Connect with Us

Shefi i Krimeve kërcënon gazetarin/ Dil jashtë se…

Denoncim

Shefi i Krimeve kërcënon gazetarin/ Dil jashtë se…

Publikuar

-

Shefi i Krimeve kërcënon gazetarin/ Dil jashtë se…

Emisioni “Stop” shkoi në Divjakë këtë të mërkurë, pasi Loni Lala, 64 vjeç, është ankuar, se përveçse i kanë vjedhur dy dele më 2 Janar 2021, ai vetë dhe familja ndjehen të kërcënuar prej hajdutëve dhe se nuk kanë gjetur përkrahje nga policia e Divjakës.

Vjedhja ka ndodhur nga katër persona në stallën ku Lala mban bagëti e gjedhë. Gjithçka është e filmuar nga kamera e një biznesi përballë stallës. Loni Lala tregoi, se hajdutët kanë shkatërruar dritaren me tulla, kanë tërhequr zgarën dhe kanë hyrë brenda, ku kanë grabitur delet.

Lala shtoi se dy persona i ka njohur dhe janë banorë të fshatit. Në këto kushte është lënë i vetëm nga shteti dhe nga policia. Ai tregoi, se ka bërë ankesa në polici, por policia në vend që t’i ofrojë mbrojtje, i është kundërvënë.

“Këtu kanë ardhur kanë shqepur dritaren me tulla, kanë hequr zgarën, kanë hyrë brenda, kanë kapur dy delet i kanë nxjerrë dhe kanë ikur. 9 krerë kam pasur gjithsej këtu dhe 2 mi morën, 7 më ngelën. Mesa pashë tek kamerat atje, janë 4 persona. Banorët e fshatit, vijnë shpesh herë këtë derisa arritën që votën. Kam 2 vjet që më vjedhin këtu. Më kanë vjedhur viça, dhi, dele, qengja, keca. Thonte policia që nuk do vij unë të ruaj delet e tua. Nuk e ndjej veten të mbrojtur nga policia se kam bërë ankesa dhe policia më është kundërvënë mua. Unë jam vetëm këtu në stallë, mund të vijnë të më vrasin. Gjithë natën rri këtu tek stalla”, tha ai.

E bija e Loni Lalës tha se është kërcënuar nga vëllai i njërit prej grabitësve, Arsid Janko.

E bija: Më ka kapur në rrugë te parku i lojërave, Arsid Janko dhe më ka thënë “nëse vëllai im del i pafajshëm, unë do të të vras burrin dhe babain”. Nga shteti unë dua sigurinë e familjes!

Gazetari: Kush është ky person, që ju e përmendët me emër dhe mbiemër?

E bija: Personi, i cili ka dalë në kamerë, njeri prej katër personave, që kanë dalë në kamerë. Në datën 3, afër dreke. Po vija nga Durrësi dhe shkova në farmaci, për të marrë diçka. Nga farmacia isha te parku i lojërave me vajzën dhe aty erdhi ai dhe më pyeti:  “Çfarë ka ndodhur, që e morën vëllain tim?” Nuk e di, i thashë unë dhe realisht nuk e dija këtë pjesë. Ai tha, se nëse vëllai del i pafajshëm, atëherë do të të vras babanë dhe burrin. Babai dhe burri më tha: “Hajde të shkojmë në polici”. Shkova në polici, për të bërë denoncimin dhe ata të policisë më thanë: “Nëse kjo del, që është gënjeshtër, atëherë ju do të fundoseni dhe largohuni që këtu!”

Gazetari: Kush jua ka thënë këtë?

E bija: Një prej atyre policëve. Mënyra, se si i është përgjigjur policia babait tim, nuk është e drejtë.

Gazetari: Ti vetë ndihesh e mbrojtur?

E bija: Unë dhe familja imë nuk ndihemi të mbrojtur, përkundrazi, ndihemi shumë keq. Kam tri fëmijë të vegjël dhe nuk kam siguri për familjen. Unë nga shteti dua vetëm sigurinë e familjes, se ata më kanë marrë djersën e fëmijëve! Unë nuk thera një qëngj për Krishtlindje dhe për Vitin e Ri. Denoncimin unë nuk e bëra për këtë person, sepse u përgjigjën shumë keq. “Largohuni që këtu dhe nëse kjo nuk është e vërtetë, ju do të fundoseni!”.

