Aktualitet
Bashës i dalin gënjeshtrat sheshit/ Tenton tu hedh hi syve shqiptarëve me video të vjetra
Lulzim Basha nuk ndalet në përdorimin e fëmijëve dhe të dhimbjes së qytetarëve për qëllime politike.
Këtë radhë ka përdorur një video të emisionit të Elvis Naçit të tre viteve më parë, ku një kryefamiljar tregon jetën e tij të vështirë dhe të varfër. Halli që atëherë është zgjidhur nga Naçi dhe donatorë të tjerë, dhe kryefamiljari thotë se ndjehet mirë, është në punë dhe fëmijët janë tre vite më të mëdhenj!.
Këtë video e ka ripostuar kryeministri Edi Rama, të shoqëruar nga postimi “PA KOMENT dhe me keqardhje për çka mund ta shihni e ta gjykoni vetë”, shkruan Rama.
Vetë kryefamiljari Agim Qosja thotë se Lulzim Basha nuk mund të bëhet kryeministrit duke abuzuar në këtë mënyrë. Prandaj ai këmbëngul se do ta hedhë në gjyq Bashën pasi ka abuzuar me fëmijët e tij të mitur, duke përdorur një video të tre viteve më parë. Ndërkohë që gjendja e kësaj familjeje ka ndryshuar rrënjësisht!
“Jam ndjerë shumë keq, më kanë kthyer edhe një herë dhimbjen dhe trishtimin. Unë nuk doja të shfaqej më dhe nuk doja që të përdorej një video që ia kam kërkuar Elvis Naçit, nuk dua që të përdorin edhe dy fëmijët e mi të mitur që për mua janë jetim për politikë. Si mund të bëhet kryeminisër një njeri që merret me dy jetimë.
Unë këtë gjë do ta ndjek edhe në rrugë ligjore. Nuk e di sa do të më jepet mundësia por do ta ndjek në rrugë ligjore sepse kjo nuk është gjendja ime e vërtetë. Jeta ime ka ndryshuar që kur na e ka rikonstruktuar shtëpinë Elvis Naçi dhe Iliri. Kam gjetur edhe punë më të mirë dhe bën një jetë të mirë. Nuk është politikan një njeri që merret me dy jetimë dhe me video të të kaluarës”, tha kryefamiljari Agim Qosja.
Po ashtu edhe hoxha Ilir Selba u shpreh se Basha ka tentuar të mashtrojë qytetarët duke përdorur video të një fondacioni bamirësie dhe sipas tij nuk mund të bësh politikë me mashtrime. “Kanë tentuar të gënjejnë shqiptarët me video të të kaluarës dhe po mundohen të hedhin poshtë punën e madhe të fondacionit “Shqiptarët për Shqiptarët”. Po bëjnë politikë me video që nuk janë ekzkluzivitet i tyre, kjo familje e ka kapërcyer këtë vështirësi. Si mund të bëhet kryeminstër një njeri që mashtron”, tha Hoxha./CNA.al
Politikë
“Meta ujk i vjetër”/ Spahiu: Deklaratat për dorëheqjen, presion për Bashën
Ish kreu i Aleancës Kuq e Zi Kreshnik Spahiu, në një lidhje me ‘Open’ ka komentuar deklaratat e presidentin Meta për dorëheqjen nëse Rama merr 71 mandate.
Sipas Spahiut Meta është ujk i vjetër dhe thotë unë po jap standardin që po humbe jep dorëheqjen dhe në këtë mënyrë Basha do jetë përgjegjësi nëse opozita humb, pra është presion, tha ai.
“Unë kam disa argumente që nuk do ndodhë dorëheqja e Metës: në historinë botërore është e paprecedentë që një president thotë nëse gruaja ime humb zgjedhjet do japë dorëheqjen, ju kujtoj se meta ka 4 vite në detyrë dhe mesazhi për dorëheqjen vjen kur ai është në fund të detyrës dhe dihet që s’do e zgjedhë më njeri, tjetra shanset janë që PS do dalë parti e parë. Nëse Rama fiton 71 mandate, dhe Meta paralajmëron se nëse fiton Rama, rezultati s’do njihet dhe do thonë narko-shteti etj me radhë që i ka thënë më parë.
