Connect with Us

“Korrupsioni në drejtësi”/ Prokurori që u denoncua në nismën e Rilindjes

Vetingu

“Korrupsioni në drejtësi”/ Prokurori që u denoncua në nismën e Rilindjes

Publikuar

-

Në kuadrin e nismës së Qeverisë “Rama”, në vitin 2013 me moton “Stop Korrupsionit në Drejtësi”, në faqen e Ministrisë së Drejtësisë vërshuan denoncime të shumta për gjyqtarë dhe prokurorë, nga qytetarë në të gjithë vendin.

Një nga të denoncuarit ishte edhe prokurori i Fierit, Genci Mane. Ky i fundit u denoncua nga shtetasi Nikollaq Deliu, nga Kumani, në lidhje me një vendim të padrejtë të 30 qershorit të vitit 2011 të një procedimi pena, të pushtimit të tokës.

Asnjëherë nuk u mësua se çfarë ndodhi me këto denoncime, nëse u verifikuan apo ishte thjesht një reklamë qeveritare me marrjen e mandatit.
I njëjti prokuror, është bërë objekt në media edhe vitin e kaluar, për çështjen e rrahjes së një gazetari në Fier nga një punonjës policie, i cili u la i lirë me masën “detyrim paraqitje”.

Prokurori Genci Mane, që nga Qershori i vitit 2020, po hetohet nga Vettingu, si profesionalisht ashtu edhe nga ana pasurore.

Të ardhurat e prokurorit Mane, burojnë nga paga e tij dhe e bashkëshortes mësuese.Patundshmëri ai deklaron një apartament të pabanueshëm në Berat, pjesën të cilën e zotëronte e ka shitur më vonë, për të blerë një apartament në Fier. Bëhet fjalë për një apartament banimi 140 m2 me vlerë, 4 650 000 lekë, blerë me kredi në vlerën 2 900 000 dhe nga shitja e pjesës takuese të banesës në Berat me vlerë 1 700 000 lekë.

Për më tepër po sjellim të detajuar pasurinë e deklaruar nga prokurori Genci Mane, sipas të dhënave të ILDKPKI-së.

Viti 2003
Të ardhura të subjektit deklarues si opgj në Berat, 418 896 lekë.
Të ardhura të bashkëshortes si mësuese në Berat 0,18 milion lekë.

Viti 2004
Shtëpi e pabanuar, 90 m2 blerë nga privatizimi në vitin 1993.
Të ardhura të subjektit deklarues si opgj në Berat, 596 175 lekë.
Shpërblimi, 25 000 lekë.
Të ardhura të bashkëshortes si mësuese në Berat, 204 000 lekë.

Viti 2005
Të ardhura të subjektit deklarues si prokuror në Fier, 837 358 lekë.
Të ardhura të bashkëshortes si mësuese në Berat, 240 000 lekë.
Kredi marrë nga bashkëshortja 300 000 lekë. Pa shlyer 256 500 lekë.

Viti 2006
Të ardhura të subjektit deklarues si prokuror në Fier, 805 360 lekë.
Të ardhura të bashkëshortes si mësuese në Berat, 240 000 lekë.
Kredi marrë nga bashkëshortja 300 000 lekë. Pa shlyer 83 000 lekë.

Viti 2007
Të ardhura të subjektit deklarues si prokuror në Fier, 898 001 lekë.
Të ardhura të bashkëshortes si mësuese në Berat, 300 000 lekë.
Kredi marrë nga bashkëshortja 300 000 lekë. Shlyer.

Viti 2008
Blerë automjet Mercedez Benz, me vlerë 250 000 lekë.
Të ardhura të subjektit deklarues si prokuror në Fier, 847 352 lekë.
Të ardhura të bashkëshortes si mësuese në Berat, 368 000 lekë.