Gazetari i “Stop” iu drejtua komisariatit të policisë, ku shefi i Krimeve, në vend që të japë informacion për rastin në fjalë, filmoi me celular dhe kërcënoi gazetarin me procedim penal, duke e nxjerrë jashtë.

Punonjësi: Ky është shefi i krimeve.

LEXO EDHE:  Dalin detaje të reja për sanitaren Tire Alldervishi/ Përveç vajzës, u merrte lek edhe të afërmve të së ndjerës

Gazetari: Shumë bukur! Kemi ardhur për problemin e qytetarit.

Shefi i Krimeve: Ec, dil jashtë!

Gazetari: Do flasim aty jashtë?

Shefi i Krimeve: Po, dil jashtë!

Gazetari: Do flasim aty jashtë, bashkë?

Shefi i Krimeve: Do flasim jashtë, jo këtu.

Gazetari: Pse jashtë?

Shefi i Krimeve: Është vepër penale mosbindja ndaj urdhrit të punonjësit të policisë.

Gazetari: Zotëria Loni Lala është banor i Divjakës. Ka patur një problem për një vjedhje. Duam të dimë pak veprimet e policisë nga fillimi e deri në fund dhe pjesën e mbrojtjes së zotërisë. Ma jep përgjigjen tani!

Shefi i Krimeve: Të lutem, dil jashtë!

Gazetari: A mund ta jepni ju përgjigjen, se ju jeni Shefi i Krimeve?

Denoncuesi: Kam dy vjet, që denoncoj këtu në këtë derën e policisë. Kanë vjedhur dele, vica, keça, qengja, derisa u identifikuan hajdutët, i mbajtën 1 orë dhe i çuan.

Gazetari: Nuk po dhunoj institucionin, nuk po ju fyej…

Shefi i Krimeve: Dil jashtë, se do fillojë procedimi penal!

Gazetari: Po le të fillojë procedimi, por për çfarë, pra? Ka një arsye, ka një motiv.

Gazetari: Zotëri, unë kërkoj, çfarë i mbetet prokurorisë…

Shefi i Krimeve: Nuk ka rëndësi, këtu duhet të hysh sipas ligjit.

Gazetari: Atij zotërisë, që është gjynah, kur e shikon me gjithë këto probleme, keni marrë një denoncim nga vajza…

Shefi i Krimeve: Asnjëherë, ty nuk të vjen gjynah më shumë sesa neve.

Gazetari: E shikoj, e shikoj, që këta ndihen të rrezikuar.

Shefi i Krimeve: Ndihmoje, pse nuk e ndihmon zotërinë?

Gazetari: Si?! Më thua mua, që ta ndihmoj? Po unë për çfarë kam ardhur këtu? Mos kujton ti, se po tallem unë këtu?  “Stop”-i  nuk vjen për t’u tallur këtu, zotëri!

Shefi i Krimeve: Dil jashtë!

Gazetari: Unë nuk dal jashtë, pa më siguruar se çfarë do të bëhet me mbrojtjen e këtyre zotërinjve! Më jep përgjigje, se çfarë është bërë, lidhur me këtë gjë. Zotëri, po filmoje dhe filmoje mirë atë, se s’ka asnjë problem!

Shefi i Krimeve: Të lutem dil jashtë!

Gazetari: Mund ta filmosh, urdhëro, ja ku e ke kamerën, i kemi publikisht!

Shefi i Krimeve: Unë nuk filmoj, të lutem, te shtëpia jote nuk hyn njeri brenda dhe troket nga brenda.

Gazetari: Po për çfarë po më nxjerr jashtë? Pse po më ndjek?

Shefi i Krimeve: Je i jashtëligjshëm këtu.

Gazetari: Për çfarë jam i jashtëligjshëm?

Shefi i Krimeve: Në institucionin e policisë hyhet me rregulla.

Gazetari: Unë nuk përbëj vepër penale, se nuk po dhunoj institucionin.

