Connect with Us

Pastrim parash e grup kriminal/ SPAK kërkon 21 vite burg për dy biznesmenët

Kronika

Pastrim parash e grup kriminal/ SPAK kërkon 21 vite burg për dy biznesmenët

Publikuar

-

SPAK drejt peshqve të mëdhenj?/ Kush është "xhuxhi" që ka rënë në rrjetë

SPAK ka kërkuar 11 vite burg për biznesmenin Astrit Beqiri e 10 vite burg për Dhimitër Shkodranin.

Grupi ku bënin pjesë Beqiri dhe Shkodrani trafikonte kokainë në vendet e BE dhe sipas njoftimit të SPAK, ata kanë trafikuar rreth 1.6 ton kokainë. Sipas hetimeve në Danimarkë, grupi kriminal i sillte paratë cash në Maqedoni me autobus nga Danimarka. Paratë i merrte Dhimitër Shkodrani në Maqedoni dhe i sillte te Astrit Beqiri në Shqipëri.

Ata u përballën me akuzat për “Pastrim parash” dhe “Grup të strukturuar kriminal”.

Autoritetet daneze të drejtësisë kanë kryer hetime për një grup të strukturuar kriminal, në përbërje të të cilit ishin kryesisht shtetas shqiptarë, të cilët ushtronin aktivitetin kriminal të trafikimit të narkotikëve, kryesisht të llojit “kokainë”. Është dokumentuar se ky grup kriminal ka trafikuar mbi 1 650 kg kokainë dhe heroinë brenda vendeve të BE-së. Gjatë hetimeve, autoritetet daneze konstatuan se anëtarët e këtij grupi të strukturuar kriminal të ardhurat me natyrë kriminale i dërgonin “cash” në Shqipëri, ku më tej investoheshin në pasuri të luajtëshme dhe të paluajtëshme, si dhe në aktivitete biznesi.
Në këto rrethana me kërkesë të autoriteteve daneze, prokuroria shqiptare filloi hetimet, të cilat u fokusuan në drejtim të evidentimit të pasurisë që anëtarë të këtij grupi kishin investuar në Shqipëri. Gjithashtu në marrëveshje dhe koordinim me autoritetet daneze në të njëjtën ditë, në datën 26.06.2019, në kuadër të operacionit “Goldfinger”, u arrestuan mbi 42 persona në të gjitha vendet ku ishte shtrirë ky hetim. U sekuestruan 40 kg kokainë (në Danimarkë, Hollandë etj), u sekuestruan mbi 600 mijë euro, armë zjarri, granata, disa automjete, objekte te ndryshme, etj.
Po në datën 26.06.2019, në Shqipëri u bë arrestimi i shtetasit Astrit Beqiri, 51 vjeç, banues në Shkodër, për veprat penale: “Pastrimi i produkteve të veprës penale ose veprimtarisë kriminale”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Hetimet në kuadër të procedimit penal nr.147 të vitit 2019, janë kryer në bashkëpunim shumë efektiv me autoritetet gjyqësore daneze dhe norvegjeze dhe kanë evidentuar skemën e pastrimit të produkteve të veprës penale si më poshtë:

Grupi i strukturuar kriminal, sipas një skeme të mirëpërcaktuar, paratë e ardhura nga krimi i trafikimit të narkotikëve, i dërgonte “cash” nga Kopenhagen, Danimarkë, në Tetovë – Maqedoni e Veriut. Dërgimi nga Kopenhagen në Maqedoni të Veriut bëhej duke i transportuar paratë me anë të autobuzëve të shoqërisë “ALBA TRANS” (e regjistruar në Tetovë), një nga ortakët e të cilës ishte shtetasi B. Ali, i arrestuar në Danimarkë. Në Tetovë paratë merreshin kryesisht nga anëtari tjetër i grupit të strukturuar kriminal, shtetasi Dhimitër Shkodrani, i cili kalonte kufirin në pikat e kalimit kufitar me Maqedoninë e Veriut dhe më tej këto para dërgoheshin tek shtetasi Astrit Beqiri, si dhe të afërm të tjerë të grupit kriminal. Transferimi i parave sipas kësaj skeme bëhej me një frekuencë rreth 2 herë në muaj.

