Connect with Us

Skema nga bilancet/ Si futen paratë informale në ndërtim

Ekonomi

Skema nga bilancet/ Si futen paratë informale në ndërtim

Publikuar

-

Një valë ndërtimesh nisi në kryeqytet që pas vitit 2017, e raportuar kjo dhe në rritjen e fortë të sipërfaqes së banesave të dhëna për leje ndërtimi.

Sipas të dhënave zyrtare të INSTAT, sipërfaqja e lejeve të dhëna për banesa në Tiranë, në 2019-n arriti në mbi 1 milionë metra katror, me rritje gati 49% me bazë vjetore dhe duke shënuar nivelin më të lartë që nga 2005-a, kur uria për të ndërtuar në kryeqytet ishte shumë e lartë (shih grafikun e lejeve të ndërtimit).

Të dhëna të tjera të Bankës së Shqipërisë tregojnë se ky bum i ndërtimeve nuk po financohet me kredi bankare. Huaja e re për sektorin e ndërtimit ka ardhur në rënie që prej vitit 2017. Në 2019-n, kredia e re e dhënë për ndërtimin (11 mujori) ishte rreth 24% më e ulët se në 2017-n, sipas të dhënave zyrtare dhe në të njëjtat nivele ishte dhe për 11 mujorin 2020. (shih grafikun Kredia e re për ndërtimin, 11 mujori).

Nga lista e kompanive që kanë marrë leje ndërtimi vitet e fundit rezultojnë subjekte që kanë pasur të ardhura minimale, apo kanë qenë të fjetura prej shumë vitesh. Monitor ka analizuar bilancet e njërës prej tyre për të kuptuar se si arrijnë të ndërtojnë firmat që nuk kanë burime financiare (të dhënat janë reale dhe janë konvertuar në euro) dhe që nuk po financohen nga bankat.

Kompania X ka marrë një leje ndërtimi në vitin 2017. Këtë vit, subjekti kishte dorëzuar vetëm bilancin e 2016-s. Nga bilanci zyrtar rezulton se të ardhurat e saj ishin vetëm 54 mijë euro, që janë të pamjaftueshme për të blerë një apartament dhe jo më për të filluar ndërtimin e një pallati. Kompania kishte një humbje minimale prej rreth 3 mijë eurosh. Po në vitin 2016, kompania kishte asete gjithsej prej 58 mijë eurosh, nga të cilat 35 mijë euro ishin para në bankë ose arkë. Në kahun tjetër, subjekti kishte detyrime prej 50 mijë eurosh ndaj të tretëve, ndërsa nuk kishte kredi në banka.

Në vitin 2017, kompania fillon ndërtimin. Nga bilanci i 2017-s rezulton se dy janë format kryesore se si ajo i ka justifikuar punimet edhe pse fillimisht nuk zotëronte asnjë burim financiar:

LEXO EDHE:  SPAK zbulon skemën abuzive/ Vihen në pranga disa punonjës të ISHSH-së dhe Kujdesit Shëndetësor

-Së pari, përmes detyrimeve që ajo u ka furnitorëve, që merr mallrat, që nënkupton që kompania ka marrë materiale ndërtimi dhe nuk i ka paguar të tretët.

-Së dyti, përmes parapagimeve nga klientët për shitjen e apartamenteve.

Në vitin e parë të ndërtimit, kompania ka raportuar të ardhura prej 354 mijë eurosh, ose gati 7 herë më të larta se në 2016-n.

Të njëjtën skemë, kompania ka përdorur edhe në 2018-n, Furnitorët pothuajse janë dyfishuar në 650 mijë euro, ndërsa ka vijuar marrja e parapagimeve nga klientët. Subjekti ka vijuar që të mos ketë asnjë mbështetje financiare nga bankat.

Si rrjedhojë, nga një kompani me të ardhura minimale në 2016-n, në fund të vitit 2018 subjekti X raportoi dhjetëfishim të të ardhurave në krahasim me 2016-n (nga 54 mijë euro në 573 mijë euro), ndërsa filloi të rezultojë me fitime para taksave prej rreth 51.5 mijë euro.