Gazetari: Zotëria, gjynah! Është për të ardhur keq, që në mes të një stalle aty, i vetmuar, të ndihet akoma i rrezikuar. Për këtë më vjen shumë keq! Jam shumë i shqetësuar, se ti e shikon, se sa i shqetësuar jam unë për atë qytetarin dhe e shikoj, se sa e keni vënë ju ujin në zjarr.

Shefi i Krimeve: Vetëm i shqetësuar nuk je.

Gazetari: Po çfarë jam? Bëni edhe rolin e psikologut tani? Se, tani, të shefit nuk po ma bën, të informacionit s’po ma bën, e ke edhe diplomën e psikologut? Se si jam unë, i shqetësuar ose jo? Unë po bëj detyrën time, zotëri, dhe ti nuk mundesh dot të më ndalosh dot mua! Nuk kam ardhur këtu, për t’u zënë me ju, nuk është qëllimi ynë ky, si emision. Qëllimi ynë është, që ne të informohemi saktë dhe të kërkojmë mbrojtje për zotërinë.

“Stop” iu drejtua zyrtarisht policisë së Fierit, e cila ktheu një përgjigje duke thënë se është bërë identifikimi i autorëve të dyshuar ndërsa materialet në ngarkim të të dyshuarve i kanë kaluar prokurorisë së Lushnjes për veprime të mëtejshme proceduriale hetimore./ tvklan

Për të rejat më të fundit behuni pjesë e grupit tonë në facebook : City News Albania

Denoncim

Skandali në Fiks Fare/ Ish i dënuari dhunon gruan dhe kryen veprime të turpshme në sy të fëmijëve të mitur, gjykata i lë në të njëjtën shtëpi!

Publikuar

-

Nga

Skandali në Fiks Fare/ Ish i dënuari dhunon gruan dhe kryen veprime të turpshme në sy të fëmijëve të mitur, gjykata i lë në të njëjtën shtëpi!

Bashkëshorti e dhunon fizikisht dhe psikologjikisht gjykata jep vendimin që të qëndrojnë në të njëjtën banesë. Katër urdhra mbrojtje nuk i dhanë fund torturës së nënës së 3 fëmijëve të mos dhunohej sistematikisht nga ish bashkëshorti i saj.

Edhe pse duhet të ishte një shembull i një kryefamiljari të mirë, të paktën fëmijët e tij, edhe me këta të fundit ushtron dhunë psikologjike madje shkon edhe me tej. Ai dhunon nënën në sy të tyre si dhe kryen veprime të turpshme po në prani të tre fëmijëve të mitur. Veprime të cilat janë të rënda për psikologjinë e një adulti kur përballet me to, ndërsa për fëmijët janë shokuese.

Nëna e kësaj familje të dhunuar ankohet në emisionin Fiks Fare duke rrëfyer se ajo vetë dhunohet nga bashkëshorti që prej vitit 2010 .Halli i kësaj zonje bëhet edhe më i rëndë kur nëna e tre fëmijëve ,ku 2 prej të cilëve vuajnë nga sëmundja e talasemisë rrëfen për emisionin Fiks Fare se ish bashkëshorti i saj jo vetëm dhunon atë, por kryen akte dhe veprime të turpshme në prezencë të fëmijëve.

Në një video të cilën kjo zonjë e ka vënë në dispozicion dhe të emisionit Fiks Fare duket ish bashkëshorti i saj që bën veprime të turpshme me një lodër seksi në prezencë të fëmijëve, pa lënë mënjanë fjalorin e ndyrë dhe dhunën kundrejt ish bashkëshortes.

LEXO EDHE:  Video/ “Stop“ tregon se si vonesa në marrjen e Diplomës penalizon studentët që duan të shkojnë jashtë

LEXO EDHE:  Video/ “Stop“ tregon se si vonesa në marrjen e Diplomës penalizon studentët që duan të shkojnë jashtë

Të gjitha këto bëhen në sy të vajzës së mitur.Gjithashtu zonja na rrëfen se ish bashkëshorti u ka treguar fëmijëve foto të tij nudo apo foto duke kryer aktin seksual me një femër tjetër dhe të birit i thotë se duhet të bëhesh si babai.

