Connect with Us

Një Gjermani pa Merkelin, është bërë më e vështirë të imagjinohet

Bota

Një Gjermani pa Merkelin, është bërë më e vështirë të imagjinohet

Publikuar

-

Twitter bllokoi llogarinë e Presidentit Trump/ Reagon Merkel: Prek lirinë e shprehjes

Nga Constanze Stelzenmüller

A është gati Gjermania për jetën pas largimit të kancelares Angela Merkel, e cila ka përjashtuar mundësinë e garimit për një mandat të pestë pas zgjedhjeve parlamentare të këtij vitit? Deri vonë, Gjermania ishte modeli i stabilitetit të Evropës, dhe gjermanët shihnin me besim drejt vitit 2021.

Merkel po gëzonte një nivel të lartë të popullaritetit në sondazhe,për shkak të menaxhimit të saj të qëndrueshme të pandemisë së Covid-19. Udhëheqja prej saj e presidencës 6-mujore të Këshillit të BE-së-që përfshiu vendosjen e fuqisë ekonomike gjermane pas një pakete shpëtimi të BE-së, të financuar nga borxhet, dhe parandalimin e një Brexit pa marrëveshje – mori kryesisht nota të mira.

Sondazhet kombëtare kanë treguar për muaj me radhë një shumicë të qëndrueshme për Unionin Kristiandemokrat (CDU) të qendrës së djathtë të Merkel, dhe për koalicionin e Partisë së Gjelbër. Bazuar në shifrat aktuale, ky çift i mundshëm është alternativa e vetme me dy parti ndaj koalicionit të madh tashmë të lodhur mes CDU-së dhe Socialdemokratëve të qendrës së majtë (SPD).

Kush ka shanset të zëvendësoje Merkelin?

Koalicioni i ri i testuar në nivelin e landeve por jo ende në Berlin, gëzon një popullaritet kombëtar. Dhe perspektiva e tij shihet me optimizëm edhe më të madh në kryeqytetet perëndimore, sidomos midis administratës së ardhshme të Joe Biden në SHBA, e cila shpreson për një politikë gjermane më të fortë dhe më të prirur drejt sigurisë.

Por me pandeminë që aktualisht po dëshmohet më agresive se kurrë më parë, zonjës Merkel iu desh që të zgjasë bllokimin e Gjermanisë. Koalicioni i saj po përballet me problemin e niveleve të ngadalta të vaksinimit dhe furnizimeve jo të duhura me vaksina. Humori i gjermanëve ka ndryshuar nga vetë-mburrja tek dëshpërimi, dhe peizazhi politik përpara zgjedhjeve të shtatorit, duket më i fragmentuar dhe i paqëndrueshëm.

Sfidat nisin brenda CDU-së së zonjës Merkel, e cila do të zgjedhë këtë muaj një udhëheqës të ri (dhe kandidatin e supozuar për kancelar). Rivaliteti midis 3 kandidatëve zyrtarë – biznesmenit Friedrich Merz, udhëheqësit të landit Armin Laschet, dhe kreut të politikës së jashtme në Bundestagun gjerman Norbert Röttgen – është shumë i ashpër.

Askush prej tyre nuk ka një avantazh të qartë ndaj të tjerëve. Lideri i landit të Bavarisë Markus Söder, vazhdon të vlerësohet si një alternativë e katërt, kryesisht në bazë të vetëbesimit të tij të pakufizuar në menaxhimin e pandemisë.

LEXO EDHE:  Një vit nga izolimi i Wuhan/ Kina shënon 107 raste të reja me koronavirus

angela merkel

Por ai ka pak mbështetje në degët e CDU-së jashtë landit të tij. Për më tepër, Bavaria ka për momentin një nga nivelet më të larta me Covid-19në vend. Pastaj është SPD-j. Kjo parti ka një aftësi të çuditshme për t`a bërë CDU-në të duket mirë, pavarësisht se në gjirin e saj ka talente politike të vërteta.

Ministri i Financave Olaf Scholz, kandidati për kancelar i SPD, është një pragmatist popullor. Zëdhënësi i politikës së jashtme të partisë, Nils Schmid, ka artikuluar nevojën e një qasje më të ashpër ndaj Kinës. Mjerisht, udhëheqja e SPD ka ide të tjera politike:një koalicion euro-skeptik dhe anti-NATO me të Gjelbrit dhe post-komunistët e Die Linke.