Viti 2009
Shitur automjeti Mercedez Benz, 300 000 lekë.
Blerë ap në vlerën 4 650 000 lekë. Paguar kësti i parë 100 000 lekë.
Të ardhura të subjektit deklarues si prokuror në Fier, 863 216 lekë.
Të ardhura të bashkëshortes si mësuese në Berat, 428 010 lekë.

LEXO EDHE:  Kthjellime dhe vranësira/ Parashikimi i motit për sot

Viti 2010
Të ardhura të subjektit deklarues si prokuror në Fier, 839 772 lekë.
Të ardhura të bashkëshortes si mësuese në Berat, 451 753 lekë.
Kontratë për shitjen e sendit për blerjen e ap, në shumën 4 550 000 lekë.

Viti 2011
Shtesë nga pagat 400 000 lekë.
Të ardhura të subjektit deklarues si prokuror në Fier, 895 487 lekë.
Të ardhura të bashkëshortes si mësuese në Berat, 573 200 lekë.
Kontratë për shitjen e sendit për blerjen e ap, në shumën 4 550 000 lekë.

Viti 2012
Automjet Opel 80 000 lekë.
Të ardhura të subjektit deklarues si prokuror në Fier, 900 012 lekë.
Të ardhura të bashkëshortes si mësuese në Fier, 487 420 lekë.
Kontratë për shitjen e sendit për blerjen e ap, në shumën 4 550 000 lekë.

Viti 2013
Ap banimi 140 m2 me vlerë, 4 650 000 lekë. Blerë me kredi në vlerën 2 900 000 dhe nga shitja e pjesës takuese të banesës në Berat me vlerë 1 700 000 lekë.
Të ardhura të subjektit deklarues si prokuror në Fier, 920 976 lekë.
Të ardhura të bashkëshortes si mësuese në Fier, 498 130 lekë.
Kredi për blerje ap, në vlerën 2 900 000 lekë. Pa shlyer 2 813 454 lekë.

Viti 2014
Të ardhura të subjektit deklarues si prokuror në Fier, 1 165 698 lekë.
Të ardhura të bashkëshortes si mësuese në Fier, 559 680 lekë.
Llogari page në shumën 3025.22 lekë.
Kredi për blerje ap, në vlerën 2 900 000 lekë. Pa shlyer 2 655 290 lekë.

Viti 2015
Automjet Opel shitur 80 000 lekë.
Blerë automjet Opel 180 000 lekë.
Të ardhura të subjektit deklarues si prokuror në Fier, 1 199 385 lekë.
Të ardhura të bashkëshortes si mësuese në Fier, 607 990 lekë.
Llogari page në shumën 1503.12 lekë.
Kredi për blerje ap, në vlerën 2 900 000 lekë. Pa shlyer 2 492 485 78 lekë.

Viti 2016
Të ardhura të subjektit deklarues si prokuror në Fier, 1 280 107 lekë.
Të ardhura të bashkëshortes si mësuese në Fier, 609 486 lekë.
Llogari page në shumën 721 04 lekë.
Kredi për blerje ap, në vlerën 2 900 000 lekë. Pa shlyer 2 324 866 26 lekë.

Viti 2017
Të ardhura të subjektit deklarues si prokuror në Fier, 1 245 529 lekë.
Të ardhura të bashkëshortes si mësuese në Fier, 648 048 lekë.
Llogari page në shumën 146 11 lekë.
Kredi për blerje ap, në vlerën 2 900 000 lekë. Pa shlyer 2 151 871 57 lekë.

Viti 2018
Të ardhura të subjektit deklarues si prokuror në Fier, 1 298 241 lekë.
Të ardhura të bashkëshortes si mësuese në Fier, 659 690 lekë.
Llogari page në shumën 200 lekë.
Kredi për blerje ap, në vlerën 2 900 000 lekë. Pa shlyer 1 973 868 93 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Pasuria “i pret kokën”/ Gjyqtari i Elbasanit jashtë sistemit të drejtësisë

Publikuar

-

Nga

Ditën e sotme Komisioni i Pavarur i Kualifikimit pas seancave dëgjimore vendosi shkarkimin e gjyqtarit të Elbasanit, Ramazan Avdiu.