Një tjetër kompani Y kishte të ardhura përkatësisht 30-36 mijë euro në 2016-2017, ndërsa kishte asete minimale. Në 2018-n kompania fillon ndërtimin e një pallati në kryeqytet. Po atë vit, të ardhurat rriten me shpejtësi, me 21 herë, në gati 800 mijë euro. Ashtu si në rastin e kompanisë X, edhe subjekti Y raporton rritje të zërit të “Arkëtime në avance për porosi” dhe “Të pagueshme për aktivitetin e shfrytëzimit”.

Një raport i mëparshëm i “Nismës Globale kundër Krimit të Organizuar Ndërkufitar” (Global Initiative against Transnational Organized Crime) gjeti se rreth 60% e firmave të ndërtimit, që kanë marrë leje në periudhën 2017-2019 në kryeqytet, nuk i justifikojnë burimet e tyre financiare. Sipas raportit, nga 141 kompani që kanë marrë leje ndërtimi për ndërtesa më të larta sesa 6 kate midis 2017 dhe 2019, 59% e tyre nuk kishin kapacitetet financiare për t’i përfunduar ato. Sipas bilanceve të tyre, kompanitë kishin të ardhura minimale dhe nuk kishin as asete dhe hua dhe as kompani të lidhura, që do t’u mundësonin të bënin një investim të tillë./Monitor

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Ekonomi

Masat anti-krizë së shpejti në tavolinë/ Ahmetaj: Plani i opozitës i pamenduar

Publikuar

-

Nga

cna lajem ekonomi

Gjatë fjalës së mbajtur në kuvend Zëvendëskryeministri Arben Ahmetaj foli për situatën energjetike në vend, por edhe iu përgjigj akuzave të opozitës për pandeminë dhe ekonominë.

“Po, situata nuk është e thjeshtë me energjinë, ka prekur të gjithë botën. Në Britani, rritur çmimet për qytetarin me 18%, Itali me 40%, Spanjë me 47%.

Çfarë po ndodh këtu tek ne? Janë rritur gjë çmimet e energjisë këtu? Jo. Duroni 48 orë, do vijmë me një plan. Ju ftojmë ta mbështesni atë plan, është plan shumë i rëndësishëm. Nuk i thuhet shqiptarëve që ju u varfëruat ndërkohë që ekonomia falë punës së shumë njerëzve, qytetarëve, sipërmarrjes, rritet me 17 dhe 18%. Siç e theksova, brenda 48 orësh, ne do të marrim masa rregullatore që të garantojmë pikë së pari mbrojtjen e shtresave në nevojë, familjeve, sipërmarrjes së vogël që gjeneron punësim dhe e ka rikthyer punësimin në nivelet e para-krizës, dhe në të njëjtën kohë të garantojmë furnizim të pandërprerë të energjisë për ekonominë, qytetarët dhe sipërmarrjen” – u shpreh Zv.kryeministri.

Lidhur me akuzat e opozitës për menaxhimin e pandemisë dhe rritjen e varfërisë tek qytetarët, Ahmetaj citoi raportin e fundit te Bankës Botërore, i cili e ka vlerësuar Shqipërinë si vendin me rritjen më të lartë në rajon. Sipas të njëjtti raport, varfëria në Shqipëri ka ardhur drejt uljes nga 34% disa vite më parë, në 29% aktualisht.

Sigurisht mund të flasësh për varfërinë me klithma populiste sa të duash. Nuk e shpëton. Sigurisht mund të shash sa të duash në këtë anë apo atë anë, nuk i shpëton të varfërit me ato.

Përgjeshmëria e maxhorancës, e qeverisë, vendosmëria që ditën 1, blerja më parë se kushdo tjetër në rajon e vaksinave, solli atë që solli.

Janë 1 milionë e 700 mijë vaksina të kryera sot që kanë bërë të mundur të shpëtojnë jetë dhe deri në fund të vitit do vijnë 3 milionë vaksina, 3 milionë vaksina. Ka vende që akoma lypin në dyert e Europës vaksina. Ne i kemi dhe vazhdojmë të vaksinojmë çdo ditë.