Kohët e fundit, ajo bllokoi një plan të Ministrisë gjermane të Mbrojtjes për të blerë dronë të armatosur, për të mbrojtur trupat gjermane të vendosura jashtë vendit. Ky akt nuk ndikoi

Në popullaritetin e kësaj partie, duke e lënë të hapur një koalicion të majtë 3-partiak. Ndërkohë, 3 ekspertët më të vjetër të mbrojtjes janë larguar nga kjo parti. E gjithë kjo mund të shpjegojë në një farë mënyre pse të Gjelbrit janë partia e dytë më popullore në Gjermani. E themeluar si një lëvizje anti-esstablishment, ata janë bërë një forcë me shumë përvojë në qeverisje. Udhëheqësit e saj të rinj Robert Habeck dhe Annalena Baerbock, janë centristë dhe të moderuar.

Por baza elektorale e të Gjelbërve ka jo pak radikalë- një burim ky i paparashikueshmërisë në çdo koalicion. Përsa i përket Alternativës për Gjermaninë të ekstremit të djathtë, kjo parti ka dështuar në strategjinë e saj për të tërhequr pjesë të elektoratit të zhgënjyer nga CDU-ja, dhe është duke rënë shumë në sondazhe.

Gjithsesi, duket se AfD, do të mbetet ende si një “enë politike” për votat e protestës, dhe vazhdon të qëmtojë dobësitë tek“koraca” e demokracisë. Si e tillë, ekzistenca e saj, ndihmon në bërjen më pak të qëndrueshme të koalicioneve 2-partiake në të ardhmen. Dhe kjo pikërisht në një kohë kur Evropa dhe SHBA-ja, kanë më shumë nevojë për një partner të fortë dhe të besueshëm gjerman. /“Financial Times”-Marrë nga Bota.al

Për të rejat më të fundit behuni pjesë e grupit tonë në facebook : City News Albania

Bota

Izraeli i shqetësuar për një marrëveshje të re me Iranin

Publikuar

-

Nga

Izraeli i shqetësuar për një marrëveshje të re me Iranin

Administrata e Presidentit Biden dhe zyrtarët evropianë vazhdojnë përpjekjet për të rihapur negociatat me Iranin në lidhje me një marrëveshje të re bërthamore, pavarësisht refuzimit të Iranit për të biseduar me Shtetet e Bashkuara. Ndërkohë, siç raporton Linda Gradstein për Zërin e Amerikës nga Jeruzalemi, tensionet në rajon po rriten.

Tensionet midis Izraelit dhe Iranit janë rritur pas një sulmi ndaj një anijeje në pronësi të Izraelit dhe hakmarrjes së Izraelit ndaj objektivave iraniane në Siri. Udhëheqësit ushtarakë të Izraelit paralajmërojnë se ata do të veprojnë kundër të gjitha kërcënimeve të terrorizmit dhe zhvillimit të armëve bërthamore.

Përshkallëzimi vjen ndërsa Shtetet e Bashkuara dhe evropianët punojnë për të rifilluar negociatat me Iranin për një marrëveshje bërthamore. Izraeli kundërshtoi me forcë marrëveshjen bërthamore të vitit 2015 dhe përshëndeti ish-Presidentin Trump për tërheqjen nga marrëveshja.

Sanksionet që rivendosi ish-Presidenti Trump kanë dëmtuar ekonominë e Iranit, por jo programin e tij bërthamor. Irani ka vazhduar të pasurojë uranium, shumë më tepër sesa ishte lejuar sipas marrëveshjes bërthamore, thotë Izraeli, si dhe u ka vendosur kufizime inspektorëve të Agjensisë Ndërkombëtare të Energjisë Bërthamore (IAEA).

“Nga pikëpamja izraelite është shumë e qartë. Është një marrëveshje shumë e keqe që u lejoi iranianëve të vazhdojnë me sistemin e tyre të pasurimit (të uraniumit). Tani ata kanë centrifuga shumë më të mira sesa kishin para marrëveshjes. Perëndimi i diellit është shumë pranë – mendoj se në vitin 2025 ata fillojnë të kthehen në normalitet dhe për shtatë vjet do të kenë të gjithë legjitimitetin për të vazhduar me projektin bërthamor”, thotë Yaakov Amidror, nga Instituti Hebre për Sigurinë Kombëtare të Amerikës.

Por disa zyrtarë të ushtrisë dhe zbulimit izraelit kanë shprehur mbështetjen për një kthim të Shteteve të Bashkuara në marrëveshjen bërthamore të Iranit, në kundërshtim me politikën e qeverisë izraelite.

