Aktualitet
“Rama është me Bashën”/ Ngjela: Kanë marrëveshje të heshtur, kjo është arsyeja
Avokati Spartak Ngjela ka komentuar situatën në të dyja kampet politike në vend para zgjedhjeve të 25 prillit.
Gjatë një interviste për “A2”, Ngjela u shpreh se kryeministri Edi Rama dhe kreu demokrat Lulzim Basha janë bashmë dhe sipas tij qëllimi i tyre nuk është të vijnë në pushtet por të minojnë reformën në drejtësi.
Sipas avokatit, të gjithë janë të përfshirë në afera korrupsioni dhe frika nga ndërshkimi ka bërë që Rama-Basha të jenë bashkë për të ndihmuar njëri tjetrin për t’i shpëtuar drejtësisë së re.
“Krerët e PD nuk luftojnë për pushtet, por kanë frikë nga reforma antikorrupsion. Edhe Rama është aty, jam i bindur edhe pse nuk kanë një marrëveshje, është e heshtur. Ata e duan pushtetin për të ndaluar reformën. Lakuriqi i natës nuk ka sy, por shikon. Edhe këta i kanë ultratingujt. Të gjithë kanë futur duart dhe kanë frikë.
Rama është i paqartë. Mund të vijë në pushtet me një votë irracionale, por nuk ka optikë për reformë”, tha Ngjela.
Avokati deklaroi më tej se opozita është pa një lidership, duke shtuar se `edhe pse ai ka humbur dy palë zgjedhje ka mbetur po i njëjti, pa ndryshuar.
“Opozitarët nuk ndërruan lidershipin edhe pse humbën dy palë zgjedhje. Janë në krizë besimi, në krizë të vetvetes. Kur konkurronte Basha me atë tjetrin, Rama ishte me Bashën. Ai bënte si i çmendur në zyrë sepse di që këta nuk fitojnë, jo se ka ndonjë lidhje politike në ide. Nëse ata ndërrojnë lidershipin me figurat elokuente që kanë, me figura të pakorruptuara, Rama nuk fiton dot në 100 vjet. Opozita është ende në kohë edhe 20-30 ditë, që të marrë vlerat e veta. Jam i bindur që kanë të paktën 10 figura.
A e shikoni që ndërkombëtarët nuk e çajnë kokën për zgjedhjet e ardhshme? Kjo do të thotë se i kanë planet te reforma antikorrupsion, por ambasadorja amerikane ka dalë me një risi. Këta bëjnë sikur nuk e kanë dëgjuar. Ajo tha se të inkriminuarit nuk duhet të kandidojnë. Kaloi edhe një hap më tutje, tha se nuk duhet të kandidojnë edhe ata që janë “non grata” nga Amerika. Kjo ka qenë në stafin e ngushtë të Biden”, tha Ngjela./CNA.al
Politikë
“Bën premtime sikur janë karamele”/ Balla kritika Bashës nga Elbasani
Krye i Grupit Parlamentar të Partisë Socialiste, Taulant Balla ka zhvilluar sot një takim me pensionistët në Elbasan.
Duke folur për akuzat e njëpasnjëshme të PD kundrejt premtimit të PS për 300 mijë vende pune, Balla deklaroi se ky premtim tashmë është bërë realitet, sepse sot në Shqipëri numërohen 300 mijë pagues më shumë të siguruar.
“Kam dëgjuar shpesh bëhet një akuzë ndaj nesh ku janë 300 mijë vende pune? Këtu janë, sepse e vërteta është se sot ne Shqipëri janë 300 mijë pagues më tepër të skemës së sigurimeve shoqërore se sa ishin në 2013. Numri i shqiptarëve sot që paguajnë kontributin e tyre është 300 mijë më shumë dhe duke qenë se këta po paguhen më shumë ne sot kemi mundësinë të balancojmë skemën e pensioneve,” theksoi Balla.