50 mijë vende punë janë shpëtuar nga mbështetja që kemi dhënë. 183 mijë qytetarë, fytyra, njerëz, kryefamiljarë, që kanë përfituar. Sa kanë përfituar? Debat i hapur ngelet, përfituan pak, përfituan shumë, mund të kishin përfituar më shumë po të kishim më shumë, patjetër. 5% e PBB” – tha Ahmetaj.

 Ahmetaj komentoi edhe planin me 7 pika të propozuar nga opozita për adresimin e situatës energjetike:

“Një plan serioz mendohet, nuk vjen 3 minuta pas deklarimit të Kryeministrit, se i bie që për 7 pika të keni kaluar vetëm 7 sekonda për t’i menduar. Ulja e TVSh  nuk shkon tek konsumatori, përkundrazi, e dëmton duke i hequr buxhetit instrumentet për t’u shërbyer të varfërve nëpërmjet ndihmës ekonomike apo të gjitha shërbimet që ne mundohemi t’u ofrojmë me ato mundësi që ka buxheti i Shqipërisë. Përfitimi shkon tek ata që ju pretendoni dhe i shani këtu si oligarkë.” – tha Ahmetaj.

 Fjala e plotë Zëvendëskryeministrit Arben Ahmetaj në Kuvend

Në kohë të tilla të vështira patjetër pas disa goditjesh në jetë njerëzore, në ekonomi apo dhe shëndetin publik sigurohet që nga të gjithë palët pritet përgjegjshmëri.

Debati është debat, por nëse debati kalon përtej racionalitetit dhe përgjegjshmërisë së momentit dh kthehet në pseudo-migjenian dhe populist me klithma për të varfërit sigurisht që e gjitha pastaj bëhet debat emocional dhe pa asnjë rrugëdalje.

Është momenti i duhur që edhe ne edhe ju të keni kontributin tuaj në zgjidhjen e momenteve të vështira që kalon vendi.

Tërmeti, pandemia apo edhe një krizë potencialë në dyert e Shqipërisë, ashtu siç po ndodh në Francë, Itali, Gjermaninë, Kinë, Angli, që është kriza energjetike dhe çdo grup politik me përgjegjshmëri reflekton dhe sjell propozime.

Patjetër propozimet debatohen, mund të jene të mira, mund të jenë populiste, mund të jenë jo të mira si nga ana praktike, apo profesionale, fiskale, sociale apo ekonomike, por faktet janë fakte.

Çfarë ndodhi me pandeminë në këtë vend?

U përballëm me atë që dimë të gjithë.

Përgjeshmëria e maxhorancës, e qeverisë, vendosmëria që ditën 1, blerja më parë se kushdo tjetër në rajon e vaksinave, solli atë që solli.

Sigurisht që përballë pandemisë ne nuk jemi Zoti që të mbyllim portën e digës për një sekondë, nuk e bëjmë dot, nuk e kemi atë fuqi të mbinatyrshme dhe sigurisht fatalitetet fatkeqësisht ishin prezente, por shumë të ulëta se shumë vende qoftë të rajonit, qoftë të botës.



Dhe numrat që sillni, nuk u fshehën. Ku i gjetët ju? Sigurisht i morët nga statistikat zyrtare, aty janë dhe sot kemi shumë pak vdekje e fatkeqësisht kemi akoma, por janë shumë më pak për shkak të kujdesit shëndetësor, për shkak të heroizmit të mjekëve dhe infermierëve, për shkak të përgjegjshmërisë së institucioneve shtetërore të qeverisë dhe falë vaksinimit, po, vaksinimit.

Janë 1 milionë e 700 mijë vaksina të kryera sot që kanë bërë të mundur të shpëtojnë jetë dhe deri në fund të vitit do vijnë 3 milionë vaksina, 3 milionë vaksina. Ka vende që akoma lypin në dyert e Europës vaksina. Ne i kemi dhe vazhdojmë të vaksinojmë çdo ditë.

