Sport
Kukësi godet në merkato, firmos me një mbrojtës
Kukësi konfirmon se ka firmosur sot me mbrojtësin lituanez Rolandas Baravikas. Klubi verilindor ka arritur të sigurojë përfundimisht 25-vjeçarin nga Lituania, i cili tashmë do t’i vihet nën dispozicion trajnerit Rrahman Hallaçi.
Në faqen zyrtare, klubi verilindor konfirmon se Baravikas ka firmosur për një 1 vit e gjysmë.
Afrimi i tij konsiderohet i rëndësishëm për prapavijën e Kukësit, repart ku kanë vuajtur shumë ndeshjet e fundit. Ky është dhe afrimi i parë i klubit për merkaton e janarit.
Seria A
Milan-Udinese, publikohen formacionet zyrtare
Në orën 20:45 do të startojë sfida Milan-Udineze, e vlefshme për javën e 25 të Serisë A italiane.
Në këtë sfidë skuadra e Stefano Piolit vjen pas fitores së rëndësishme ndaj Romës në transfertë, ku kuqezinjtë dëshirojnë një tjetër sukses për të vijuar me rezultatet pozitive dhe për të krijuar vazhdimësinë që kishte në javët e kaluara.
Milani vjen me mungesa të rëndësishme në këtë takim ku mungon Ibrahimoviç për arsye dëmtimi dhe për arsye të pjesëmarrjes së tij në Sanremo, Mario Manxukiç, Benaser dhe Çalhanollu të cilët janë të dëmtuar.
FORMACIONET ZYRTARE
MILAN – (4-2-3-1): Donaruma; Kalulu, Kjaer, Romanjoli, Teo Hernandez; Tonali, Kesi; Kastijeho, Brahim Diaz, Rebiç; Leao. Trajner: Stefano Pioli.
UDINEZE – (3-5-1-1): Muso; Bekao, Bonifazi, Nojtik; Molina, De Pol, Makengo, Arslan, Zigelar; Perejra; Nestorovski. Trajner: Luka Goti.
Sport
“Tërbohet” Safet Gjici: Turp i madh, Laçi nuk fitonte kurrë ndaj nesh
Safet Gjici ka shpërthyer ndaj arbitrit Klajdi Kola, pas humbjes 1-2 ndaj Laçit në “Elbasan Arena”. Në një deklaratë ekskluzive për “Panorama Sport”, presidenti i nderit të skuadrës verilindore, ndër të tjera u shpreh:
“A e patë ju çfarë arbitrimi që bëri ai? Çfarë penalltie të turpshme dha? Shumë turp! Po tendencioze është se nuk ka rrugë tjetër. S’ka kuptim tjetër. Nuk është hera e parë.
Pa diskutim që do të fitonim. Ju e patë se çfarë loje kishte Laçi dhe çfarë loje bëmë ne. Arbitri, çdo lloj faulli e jepte atje ku rrezikohej që ne të bënim gol. Turpi më i madh është për penalltinë. Është një turp”, deklaroi Gjici.
Sport
Zbulohet axhenda/ Spikasin 2 supersfida, ja kur do të luhet java e 23-të e Kategorisë Superiore
Kategoria Superiore do të rikthehet ditën e diel, ku janë planifikuar të zhvillohen 3 sfidat e vlefshme për javën e 23-të. Spikat dueli mes Partizanit dhe Skënderbeut që do të zhvillohet në orën 16:00, teksa në orë 13:00 do të luhen 2 sfidat e tjera, ato mes Kastriotit dhe Tiranës si dhe Bylis-Teuta.
Kjo javë do të mbyllë siparin ditën e hënë me 2 sfidat interesante. Në orë 13:00 luhet takimi mes Laçit dhe Apolonisë, ndërkohë që në orën 16:00, është planifikuar të zhvillohet përballja mes Vllaznisë dhe Kukësit.
Java 23 (7-8 mars)
Të dielën
Bylisi-Teuta 13:00
Kastrioti-Tirana 13:00
Partizani-Skënderbeu 16:00
Të hënën
Laçi-Apolonia 13:00
Vllaznia-Kukësi 16:00