KPK ka gjetur probleme për katër huadhënie me interes nga ana e Avdiut si dhe mungesë burimesh financiare për krijimin e pasurisë.

Avdiu e ka konsideruar të pavërtetë raportin e KPK-së dhe e ka quajtur hetimin administrativ të KPK të përciptë dhe të nxituar. Fillimisht u ndal në përllogaritjen e shpenzimeve të Komisionit për periudhën 1994-2002. Avdiu ka këmbëngulur  se ishte e padrejtë që shpenzimet janë konsideruar në vlerën 66% të të ardhurave.

Gjatë seancës së shpalljes së vendimit të enjten, kryesuesi i trupës gjykuese, Olsi Komici deklaroi se, me shumicë votash, ishte rrëzuar kerkesa e gjyqtarit Avdiu për riçeljen e hetimit për të tri kriteret e rivlerësimit dhe se ishte vendosur shkarkimi i tij nga detyra.

Dy anëtarët e tjerë të trupit gjykues që kreu procesin e vetingut për gjyqtarin e Gjykatës së Elbasanit, Ramazan Avdiu janë Xhensila Pine dhe Valbona Sanxhaktari, kjo e fundit në cilësinë e relatores së çështjes.

LEXO EDHE:  Klajda Gjosha del kundër Kryemadhit/ Maska duhet mbajtur, e gjithë Shqipëria e prekur nga Covidi

LEXO EDHE:  Si u bë zemra simbol i dashurisë, epshit dhe shpirtit

Ramazan Avdiu e ka nisur karrierën në sistemin e drejtësisë në vitin 1995 dhe ka punuar fillimisht si gjyqtar dhe më pas kryetar në Gjykatën e Gramshit. Prej vitit 2008, Avdiu e ushtron funksionin në Gjykatën e shkallës së parë në Elbasan./CNA.al

Biznesi i drejtësisë/ Hije dyshimi mbi pasurinë e gjyqtarit të Elbasanit

LEXO TE PLOTE

Vetingu

Vettingu/ KPK merr vendimin për prokurorin e Tiranës

Publikuar

-

Nga

Komisioni i Pavarur i Kulaifikimit, ka konfirmuar në detyrë prokurorin e Rrethit Gjyqësor Tiranë, Albert Murçaj.

Gjatë seancës dëgjimore të mërkurën, nuk u evidentuan probleme domethënëse në asnjë prej kritereve të rivlerësimit.

Relatorja Çiftja sqaroi se nuk janë gjetur pobleme në deklarimin e dy depozitave me vlerë 600 mijë lekë dhe 300 mijë lekë, për krijimin të cilave ka deklaruar si burime të ardhurat nga pagat, dietat dhe shpërblimet nga puna si prokuror. Komisioni konstaton se prokurori Murçaj kishte pasur burime edhe për krijimin e gjendjes cash. Por është konstatuar mospërputhje midis vlerës së pasqyruar në deklaratën veting në shumën 750 mijë lekë dhe cash-it në fund të vitit 2016 në vlerën 1 milion e 230 mijë lekë.

Prokurori Murçaj deklaroi se mospërputhja e gjendjes cash kishte ardhur si pasojë e një lapsusi nga ana e tij. Ai shtoi se është evidentuar shtesa, por nuk është shënuar tek gjendja cash. Komisioni nuk ka gjetur probleme edhe për shtëpinë e prindërve në Shkodër që përdoret nga subjekti i rivlerësimit.