Në fakt ky problem nuk mbaron me kaq për këtë zonjë, por bëhet akoma dhe më i rëndë kur gjykata në urdhrin e fundit të mbrojtjes jep vendimin e shkurtuar se të dhunuarit duhet të qëndrojnë në të njëjtën banesë me dhunuesin.

Fiksi disponon urdhrat e mbrojtjes dhënë nga gjykata ku në tre prej tyre përcaktohet se dhunuesi duhet të qëndroj larg banesës ndërkohë në të fundit me një vendim të shkurtuar gjykata nuk përcakton largësi të dhunuesit duke e lënë në të njëjtën banesë me të dhunuarën.

Po kjo gjykatë para disa kohësh ka vendosur që bashkëshorti dhe babai dhunues të dënohet më 6 muaj burg pikërisht për kryetrjen e vepra të turpshme./TCH

LEXO TE PLOTE

Denoncim

Skandali me tenderat për pastrimin e Tiranës/ Zbardhen dokumentet false nga Rumania

Publikuar

-

Nga

CNA.al ka publikuar pak ditë më parë skandalin me tenderat për pastrimin e Tiranës.

Në dy shkrime të ndryshme, kemi treguar se si kompania Korsel, ka paraqitur dokumente false si dhe një dosje të plotë nga Bashkia e Tiranës.

CNA.al prej gati 10 ditësh ka bërë një investigim të tillë dhe ka mundur të sigurojë të dhëna zyrtare dhe përgjigje zyrtare nga kjo drejtori në Rumani.

Sipas verifikimeve nga Drejtoria e Përgjithshme e Targave dhe Regjistrimit të Automjeteve në Rumani, rezulton që këto shasi mjetesh të paraqitura në dokumente nuk ekzistojë.

Pra e thënë ndryshe, targat e paraqitura nuk iu përkasin atyre numër shasie dhe peshave të paraqitura sërish në dokumentacionin e tenderit.

Sipas të dhënave rezulton se mjeti me targë TL04KZY është me targa false dhe numri i shashisë nuk ekziston. Në përgjigjen që është kthyer nga autoritetet rumune në datën 23.02.2021 rezulton se automjeti me targë TL04KZY dhe me numër shasie  VF630N166JD001587 në sistemin e siguracioneve  të automjeteve në shtetin Rumun, nuk ekziston.

Për mjetin me Targë TL29JTG, Nr i shasisë është i ndryshën nga ai që ka paraqitur Korsel shpk ZCFCD35A405164626 Tip Nr. IS35CI2AA EPTP20-04 dhe peshë maximale të autorizuar 3500 kg dhe peshë e mjetit bosh 2750 kg. Polica e sigurimit të mjetit me Targë TL29JTG dhe Nr. Shasie ZCFCD70A405164626 nuk ekziston. Sipas autoriteteve rumune, ky automjet nuk ka paguar as siguracionet.

Mjeti TL31JTG dhe nr i Shasisë ZCFC470B105218439, TIP IS70CI2AA EPCP20-04 dhe peshë maximale të autorizuar 7200 kg dhe peshë e mjetit bosh 3670 kg. Por nga verifikimet e kryera nga ana jonë në faqët zyrtare të internetit të shtetit rumun për regjistrimin e mjeteve, ku janë database të mjeteve që janë të regjistruar në rumani rezulton se: Mjetit me Targë TL31JTG dhe Nr. Shasie ZCFC470B105218439 nuk ekziston.

 

Po ashtu, edhe mjeti me targë TL32JTG, Nr i shasisë është i ndryshëm nga ai që ka paraqitur Korsel ZCFC435B805218437, TIP IS35CI2AA EPCP20-04 dhe peshë maximale të autorizuar 3500 kg dhe peshë e mjetit bosh 2800 kg. Polica e sigurimit të mjetit me TL32JTG dhe nr i Shasisë ZCFC470B805218437nuk ekziston.

LEXO EDHE:  “STOP” zbardh vrasjen e vitit 2012

LEXO EDHE:  Gazetari zbulon “sekretin” e këngëtares/ "Do të bëjë dasmë të madhe këtë vit"

Drejtoria e Përgjithshme është një institucion që i ka të dhënat publike dhe aty mund të aplikosh dhe i verifikon lehtësisht këto targa dhe këto numra shasie se ccfarë siguracione kanë, çfarë shërbime kryejnë dhe janë apo jo të rregullta.