E njëjta gjë ndodhi më tërmetin. Sigurisht, nuk jemi Zoti të ndalojmë tërmetin. Përgjigjen ama  e kemi në dorë dhe përgjigjen e kemi të gjithë bashkë, jo vetëm ai grup që është në pushtet. Janë jetë njerëzish, janë ekonomi qytetarësh. Sigurisht mund të flasësh për varfërinë me klithma populiste sa të duash. Nuk e shpëton. Sigurisht mund të shash sa të duash në këtë anë apo atë anë, nuk i shpëton të varfërit me ato.

Po marr propozimin e TVSh, në respekt të propozimit. E ka treguar jeta që nga 1970, kushdo që e ka lexuar, është ekonomist apo jo, nuk funksionon. Ulja e TVSh  nuk shkon tek konsumatori, përkundrazi, e dëmton duke i hequr buxhetit instrumentet për t’u shërbyer të varfërve nëpërmjet ndihmës ekonomike apo të gjitha shërbimet që ne mundohemi t’u ofrojmë me ato mundësi që ka buxheti i Shqipërisë. Përfitimi shkon tek ata që ju pretendoni dhe i shani këtu si oligarkë.

LEXO EDHE:  Përditësimi i fundit/ KQZ tregon si paraqitet rezultati në rang vendi

LEXO EDHE:  Manastirliu zbulon të dhënat/ Ja sa qytetarë kanë bërë dy dozat e vaksinës ndaj COVID-19

Ja po ju sjell shembullin e inputeve bujqësore. E bëmë me dëshirë të madhe, me pasion dhe bëmë mirë një moment. Ku shkoi çmimi? Hoqëm TVSh, nuk ndryshoi. 2,2 miliardë shkoi tek tregtarët. Sigurisht që ka më shumë nevojë për institucione monitoruese por shteti është dhe gradualitet, nuk bëhet për një ditë.

Në të njëjtën kohë, i thonë shqiptarëve “ju u varfëruat”. Nuk dua ta nxjerr situatën aspak rozë, do ishte e padrejtë për këdo djathtas, majtas apo përtej sallës, por dua ta fus në kontekst. T’u thuash shqiptarëve që u varfëruat, ndërkohë që modestisht dua të përmend që kursimet e vogla janë rritur. Ju i thoni që nuk i përballojnë, por nga ana tjetër falë Zotit, falë punës, falë ekonomisë, rriten kursimet.

Nga ana tjetër rritet kredia për herë të parë. Kemi shumë vite që mezi shohim rritje kredie modeste, por është rritur kredia në 7%. Duhet ta përmendim edhe rikthimin e rritjes ekonomike, është në favor të çdo shqiptari.

Nuk dua t’i referohem statistikave, por mund t’ju sjell një statistikë modeste por të rëndësishme, të dashur kolegë deputetë.

Ka dalë raporti i Bankës Botërore. E konsideron Shqipërinë me rritje me të madhe në rajon, falë punës, falë masave, falë qytetarëve, falë sipërmarrjes që edhe e mbështetëm. E dini besoj që sot ne kemi rimarrë të gjitha vendet e punës që humbëm nga pandemia. Hajde shahemi, por jo, skam ndërmend të shaj askënd sado të mund të hedhin romuze.

Duhet festuar rikuperimi i vendeve të punës. Humbi gjithë Europa vende punë e mundëm si rrallëkush për shkak të elasticitetit të tregut, po edhe asaj që bëjnë sipërmarrjet dhe punonjësit, por edhe falë mbështetjes qeveritare. E ka thënë Banka Botërore meqë s’do të na pëlqente ta thoshte Kryeministri, apo unë, apo kushdo nga ministrat.

50 mijë vende punë janë shpëtuar nga mbështetja që kemi dhënë.

183 mijë qytetarë, fytyra, njerëz, kryefamiljarë, që kanë përfituar. Sa kanë përfituar? Debat i hapur ngelet, përfituan pak, përfituan shumë, mund të kishin përfituar më shumë po të kishim më shumë, patjetër. 5% e PBB. Hajde ta debatojmë me shifra, pastaj kalojmë në fyerje, në sharje, në emocione. Por emocionet tona s’duhet t’ua kalojmë e të tallemi me shqiptarët e t’u themi këta ju varfëruan, këta nuk tregojnë vdekjet, ne do ulim TVSh.

