Aktualitet
Zjarr në një banesë në Tiranë/ Policia zjarrëfikësja në vendngjarje
Një banesë në Tiranë është shkrumbuar nga flakët pak minuta më parë.
Sipas njoftimit të policisë, zjarri ka rënë në një banesë në rrugën “Mikel Maruli”, ku si pasojë ka vetëm dëme materiale.
Ndërkohë që në vendngjarje kanë mbëritur forcat zjarrëfikëse, të cilat kanë arritur të vënë nën kontroll flakët, ndërkohë që grupi hetimor po punon për zbardhjen e shkaqeve të rënies së zjarrit.
“Me datë 21.01.2020, rreth orës 23:00, në rrugën “Mikel Maruli”, ka rënë zjarr në një banesë, ku ka vetëm dëme materiale.
Sherbimet e Policisë kanë bërë të mundur evakuimin e banorëve dhe nuk ka rrezik për ta. Zjarrfiksja ndodhet në vendngjarje dhe po bënë të mundur fikjen e zjarrit.
Vijon puna me grupin hetimor për zbardhjen e shkaqeve të rënies së zjarrit”, thuhet në njoftimin e Policisë./CNA.al
Kronika
Shpërthim tritoli në Fushë Krujë
Një shpërthim me tritol është raportuar mbrëmjen e sotme në nje banese në Fushë-Krujë qe i perket vellait te Enver Stafukes.
Sipas BW mësohet se është vendosur tritol në derën e shtëpisë së Naim Stafukës, vëllait të Enver Stafukës, i cili rezulton i zhdukur prej disa vitesh.
Po ashtu mësohet se ka pasur 200 gram tritol dhe vetëm dëme materiale.
Ndërkohë që nga ana e policisë nuk ka ende një njoftim të plotë për ngjarjen./CNA.al
Politikë
Nga protesta e 8 janarit tek pjesëmarrja në zgjedhje/ Këlliçi: Betejën e demokratëve nuk e zhbën askush
Deputeti Belind Këlliçi, njëherësh anëtar i Komisionit të Rithemelimit ka folur për aksionin opozitar, për protestën e 8 janarit para selisë së PD dhe pjesëmarrjen në zgjedhjet e pjesshme të 6 marsit.
Në një intervistë për emisionin Zonë e Lirë në Tv Klan, Këlliçi deklaroi se policia e Edi Ramës ka marrë në mbrojtje kryetarin e shkarkuar të PD Lulzim Basha, ndërsa shton se betejën e demokratëve nuk e zhbën dot askush.
“Policia është e Edi Ramës. Pas 8 janarit, policia ka dalë në mbrojtje të Lulzim Bashës. Jo amerika, po asnjë diplomat nuk e zhbën dot betejën e demokratëve. Ai vajti në takim dhe nuk ka pasur asnjë prononcim pas takimit. Në nivele të larta, pas takimit ka një prononcim”, tha Këlliçi.
Deputeti demokrat ka folur edhe për vendimin e DASH për shpalljen non grata të ish kryeministrit Sali Berisha, ku sipas tij nuk ka asnjë dosje konkrete. Këlliçi thotë se nëse ekziston një e tillë, i fton diplomatët e huaj ti paraqesin këto prova.
“Nuk ka më mirë se vota. Në 6 mars është vota. Votat do numërohen nga komisionerët brenda. Nuk ndodh që PS të votojë për Bashën. Edi Rama do shkoj të garojë në Bashkinë e Shkodrës dhe do marrë humbjen përballë nesh. Ka një procedurë se dhe gjuha është e kujdesshme kur përdoret. I gjithë problemi është këtu. Çfarë lloj dokumenti kanë e ta bëjnë publike dhe jemi gati për çdo gjë. Zotëria e ka ccuar në gjyq në Paris për shpifje sekretarin e shtetit. Duhet të jenë vetë shqiptarët që të vendosin në ccështjet e tyre të brendshme. Në këto katër muaj kemi një situatë të paimagjinueshme”, tha ai./E.K-CNA.al
Politikë
Këlliçi: Nuk ka amerikan në botë që pranon bunkerizimin e një partie!
Deputeti i PD, Belind Këlliçi është ndalur tek protesta e 8 janarit në selinë blu.
Sipas Këlliçit nga 8 janari administratori i godinës së PD, është Edi Rama. Ndërkohë ai theksoi se “nuk ka amerikan në botë që pranon bunkerizimin e një partie”.
Më tej Këlliçi kujtoi edhe vjedhjen në zyrën e tij, teksa tha se ende nuk ka një përgjigje nga policia edhe pse ka kaluar mbi një muaj.
“Unë sot kam një kartë deputeti me të cilën lejohet të futem në çdo institucion të Republikes. I vetmi institucion ku nuk lejohem është selia e PD. Kam bërë kallëzim për vjedhjen e zyrës sime, ka kaluar një muaj e ca e nuk kam asnjë përgjigje. Kur nuk kam marrë unë asnjë reagim që jam deputet, imagjino çfarë bëhet me qytetarët e thjeshtë”, tha Këlliçi.