I pandehuri Astrit Beqiri është kunati i drejtuesit të grupit të strukturuar kriminal Jetmir Kastrati (i njohur në Danimarkë si SOKOL Krasnici), i arrestuar në Danimarkë. Hetimi i mëtejshëm provoi se i pandehuri Astrit Beqiri paratë e ardhura nga krimi kishte mundur ti pastronte duke i investuar në biznes, siç ishte pularia “RENS 2015”, pasuri të paluajtshme dhe të luajtshme etj. Në kuadër të këtij procedimi penal janë sekuestruar me synim konfiskimin :
173.500 euro dhe 8 629 000 lekë (të gjetura gjatë kontrollit të banesës së të pandehurit Astrit Beqiri).
Pularia “RENS 2015”, e cila figuron e regjistruar në emër të të pandehurit Astrit Beqiri, por që hetimi ka provuar se investimi në këtë pulari është si rezultat i parave që rridhnin nga aktiviteti kriminal i kunatit të tij Jetmir Kastrati (alias Sokol Krasnici), i arrestuar në Danimarkë. Pularia aktualisht është nën sekuestro, në gjendje pune dhe administrohet nga Agjencia e Administrimit të Pasurive të Sekuestruara dhe Konsfiksuara.
Gjashtë banesa në Velipojë, Shkodër;
Motorr tip “Motorr Yamaha”, me targe SH 133 E ;
Automjet BMË X5 me targe AA 323 LJ ;
Automjet tip Benz Mercedes E320CDI me targe AA 139 LG ;
Automjet tip “Volksëagen Golf”, me targe AA 165 VH ;
Automjet tip “Fiat” me targe SH 2872 E ;
Automjet tip “Mercedes Benz E250TD”, me targe SH 6672 D ;
Furgon ngjyrë e verdhë, i markës IVECO, me targa AA 866 FB ;
Furgon i markës ATP, Daimler Chrysler, ngjyrë e bardhë, me targa AA 803 RF;
Krahas dërgimit per gjykim të dy të pandehurve, Prokuroria e Posacme vazhdon hetimet edhe në drejtim të autorëve të tjerë të mundshëm të përfshirë në këtë skemë të pastrimit të produkteve të veprës penale”, thuhet në njoftimine SPAK./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Dosja “Gërdeci”, ankimohet vendimi i GJKKO/ SPAK kërkon hetime për Fatmir Mediun

Publikuar

-

Nga

Struktura e Posaçme Antikorrupsion, ka ankimuar në Apel vendimin e shkallës së parë të GJKKO, në lidhje me dojsen “Gërdeci”.

Pak ditë më parë, Gjykata e Posaçme për Korrupsionin dhe Krimin e Organizuar ka rrëzuar kërkesën e SPAK, duke vendosur që të mos rifillojë hetimet ndaj ish-Ministrit të Mbrojtjes Fatmir Mediu, për rolin e tij në ngjarjen e Gërdecit, proces i bllokuar që prej vitit 2009.

“Gjykata çmon që të evidentojë se edhe pse Kolegji Penal i Gjykatës së Lartë në të dy vendimet e tij ka theksuar se të drejtën për të kërkuar autorizimin për procedim sipas ligjit e ka vetëm prokurori,nga tërësia e akteve procedurale dhe e provave që ndodhen në dosjen gjyqësore konstatohet se që prej datës 14.09.2009 (data e shpalljes së vendimit të pushimit nga Gjykata e Lartë) e në vazhdim, organi i akuzës nuk i kërkoi përsëri Kuvendit të Republikës së Shqipërisë dhënien e autorizimit për fillimin e ndjekjes penale ndaj ish – deputetit Fatmir Mediu, mungesa e të cilit nuk lejonte vazhdimin e procedimit penal.