Një plan serioz mendohet, nuk vjen 3 minuta pas deklarimit të Kryeministrit, se i bie që për 7 pika të keni kaluar vetëm 7 sekonda për t’i menduar.

Plani? Po, situata nuk është e thjeshtë me energjinë, ka prekur të gjithë botën. Në Britani, rritur çmimet për qytetarin me 18%, Itali me 40%, Spanjë me 47%.

Çfarë po ndodh këtu tek ne? Janë rritur gjë çmimet e energjisë këtu? Jo. Duroni 48 orë, do vijmë me një plan. Ju ftojmë ta mbështesni atë plan, është plan shumë i rëndësishëm. Nuk i thuhet shqiptarëve që ju u varfëruat ndërkohë që ekonomia falë punës së shumë njerëzve, qytetarëve, sipërmarrjes, rritet me 17 dhe 18%.

Nuk është rozë, jemi larg, shumë shumë larg. Por udhëtuam nëpër greminë me dy fatkeqësi të mëdha me tërmetin dhe pandeminë dhe po ringrhemi. Kemi problemet tona, në të majtë e në të djathtë, sa të duash kemi probleme. Biem dakord që të mos biem dakord, por nuk do biem dakord që të mos i referohemi të vërtetës dhe nuk do biem dakord që me gjithë emocionet tuaja apo tona politike nuk paska vend për të kontribuar me racionalitet dhe me sinqeritet në kohë krize, edhe nga ju që sot jeni në opozitë.

Dhe së fundi, kur i referohemi ekonomisë, sigurisht që konteksti diskutohet brenda një konteksti më të gjerë global. Ne kemi zgjedhur një sistem i cili na ka lejuar të rritemi, të pasurohen shqiptarët, të pasurohen sipërmarrjet sigurisht, por mbrojtja nga çmimet globale sigurisht që i ka amortizatorët më të dobët për çmimet e pakontrolluara. Për çmimet e pakontrolluara nuk është TVSH që e mbron qytetarin, është ajo që bën qeveria, që i mban çmimet të subvencionuara për familjet dhe për biznesin e vogël.

Siç e theksova, brenda 48 orësh, ne do të marrim masa rregullatore që të garantojmë pikë së pari mbrojtjen e shtresave në nevojë, familjeve, sipërmarrjes së vogël që gjeneron punësim dhe e ka rikthyer punësimin në nivelet e para-krizës, dhe në të njëjtën kohë të garantojmë furnizim të pandërprerë të energjisë për ekonominë, qytetarët dhe sipërmarrjen.

Dhe para se ta mbyll, do desha që kur diskutojmë të sjellim dhe ca statistika, por statistika të pranuara përtej nesh. Rritja e ekonomisë kapi atë qe i referohem si rritja V, pra e menjëhershme. Por dhe një fakt s’duhet ta harrojmë. Banka Botërore nxori pardje nxori një statistikë të rëndësishme, ulja e varfërisë nga 34% disa vite më parë në 29% tani, verifikojeni. Por është proces, varfëria nuk ulet duke dalë e duke folur për të varfërit me emocion populist. Varfëria do masa, do reforma, do përgjegjshmëri, gjë që ne si maxhorancë e si qeveri e kemi treguar. Ky është rasti, në momente te vështira që kalon ekonomia dhe Shqipëria, që dhe ju ta tregoni përgjegjshmërinë tuaj përtej debatit politik apo edhe fjalimeve politike, apo edhe lojës me numrat e fataliteteve, apo edhe me propozimet që në dëshirë të mirë mund t’i keni hedhur. Shumë prej tyre nuk janë të duhura, por do duhet të duroni që ne të dalim me platformën e mbështetjes për qytetarët, për familjet dhe sipërmarrjet./CNA.al

LEXO TE PLOTE

Ekonomi

Nuk ka luhatje në tregun valutor/ Mësoni me sa këmbehet sot, euro, dollari dhe paundi

Publikuar

-

Nga

Tregu valutor shfaqet pa luhatje.

Nuk ka ndryshimet tek monedhat e huaja si në blerje ashtu edhe në shitje.

Sot, me datë 7 Tetor, një dollar blihet me 102.7 lekë dhe shitet 107.7 lekë.