Gjithashtu pas verifikimit të këtyre 4 mjeteve dhe faktit se këto targa nuk korespondojne me ato shasi që duket të jenë false, së bashku me peshat specifike të mjeteve, edhe siguracionet e tyre rrjedhimisht janë dokumenta qëllimisht të falsifikuara për të përmbushur kriteret e tenderit.

Në këto kushte, jemi përballë një super skandali, ku subjekti garues Korsel, në pronësi të një kandidati të mundshëm të socialistëve në Korçë, ka hyrë në garë dhe është kualifikuar me dokumente false, tashmë të verifikuara pranë autoriteteve rumune të rregjistrimit të mjeteve.

Prokuroria dhe SPAK janë përballë një skandali, falsifikim dokumentesh për pjesëmarrje në tender. Gjithashtu Agjensia e Prokurimit Publik kanë përballë faktet sesi subjektet abuzojnë me tendera miliona euro nga taksat e shqiptarëve./CNA.al

Skandali/ Firma me dokumenta false në garë për pastrimin e Tiranës

Zbulohen dokumentet false/ Thellohet skandali i tenderave për pastrimin e Tiranës

LEXO TE PLOTE

Denoncim

Fiks Fare/ Skemat e mashtrimeve në internet: Paguaj 150 USD, sill 3 klientë që të marrësh bonus…

Publikuar

-

Nga

Fiks Fare/ Skemat e mashtrimeve në internet: Paguaj 150 USD, sill 3 klientë që të marrësh bonus…

Fiks Fare denoncoi një skemë mashtrimi që qarkullon në internet, ku qindra persona janë kontaktuar nga “agjentë” anonimë për të paguar 150 dollarë. Dhe, pasi bëjnë këtë pagesë, këta persona duhet të dërgojnë në këtë grup 3 persona në javë.

Më pas, mund të marrin bonuse… Por, edhe secili nga 3 “të peshkuarit” duhet të dërgojë 3 persona të tjerë dhe në këtë mënyrë skema përhapet me shpejtësi. Fitues është gjithmonë personi i parë, ndërkohë personat e tjerë ndajnë “thërrimet” me njëri-tjetrin. Por, të fundit, nëse nuk dërgojnë në skemë numrin e caktuar, duhet të ribëjnë një pagesë prej 100 USD që të ngelin në skemë. Kamuflimi, sipas ankesave që kanë mbërritur në redaksinë e “Fiks Fare”, është një “bonus” që u ofrojnë këtyre personave për udhëtime apo pushime.

Në redaksinë e emisionit investigativ u ankua një qytetar, i cili pasi ishte pushuar nga puna nga një Call Center, si pasojë e pandemisë, kërkoi në internet një punë të re. Ka kërkuar në rrjete sociale dhe ka parë me dhjetëra njoftime punësimi.

“Puno online. Rrogë mujore + bonuse. Bashkohu me skuadrën. Punën e merr me vete, mjafton një telefon. Për më shumë informacion kontaktoni…” thuhet në një nga këto njoftime. Në njoftimin tjetër, individë të ndryshëm shkruajnë se “puno nga shtëpia si konsulent turistik, rrogë mujore + bonuse. Bëhu pronar i vetes tënde”. Denoncuesi thotë, personat përdorin një emër “MWR Life Albania”. “Është një kompani me formë piramidale. Kjo skemë funksionon edhe me shtete të tjera. Por, tek ne është shtuar shumë. Ky grup kryen telefonata, mashtrim dhe rekrutim të personave. Kjo bëhet nëpërmjet një aplikacioni ‘zoom’. Atje janë pjesëtarë të stafit që mundohen të rekrujtojnë sa më shumë persona.” thotë denoncuesi.

