Politikë
Xhaçka me ambasadorët e vendeve të BE në Shqipëri: Pozitivë për miratimin e kornizës negociuese
Ministrja për Evropën dhe Punët e Jashtme, Olta Xhaçka, ka zhvilluar një mbledhje virtuale me drejtuesit e misioneve të vendeve të Bashkimit Evropian në Shqipëri.
Xhaçka dhe ambasadorët shkëmbyen pikëpamjet e tyre lidhur me këtë vit vendimtar për integrimin e Shqipërisë në BE duke e cilësuar 2021 si një vit vendimtar për Shqipërinë. Në bisedën me diplomatët ndërkombëtarë kryediplomatja shqiptare deklaroi se e ardhmja e Ballkanit Perëndimor është në BE, duke theksuar se Shqipëria i ka plotësuar tashmë të gjitha kushtet e parashtruara.
Ministrja Xhaçka theksoi bashkëpunimin e ngushtë me përfaqësuesit e BE në Shqipëri për të vendosur sa më parë mbi kornizën negociuese dhe Konferencën e parë Ndërqeveritare Shqipëri./CNA.al
Politikë
Demostrohet identifikimi elektronik i zgjedhësve ne Kukës/Celibashi:”Siguri për procesin zgjedhor”
Komisioneri Shtetëror i Zgjedhjeve, Ilirjan Celibashi ka njoftuar se ka nisur demostrimi i Identifikimit Elektronik të zgjedhësve në Kukës.
Nëpërmjet një postimi në rrjetin social Facebook, Celibashi theksoi se ky sistem është siguri për një proces zgjedhor të rregullt dhe të ndershëm dhe se është i thjeshtë në përdorim.
“ 𝐏𝐚𝐣𝐢𝐬𝐣𝐚 𝐞 𝐈𝐝𝐞𝐧𝐭𝐢𝐟𝐢k𝐢𝐦𝐢𝐭 𝐄𝐥𝐞𝐤𝐭𝐫𝐨𝐧𝐢𝐤, 𝐝𝐞𝐦𝐨𝐧𝐬𝐭𝐫𝐨𝐡𝐞𝐭 𝐧ë #𝐊𝐮𝐤ë𝐬. Për të prezantuar funksionalitetin e Pajisjes Elektronike të Identifikimit të zgjedhësve, u simulua procesi i votimit. Sistemi i Identifikimit Elektronik të zgjedhësve që do të përdoret në ditën e votimit është i thjeshtë në përdorim për votuesit dhe i sigurtë. Sistemi i Identifikimit Elektronik, siguri për një proces zgjedhor të rregullt dhe të ndershëm”, shkruan Celibashi./CNA.al
Politikë
Meta kercënon Ramën/ “Po dhunove zgjedhjet nuk do kesh vend ku të futesh
Presidenti Ilir Meta gjatë takimit online me përfaqësuesit civilë tha se kushti kryesor për negociatat e integrimit në BE është që këto zgjedhje të jetë të lira dhe të ndershme. Ndër të tjera Meta tha se nësë Partia Socialiste do të fitojë pa prekur votën, ai do të japë dorëheqjen më 26 prill.
“Nëse kjo shumicë konfirmohet pa prekur votën, Presidenti jep dorëheqjen më 26 prill. Të jenë të qartë të gjithë, Presidenti do të shkojë në të gjithë Shqipërinë me këto mesazhe: Qytetarët duhet të ndërgjegjësohen se në demokraci, fuqia e tyre është vota.
Ta përdorin votën për të zgjedhur dhe për të ndëshkuar. Ta orientojnë votën e tyre tek kandidatët më me integritet. Për mua ka rëndësi të ringjallet besimi tek demokracia. Presidenti nuk do të fshihet kurrë nga një sfidë e madhe, angazhimi për të ndalur çdo përpjekje që synon të vrasë demokracinë.
Nuk i jam shmangur asnjëherë kësaj sfide, por ama që ti të dhunosh dhe njëherë popullin shqiptar, kushdo qofsh, kjo është një gjë që nuk ka më ku të shkojë e ku të rrijë, sepse e dimë më c’do të thotë të humbasë edhe njëherë Shqipëria” tha ai./ CNA.al
Politikë
Albin Kurti i thotë jo koalicionit me partitë shqiptare/”Kandidatët tanë të pavarur”
Kreu i Lëvizjes Vetëvendosja, Albin Kurti në fjalën e tij nga Gjirokastra, ku zyrtarizoi kandidimin në zgjedhjet e 25 prillit, hodhi poshtë mundësinë për koalicion me partitë e tjera në Shqipëri.
Ndër të tjera, Kurti, tha se kandidatët e LVV do të jenë të pavarur dhe se ka kërkuar angazhimin e tyre sepse Shqipëria ka nevojë për zhvillim që sjell punësim. Ai po ashtu deklaroi se ka patur takim me Edi Ramën, Ilir Metën dhe Lulëzim Bashën.
“Sot jemi këtu në Gjirokastër, tek vendi ku një javë pas ngritjes së flamurit nga Ismail Qemali në Vlorë, u ngrit edhe në Gjirokastër. Unë kam takuar dje të tre, edhe kryeministrin Edi Rama, edhe presidentin Meta, edhe kryetarin e PD, Basha. Janë tre kandidatë të pavarur që ne i mbështesim. Kreshnik Merxhani në Gjirokastër, Boiken Abazi në Tiranë dhe Iljaz Shehu në Lezhë. Duam të angazhohen sepse Shqipëria ka nevojë për zhvillim që sjell punësim” -tha Kurti./CNA.al