Gjithashtu, Gjykata çmon që të evidentojë se edhe pse kuadri kushtetues dhe ligjor përcakton se deputeti nuk gëzon imunitet parlamentar për ndjekjen penale apo gjykimin e tij konstatohet se që prej vitit 2012 e në vazhdim (më shumë se 8 vjet), organi i akuzës nuk ndërmori hapat e nevojshëm sipas ligjit për ushtrimin e ndjekjes penale megjithëse tashmë nuk ishte më e nevojshme që të kërkohej të jepej autorizimi nga Kuvendi i Republikës së Shqipërisë. Pra, nga vitit 2012 deri më datë 1 Gusht 2017 kur hynë në fuqi ndryshimet e K.Pr.Penale me Ligjin Nr. 35/2017, prokuroria nuk ka pasur asnjë pengesë që të rimerte të pandehur shtetasin Fatmir Mediu pa kërkuar autorizim për ndjekje penale apo të kërkonte rishikim të vendimit”, thuhet në vendimin e GJKKO.

LEXO EDHE:  Vajza blen 8 milionë lekë vdekjen e nënës/ SPAK vihet menjëherë në lëvizje

LEXO EDHE:  Aksioni tek Kadastra e Tiranës/ Zbardhen detajet, çfarë i ‘fundosi’ tre zyrtarët e lartë

Ndër të tjera thuhej se ky është rasti kur vendimi është i pakthyeshëm, pra kur nuk ka mjete të tjera të disponueshme ose kur palët i kanë shfrytëzuar këto mjete ose kanë lejuar skadimin e afatit kohor pa i përdorur ato.

Sipas GJKKO, revokimi i vendimit të pushimit do të kishte ndodhur nëse do të kishte prova  të cilat më pas do të depozitoheshin në sekretarinë e gjykatës./CNA.al

LEXO TE PLOTE

Kronika

Sekuestrohen mbi 12 kg kanabis/ Prangoset një 45 vjeçar

Publikuar

-

Nga

Plagosi me thikë 17-vjeçarin/ Arrestohet autori i mitur

12 kilogramë e 150 gramë lëndë narkotike kanabis dhe një ikonë e vjetër me vlera historike janë sekuestruar në Durrës.

Në pranga është vënë Ç. P., 45 vjeç, banues në Kavajë, i dënuar më parë për veprat penale “Kultivimi i bimëve narkotike” dhe “Përvetësimi i mallrave ose parave që rrjedhin nga vepra penale ose veprimtaria kriminale”.

“Arrestimi i këtij shtetasi u bë pasi nga shërbimet e Policisë iu gjetën dhe u sekuestruan në cilësinë e provës materiale 12 kg e 150 gr, lëndë narkotike cannabis sativa dhe një ikonë e vjetër me vlera historike (e kohës bizantine), të cilën ky shtetas dyshohet se e ka vjedhur në një kishë dhe do i shiste kundrejt vlerave monetare”, thuhet në njoftimin e Policisë./CNA.al

LEXO TE PLOTE

Kronika

Vetëvaret nëna 24-vjeçare në Pogradec/ Mister shkaqet

Publikuar

-

Nga

Bie nga kantieri i ndërtimit duke duke punuar/ Aksidentohet rëndë 55-vjeçari

Një ngjarje e rëndë ka ndodhur pasditen e sotme në Pogradec, ku një 24-vjeçare i ka dhënë fund jetës, duke u vetëvarur.

Burime për CNA.al  bëjnë të ditur se një 24 vjeçare nga fshati Losnik i Pogradecit ka varur veten në haurin e lopës, aty ku kishte shkuar për të vizituar prindërit e saj.

Viktima është R.D. nënë e një fëmije të vogël. Ajo është transportuar me urgjencë drejt spitalit të Prrenjasit, por nuk ka mundur të mbijetojë. Ende nuk dihen rrethanat e ngjarjes.

LEXO EDHE:  Hajdarmataj dhe Prela jashtë SPAK-ut/ Zbardhen emrat e prokurorëve antikorrupsion

LEXO EDHE:  Operacioni "Shpirti" / Artan Hoxha zbulon pse SPAK e ka të vështirë të hetojë

E reja e martuar në Prrenjas. Trupi është sjellë në morgun e Pogradecit./CNA.al

LEXO TE PLOTE