Connect with Us

‘Riciklimi’ i figurave brenda PD/ Basha lavde Edmond Spahos: Është ndryshimi që duan qytetarët e Korçës

Politikë

‘Riciklimi’ i figurave brenda PD/ Basha lavde Edmond Spahos: Është ndryshimi që duan qytetarët e Korçës

Publikuar

-

‘Riciklimi’ i figurave brenda PD/ Basha lavde Edmond Spahos: Është ndryshimi që duan qytetarët e Korçës

Kreu i PD-së, Lulzim Basha, ka qenë i ftuar pasditen e  sotme në “Kjo javë”, ku mes të tjerash është pyetur dhe për emërimin e Edmond Spahos në qarkun e Korçës.

Megjithëse një figurë jo e re, pasi ai ka qenë deputet i zgjedhur në vitin 2005 në një nga zonat e Korçës. Në vitin 2009 ka qenë pjesë e listës së PD, gjithashtu edhe në vitin 2013 ka qenë deputet i zgjedhur në qarkun e Korçës në listën e kësaj force politik, Basha tha se Spaho është ai që i duhet sërish Korçës.

‘Profesor Spaho është së pari një njëri i nderuar i botës akademike. Së dyti, është një bir i atij qarku, e njeh shumë mirë, ka bërë fushatë, është zgjedhur, i ka përfaqësuar kurrë s’ka qenë e mbyllur dera e tij, telefoni i tij për ata njerëz.

Vjen dhe ai si një konsensus jo vetëm i demokratëve Korçar por i gjithë banorëve të asaj zone nga Leskoviku dhe Erseka, nga qyteti i Korçës në Maliq, nga Pogradeci në Devoll kudo ka një konsensus se Edmond Spaho  nuk është thjesht dhe vetëm nën kryetari i Partisë Demokratike por është një figurë i një njeriu model, i një familjari model, i një qytetari model, një profesori dhe i një deputeti model dhe nesër së bashku me ekipin që do ta rrethojë do të garantoj që vullneti tashmë i ditur edhe i shumicës dërrmuese edhe i  qytetarëve Korçar për ndryshim të sjellë për ta ndryshimin që duan.

Atë ndryshim që duan qytetarët e Korçës që bijtë dhe bijat e tyre të mos vazhdojnë të emigrojnë masivisht por të kenë mundësi të hapin biznese dhe të kenë investime të huaja në qytetin e Korçës. Atë ndryshim që duan devollitët që mos ti hedhin qepët, patatet, fasulet, mollët në kanal por të kenë një rrjetë të thithjes dhe të përpunimit të produkteve të tyre. Atë ndryshim që do Maliqi, që do Erseka, që do Pogradeci që kjo trevë kaq e bukur të mos mjaftohet me fundjavën ku shkojnë sot shumica e atyre që kanë mundësi të paguajnë nga Tirana, po të kthehet në një qendër të krenarisë turistike, kulturore, kulinare për të gjithë rajonin.

LEXO EDHE:  Ish e përndjekura revoltohet me Bashën/ “E bëre PD-në parti kurvash dhe kurvarësh”

Dhe skuadra e drejtuar nga Edmond Spaho absolutisht është një garanci për të zhbërë 8 vite dështime që edhe në Korçë kanë  përqëndruar pasuritë në duart e një grupi shumë të ngushtë njerëzish dhe kanë varfëruar Korçarët dhe i kanë ulur kokën intelektualëve dhe qytetarëve të Korçës.’/CNA.al

 

Për të rejat më të fundit behuni pjesë e grupit tonë në facebook : City News Albania

Politikë

Demostrohet identifikimi elektronik i zgjedhësve ne Kukës/Celibashi:”Siguri për procesin zgjedhor”

Publikuar

-

Nga

Komisioneri Shtetëror i Zgjedhjeve, Ilirjan Celibashi ka njoftuar se ka nisur demostrimi i Identifikimit Elektronik të zgjedhësve në Kukës.

Nëpërmjet një postimi në rrjetin social Facebook, Celibashi theksoi se ky sistem është siguri për një proces zgjedhor të rregullt dhe të ndershëm dhe se është i thjeshtë në përdorim.

