Bota e futbollit në zi. Legjenda e Liverpulit, Ian St Xhon ka ndërruar jetë në moshën 82-vjeçare, i cili vuante prej një kohe të gjatë, nga një sëmundje e rëndë në prostë. Lajmi është konfirmuar nga vetë klubi i kuq, nëpërmjet një postimi në faqen zyrtare.

“Ne jemi shumë të pikëlluar nga vdekja e një legjende të vërtetë si  Ian St Xhon. Mendimet e të gjithëve në klubin e Liverpulit janë me familjen dhe miqtë e Ian në këtë kohë të trishtuar dhe të vështirë”, shkruhej ndër të tjera në deklaratën ngushëlluese të klubit anglez.

Ish- sulmuesi skocez kishte fituar dy tituj të ligës së parë nën urdhrat e Bill Shanklit në Anflied në sezonet 1963/64 dhe 1965/66, derisa kishte shënuar edhe golin fitues në finale të FA Cup në vitin 1965.

Xhon gjithashtu kishte përfaqësuar Skocinë 26 herë, derisa më vonë ai u bë trajner i klubit të tij të fëmijërisë, Motheruell, si dhe Portsmuthi.

Arsenal triumfoi në ndeshjen e fundit të kampionatit ndaj Leister me rezultatin 1-3, teksa një nga më të mirët në fushë për topçinjtë ishte edhe Granit Xhaka. Mesfushori me origjinë shqiptare ka marrë lëvdatat edhe të trajnerit Mikel Arteta, i cili është shprehur se ai është një shembull në fushë.

“Nëse duhet të marrë një shembull në fushë për karakterin dhe për mënyrën si shkon drejt sulmit me atë vendosmëri, ai është Xhaka.

Ai ka luajtur më shumë minuta se gjithë të tjerët, por ai vazhdon edhe kur është i lodhur. Ai mundohet të ndihmojë skuadrën në mënyrën e duhur, ashtu siç bën edhe David Luiz”, u shpreh Xhaka.