Sport
Partizani nuk ndalet, gati dy goditje të tjera në merkato
Te Partizani ka vetëm një repart që mund të quhet problematik, sa i takon alternativave.
Në mbrojtje, Daja ka pak lojtarë dhe siç e theksoi në prononcimin para sfidës me Teutën, po pret lojtarë që të dublojë repartet, duke lënë të kuptohet se minimalisht do të ketë dy afrime, një qendërmbrojtës dhe një mbrojtës i majtë.
Gjithashtu, Daja tha se ka studiuar alternativa së bashku me drejtorin Rama deri pas mesnate, në tregun e huaj. Kampionati ku Partizani po studion për emra mësohet të jetë ai kroat.
Kur jemi futur në ditët e fundit të merkatos, priten nga momenti në moment afrimi i dy mbrojtësve, që me shumë gjasa, mund të bëhen njëkohësisht
Seria A
Një gjuajtje në portë për 3 pikë, Interi ia del edhe ndaj Atalantës
Interi ka marrë një fitore shumë të rëndësishme, teksa ka mposhtur minimalisht Atalantën, në ndeshjen e vlefshme për javën e 26-të në Serinë A.
Skuadra e Kontes u shfaq tepër cinike, teksa me gjuajtjen e vetme në portë, ia doli të shënojë dhe të marrë fitoren, e cila e shkëputu në krye të renditjes me 62 pikë, 6 pikë më shumë se Milani i vendit të dytë.
Ishte Milan Shkrinjar, i cili pas një topi të mbetur në zonë, e gjuna menjëherë për ta ndalur në fundin e rrjetës në minutën e 54’.
Vlen të theksohet se mbrojtësi i Kombëtares, Berat Gjimshiti zhvilloi një ndeshje fenomenale, duke e bërë Lukakun të mos dukej në fushë, duke e neutralizuar plotësisht, kryesisht në pjesën e parë, kur i hoqi belgut dy gola, me ndërhyrjet e tij.
Megjithatë paraqitja e shkëlqyer e Gjimshitit nuk mjaftoi, pavarësisht se Atalanta kishte disa raste shënimi, por ishte e pamundur të shmangej Handanoviç, i cili kishte dy ndërhyrje vendimtare, duke i mohuar golin ekipit të Gasperinit.
Interi merr kështu fitoren e 10-të radhazi në shtëpi, ndërsa Atalanta pëson humbjen e dytë në transfertë, nga tetori i vitit të kaluar.
Sport
Java e derbit në Kategorinë Superiore, zbardhet plani i plotë i FSHF-së
Ishte java e Tiranës, pasi të gjitha skuadrat e kreut u ndalën. Bardheblutë kanë mundësinë të rifuten në garë për titull dhe këtë mund ta bëjnë sërish nga derbi i kryeqytetit, sërish më një ish-portier në stol. Gjithsesi, pa fluturuar, kampionët në fuqi nuk janë skuadra e vjetshëm dhe ata e dinë vetë diçka të tillë.
Të shtunën, prej orës 13:00, Tirana përballet me Partizanin në “Selman Stërmasi” dhe shpreson që fitorja e vet të shoqërohet edhe me ndonjë ndalim tjetër të rivalëve. Sigurisht Partizani do mundohet të bëjë autokritikë, pas asaj disfate të djeshme me Skënderbeun.
Java e 24-t sjell disa duele interesante, me Vllazninë që e hap javën me një ndeshje kundër Bylisit të premten. Në të njëjtën ditë dhe orë, 13:00, Kukësi pret Apoloninë në Elbasan, kurse të nesërmen Laçi do tentojë të reagojë në transfertë me Skënderbeun. Java e 24-t mbyllet me Teuta-Kastrioti, të shtunën në orën 16:00.
KATEGORIA SUPERIORE – JAVA 24
E premte, më 12 mars 2021
Ora 13:00 | Vllaznia-Bylis
Ora 13:00 | Kukësi-Apolonia
E shtunë, më 13 mars 2021
Ora 13:00 | Tirana-Partizani
Ora 13:00 | Skënderbeu-Laçi
Ora 16:00 | Teuta-Kastrioti
Seria A
FORMACIONET/ Conte “ALL-IN” nga minuta e parë, njihuni me rreshtimet e Inter-Atalanta
Inter dhe Atalanta përballen me njëra tjetrën në orën 20.45 në kuadër të Serisë A. Trajneri i zikaltërve, Conte dhe ai i bergamaskëve, Gasperini kanë vendosur për titullarët. Perisic tanimë është bërë pjesë e pandashme e formacionit, me kroatin që sërish është mes 11-shes.
Kryesuesit e nisin me Lukakun dhe Lautaron në sulm, me dyshen sulmuese që ka një punë të vështirë sot. Barella dhe Brozovic qëndrojnë në mesfushë, teksa duhet të lidhin repartet. Në krahun tjetër, Zapata udhëheq ofensivën e miqve, ndërsa Djimisiti në mbrojtje.
FORMACIONET:
Inter: Handanovic, Skriniar, De Vrij, Bastoni, Hakimi, Barella, Brozovic, Vidal, Perisic, Lautaro, Lukaku.
Atalanta: Sportiello, Toloi, Romero, Djimsiti; Maehle, Freuler, De Roon, Gosens; Pessina, Malinovskyi; Zapata.