“ 𝐏𝐚𝐣𝐢𝐬𝐣𝐚 𝐞 𝐈𝐝𝐞𝐧𝐭𝐢𝐟𝐢k𝐢𝐦𝐢𝐭 𝐄𝐥𝐞𝐤𝐭𝐫𝐨𝐧𝐢𝐤, 𝐝𝐞𝐦𝐨𝐧𝐬𝐭𝐫𝐨𝐡𝐞𝐭 𝐧ë #𝐊𝐮𝐤ë𝐬. Për të prezantuar funksionalitetin e Pajisjes Elektronike të Identifikimit të zgjedhësve, u simulua procesi i votimit. Sistemi i Identifikimit Elektronik të zgjedhësve që do të përdoret në ditën e votimit është i thjeshtë në përdorim për votuesit dhe i sigurtë. Sistemi i Identifikimit Elektronik, siguri për një proces zgjedhor të rregullt dhe të ndershëm”, shkruan Celibashi./CNA.al

LEXO TE PLOTE

Politikë

Meta kercënon Ramën/ “Po dhunove zgjedhjet nuk do kesh vend ku të futesh

Publikuar

-

Nga

Meta del me mesazhin e fortë/ ‘Treni është nisur, mjerë ai që i del para’

Presidenti Ilir Meta gjatë takimit online me përfaqësuesit civilë tha se kushti kryesor për negociatat e integrimit në BE është që këto zgjedhje të jetë të lira dhe të ndershme. Ndër të tjera Meta tha se nësë Partia Socialiste do të fitojë pa prekur votën, ai do të japë dorëheqjen më 26 prill.

“Nëse kjo shumicë konfirmohet pa prekur votën, Presidenti jep dorëheqjen më 26 prill. Të jenë të qartë të gjithë, Presidenti do të shkojë në të gjithë Shqipërinë me këto mesazhe: Qytetarët duhet të ndërgjegjësohen se në demokraci, fuqia e tyre është vota.

Ta përdorin votën për të zgjedhur dhe për të ndëshkuar. Ta orientojnë votën e tyre tek kandidatët më me integritet. Për mua ka rëndësi të ringjallet besimi tek demokracia. Presidenti nuk do të fshihet kurrë nga një sfidë e madhe, angazhimi për të ndalur çdo përpjekje që synon të vrasë demokracinë.

Nuk i jam shmangur asnjëherë kësaj sfide, por ama që ti të dhunosh dhe njëherë popullin shqiptar, kushdo qofsh, kjo është një gjë që nuk ka më ku të shkojë e ku të rrijë, sepse e dimë më c’do të thotë të humbasë edhe njëherë Shqipëria” tha ai./ CNA.al

LEXO TE PLOTE

Politikë

Albin Kurti i thotë jo koalicionit me partitë shqiptare/”Kandidatët tanë të pavarur”

Publikuar

-

Nga

Kreu i Lëvizjes Vetëvendosja, Albin Kurti në fjalën e tij nga Gjirokastra, ku zyrtarizoi kandidimin në zgjedhjet e 25 prillit, hodhi poshtë mundësinë për koalicion me partitë e tjera në Shqipëri.

Ndër të tjera, Kurti, tha se kandidatët e LVV do të jenë të pavarur dhe se ka kërkuar angazhimin e tyre sepse Shqipëria ka nevojë për zhvillim që sjell punësim. Ai po ashtu deklaroi se ka patur takim me Edi Ramën, Ilir Metën dhe Lulëzim Bashën.

“Sot jemi këtu në Gjirokastër, tek vendi ku një javë pas ngritjes së flamurit nga Ismail Qemali në Vlorë, u ngrit edhe në Gjirokastër. Unë kam takuar dje të tre, edhe kryeministrin Edi Rama, edhe presidentin Meta, edhe kryetarin e PD, Basha. Janë tre kandidatë të pavarur që ne i mbështesim. Kreshnik Merxhani në Gjirokastër, Boiken Abazi në Tiranë dhe Iljaz Shehu në Lezhë. Duam të angazhohen sepse Shqipëria ka nevojë për zhvillim që sjell punësim” -tha Kurti./CNA.al

LEXO TE PLOTE