Meta ka treguar se nuk e mban fjalën se ai tha dhe një vit më parë që nëse Venecia nuk më jep të drejtë do jap dorëheqjen , ja ku jemi sot Venecia nuk i dha të drejtë.
Meta harron që është president me votat e socialistëve, dhe nëse populli voton Bashën që protestonte në çadër kundër Metës, dhe nëse kjo opozitë fiton , Meta sërish nuk ka vota për mandat tjetër.
Meta është ujk i vjetër, më një gur dy zogj. Se ai thotë unë po jap standardin që po humbe jep dorëheqjen dhe në këtë mënyrë Basha do jetë përgjegjësi nëse opozita humb, pra është presion ky . Pra me një gur tre zogj.”/CNA.al
Politikë
“Reforma në Drejtësi ka dështuar”/ Lubonja: Rama ka frikë
Analisti Fatos Lubonja, pretendon se Reforma në Drejtësi ka dështuar.
Për deklaratat e kryeministrit Edi Rama se Reforma në Drejtësi po funksionon, Lubonja tha se kreu i qeverisë ka frikë.
Analisti deklaroi në emisionin “Real Story” se rreziku më i madh është që me këta prokurorë dhe gjyqtarë që ka SPAK, reforma do dështojë.
“Problemi për mua është se, çfarë do të thotë Rama me atë që po funksionon Reforma në Drejtësi, është se ai ka frikë. Tani del Iliri, që ka një aleancë me PD. Reagimi i Bashës është se ai nuk ka këllqe që të thotë ose se ky është aleati jonë dhe këtu e keqja është ky tjetri, jo ky. Bën këto lojërat Basha.
Rreziku më i madh këtu mbetet ky, që me këta SPAK-istë e këta prokurorë që kemi ne, reforma në drejtësi është e dështuar. Fakti që ka kapur ca, që nuk janë në politikë, nuk është funksionim i reformës. Edhe Berisha e futi në burg Fatos Nanon, por nuk ishte funksionim. Ne s’e kemi parë funksionimin e reformës në drejtësi dhe se di kur do ta shohim”, theksoi Lubonja./ CNA.al
Politikë
“Sistemi është prishur”/ Lubonja zbulon “lojën politike” Rama-Meta-Basha
Analisti Fatos Lubonja, ka folur mbrëmjen e sotme për Reformën në Drejtësi dhe për situatën politike në vend.
Lubonja kujton një shkrim të tijin të bërë në vitin 2014 dhe aleancën e Edi Ramës me Ilir Metën, në kohën kur ky i fundit drejtionte LSI-në.
Ai deklaroi në emisionin “Real Story” se dobësia e Ilir Metës është se ai mund të sakrifikohet nga loja politike e të Lulzim Bashës dhe Edi Ramës, ndërsa pretendon se tashmë sistemi është prishur.
Sipas tij, sistemin aktual e kanë ngritur bashkë Rama, Meta dhe Basha me lojën e tyre politike.
“Më 2014, kur Ilir Meta kishte ditëlindjen, unë kam bërë një shkrim “Ilir Meta si shtyllë e sistemit”. Aty shkuan rreth 600 veta dhe e celebruan në mënyrën më madhështore. Edhe Rama ishte në krye. Teza ime ishte “Ilir Meta si shtyllë e sistemit”, sepse ky ishte ca kohë me Berishën, pastaj me Ramën. Por thoja që ky ka një dobësi, se sa herë bëjnë zgjedhje dy partitë e mëdha, meqë populli thotë që ‘ata janë të këqijtë, këta janë të mirët’, atëherë të dyja sulmojnë Ilir Metën.
Domethënë, në atë kohë PD që humbi thoshte se i humbi nga Ilir Meta, se kishte këtë të korruptuarin, edhe Rama këtë tha që nuk ka qeverisur mirë nga Iliri. Kjo është dobësi e Ilirit, që mund të sakrifikohet nga kjo lojë politike. Tani është prishur sistemi, sidomos në zgjedhje, sepse kemi një që nuk e pranon rrotacionin me Ilirin, si shtyllë, tani e do gjithë tepsinë Edi Rama komplet. Sistemin e kanë ngritur të tre bashkë, as që diskutohet”, tha analisti./ CNA.al
