Kronika
U kap me armë para selisë së PS/ Prokuroria jep pretencën për Vladimir Gjutën
5 vite burg kërkoi prokuroria e Tiranës për Vladimir Gjutën. Ky i fundit u kap pranë selisë së PS-së duke lëvizur me armë zjarri.
Prokuroria e Tiranës kërkoi këtë masë dënimi në përfundim të gjykimit të tij për akuzën e “mbajtjes pa leje të armëve luftarake” dhe për “mbajtje pa leje të armëve të ftohta”.
Seanca e radhës, ku pritet të dëgjohen konkluzionet e mbrojtjes dhe të jepet vendim, u caktua në 27 janar.
40-vjeçari u ndalua më 10 shkurt 2020 pranë selisë së Partisë Socialiste pasi punonjësit e Gardës së Republikës vërejtën lëvizje të dyshimta. Në momentin e ndalimit, Gjutës iu gjet një armë zjarri si dhe një shumë e konsiderueshme parash prej 120 mijë euro.
Për shumën e parave, ai deklaroi gjatë marrjes në pyet se ishin kursime familjare dhe të ardhura të siguruara nga veprimtaria e biznesit.
40-vjeçari është një emër i njohur për policinë, pasi është arrestuar si i përfshirë në vendosjen e një sasie tritoli tek farmacia e Bashkim Tahirit, babai i ish-ministrit të Brendshëm, Saimir Tahiri.
Më herët, për dhunimin e babait, Gjykata e Tiranës ka dhënë për Gjutën vendimin për mjekim të detyruar në psikiatri, ndërsa së fundmi ai u la në detyrim paraqitjeje./CNA.al
Kronika
Makina përplas motorin në rrugën e Kavajës/ Në gjendje të rëndë 21-vjeçari
Një tjetër aksident rrugor është regjistruar pasditen e sotme në kryeqytet.
Mësohet se një automjet ka përplasur rëndë një 21 vjeçar me motor pranë rrugës së Kavajës.
Njoftimi i plotë i policisë: Tiranë/Informacion paraprak
Më datë 02.03.2021, rreth orës 16:05, në rrugën e Kavajës, mjeti me drejtuese shtetasen S. M., ka aksidentuar një mjet motorr me drejtues R. Ç., 21 vjeç. Si pasojë është demtuar drejtuesi i motorrit, i cili u dërgua në spital dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
Kronika
Sherr mes të rinjve në Elbasan/ Plagoset një prej tyre
Një sherr mes të rinjve ka ndodhur pasditen e sotme në fshatin Valas të Elbasanit.
Sipasojë e konfliktit, mësohet se një prej tyre ka mbetur i plagosur me sende të forta.
Ky i fundit është dërguar me auto-ambulancë drejt spitalit, ku po merr ndihmën e nevojshme mjekësore dhe ndodhet jashtë rrezikut për jetën.
Ndërsa pesë të rinjtë e tjerë, janë shoqëruar për në komisariatin e policisë.
Kronika
U kapën pa maskën mbrojtëse/ Gjobiten qindra qytetarë në 24 orë
Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, vijojnë kontrollet në të gjithë vendin, për të monitoruar zbatimin e masave për parandalimin e përhapjes së COVID-19.
Gjatë 24 orëve të fundit, Patrullat e Përgjithshme kanë evidentuar dhe ndëshkuar me masë administrative 3.000 lekë, 755 shtetas që janë konstatuar pa maskat mbrojtëse.
Shërbimet e Policisë Rrugore kanë ndëshkuar me të njëjtën masë administrative, 101 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.
Gjatë kontrolleve, shërbimet e Policisë kanë konstatuar 1 subjekt që ushtronte aktivitetin në kundërshtim me protokollet e sigurisë. Për pronarin e këtij subjekti është vendosur masa administrative 1.000.000 lekë.
Gjithashtu, në të gjithë vendin janë ndëshkuar me masë administrative 10.000 lekë, 9 shtetas që janë konstatuar duke lëvizur në këmbë pas orës 20:00.
Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19./CNA.al
