Politikë
Përgjimet e Ndragheta/ Hajdari: Kemi të bëjmë me një aferë shumë të rrezikshme
Deputetja e opozitës Rudina Hajdari ka reaguar lidhur me çështjen e përgjimeve të grupit mafioz “Ndragheta”, në të cilin u përmendën disa emra të njohur të politikës në vendin tonë.
Në fjalën e saj nga Këshilli Kombëtar i Integrimit Europian Hajdari deklaroi se kemi të bëjmë me një aferë shumë të rrezikshme.
“Kemi të bëjmë me një aferë për një nga mafiat më të rrezikshme ku flitet për shumë persona që janë të implikuar në rrushfetet që janë marrë në këtë vend. Dalja ne pah e këtyre përgjimeve tregon që ne jemi shumë pas. Kjo tregon se ne nuk jemi në rrugën e duhur dhe nuk ka justifikime nga vendet anëtare që janë skeptike për të na e bllokuar procesin e integrimit.
Të gjitha këto afera i japin Shqipërisë një dallgë, krimi i organizuar është i mbushur, dhe po zgjerohet. Unë vij nga një vend problematik si Elbasani, aty ku njerëzit presin me padurim që kjo cështje të merret përsipër dhe të ketë vullnet që do merret seriozisht dhe kushdo që është i implikuar të marrë ndëshkimin e duhur. Vetëm kështu ne do të bëjmë hapa përpara”, tha Hajdari./CNA.al
Politikë
Monika tallet me Metën/ Nuk më ndjek në Instagram se ka frikë mos i kërkoj dekorata
Fakti që Ilir Meta ka dhënë shumë dekorata gjatë ushtrimit të detyrës si president, nuk i ka bërë përshtypje vetëm Edi Ramës dhe qytetarëve, por edhe bashkëshortes së tij, Monika Kryemadhit.
Kryetarja e LSI-së u është përgjigjur pyetjeve të qytetarëve në ‘Instagram’, në prag të zgjedhjeve të 25 prillit. Pyetjes përse Meta nuk e ndjek në Instagram, ajo i është përgjigjur se ka dy mundësi. Sipas saj, Meta ka frikë mos i kërkon ndonjë dekoratë në inbox ose do të mbajë marrëdhënie institucionale.
“Dy mundësi ka: Sepse do të mbajë marrëdhënie institucionale. Ka frikë mos i kërkoj ndonjë dekoratë në inbox. Po më mirë pyesni Ilir Metën”, shkruan Kryemadhi./CNA.al
Politikë
Rama jep lajmin mirë/ Së shpejti hapet aeroporti i Kukësit
Kryeministri Edi Rama ka ndarë një lajm të mirë mbrëmjen e sotme.
Aeroporti i Kukësit do të jetë gati brenda pak ditësh.
Pëmes një postimi, shefi i qeverisë shkruan se do të jetë aktiv shumë shpejt dhe fluturimi i parë duket se do të nis me çunat e Londrës.
Politikë
“Mona je e jona”/ Qytetarët në Korçë i “presin rrugën” Kryemadhin
Qytetarë të shumtë kanë dalë për të pritur Monika Kryemadhin në Libonik të Korçës, vend në të cilën ajo do të vijojë turin e fushatës elektorale.
Qytetarët, nuk i kanë kursyer thirrjet “Rama Ik”, por edhe thirrjet për Kryemadhin, duke thënë “Mona je e jona”.
Mesa duket ky takim ka lënë shije të mirë tek vetë shefja e LSI, e cila mbi videon e publikuar ka shkruar:
“Pritje emocionuese në Libonik të Korçës”, tha Kryemadhi./CNA.al
