përgjigjen e KPK-së./E.S-CNA.al

LEXO TE PLOTE

Vetingu

Të shkarkuarit e drejtësisë nuk i shpëton dot më Strasburgu/ Ish gjyqtarja e Kushtetueses, legjitimoi Vettingun

Publikuar

-

Nga

Në Shkurt të këtij viti, Gjykata e Strasburgut ka dhënë vendimin e parë për Vettingun në Shqipëri duke i dhënë të drejtë procesit.
Trupa në Strasburg ka rrëzuar me shumicë votash padinë e ish-gjyqtares të Gjykatës Kushtetuese, Altina Xhoxhaj e cila u shkarkua në vitin 2018. Ajo ngriti padi në Gjykatën e Të Drejtave të Njeriut në Strasburg duke e cilësuar vendimin nga trupa e Vettingut në Shqipëri si të papajtueshëm.
Ndërkohë prej vendimit të 2018 ajo është përjashtuar nga sistemi i drejtësisë për 15 vite për shkak të problemeve me pasurinë dhe aftësive profesionale. Por, si e komenton Kolegji i Posaçëm i Apelimit këtë rast, ndërsa është pyetur nga CNA.al edhe për sfidat me të cilat përballet?
Për KPA-në, rasti Xhoxhaj, do të thotë legjitim i procesit të Vettingut dhe se të shkarkuarit e drejtësisë nuk mund t’i shpëtojë më as Strasburgu.
“Që nga fillimi i funksionimit të institucionit në korrik 2017, Kolegji i Posaçëm i Apelimit ka ushtruar funksionin e tij, duke u fokusuar në garantimin e zbatimit të parimit të procesit të rregullt ligjor dhe konsolidimin e jurisprudencës së tij lidhur me specifika në interpretimin e Kushtetutës dhe ligjit.
Sipas raporteve të ekspertëve që kanë analizuar vendimet e KPA-së, Kolegji ia ka dalë “të ndihmojë në orientimin më të mirë të praktikës së vettingut, duke kontribuuar në konsolidimin dhe qartësimin e çështjeve të diskutueshme,
si psh sa i takon zbatimit parimit të proporcionalitetit në drejtim të vlerësimit tre kritereve dhe veçanërisht të pasurisë”. Me vendimin e Gjykatës Evropiane për të Drejtat e Njeriut në çështjen “Xhoxhaj kundër Shqipërisë” rrëzohen pretendimet e ngritura kundër procesit të rivlerësimit dhe legjitimohet procesi i vettingut i zhvilluar nga KPA”, nënvizon KPA. Ndërsa sfidë kryesore e Kolegjit të Posaçëm të Apelimit, si gjykata e procesit, mbetet zhvillimi i gjykimeve bazuar në parimin për një proces të rregullt ligjor, duke garantuar standarde të qëndrueshme sipas Kushtetutës dhe ligjit për të gjithë subjektet e rivlerësimit, si dhe duke përshpejtuar ritmet e gjykimit për një përfundim të çështjeve brenda mandatit kushtetues të Kolegjit.
“Në përgjigje edhe të rekomandimeve të Opinionit të Venecias, si dhe rekomandimeve të Komisionit Europian për gjykime të shpejta, Kolegji ka përmirësuar rregullat procedurale të funksionimit të tij, sidomos sa i përket përgatitjes së çështjeve dhe gjykimit të atyre që zhvillohen në seancë publike.
Gjithashtu, Kolegji është përpjekur të gjejë modalitetet e duhura në aspektin organizativ nëpërmjet harmonizimit më të mirë të proceseve që kryhen brenda strukturave të tij, duke përzgjedhur si pjesë të personelit më të mirët profesionalisht, si dhe duke kërkuar shtimin e personelit të Njësisë së Shërbimit Ligjor dhe stafit administrativ mbështetës për gjykimet.
Sikurse ka arritur të konsolidojë jurisprudencën e tij sa i përket juridiksionit të rivlerësimit, mbetet sfidë për Kolegjin konsolidimi i praktikave gjyqësore edhe në çështjet e juridiksionit disiplinor”, thekson më tej KPA.
Më tej KPA, njofton se po punon për miratimin e rregullave te brendshme dhe bazuar në legjislacionin në fuqi për shkeljet dhe procedimet disiplinore, si dhe jurisprudencën e GJEDNJ-së.
“Kolegji i Apelimit ka juridiksion të shqyrtojë shkeljet disiplinore të anëtarëve të Gjykatës Kushtetuese, të Këshillit të Lartë Gjyqësor, Këshillit të Lartë të Prokurorisë, Prokurorit të Përgjithshëm dhe Inspektorit të Lartë të Drejtësisë, si dhe shqyrton ankimet kundër vendimeve të Këshillit të Lartë Gjyqësor, Këshillit të Lartë të Prokurorisë dhe Inspektoratit të Lartë të Drejtësisë për vendosjen e masave disiplinore ndaj gjyqtarëve, prokurorëve dhe inspektorëve të tjerë. Në kuadër të këtij juridiksioni, po punohet për miratimin e rregullave te brendshme dhe bazuar në legjislacionin në fuqi për shkeljet dhe procedimet disiplinore, si dhe jurisprudencën e GJEDNJ-së”, evideon më tej KPA, në një përgjigje për CNA.al./E.S-CNA.al
LEXO TE PLOTE