LEXO EDHE:  Zgjedhjet lokale/ Ja si do të jenë fletët e votimit në Tiranë, Korçë, Durrës dhe Fier

LEXO EDHE:  Si u bë zemra simbol i dashurisë, epshit dhe shpirtit

Nga analiza financiare ka rezultuar se prokurori Murcaj rezultonte me balancë pozitive në të gjithë vitet.
Prokurori Murçaj mori vlerësim pozitiv për pastërtinë e figurës. Për profesionalizmin u konstatua se hetimi i një çështje e vitit 2012 kishte zgjatur tej afatit të përcaktuar; në një hetim tjetër kishte rezultuar se nuk ishin pyetur personat e kërcënuar dhe në një rast mungonte vendimi për zgjatje të hetimit. Komisioni nuk ka gjetur pobleme në katër denoncimet e depozituara nga publiku./CNA.al

LEXO TE PLOTE

Vetingu

KPK konfirmoi në detyrë gjyqtaren e Apelit Vlorë/ Komisioneri Publik apelon vendimin

Publikuar

-

Nga

KPK konfirmoi në detyrë gjyqtaren e Apelit Vlorë/ Komisioneri Publik apelon vendimin

Komisoni i Pavarur i Kualifikimit, në datën 1 mars 2021 konfirmoi në detyrë gjyqtaren e  Gjykatës së Apelit Vlorë, Iliba Bezati.

Dy raporte negative nga Inspektorati i Lartë i Deklarimit dhe Kontrollit të Pasurive dhe Konfliktit të Interesit dhe Drejtoria e Sigurimit të Informacionit të Klasifikuar u përmbysën nga Komisioni gjatë seancës dëgjimore të zhvilluar me 24 shkurt.

Sipas ILDKPKI, Bezati kishte bërë deklarim të pasaktë, nuk kishte burime të ligjshme të pasurisë, kishte fshehje pasurie, kishte bërë deklarim të rremë dhe bashkëshorti ishte në kushte të konfliktit të interesit.

KPK rrëzoi gjatë relatimit pjesën dërrmuese të këtyre gjetjeve, ndërsa vuri në dukje vetëm pasaktësi në deklarimet vjetore, bilance negative prej rreth 600 mijë lekësh dhe mosdeklarimin e një trualli të trashëguar nga bashkëshorti.

Por pas këtij vendimi ka ardhur edhe reagimi nga Komisioneri Publik, i cili ka ankimuar në KPA vendimin e shkallës së parë të vettingut.

Njoftimi i plotë i Komisionerit Publik:

Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 352, datë 1.3.2021, të Komisionit të Pavarur të Kualifikimit, për subjektin e rivlerësimit, znj. Iliba Bezati, me funksion gjyqtare në Gjykatën e Apelit Vlorë.

Komisioneri Publik konstaton se, nga shqyrtimi i vendimit nr. 352, datë 1.3.2021, të Komisionit të Pavarur të Kualifikimit dhe akteve shoqëruese të tij, paraqiten rrethana të tilla ligjore e fakti, që e bëjnë të cenueshëm vendimin në tërësinë e tij.

Komisioneri Publik kërkon që shkaqet e ankimit të merren në shqyrtim nga ana e Kolegjit të Posaçëm të Apelimit dhe, pasi të ketë kryer vetë Kolegji një hetim dhe vlerësim të plotë të rezultateve të hetimit administrativ për subjektin e rivlerësimit, të vendosë, në mënyrë alternative, lënien në fuqi të vendimit nr. 352, datë 1.3.2021, të Komisionit të Pavarur të Kualifikimit, ose ndryshimin e tij.

Mbështetur në pikën 1, të nenit 16, të rregullores së Institucionit të Komisionerëve Publikë, ankimi është publikuar në faqen zyrtare të këtij institucioni: http://ikp.al/ankime/

Institucioni i Komisionerëve Publikë është ngritur dhe funksionon në bazë të nenit 179/b dhe aneksit të Kushtetutës së Republikës së Shqipërisë, dhe ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”.

Komisionerët Publikë përfaqësojnë interesin publik gjatë procesit të rivlerësimit kalimtar të gjyqtarëve dhe prokurorëve në Republikën e Shqipërisë./CNA.al

LEXO TE PLOTE
Lajme të Rekomanduara: