LEXO PA REKLAMA!

SHKARKO APP

E fundit!

x

Studimi/ Ja çfarë roli kanë tek depresioni pemët në zonat urbane

1 Shkurt 2021, 12:46, Blog CNA
Studimi/ Ja çfarë roli kanë tek depresioni pemët në

Ne kemi tashmë një listë të gjatë arsyesh pse duhen pëlqyer pemët. Bazuar në një studim më të fundit mbi 9.751 banorë të qytetit të Lajpcigut në Gjermani,shmangia ose ikja nga depresioni mund të jetë e reja më e fundit në këtë listë.

Për të pasur një saktësi sa më të mirë, studiuesit përdorën recetat e barnave antidepresive sesa vetë-raportimit, për të vlerësuar shëndetin mendor të komuniteteve, dhe më pas i krahasuan këto statistika me numrin e pemëve në rrugët e secilës zonë në këtë qytet. Ata raportuan se sa më shumë pemë që kishte në një rreze brenda 100 metrash nga shtëpia, lidhej me një gjasë të zvogëluar për të marrë barna antidepresiv. Gjetjet e këtij studimi mund të jenë shumë të dobishme për planifikuesit e qyteteve, ekspertët e shëndetit mendor dhe qeveritë.

Lidhja mes reduktimit të përdorimit të antidepresivëve dhe pemëve në rrugë, ishte veçanërisht më e dukshme tek komunitete më të varfra. Rezultatet e këtij studimi, lënë të kuptohet se pemët në zonat urbane mund të veprojnë si një mënyrë e thjeshtë dhe e përballueshme për të forcuar shëndetin mendor të njerëzve, dhe të ndihmojnë në mbylljen e hendeqeve të pabarazisë shëndetësore në të gjithë shoqërinë.

?Ky është një lajm shumë i mirë pasi pemët nëpër rrugë, janë relativisht të lehta për t?u mbjellë, dhe numri i tyre mund të rritet pa shumë përpjekje?– thotë psikologia e mjedisit Melisa Marsel nga Universiteti De Montfort në Mbretërinë e Bashkuar. Tek grupet jo të favorizuara socio-ekonomikisht, faktori i pemëve të rrugës ishte shumë i rëndësishëm kur ekipi kontrollonte edhe për faktorë të tjerë të lidhur me rreziqet e depresionit, si punësimi, gjinia, mosha dhe pesha, duke sugjeruar që ata që kanë nevojë për ndihmë më të madhe me depresionin kanë më shumë gjasa që të përfitojnë nga një mjedis më natyral.

Dhe studiuesit zbuluan se distanca 100 metra ishte thelbësore:pasja e më shumë pemëve në rrugët e një zonë më të madhe, nuk bënte shumë diferencë në numrin e recetave të lëshuara për barnat antidepresive. Sipas këtij studimi, llojet e pemëve janë kryesisht të parëndësishme. Ndërsa studimi ka kufizimet e tij -për shembull jo të gjithë njerëzit që vuajnë nga depresioni marrin ilaçe kundër depresionit, dhe mund të ketë faktorë të tjerë që ndikojnë mbi shëndetin mendor – statistikat tregojnë një marrëdhënie që sugjeron se pasja e pemëve pranë banesës është e mjaftueshme për të përmirësuar gjendjen shpirtërore në një zone ku njerëzit vazhdojnë jetën e tyre të përditshme.

?Studimi ynë tregon se natyra e përditshme afër shtëpisë, biodiversiteti që shihni nga dritarja kur shëtisni apo shkoni për në punë, shkollë ose Pazar, është i rëndësishëm për shëndetin mendor. Ky zbulim është veçanërisht i rëndësishëm tani në kohën e bllokimeve nga Covid- 19 bllokime?-thotë ekologia e popullsisë Diana Bouler, nga Qendra Gjermane për Kërkime Integruese të Biodiversitetit (iDiv).
Studiuesit rekomandojnë shtimin e një ?eksperience në natyrë në jetën e tyre të përditshme? për të ndihmuar në luftimin e problemeve të shëndetit mendor, probleme që janë përkeqësuar nga pandemia aktuale globale.

Gjithashtu, ata sugjerojnë se studimet e ardhshme mund të analizojnë ndikimin e llojeve të tjera të hapësirës së gjelbër tek rreziku i depresionit në një zonë të banuar, si dhe gjurmimin e detajeve si lloji apo madhësia e ndryshme e pemëve. Pasi disa mund të funksionojnë më mirë se të tjerat për t?i mbajtur banorët të lumtur dhe të kënaqur. Natyrisht, kjo përveç të gjitha avantazheve të tjera që sjellin pemët. Ne e dimë që ato janë shumë pozitive për mbajtjen e qyteteve të freskëta dhe uljen e niveleve të stresit, si dhe për thithjen e dioksidit të karbonit nga ajri dhe promovimin e biodiversitetit.

?Ne propozojmë që shtimi i pemëve në rrugë në zonat urbane të banuara, është një zgjidhje që jo vetëm që mund të përmirësojë shëndetin mendor të popullatës, por gjithashtu mund të kontribuojë në zbutjen e ndryshimeve klimatike dhe ruajtjen e biodiversitetit?- thotë Aleta Bon një studiuese e shërbimeve të ekosistemit në iDiv./CNA.al

Burimi: https://www.sciencealert.com/street-trees-not-only-help-mitigate-climate-change-but-might-reduce-depression-too

Lajmet e fundit nga