LEXO EDHE:  Një vit nga izolimi i Wuhan/ Kina shënon 107 raste të reja me koronavirus

LEXO EDHE:  Megaoperacion Itali-Gjermani/ 169 të arrestuar

“Unë nuk mendoj se mund t’i besojmë Iranit, por kjo është arsyeja pse ka një marrëveshje. Dhe ka vëzhgues, vëzhgues të OKB-së. Dhe unë u besoj aftësive të zbulimit të Shteteve të Bashkuara dhe të Izraelit për të parë nëse iranianët do ta zbatojnë marrëveshjen”, thotë deputeti Omer Bar Lev.

Disa analistë ushtarakë izraelitë thonë se përpjekja e Iranit për armë bërthamore është pjesë e politikës së tij më të gjerë të jashtme.

“Irani në thelb po përdor një mega-strategji për t’u bërë një superfuqi rajonale, mbase një superfuqi globale. Së pari duke zhvilluar aftësitë bërthamore dhe së dyti, hegjemoninë në Lindjen e Mesme përmes mbështetjes së grupeve terroriste dhe të gjitha aktiviteteve të tyre në Irak, Siri, Liban dhe Jemen”, thotë Amos Jadlin, nga Instituti për Studime të Sigurisë Kombëtare.

Ndërsa tensionet rajonale rriten, Shtetet e Bashkuara sulmuan gjithashtu objektivat e mbështetur nga Irani në Siri, përdorimi i parë i forcës ushtarake nga Presidenti Biden./ VOA

LEXO TE PLOTE

Kosova & Rajoni

Kosova mund t’i përfitojë vaksinat përmes COVAX-it deri në maj

Publikuar

-

Nga

Kosova mund t'i përfitojë vaksinat përmes COVAX-it deri në maj

Skema e Organizatës Botërore të Shëndetësisë, COVOX, përmes së cilës pritet të shpërndahen vaksinat për koronavirus në vendet e varfra, ka bërë të ditur se Kosova mund të furnizohet me këtë vaksinë deri në muajin maj.

Sipas Faik Hotit, zëdhënës në Ministrinë e Shëndetësisë në Kosovë, në përditësimin e fundit të kësaj skeme, për raundin e parë të ndarjes së vaksinave, periudha kohore e shpërndarjes së vaksinave në Kosovë është nga shkurti deri në maj të këtij viti.

Në dërgesën e parë përmes COVAX-it, Kosova do të përfitojë 100,800 doza të vaksinës së prodhuar nga kompania AstraZeneca.

LEXO EDHE:  Megaoperacion Itali-Gjermani/ 169 të arrestuar

LEXO EDHE:  “Peshku i madh”, Adriatik Llalla mund të arrestohet?

Kryeministri në detyrë, Avdullah Hoti dhe ministri në detyrë i Shëndetësisë, Armend Zemaj kanë thënë në vazhdimësi se në muajin shkurt do të arrijë vaksina në Kosovë, por kjo gjë ende nuk ka ndodhur.

Ministria e Shëndetësisë në Kosovë, në fillim të muajit janar, pati njoftuar se ka marrë konfirmim nga kompania amerikane, Pfizer, për sigurimin e 535,000 vaksinave kundër koronavirusit.

Mirëpo zyrtarë të kësaj kompanie i kanë thënë Radios Evropa e Lirë se ende janë në diskutime me Qeverinë në detyrë të Kosovës për furnizim me vaksina./rel

 

LEXO TE PLOTE

Kosova & Rajoni

Bilanci i 24 orëve në Kosovë/ Tetë viktima dhe rreth 500 të infektuar nga Covid

Publikuar

-

Nga

Shërbeu për 48 vite me radhë si pneumologe/ Humb betejën me koronavirusin një tjetër mjeke

Gjatë 24 orëve të fundiot në Kosovë, tetë persona kanë humbur betejën me Covid.

Nga 2,886 testime të realizuara, 488 persona rezultuan pozitivë për Covid-19. Gjithashtu Instituti i Shëndetit Publik raportoi se 270 persona janë shëruar nga kjo sëmundje gjatë 24 orëve të fundit.

Prej 13 marsit, kur janë regjistruar rastet e para me koronavirus në Kosovë, autoritetet e këtij vendi kanë regjistruar 70.185 persona të infektuar me këtë virus, prej tyre 1.616 kanë humbur jetën./CNA.al

LEXO TE PLOTE