Më tej, ai telefonon një nga numrat që ofronte punë. Nga krahu tjetër, “punëdhënësja” i thotë se “firma është me bazë në Hong Kong”. Denoncuesi pohon se skema është që i pari paguan 150 USD kuotë anëtarësimi. Për 1 muaj duhet të rekrutojë 12 persona. Këta 12 persona duhet të paguajnë secili nga 150 USD. I pari merr bonuset më të mëdha, të tjerët… bakshishet!

Pas ankesës, denoncuesi futet në aplikacionin “zoom”, ku një vajzë prezanton “të mirat” e kësaj firme, madje edhe përfitimet. Ajo pohon të gjithë skemën e përmendur pikërisht nga denoncuesi, ku thotë se “për t’u anëtarësuar duhen 150 USD”. Dhe, çdo anëtar i ri duhet të paguajë secili nga 150 USD… “Këtë projekt e kam nisur që në datën 6 prill të vitit të kaluar.

Kam qenë në të njëjtën pozicion si ju dhe aktualisht jam ‘district menager’ në këtë kompani. Në momentin që Arjola sjell brenda 7 ditëve të para 3 konsulentë që hyjnë përmes platformës elite. Arjola merr 30 USD për secilin ose 200 USD bonus. Nëse sjell 3 persona të tjerë nëpërmjet platformës pro, merr 10 USD për secilin dhe 100 USD bonus. Përveçse kësaj fiton edhe 100 USD në muaj dhe kompenson koston e anëtarësimit. Në momentin që Arjola u rrit në klasifikim dhe u bë menaxher dhe bën të njëjtën gjë edhe javën e dytë, pra në 7 ditëshin e dytë, sjell 3 konsulentë të tjerë, nuk merr 30 USD për secilin, por 40 USD për secilin, pra merr 320. Në momentin që bën të njëjtën gjë edhe javën e tretë dhe nëse brenda 21 ditëve të para Arjola sjell 9 miq të platformës Elite merr 930 USD bonus. Nëse sjell 9 konsulentë të platformës pro merr 410 USD bonus” thotë ajo përmes platformës online.

LEXO EDHE:  Skandali në Stop/ Tre turiste norvegjeze hanë e pijnë në lokal, pastaj thërrasin policinë: “Na përdhunuan”

LEXO EDHE:  Nuk vlerësohen videot dhe provat, verbëria e komisionit dhe prefekturës pas urdhrit të Niko Brahimajt

Denoncuesi e pyet për pagesat e personave të tjerë. “Asnjëri nuk punon për njëri-tjetrin, punojnë të gjithë për vete. Nëse nuk sjell anëtarë, ka kosto 100 USD, po ti s’duhet ta quash pagesë. Ti do ta quash kursim. Ti thjesht nuk e ke çuar te banka, ja ke besuar kompanisë dhe prandaj kompania t’i kthen në pikë të besuara” i thotë ajo, ndërsa denoncuesi e pyet për zyrat e kompanisë. Ajo i thotë se “ti merr një zyrë online”, ndërsa i shpjegon se pagesa e anëtarësimit bëhet në faqen e kompanisë.

Pas ankesës, gazetarët e “Fiks Fare” telefonojnë disa numra telefoni që gjenden kudo në internet, të cilët ofrojnë “punë nga shtëpia”. Anëtarja e parë thotë se kompania e ka qendrën në SHBA, ndërsa e konfirmon se ka paguar 150 USD për anëtarësim. Në fund, pohon se është vetëm 18 vjeçe dhe megjithatë kërkon njerës në punë.

Ndërkohë, Fiksi telefonon një numër tjetër. “Këtu je pa pronar. Puno sa orë të duash, kur të duash. Pagën e vendos ti. Për sa të punosh aq merr” thotë ai, ndërsa gazetarët e pyesin se nëse e duan 5 mijë euro, çfarë duhet të bëjnë.

Ai i thotë se “ti do të punosh për atë”. Pasi gazetarët i prezantohen, ai i thotë se “unë jam përgjegjës për veten tim”. Emisioni investigativ kërkoi një numër kontakti të firmës, ndërsa një person fillimisht u prezantua si përgjegjës. “Nga kompania ‘MWR Life’ ofrojmë vende pune” tha ai, ndërsa më vonë pohoi se “nuk jam përgjegjës i kësaj kompanie”./ tch

LEXO TE PLOTE