Gjithashtu, Balla gjatë fjalës së tij ironizoi edhe Lulzim Bashën, për të cilin tha se premtimet i ka si karamele./CNA.al
Politikë
8 vjet nga inagurimi i portalit ‘E Albania’!/ Berisha publikon foton dhe bëhet nostalgjik: Arritje historike!
Ish kryeministri Sali Berisha është kthyer pas në kohë, ndërsa kujton sot 8 vjetorin e inagurimit të portalit ‘E Albania’.
Teksa bën një rezyme të arrtijeve teknologjike në vend asokohe, si shtrirja e internetit në shkolla, hapja e pikave të internetit për qytetarët, autostarda dixhitale Tiranë – Prishtinë, rrjeti 3G, etj, Berisha falenderon të gjithë ata specialistë, zyrtarë e drejtues institucionesh që me përkushtim sollën Shqipërinë në moshën dixhitale.
Nje arritje historike!
Si sot 8 vjet me pare u inaugurua portali ‘E Albania’!Shqiperia qe ne shtator te vitit 2005 kishte penetrimin e internetit nder me te ultit ne bote vetem 4,8%. Ne zbatim te platformes Shqiperia dixhitale arriti te shenoje nder rritjet me te shpejta ne bote per penetrimin e internetit.
Ne vitin 2011 ky penetrim arriti ne 63% fare afer mesatares europiane. Ne kete kuader u realizua shtrirja e internetit ne te gjitha shkollat e vendit. Nga gjithsej 950 kompjuter qe kishte ne tere sistemin arsimor, u krijuan kabinetet e informatikes ne 2000 shkolla te vendit me rreth 25000 mije kompjuter, u ndertua autostarda dixhitale Titane – Prishtine, u ul me mbi 10 here cmimi i internetit, u hapen 1250 pika per internet falas per qytetaret, u dixhitalizuan nje seri sherbimesh si tatimet, doganat, hipoteka, u perdor firma dixhitale dhe u vendos sistem i e-qeverise.
Shqiperia do te ishte vendi i pare ne bote qe do vendoste sistemin e prokurimit elektronik te çertifikuar dhe nga OKB. Kurora e suksesit ne platformen Shqiperia dixhitale ishte dixhitalizimi dhe ofrimi online e sherbimeve qeveritare per qytetaret qe kulmoi me inaugurimin si sot 8 vjet me pare i portalit ‘e albania’.
Progres i jashtezakoneshem u arrit ne telefonine celulare, u ulen me disa here cmimet per bisedat, nga 38% qe ishte perdorimi i saj arriti ne 187%, u licencua dhe instalua rrjeti 3G dhe u vendos kuadri per rrjetin 4G etj.
Nje nderim per te gjitha ata specialiste, zyrtare, drejtues institucionesh, qeveritare qe me pasionin dhe perkushtimin e tyre sollen Shqiperine ne moshen dixhitale. sb
Kronika
Foto/ Plagosja me armë zjarri në mes të Korçës, zbardhen detajet e reja
Janë zbardhur detaje të reja nga plagosja me armë zjarri që ndodhi mbrëmjen e sotme në lagjen nr. 7 në Korçë.
Sipas informacioneve zyrtare nga policia, i plagosur ka mbetur shtetasi me inicialet I.Q 45 vjeç, i cili ndodhet në spital jasht rrezikut për jetën.
Ndërkaq vijon puna për kapjen e autorëve.
Më datë 02.03.2021, rreth orës 17:50, në lagjen nr. 7, Korçë, pas një konflikti për motive të dobëta, dyshohet se është dëmtuar në këmbë, si pasojë e përdorimit të armës së zjarrit, shtetasi I. Q., rreth 45 vjeç, banues në Korçë, i cili u dërgua në Spitalin e Korçës, ku ndodhet jashtë rrezikut për jetën.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit, si dhe sqarimin e plotë të rrethanave të ngjarjes.