Një euro blihet me 120.7 lekë dhe  shitet me 125.7 lekë.



Ndërsa paundi britanik blihet me 139.8 lekë dhe shitet me 144.8 lekë./CNA.al

 

LEXO EDHE:  Bilanc shqetësues në Kosovë/ 141 të infektuar dhe 11 viktima në 24 orë

LEXO EDHE:  Kartëmonedha e re/ Ekonomia reale dhe shpresat për rritjen

 

LEXO TE PLOTE

Ekonomi

Rritja e çmimit të bukës, energjisë dhe karburanteve/ Sejko flet për skenarët e tremujorit të tretë

Publikuar

-

Nga

Guvernatori i Bankës së Shqipërisë, Gent Sejko, ka folur për pritshmërinë dhe skenarët e mundshëm për rritjen e çmimeve gjatë tremujorit të tretë të vitit.

Gjatë konferencës së pasdites së sotme, Sejko tha se Shqipëria do të përballet me një rritje të inflacionit, ndërsa foli edhe për politikat që do të ndërmarrë institucioni që ai drejton.

“Rritja e çmimeve vjen si pasojë e inflacionit të importuar nga tregjet ndërkombëtare. Është rritur nafta, gazi dhe energjia veçanërisht në Eurozonë. Gjithsesi në tregun e brendshëm, me përjashtim të rritjes së çmimit të naftës dhe bukës nuk kemi parë rritje të çmimeve. Pritshmëria është për tremujorin e fundit të këtij viti dhe tremujorin e parë të vitit të ardhshëm. Në dimër nevoja për energji dhe gaz do jetë më e lartë. Gjithsesi është për tu parë si do reagojnë tregjet.



BSH do monitorojë situatën dhe do të shohë si do të reflektohet kjo në inflacion. Nëse inflacioni bazë, pra i brendshëm do rritet më shpejt se parashikimet, ne do reagojmë. Do kalojmë në politikën monetare shtrënguese, pra me rritje të normës së interesit”, tha Sejko.

Sejko u shpreh se rritja ekonomike shënoi nivelin 17.9 për qind në tremujorin e dytë të këtij viti, ndërsa shtoi se ekonomia shqiptare tanimë ka rikuperuar tërësisht humbjet e shkaktuara nga tërmeti dhe pandemia.

LEXO EDHE:  Bozdo publikon dokumentet/ Porti i Durrësit po i falet kompanisë arabe

LEXO EDHE:  “Studimi i seroprevalencës së Sars-Cov-2/ ASH: Ja sa duhet të jetë numri real i të infektuarve në vend

Sipas të dhënave të INSTAT-it rritja ekonomike shënoi nivelin 17.9 për qind në tremujorin e dytë të këtij viti. Kjo ecuri sugjeron se ekonomia shqiptare ka rekuperuar tërësisht humbjet në aktivitetin ekonomik të shkaktuara nga tërmeti dhe nga pandemia. Analiza e të dhënave të disponuara tregon se rritja e tremujorit të dytë, pasqyron jo vetëm efektin e fortë bazë të rënies së fortë ekonomike gjatë tremujorit të dytë të vitit të kaluar, por edhe gjerësinë dhe forcën e faktorëve që kanë ushqyer rritjen në gjysmën e parë të këtij viti. Po ashtu analiza e të dhënave indirekte sugjeron për norma të shpejta rritje edhe gjatë tremujorit të tretë, por edhe gjatë gjysmës së dytë të këtij viti. Rritja e aktivitit ekonomik shfaqet me bazë të gjerë. Në terma të kërkesës agregate ajo pasqyroi zgjerimin e konsumit dhe të investimeve private, rritjen e shpenzimeve buxhetore, si dhe zgjerimin e eksportit të mallrave dhe shpenzimeve. Në terma sektorialë, kjo rritje pasqyroi zgjerimin e njëkohshëm të aktivitetit ndërtues, industrial dhe të shërbimeve. Punësimi u rrit me 1.1 për qind gjatë tremujorit të dytë, ndërsa shkalla e papunësisë zbriti në nivelin e 11.6 për qind“, u shpreh Sejko.

LEXO TE PLOTE